Utshovসর্গ 76
76.1
প্রবৃত্তে সঙ্কুলে তস্মিন্ ঘোরে বীরজনক্ষয়ে।
অঙ্গদঃ কম্পনং বীরমাসসাদ রণোত্সুকঃ ।। ৬.৭৬.১ ।।
76.2
আহূয় সো ঽঙ্গদং কোপাৎ তাডয়ামাস বেগিতঃ।
গদয়া কম্পনঃ পূর্বং স চচাল ভৃশাহতঃ ।। ৬.৭৬.২ ।।
76.3
স সঞ্জ্ঞাং প্রাপ্য তেজস্বী চিক্ষেপ শিখরং গিরেঃ।
অর্দিতশ্চ প্রহারেণ কম্পনঃ পতিতো ভুবি ।। ৬.৭৬.৩ ।।
76.4
ততস্তু কম্পনং দৃষ্ট্বা শোণিতাক্ষো হতং রণে।
রথেনাভ্যপতৎ ক্ষিপ্রং তত্রাঙ্গদমভীতবৎ ।। ৬.৭৬.৪ ।।
76.5
সো ঽঙ্গদং নিশিতৈর্বাণৈস্তদা বিব্যাধ বেগিতঃ।
শরীরদারণৈস্তীক্ষ্ণৈঃ কালাগ্নিসমবিগ্রহৈঃ ।। ৬.৭৬.৫ ।।
76.6
ক্ষুরক্ষুরপ্রৈর্নারাচৈর্বত্সদন্তৈঃ শিলীমুখৈঃ।
কর্ণিশল্যবিপাঠৈশ্চ বহুভির্নিশিতৈঃ শরৈঃ ।। ৬.৭৬.৬ ।।
76.7
অঙ্গদঃ প্রতিবিদ্ধাঙ্গো বালিপুত্রঃ প্রতাপবান্।
ধনুরগ্র্যং রথং বাণান্ মমর্দ তরসা বলী ।। ৬.৭৬.৭ ।।
76.8
শোণিতাক্ষস্ততঃ ক্ষিপ্রমসিচর্ম সমাদদে।
উত্পপাত দিবং ক্রুদ্ধো বেগবানবিচারয়ন্ ।। ৬.৭৬.৮ ।।
76.9
তং ক্ষিপ্রতরমাপ্লুত্য পরামৃশ্যাঙ্গদো বলী।
করেণ তস্য তং খড্গং সমাচ্ছিদ্য ননাদ চ ।। ৬.৭৬.৯ ।।
76.10
তস্যাংসফলকে খড্গং নিজঘান ততো ঽঙ্গদঃ।
যজ্ঞোপবীতবচ্চৈনং চিচ্ছেদ কপিকুঞ্জরঃ ।। ৬.৭৬.১০ ।।
76.11
তং প্রগৃহ্য মহাখড্গং বিনদ্য চ পুনঃপুনঃ।
বালিপুত্রো ঽভিদুদ্রাব রণশীর্ষে পরানরীন্ ।। ৬.৭৬.১১ ।।
76.12
আয়সীং তু গদাং বীরঃ প্রগৃহ্য কনকাঙ্গদঃ।
শোণিতাক্ষঃ সমাবিধ্য তমেবানুপপাত হ ।। ৬.৭৬.১২ ।।
76.13
প্রজঙ্ঘসহিতো বীরো যূপাক্ষস্তু ততো বলী।
রথেনাভিয়য়ৌ ক্রুদ্ধো বালিপুত্রং মহাবলম্ ।। ৬.৭৬.১৩ ।।
76.14
তয়োর্মধ্যে কপিশ্রেষ্ঠঃ শোণিতাক্ষপ্রজঙ্ঘয়োঃ।
বিশাখয়োর্মধ্যগতঃ পূর্ণচন্দ্র ইবাভবৎ ।। ৬.৭৬.১৪ ।।
76.15
অঙ্গদং পরিরক্ষান্তৌ মৈন্দো দ্বিবিদ এব চ।
তস্য তস্থাতুরভ্যাশে পরস্পরদিদৃক্ষয়া ।। ৬.৭৬.১৫ ।।
76.16
অভিপেতুর্মহাকায়াঃ প্রতিয়ত্তা মহাবলাঃ।
রাক্ষসা বানরান্ রোষাদসিচর্মগদাধরাঃ ।। ৬.৭৬.১৬ ।।
76.17
