Utshovসর্গ 81
81.1
বিজ্ঞায় তু মনস্তস্য রাঘবস্য মহাত্মনঃ।
সন্নিবৃত্যাহবাত্তস্মাৎ সংবিবেশ পুরং ততঃ ।। ৬.৮১.১ ।।
81.2
সো ঽনুস্মৃত্য বধং তেষাং রাক্ষসানাং তরস্বিনাম্।
ক্রোধতাম্রেক্ষণঃ শূরো নির্জগাম মহাদ্যুতিঃ ।। ৬.৮১.২ ।।
81.3
স পশ্চিমেন দ্বারেণ নির্যয়ৌ রাক্ষসৈর্বৃতঃ।
ইন্দ্রজিত্তু মহাবীর্যঃ পৌলস্ত্যো দেবকণ্টকঃ ।। ৬.৮১.৩ ।।
81.4
ইন্দ্রজিত্তু ততো দৃষ্ট্বা ভ্রাতরৌ রামলক্ষ্মণৌ।
রণায়াভ্যুদ্যতৌ বীরৌ মায়াং প্রাদুষ্করোত্তদা ।। ৬.৮১.৪ ।।
81.5
ইন্দ্রজিত্তু রথে স্থাপ্য সীতাং মায়াময়ীং ততঃ।
বলেন মহতা ঽ ঽবৃত্য তস্যা বধমরোচয়ৎ ।। ৬.৮১.৫ ।।
81.6
মোহনার্থং তু সর্বেষাং বুদ্ধিং কৃত্বা সুদুর্মতিঃ।
হন্তুং সীতাং ব্যবসিতো বানরাভিমুখো যয়ৌ ।। ৬.৮১.৬ ।।
81.7
তং দৃষ্ট্বা ত্বভিনির্যান্তং নগর্যাঃ কাননৌকসঃ।
উত্পেতুরভিসঙ্ক্রুদ্ধাঃ শিলাহস্তা যুয়ুত্সবঃ ।। ৬.৮১.৭ ।।
81.8
হনুমান্ পুরতস্তেষাং জগাম কপিকুঞ্জরঃ।
প্রগৃহ্য সুমহচ্ছৃঙ্গং পর্বতস্য দুরাসদম্ ।। ৬.৮১.৮ ।।
81.9
স দদর্শ হতানন্দাং সীতামিন্দ্রজিতো রথে।
একবেণীধরাং দীনামুপবাসকৃশাননাম্ ।। ৬.৮১.৯ ।।
81.10
পরিক্লিষ্টৈকবসনামমৃজাং রাঘবপ্রিয়াম্।
রজোমলাভ্যামালিপ্তৈঃ সর্বগাত্রৈর্বরস্ত্রিয়ম্ ।। ৬.৮১.১০ ।।
81.11
তাং নিরীক্ষ্য মুহূর্তং তু মৈথিলীত্যধ্যবস্য তু।
বভূবাচিরদৃষ্টা হি তেন সা জনকাত্মজা ।। ৬.৮১.১১ ।।
81.12
তাং দীনাং মলদিগ্ধাঙ্গীং রথস্থাং দৃশ্য মৈথিলীম্।
বাষ্পপর্যাকুলমুখো হনুমান্ ব্যথিতো ঽভবৎ ।। ৬.৮১.১২ ।।
81.13
অব্রবীত্তাং তু শোকার্তাং নিরানন্দাং তপস্বিনীম্।
সীতাং রথস্থিতাং দৃষ্ট্বা রাক্ষসেন্দ্রসুতাশ্রিতাম্।কিং সমর্থিতমস্যেতি চিন্তয়ন্ স মহাকপিঃ ।। ৬.৮১.১৩ ।।
81.14
সহ তৈর্বানরশ্রেষ্ঠৈরভ্যধাবত রাবণিম্ ।
। ৬.৮১.১৪ ।।
81.15
তদ্বানরবলং দৃষ্ট্বা রাবণিঃ ক্রোধমূর্চ্ছিতঃ।
কৃত্বা বিকোশং নিস্ত্রিংশং মূর্ধ্নি সীতাং পরামৃশৎ ।। ৬.৮১.১৫ ।।
81.16
তাং স্ত্রিয়ং পশ্যতাং তেষাং তাডয়ামাস রাবণিঃ।
ক্রোশন্তীং রাম রামেতি মায়য়া যোজিতাং রথে ।। ৬.৮১.১৬ ।।
81.17
গৃহীতমূর্ধজাং দৃষ্ট্বা হনুমান্ দৈন্যমাগতঃ।
শোকজং বারি নৈত্রাভ্যামসৃজন্মারুতাত্মজঃ ।। ৬.৮১.১৭ ।।
81.18
তাং দৃষ্ট্বা চারুসর্বাঙ্গীং রামস্য মহিষীং প্রিয়াম্।
অব্রবীৎ পরুষং বাক্যং ক্রোধাদ্রক্ষোধিপাত্মজম্ ।। ৬.৮১.১৮ ।।
81.19
দুরাত্মন্নাত্মনাশায় কেশপক্ষে পরামৃশঃ।
