Utshovসর্গ 66
66.1
স লঙ্ঘয়িত্বা প্রাকারং গিরিকূটোপমো মহান্।
নির্যয়ৌ নগরাত্তূর্ণং কুম্ভকর্ণো মহাবলঃ ।। ৬.৬৬.১ ।।
66.2
স ননাদ মহানাদং সমুদ্রমভিনাদয়ন্।
জনয়ন্নিব নির্ঘাতান্ বিধমন্নিব পর্বতান্ ।। ৬.৬৬.২ ।।
66.3
তমবধ্যং মধবতা যমেন বরুণেন বা।
প্রেক্ষ্য ভীমাক্ষমায়ান্তং বানরা বিপ্রদুদ্রুবুঃ ।। ৬.৬৬.৩ ।।
66.4
তাংস্তু বিপ্রদ্রুতান্ দৃষ্ট্বা বালিপুত্রো ঽঙ্গদো ঽব্রবীৎ।
নলং নীলং গবাক্ষং চ কুমুদং চ মহাবলম্ ।। ৬.৬৬.৪ ।।
66.5
আত্মানমত্র বিস্মৃত্য বীর্যাণ্যভিজনানি চ।
ক্ব গচ্ছত ভয়ত্রস্তাঃ প্রাকৃতা হরয়ো যথা ।। ৬.৬৬.৫ ।।
66.6
সাধু সৌম্যা নিবর্তধ্বং কিং প্রাণান্ পরিরক্ষথ।
নালং যুদ্ধায় বৈ রক্ষো মহতীয়ং বিভীষিকা ।। ৬.৬৬.৬ ।।
66.7
মহতীমুত্থিতামেনাং রাক্ষসানাং বিভীষিকাম্।
বিক্রমাদ্বিধমিষ্যামো নিবর্তধ্বং প্লবঙ্গমাঃ ।। ৬.৬৬.৭ ।।
66.8
কৃচ্ছ্রেণ তু সমাশ্বস্য সঙ্গম্য চ ততস্ততঃ।
বৃক্ষাদ্রিহস্তা হরয়ঃ সম্প্রতস্থূ রণাজিরম্ ।। ৬.৬৬.৮ ।।
66.9
তে নিবৃত্য তু সঙ্ক্রুদ্ধাঃ কুম্ভকর্ণং বনৌকসঃ।
নিজঘ্নুঃ পরমক্রুদ্ধাঃ সমদা ইব কুঞ্জরাঃ ।। ৬.৬৬.৯ ।।
66.10
প্রাংশুভির্গিরিশৃঙ্গৈশ্চ শিলাভিশ্চ মহাবলঃ।
পাদপৈঃ পুষ্পিতাগ্রৈশ্চ হন্যমানো ন কম্পতে ।। ৬.৬৬.১০ ।।
66.11
তস্য গাত্রেষু পতিতা ভিদ্যন্তে শতশঃ শিলাঃ।
পাদপাঃ পুষ্পিতাগ্রাশ্চ ভগ্নাঃ পেতুর্মহীতলে ।। ৬.৬৬.১১ ।।
66.12
সো ঽপি সৈন্যানি সঙ্ক্রুদ্ধো বানরাণাং মহৌজসাম্।
মমন্থ পরমায়ত্তো বনান্যগ্নিরিবোত্থিতঃ ।। ৬.৬৬.১২ ।।
66.13
লোহিতার্দ্রাস্তু বহবঃ শেরতে বানরর্ষভাঃ।
নিরস্তাঃ পতিতা ভূমৌ তাম্রপুষ্পা ইব দ্রুমাঃ ।। ৬.৬৬.১৩ ।।
66.14
লঙ্ঘয়ন্তঃ প্রধাবন্তো বানরা নাবলোকয়ন্ ।
। ৬.৬৬.১৪ ।।
66.15
কেচিত্সমুদ্রে পতিতাঃ কেচিদ্গগনমাশ্রিতাঃ।
বধ্যমানাস্তু তে বীরা রাক্ষসেন বলীয়সা ।। ৬.৬৬.১৫ ।।
66.16