ত্রয়াণাং বানরেন্দ্রাণাং ত্রিভী রাক্ষসপুঙ্গবৈঃ।
সংসক্তানাং মহদ্যুদ্ধমভবদ্রোমহর্ষণম্ ।। ৬.৭৬.১৭ ।।
76.18
তে তু বৃক্ষান্ সমাদায় সম্প্রচিক্ষিপুরাহবে।
খড্গেন প্রতিচিচ্ছেদ তান্ প্রজঙ্ঘো মহাবলঃ ।। ৬.৭৬.১৮ ।।
76.19
রথানশ্বান্ দ্রুমৈঃ শৈলৈস্তে প্রচিক্ষিপুরাহবে।
শরৌধৈঃ প্রতিচিচ্ছেদ তান্ যূপাক্ষো নিশাচরঃ ।। ৬.৭৬.১৯ ।।
76.20
সৃষ্টান্ দ্বিবিদমৈন্দাভ্যাং দ্রুমানুত্পাট্য বীর্যবান্।
বভঞ্জ গদয়া মধ্যে শোণিতাক্ষঃ প্রতাপবান্ ।। ৬.৭৬.২০ ।।
76.21
উদ্যম্য বিপুলং খড্গং পরমর্মনিকৃন্তনম্।
প্রজঙ্ঘো বালিপুত্রায় অভিদুদ্রাব বেগিতঃ ।। ৬.৭৬.২১ ।।
76.22
তমভ্যাশগতং দৃষ্ট্বা বানরেন্দ্রো মহাবলঃ।
আজঘানাশ্বকর্ণেন দ্রুমেণাতিবলস্তদা ।। ৬.৭৬.২২ ।।
76.23
বাহুং চাস্য সনিস্ত্রিংশমাজঘান স মুষ্টিনা।
বালিপুত্রস্য ঘাতেন স পপাত ক্ষিতাবসিঃ ।। ৬.৭৬.২৩ ।।
76.24
তং দৃষ্ট্বা পতিতং ভূমৌ খড্গমুত্পলসন্নিভম্।
মুষ্টিং সংবর্তয়ামাস বজ্রকল্পং মহাবলঃ ।। ৬.৭৬.২৪ ।।
76.25
ললাটে স মহাবীর্যমঙ্গদং বানরর্ষভম্।
আজঘান মহাতেজাঃ স মুহূর্তং চচাল হ ।। ৬.৭৬.২৫ ।।
76.26
স সঞ্জ্ঞাং প্রাপ্য তেজস্বী বালিপুত্রঃ প্রতাপবান্।
প্রজঙ্ঘস্য শিরঃ কায়াৎ খড্গেনাপাতয়ৎ ক্ষিতৌ ।। ৬.৭৬.২৬ ।।
76.27
স যূপাক্ষো ঽশ্রুপূর্ণাক্ষঃ পিতৃব্যে নিহতে রণে।
অবরুহ্য রথাৎ ক্ষিপ্রং ক্ষীণেষুঃ খড্গমাদদে ।। ৬.৭৬.২৭ ।।
76.28
তমাপতন্তং সম্প্রেক্ষ্য যূপাক্ষং দ্বিবিদস্ত্বরন্।
আজঘানোরসি ক্রুদ্ধো জাগ্রাহ চ বলাদ্বলী ।। ৬.৭৬.২৮ ।।
76.29
গৃহীতং ভ্রাতরং দৃষ্ট্বা শোণিতাক্ষো মহাবলঃ।
আজঘান গদাগ্রেণ বক্ষসি দ্বিবিদং ততঃ ।। ৬.৭৬.২৯ ।।
76.30
স গদাভিহতস্তেন চচাল চ মহাবলঃ।
উদ্যতাং চ পুনস্তস্য জহার দ্বিবিদো গদাম্ ।। ৬.৭৬.৩০ ।।
76.31
এতস্মিন্নন্তরে বীরো মৈন্দো বানরয়ূথপঃ।
যূপাক্ষং তাডয়ামাস তলেনোরসি বীর্যবান্ ।। ৬.৭৬.৩১ ।।
76.32
তৌ শোণিতাক্ষয়ূপাক্ষৌ প্লবঙ্গাভ্যাং তরস্বিনৌ।
চক্রুতুঃ সমরে তীব্রমাকর্ষোত্পাটনং ভৃশম্ ।। ৬.৭৬.৩২ ।।