ব্রহ্মর্ষীণাং কুলে জাতো রাক্ষসীং যোনিমাশ্রিতঃ ।। ৬.৮১.১৯ ।।
81.20
ধিক্ ত্বাং পাপসমাচারং যস্য তে মতিরীদৃশী ।
। ৬.৮১.২০ ।।
81.21
নৃশংসানার্য দুর্বৃত্ত ক্ষুদ্র পাপপরাক্রম।
অনার্যস্যেদৃশং কর্ম ঘৃণা তে নাস্তি নির্ঘৃণ ।। ৬.৮১.২১ ।।
81.22
চ্যুতা গৃহাচ্চ রাজ্যাচ্চ রামহস্তাচ্চ মৈথিলী।
কিং তবৈষা ঽপরাদ্ধা হি যদেনাং হন্তুমিচ্ছসি ।। ৬.৮১.২২ ।।
81.23
সীতাং চ হত্বা ন চিরং জীবিষ্যসি কথঞ্চন।
বধার্হ কর্মণা ঽনেন মম হস্তগতো হ্যসি ।। ৬.৮১.২৩ ।।
81.24
যে চ স্ত্রীঘাতিনাং লোকা লোকবধ্যেষু কুত্সিতাঃ।
ইহ জিবিতমুত্সৃজ্য প্রেত্য তান্ প্রতিপত্স্যসে ।। ৬.৮১.২৪ ।।
81.25
ইতি ব্রুবাণো হনুমান্ সায়ুধৈর্হরিভির্বৃতঃ।
অভ্যধাবত সঙ্ক্রুদ্ধো রাক্ষসেন্দ্রসুতং প্রতি ।। ৬.৮১.২৫ ।।
81.26
আপতন্তং মহাবীর্যং তদনীকং বনৌকসাম্।
রক্ষসাং ভীমবেগানামনীকং তু ন্যবারয়ৎ ।। ৬.৮১.২৬ ।।
81.27
স তাং বাণসহস্রেণ বিক্ষোভ্য হরিবাহিনীম্।
হরিশ্রেষ্ঠং হনূমন্তমিন্দ্রজিৎ প্রত্যুবাচ হ ।। ৬.৮১.২৭ ।।
81.28
সুগ্রীবস্ত্বং চ রামশ্চ যন্নিমিত্তমিহাগতাঃ।
তাং হনিষ্যামি বৈদেহীমদ্যৈব তব পশ্যতঃ ।। ৬.৮১.২৮ ।।
81.29
ইমাং হত্বা ততো রামং লক্ষ্মণং ত্বাং চ বানর।
সুগ্রীবং চ বধিষ্যামি তং চানার্যং বিভীষণম্ ।। ৬.৮১.২৯ ।।
81.30
ন হন্তব্যাঃ স্ত্রিয়শ্চেতি যদ্ব্রবীষি প্লবঙ্গম।
পীডাকরমমিত্রাণাং যৎ স্যাৎ কর্তব্যমেব তৎ ।। ৬.৮১.৩০ ।।
81.31
তমেবমুক্ত্বা রুদতীং সীতাং মায়াময়ীং তদা।
শিতধারেণ খড্গেন নিজঘানেন্দ্রজিৎ স্বয়ম্ ।। ৬.৮১.৩১ ।।
81.32
যজ্ঞোপবীতমার্গেণ ভিন্না তেন তপস্বিনী।
সা পৃথিব্যাং পৃথুশ্রোণী পপাত প্রিয়দর্শনা।তামিন্দ্রজিত্স্বয়ং হত্বা হনুমন্তমুবাচ হ ।। ৬.৮১.৩২ ।।
81.33
ময়া রামস্য পশ্যেমাং কোপেন চ নিষূদিতাম্।
এষা বিশস্তা বৈদেহী বিফলো বঃ পরিশ্রমঃ ।। ৬.৮১.৩৩ ।।
81.34
ততঃ খড্গেন মহতা হত্বা তামিন্দ্রিজিৎ স্বয়ম্।
হৃষ্টঃ স রথমাস্থায় বিননাদ মহাস্বনম্ ।। ৬.৮১.৩৪ ।।
81.35
বানরাঃ শুশ্রুবুঃ শব্দমদূরে প্রত্যবস্থিতাঃ।
ব্যাদিতাস্যস্য নদতস্তহুর্গং সংশ্রিতস্য চ ।। ৬.৮১.৩৫ ।।
81.36
তথা তু সীতাং বিনিহত্য দুর্মতিঃ প্রহৃষ্টচেতাঃ স বভূব রাবণিঃ।
তং হৃষ্টরূপং সমুদীক্ষ্য বানরা বিষণ্ণরূপাঃ সহসা প্রদুদ্রুবুঃ ।। ৬.৮১.৩৬ ।।
81.37
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে একাশীতিতমঃ সর্গঃ ।
। ৮১ ।।