সাগরং যেন তে তীর্ণাঃ পথা তেন প্রদুদ্রুবুঃ ।
। ৬.৬৬.১৬ ।।
66.17
তে স্থলানি তথা নিম্নং বিষণ্ণবদনা ভয়াৎ।
ঋক্ষা বৃক্ষান্ সমারূঢাঃ কেচিৎ পর্বতমাশ্রিতাঃ ।। ৬.৬৬.১৭ ।।
66.18
মমজ্জুরর্ণবে কেচিদ্ গুহাঃ কেচিৎ সমাশ্রিতাঃ।
নিষেদুঃ প্লবগাঃ কেচিৎ কেচিন্নৈবাবতস্থিরে।তান্ সমীক্ষ্যাঙ্গদো ভগ্নান্ বানরানিদমব্রবীৎ ।। ৬.৬৬.১৮ ।।
66.19
অবতিষ্ঠত যুধ্যামো নিবর্তধ্বং প্লবঙ্গমাঃ।
ভগ্নানাং বো ন পশ্যামি পরিগম্য মহীমিমাম্।স্থানং সর্বে নিবর্তধ্বং কিং প্রাণান্ পরিরক্ষথ ।। ৬.৬৬.১৯ ।।
66.20
নিরায়ুধানাং দ্রবতামসঙ্গগতিপৌরুষাঃ।
দারা হ্যপহসিষ্যন্তি স বৈ ঘাতস্তু জীবিনাম্ ।। ৬.৬৬.২০ ।।
66.21
কুলেষু জাতাঃ সর্বে স্ম বিস্তীর্ণেষু মহত্সু চ।
ক্ব গচ্ছথ ভয়ত্রস্তা হরয়ঃ প্রাকৃতা যথা ।। ৬.৬৬.২১ ।।
66.22
অনার্যাঃ খলু যদ্ভীতাস্ত্যক্ত্বা বীর্যং প্রধাবত ।
। ৬.৬৬.২২ ।।
66.23
বিকত্থনানি বো যানি তদা বৈ জনসংসদি।
তানি বঃ ক্ব নু যাতানি সোদগ্রাণি মহান্তি চ ।। ৬.৬৬.২৩ ।।
66.24
ভীরুপ্রবাদাঃ শ্রূয়ন্তে যস্তু জীবিতি ধিক্কৃতঃ।
মার্গঃ সত্পুরুষৈর্জুষ্টঃ সেব্যতাং ত্যজ্যতাং ভয়ম্ ।। ৬.৬৬.২৪ ।।
66.25
শয়ামহে ঽথ নিহতাঃ পৃথিব্যামল্পজীবিতাঃ।
দুষ্প্রাপং ব্রহ্মলোকং বা প্রাপ্নুমো যুধি সূদিতাঃ ।। ৬.৬৬.২৫ ।।
66.26
সম্প্রাপ্নুয়ামঃ কীর্তিং বা নিহত্বা শত্রুমাহবে।
জীবিতং বীরলোকস্য মোক্ষ্যামো বসু বানরাঃ ।। ৬.৬৬.২৬ ।।
66.27
ন কুম্ভকর্ণঃ কাকুত্স্থং দৃষ্ট্বা জীবন্ গমিষ্যতি।
দীপ্যমানমিবাসাদ্য পতঙ্গো জ্বলনং যথা ।। ৬.৬৬.২৭ ।।
66.28
পলায়নেন চোদ্দিষ্টাঃ প্রাণান্ রক্ষামহে বয়ম্।
একেন বহবো ভগ্না যশো নাশং গমিষ্যতি ।। ৬.৬৬.২৮ ।।
66.29
এবং ব্রুবাণং তং শূরমঙ্গদং কনকাঙ্গদম্।
দ্রবমাণাস্ততো বাক্যমূচুঃ শূরবিগর্হিতম্ ।। ৬.৬৬.২৯ ।।
66.30
কৃতং নঃ কদনং ঘোরং কুম্ভকর্ণেন রক্ষসা।