76.33
দ্বিবিদঃ শোণিতাক্ষং তু বিদদার নখৈর্মুখে।
নিষ্পিপেষ চ বগেন ক্ষিতাবাবিধ্য বীর্যবান্ ।। ৬.৭৬.৩৩ ।।
76.34
যূপাক্ষমপি সঙ্ক্রুদ্ধো মৈন্দো বানরয়ূথপঃ।
পীডয়ামাস বাহুভ্যাং স পপাত হতঃ ক্ষিতৌ ।। ৬.৭৬.৩৪ ।।
76.35
হতপ্রবীরা ব্যথিতা রাক্ষসেন্দ্রচমূস্তদা।
জগামাভিমুখী সা তু কুম্ভকর্ণসুতো যতঃ ।। ৬.৭৬.৩৫ ।।
76.36
আপতন্তীং চ বেগেন কুম্ভস্তাং সান্ত্বয়চ্চমূম্ ।
। ৬.৭৬.৩৬ ।।
76.37
অথোত্কৃষ্টং মহাবীর্যৈর্লব্ধলক্ষৈঃ প্লবঙ্গমৈঃ।
নিপাতিতমহাবীরাং দৃষ্ট্বা রক্ষশ্চমূং ততঃ।কুম্ভঃ প্রচক্রে তেজস্বী রণে কর্ম সুদুষ্করম্ ।। ৬.৭৬.৩৭ ।।
76.38
স ধনুর্ধন্বিনাং শ্রেষ্ঠঃ প্রগৃহ্য সুসমাহিতঃ।
মুমোচাশীবিষপ্রখ্যান্ শরান্ দেহবিদারণান্ ।। ৬.৭৬.৩৮ ।।
76.39
তস্য তচ্ছুশুভে ভূয়ঃ সশরং ধনুরুত্তমম্।
বিদ্যুদৈরাবতার্চিষ্মাদ্দ্বিতীয়েন্দ্রধনুর্যথা ।। ৬.৭৬.৩৯ ।।
76.40
আকর্ণাকৃষ্টমুক্তেন জঘান দ্বিবিদং তদা।
তেন হাটকপুঙ্খেন পত্রিণা পত্রবাসসা ।। ৬.৭৬.৪০ ।।
76.41
সহসা ঽভিহতস্তেন বিপ্রমুক্তপদঃ স্ফুরন্।
নিপপাতাদ্রিকূটাভো বিহ্বলঃ প্লবগোত্তমঃ ।। ৬.৭৬.৪১ ।।
76.42
মৈন্দস্তু ভ্রাতরং দৃষ্ট্বা ভগ্নং তত্র মহাহবে।
অভিদুদ্রাব বেগেন প্রগৃহ্য মহতীং শিলাম্ ।। ৬.৭৬.৪২ ।।
76.43
তাং শিলাং তু প্রচিক্ষেপ রাক্ষসায় মহাবলঃ।
বিভেদ তাং শিলাং কুম্ভঃ প্রসন্নৈঃ পঞ্চভিঃ শরৈঃ ।। ৬.৭৬.৪৩ ।।
76.44
সন্ধায় চান্যং সুমুখং শরমাসীবিষোপমম্।
আজঘান মহাতেজা বক্ষসি দ্বিবিদাগ্রজম্ ।। ৬.৭৬.৪৪ ।।
76.45
স তু তেন প্রহারেণ মৈন্দো বানরয়ূথপঃ।
মর্মণ্যভিহতস্তেন পপাত ভুবি মূর্চ্ছিতঃ ।। ৬.৭৬.৪৫ ।।
76.46
অঙ্গদো মাতুলৌ দৃষ্ট্বা পতিতৌ তু মহাবলৌ।
অভিদুদ্রাব বেগেন কুম্ভমদ্যুতকার্মুকম্ ।। ৬.৭৬.৪৬ ।।
76.47
তমাপতন্তং বিব্যাধ কুম্ভঃ পঞ্চভিরায়সৈঃ।
ত্রিভিশ্চান্যৈঃ শিতৈর্বাণৈর্মাতঙ্গমিব তোমরৈঃ ।। ৬.৭৬.৪৭ ।।
76.48
সো ঽঙ্গদং বিবিধৈর্বাণৈঃ কুম্ভো বিব্যাধ বীর্যবান্।
অকুণ্ঠধারৈর্নিশিতৈস্তীক্ষ্ণৈঃ কনকভূষণৈঃ ।। ৬.৭৬.৪৮ ।।
76.49
অঙ্গদঃ প্রতিবিদ্ধাঙ্গো বালিপুত্রো ন কম্পতে।
শিলাপাদপবর্ষাণি তস্য মূর্ধ্নি ববর্ষ হ ।। ৬.৭৬.৪৯ ।।
76.50
স প্রচিচ্ছেদ তান্ সর্বান্ বিভেদ চ পুনঃ শিলাঃ।
কুম্ভকর্ণাত্মজঃ শ্রীমান্ বালিপুত্রসমীরিতান্ ।। ৬.৭৬.৫০ ।।
76.51
আপতন্তং চ সম্প্রেক্ষ্য কুম্ভো বানরয়ূথপম্।
ভ্রুবোর্বিব্যাধ বাণাভ্যামুল্কাভ্যামিব কুঞ্জরম্।তস্য সুস্রাব রুধিরং পিহিতে চাস্য লোচনে ।। ৬.৭৬.৫১ ।।
76.52
অঙ্গদঃ পাণিনা নেত্রে পিধায় রুধিরোক্ষিতে।
সালমাসন্নমেকেন পরিজগ্রাহ পাণিনা ।। ৬.৭৬.৫২ ।।্।সম্পীড্য চোরসি স্কন্ধং করেণাভিনিবেশ্য চ।কিঞ্চিদভ্যবনম্যৈনমুন্মমাথ যথা গজঃ ।। ৬.৭৬.৫৩ ।।।
76.53
তমিন্দ্রকেতুপ্রতিমং বৃক্ষং মন্দরসন্নিভম্।
সমুত্সৃজন্তং বেগেন পশ্যতাং সর্বরক্ষসাম্ ।। ৬.৭৬.৫৪ ।।
76.54
স বিভেদ শিতৈর্বাণৈঃ সপ্তভিঃ কায়ভেদনৈঃ ।
। ৬.৭৬.৫৫ ।।
76.55
অঙ্গদো বিব্যথে ঽভীক্ষ্ণং সসাদ চ মুমোহ চ ।
। ৬.৭৬.৫৬ ।।
76.56
অঙ্গদং ব্যথিতং দৃষ্ট্বা সীদন্তমিব সাগরে।
দুরাসদং হরিশ্রেষ্ঠং রামায়ন্যে ন্যবেদয়ন্ ।। ৬.৭৬.৫৭ ।।
76.57
রামস্তু ব্যথিতং শ্রুত্বা বালিপুত্রং রণাজিরে।
ব্যাদিদেশ হরিশ্রেষ্ঠান্ জাম্ববত্প্রমুখাংস্ততঃ ।। ৬.৭৬.৫৮ ।।
76.58
তে তু বানরশার্দূলাঃ শ্রুত্বা রামস্য শাসনম্।
অভিপেতুঃ সুসঙ্ক্রুদ্ধাঃ কুম্ভমুদ্যতকার্মুকম্ ।। ৬.৭৬.৫৯ ।।
76.59
ততো দ্রুমশিলাহস্তাঃ কোপসংরক্তলোচনাঃ।
রিরক্ষিষন্তো ঽভ্যপতন্নঙ্গদং বানরর্ষভাঃ ।। ৬.৭৬.৬০ ।।
76.60
জাম্ববাংশ্চ সুষেণশ্চ বেগদর্শী চ বানরঃ।
কুম্ভকর্ণাত্মজং বীরং ক্রুদ্ধাঃ সমভিদুদ্রুবুঃ ।। ৬.৭৬.৬১ ।।
76.61
সমীক্ষ্যাপততস্তাংস্তু বানরেন্দ্রান্ মহাবলান্।
আববার শরৌঘেণ নগেনেব জলাশয়ম্ ।। ৬.৭৬.৬২ ।।
76.62
তস্য বাণপথং প্রাপ্য ন শোকুরতিবর্তিতুম্।
বানরেন্দ্রা মহাত্মানো বেলামিব মহোদধিঃ ।। ৬.৭৬.৬৩ ।।
76.63
তাংস্তু দৃষ্ট্বা হরিগণান্ শরবৃষ্টিবিরর্দিতান্।