ন স্থানকালো গচ্ছামো দয়িতং জীবিতং হি নঃ ।। ৬.৬৬.৩০ ।।
66.31
এতাবদুক্ত্বা বচনং সর্বে তে ভেজিরে দিশঃ।
ভীমং মীমাক্ষমায়ান্তং দৃষ্ট্বা বানরয়ূথপাঃ ।। ৬.৬৬.৩১ ।।
66.32
দ্রবমাণাস্তু তে বীরা অঙ্গদেন বলীমুখাঃ।
সান্ত্বৈশ্চৈবানুমানৈশ্চ ততঃ সর্বে নিবর্তিতাঃ ।। ৬.৬৬.৩২ ।।
66.33
প্রহর্ষমুপনীতাশ্চ বালিপুত্রেণ ধীমতা।
আজ্ঞাপ্রতীক্ষাস্তস্থুশ্চ সর্বে বানরয়ূথপাঃ ।। ৬.৬৬.৩৩ ।।
66.34
ঋষভশরভমৈন্দধূম্রনীলাঃ কুমুদসুষেণগবাক্ষরম্ভতারাঃ।
দ্বিবিদপনসবায়ুপুত্রমুখ্যাস্ত্বরিততরাভিমুখং রণং প্রয়াতাঃ ।। ৬.৬৬.৩৪ ।।
66.35
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে ষট্ষষ্টিতমঃ সর্গঃ ।
। ৬৬ ।।
66.36
সর্পৈরুষ্ট্রৈঃ খরৈরশ্বৈঃ সিংহদ্বিপমৃগদ্বিজৈঃ।
অনুজগ্মুশ্চ তং ঘোরং কুম্ভকর্ণং মহাবলম্ ।। ৬.৬৫.৩৬ ।।
66.37
স পুষ্পবর্ষৈরবকীর্যমাণো ধৃতাতপত্রঃ শিতশূলপাণিঃ।
মদোত্কটঃ শোণিতগন্ধমত্তো বিনির্যয়ৌ দানবদেবশত্রুঃ ।। ৬.৬৫.৩৭ ।।
66.38
পদাতয়শ্চ বহবো মহানাদা মহাবলাঃ।
অন্বয়ূ রাক্ষসা ভীমা ভীমাক্ষাঃ শস্ত্রপাণয়ঃ ।। ৬.৬৫.৩৮ ।।
66.39
রক্তাক্ষাঃ সুমহাকায়া নীলাঞ্জনচয়োপমাঃ।
শূলানুদ্যম্য খড্গাংশ্চ নিশিতাংশ্চ পরশ্বধান্ ।। ৬.৬৫.৩৯ ।।
66.40
বহুব্যামাংশ্চ পরিঘান্ গদাশ্চ মুসলানি চ।
তালস্কন্ধাংশ্চ বিপুলান্ ক্ষেপণীয়ান্ দুরাসদান্ ।। ৬.৬৫.৪০ ।।
66.41
অথান্যদ্বপুরাদায় দারুণং রোমহর্ষণম্।
নিষ্পপাত মহাতেজাঃ কুম্ভকর্ণো মহাবলঃ ।। ৬.৬৫.৪১ ।।
66.42
ধনুশ্শতপরীণাহঃ স ষট্ছতসমুচ্ছ্রিতঃ।
রৌদ্রঃ শকটচক্রাক্ষো মহাপর্বতসন্নিভঃ ।। ৬.৬৫.৪২ ।।
66.43
সন্নিপত্য চ রক্ষাংসি দগ্ধশৈলোপমো মহান্।
কুম্ভকর্ণো মহাবক্ত্রঃ প্রহসন্নিদমব্রবীৎ ।। ৬.৬৫.৪৩ ।।
66.44
অদ্য বানরমুখ্যানাং তানি যূথানি ভাগশঃ।
নির্দহিষ্যামি সঙ্ক্রুদ্ধঃ শলভানিব পাবকঃ ।। ৬.৬৫.৪৪ ।।
66.45
নাপরাধ্যন্তি মে কামং বানরা বনচারিণঃ।