অঙ্গদং পৃষ্ঠতঃ কৃত্বা ভ্রাতৃজং প্লবগেশ্বরঃ ।। ৬.৭৬.৬৪ ।।
76.64
অবিদুদ্রাব বেগেন সুগ্রীবঃ কুম্ভমাহবে।
শৈলসানুচরং নাগং বেগবানিব কেসরী ।। ৬.৭৬.৬৫ ।।
76.65
উত্পাট্য চ মহাশৈলানশ্বকর্ণান্ ধবান্ বহূন্।
অন্যাংশ্চ বিবিধান্ বৃক্ষাংশ্চিক্ষেপ চ মহাবলঃ ।। ৬.৭৬.৬৬ ।।
76.66
তাং ছাদয়ন্তীমাকাশং বৃক্ষবৃষ্টিং দুরাসদাম্।
কুম্ভকর্ণাত্মজঃ শীঘ্রং চিচ্ছেদ নিশিতৈঃ শরৈঃ ।। ৬.৭৬.৬৭ ।।
76.67
অভিলক্ষেণ তীব্রেণ কুম্ভেন নিশিতৈঃ শরৈঃ।
আচিতাস্তে দ্রুমা রেজুর্যথা ঘোরাঃ শতঘ্নয়ঃ ।। ৬.৭৬.৬৮ ।।
76.68
দ্রুমবর্ষং তু তচ্ছিন্নং দৃষ্ট্বা কুম্ভেন বীর্যবান্।
বানরাধিপতিঃ শ্রীমান্ মহাসত্ত্বো ন বিব্যথে ।। ৬.৭৬.৬৯ ।।
76.69
নির্ভিদ্যমানঃ সহসা সহমানশ্চ তান্ শরান্।
কুম্ভস্য ধনুরাক্ষিপ্য বভঞ্জেন্দ্রধনুষ্প্রভম্ ।। ৬.৭৬.৭০ ।।
76.70
অবপ্লুত্য ততঃ শীঘ্রং কৃত্বা কর্ম সুদুষ্করম্।
অব্রবীৎ কুপিতঃ কুম্ভং ভগ্নশৃঙ্গমিব দ্বিপম্ ।। ৬.৭৬.৭১ ।।
76.71
নিকুম্ভাগ্রজ বীর্যং তে বাণবেগবদদ্ভুতম্।
সন্নতিশ্চ প্রভাবশ্চ তব বা রাবণস্য বা ।। ৬.৭৬.৭২ ।।
76.72
প্রহ্লাদবলিবৃত্রঘ্নকুবেবরুণোপম।
একস্ত্বমনুজাতো ঽসি পিতরং বলবৃত্ততঃ ।। ৬.৭৬.৭৩ ।।
76.73
ত্বামেবৈকং মহাবাহুং চাপহস্ত মরিন্দমম্।
ত্রিদশা নাতিবর্তন্তে জিতেন্দ্রিয়মিবাধয়ঃ ।। ৬.৭৬.৭৪ ।।
76.74
বিক্রমস্ব মহাবুদ্ধে কর্মাণি মম পশ্যতঃ ।
। ৬.৭৬.৭৫ ।।
76.75
বরদানাৎ পিতৃব্যস্তে সহতে দেবদানবান্।
কুম্ভকর্ণস্তু বীর্যেণ সহতে চ সুরাসুরান্ ।। ৬.৭৬.৭৬ ।।
76.76
ধনুষীন্দ্রজিতস্তুল্যঃ প্রতাপে রাবণস্য চ।
ত্বমদ্য রক্ষসাং লোকে শ্রেষ্ঠো ঽসি বলবীর্যতঃ ।। ৬.৭৬.৭৭ ।।
76.77
মহাবিমর্দং সমরে ময়া সহ তবাদ্ভুতম্।
অদ্য ভূতানি পশ্যন্তু শক্রশম্বরয়োরিব ।। ৬.৭৬.৭৮ ।।
76.78
কৃতমপ্রতিমং কর্ম দর্শিতং চাস্ত্রকৌশলম্।
পাতিতা হরিবীরাশ্চ ত্বয়া বৈ ভীমবিক্রমাঃ ।। ৬.৭৬.৭৯ ।।
76.79
উপালম্ভভয়াচ্চাপি নাসি বীর ময়া হতঃ।