জাতিরস্মাদ্বিধানাং সা পুরোদ্যানবিভূষণম্ ।। ৬.৬৫.৪৫ ।।
66.46
পুররোধস্য মূলং তু রাঘবঃ সহলক্ষ্মণঃ।
হতে তস্মিন্ হতং সর্বং তং বধিষ্যামি সংয়ুগে ।। ৬.৬৫.৪৬ ।।
66.47
এবং তস্য ব্রুবাণস্য কুম্ভকর্ণস্য রাক্ষসাঃ।
নাদং চক্রুর্মহাঘোরং কম্পয়ন্ত ইবার্ণবম্ ।। ৬.৬৫.৪৭ ।।
66.48
তস্য নিষ্পততস্তূর্ণং কুম্ভকর্ণস্য ধীমতঃ।
বভূবুর্ঘোররূপাণি নিমিত্তানি সমন্ততঃ ।। ৬.৬৫.৪৮ ।।
66.49
উল্কাশনিয়ুতা মেঘা বভূবুর্গর্দভারুণাঃ।
সসাগরবনা চৈব বসুধা সমকম্পত ।। ৬.৬৫.৪৯ ।।
66.50
ঘোররূপাঃ শিবা নেদুঃ সজ্বালকবলৈর্মুখৈঃ।
মণ্ডলান্যপসব্যানি ববন্ধুশ্চ বিহঙ্গমাঃ ।। ৬.৬৫.৫০ ।।
66.51
নিষ্পপাত চ মালেব গৃধ্রো ঽস্য পথি গচ্ছতঃ।
প্রাস্ফুরন্নয়নং চাস্য সব্যো বাহুশ্চ কম্পতে ।। ৬.৬৫.৫১ ।।
66.52
নিপপাত তদা চোল্কা জ্বলন্তী ভীমনিস্বনা।
আদিত্যো নিষ্প্রভশ্চাসীন্ন প্রবাতি সুখো ঽনিলঃ ।। ৬.৬৫.৫২ ।।
66.53
অচিন্তয়ন্ মহোত্পাতানুত্থিতান্ রোমহর্ষণান্।
নির্যয়ৌ কুম্ভকর্ণস্তু কৃতান্তবলচোদিতঃ ।। ৬.৬৫.৫৩ ।।
66.54
স লঙ্ঘয়িত্বা প্রাকারং পদ্ভ্যাং পর্বতসন্নিভঃ।
দদর্শাভ্রঘনপ্রখ্যং বানরানীকমদ্ভুতম্ ।। ৬.৬৫.৫৪ ।।
66.55
তে দৃষ্ট্বা রাক্ষসশ্রেষ্ঠং বানরাঃ পর্বতোপমম্।
বায়ুনুন্না ইব ঘনা যয়ুঃ সর্বা দিশস্তদা ।। ৬.৬৫.৫৫ ।।
66.56
তদ্বানরানীকমতিপ্রচণ্ডং দিশো দ্রবদ্ভিন্নমিবাভ্রজালম্।
স কুম্ভকর্ণঃ সমবেক্ষ্য হর্ষান্ননাদ ভূয়ো ঘনবদ্ ঘনাভঃ ।। ৬.৬৫.৫৬ ।।
66.57
তে তস্য ঘোরং নিনদং নিশম্য যথা নিনাদং দিবি বারিদস্য।
পেতুর্ধরণ্যাং বহবঃ প্লবঙ্গা নিকৃত্তমূলা ইব সালবৃক্ষাঃ ।। ৬.৬৫.৫৭ ।।
66.58
বিপুলপরিঘবান্ স কুম্ভকর্ণো রিপুনিধনায় বিনিস্সৃতো মহাত্মা।
কপিগণভয়মাদদৎ সুভীমং প্রভুরিব কিঙ্করদণ্ডবান্ যুগান্তে ।। ৬.৬৫.৫৮ ।।
66.59
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে পঞ্চষষ্টিতমঃ সর্গঃ ।
। ৬৫ ।।