কৃতকর্মা পরিশ্রান্তো বিশ্রান্তঃ পশ্য মে বলম্ ।। ৬.৭৬.৮০ ।।
76.80
তেন সুগ্রীববাক্যেন সাবমানেন মানিতঃ।
অগ্নেরাজ্যাহুতস্যেব তেজস্তস্যাভ্যবর্ধত।ততঃ কুম্ভস্তু সুগ্রীবং বাহুভ্যাং জগৃহে তদা ।। ৬.৭৬.৮১ ।।
76.81
গজাবিবাহিতমদৌ নিশ্বসন্তৌ মুহুর্মুহুঃ।
অন্যোন্যগাত্রগ্রথিতৌ কর্ষন্তাবিতরেতরম্।সধূমাং মুখতো জ্বালাং বিসৃজন্তৌ পরিশ্রমাৎ ।। ৬.৭৬.৮২ ।।
76.82
তয়োঃ পাদাভিঘাতাচ্চ নিমগ্না চাভবন্মহী।
ব্যাঘূর্ণিততরঙ্গশ্চ চুক্ষুভে বরুণালয়ঃ ।। ৬.৭৬.৮৩ ।।
76.83
ততঃ কুম্ভং সমুত্ক্ষিপ্য সুগ্রীবো লবণাম্ভসি।
পাতয়ামাস বেগেন দর্শয়ন্নুদধেস্তলম্ ।। ৬.৭৬.৮৪ ।।
76.84
ততঃ কুম্ভনিপাতেন জলরাশিঃ সমুত্থিতঃ।
বিন্ধ্যমন্দরসঙ্কাশো বিসসর্প সমন্ততঃ ।। ৬.৭৬.৮৫ ।।
76.85
ততঃ কুম্ভঃ সমুত্পত্য সুগ্রীবমভিপত্য চ।
আজঘানোরসি ক্রুদ্ধো বজ্রবেগেন মুষ্টিনা ।। ৬.৭৬.৮৬ ।।
76.86
তস্য চর্ম চ পুস্ফোট বহু সুস্রাব শোণিতম্।
স চ মুষ্টির্মহাবেগঃ প্রতিজঘ্নে ঽস্থিমণ্ডলে ।। ৬.৭৬.৮৭ ।।
76.87
তদা বেগেন তত্রাসীত্তেজঃ প্রজ্বলিতং মুহুঃ।
বজ্রনিষ্পেষসঞ্জাতা জ্বালা মেরৌ যথা গিরৌ ।। ৬.৭৬.৮৮ ।।
76.88
স তত্রাভিহতস্তেন সুগ্রীবো বানরর্ষভঃ।
মুষ্টিং সংবর্তয়ামাস বজ্রকল্পং মহাবলঃ ।। ৬.৭৬.৮৯ ।।
76.89
অর্চিস্সহস্রবিকচং রবিমণ্ডলসপ্রভম্।
স মুষ্টিং পাতয়ামাস কুম্ভস্যোরসি বীর্যবান্ ।। ৬.৭৬.৯০ ।।
76.90
স তু তেন প্রহারেণ বিহ্বলো ভৃশতাডিতঃ।
নিপপাত তদা কুম্ভো গতার্চিরিব পাবকঃ ।। ৬.৭৬.৯১ ।।
76.91
মুষ্টিনা ঽভিহতস্তেন নিপপাতাশু রাক্ষসঃ।
লোহিতাঙ্গ ইবাকাশাদ্দীপ্তরশ্মির্যদৃচ্ছয়া ।। ৬.৭৬.৯২ ।।
76.92
কুম্ভস্য পততো রূপং ভগ্নস্যোরসি মুষ্টিনা।
বভৌ রুদ্রাভিপন্নস্য যথা রূপং গবাং পতেঃ ।। ৬.৭৬.৯৩ ।।
76.93
তস্মিন্ হতে ভীমপরাক্রমেণ প্লবঙ্গমানামৃষভেণ যুদ্ধে।
মহী সশৈলা সবনা চচাল ভয়ং চ রক্ষাংস্যধিকং বিবেশ ।। ৬.৭৬.৯৪ ।।
76.94
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে ষট্সপ্ততিতমঃ সর্গঃ ।
। ৭৬ ।।