Utshovসর্গ 64
64.1
তদুক্তমতিকায়স্য বলিনো বাহুশালিনঃ।
কুম্ভকর্ণস্য বচনং শ্রুত্বোবাচ মহোদরঃ ।। ৬.৬৪.১ ।।
64.2
কুম্ভকর্ণ কুলে জাতো ধৃষ্টঃ প্রাকৃতদর্শনঃ।
অবলিপ্তো ন শক্নোষি কৃত্যং সর্বত্র বেদিতুম্ ।। ৬.৬৪.২ ।।
64.3
ন হি রাজা ন জানীতে কুম্ভকর্ণ নয়ানয়ৌ।
ত্বং তু কৈশোরকাদ্ধৃষ্টঃ কেবলং বক্তুমিচ্ছসি ।। ৬.৬৪.৩ ।।
64.4
স্থানং বৃদ্ধিং চ হানিং চ দেশকালবিভাগবিৎ।
আত্মনশ্চ পরেষাং চ বুধ্যতে রাক্ষসর্ষভঃ ।। ৬.৬৪.৪ ।।
64.5
যত্তু শক্যং বলবতা কর্তুং প্রাকৃতবুদ্ধিনা।
অনুপাসিতবৃদ্ধেন কঃ কুর্যাত্তাদৃশং বুধঃ ।। ৬.৬৪.৫ ।।
64.6
যাংস্তু ধর্মার্থকামাংস্ত্বং ব্রবীষি পৃথগাশ্রয়ান্।
অনুবোদ্ধুং স্বভাবে তান্নহি লক্ষণমস্তি তে ।। ৬.৬৪.৬ ।।
64.7
কর্ম চৈব হি সর্বেষাং কারণানাং প্রয়োজকম্।
শ্রেয়ঃ পাপীয়সাং চাত্র ফলং ভবতি কর্মণাম্ ।। ৬.৬৪.৭ ।।
64.8
নিশ্শ্রেয়সফলাবেব ধর্মার্থাবিতরাবপি।
অধর্মানর্থয়োঃ প্রাপ্তিঃ ফলং চ প্রত্যবায়িকম্ ।। ৬.৬৪.৮ ।।
64.9
এহলৌকিকপারত্রং কর্ম পুম্ভির্নিষেব্যতে।
কর্মাণ্যপি তু কল্যাণি লভতে কামমাস্থিতঃ ।। ৬.৬৪.৯ ।।
64.10
তত্র ক্লৃপ্তমিদং রাজ্ঞা হৃদি কার্যং মতং চ নঃ।
শত্রৌ হি সাহসং যৎ স্যাৎ কিমিবাত্রাপনীয়তাম্ ।। ৬.৬৪.১০ ।।
64.11
একস্যৈবাভিয়ানে তু হেতুর্যঃ প্রকৃতস্ত্বয়া।
তত্রাপ্যনুপপন্নং তে বক্ষ্যামি যদসাধু চ ।। ৬.৬৪.১১ ।।
64.12
যেন পূর্বং জনস্থানে বহবো ঽতিবলা হতাঃ।
রাক্ষসা রাঘবং তং ত্বং কথমেকো জয়িষ্যসি ।। ৬.৬৪.১২ ।।
64.13
যে পুরা নির্জিতাস্তেন জনস্থানে মহৌজসঃ।
রাক্ষসাংস্তান্ পুরে সর্বান্ ভীতানদ্যাপি পশ্যসি ।। ৬.৬৪.১৩ ।।
64.14
তং সিংহমিব সঙ্ক্রুদ্ধং রামং দশরথাত্মজম্।
সর্পং সুপ্তমিবাবুধ্য প্রবোধয়িতুমিচ্ছসি ।। ৬.৬৪.১৪ ।।
64.15
জ্বলন্তং তেজসা নিত্যং ক্রোধেন চ দুরাসদম্।
কস্তং মৃত্যুমিবাসহ্যমাসাদয়িতুমর্হতি ।। ৬.৬৪.১৫ ।।
64.16
সংশয়স্থমিদং সর্বং শত্রোঃ প্রতিসমাসনে।
একস্য গমনং তত্র নহি মে রোচতে ভৃশম্ ।। ৬.৬৪.১৬ ।।
64.17
হীনার্থঃ সুসমৃদ্ধার্থং কো রিপুং প্রাকৃতং যথা।
নিশ্চিত্য জীবিতত্যাগে বশমানেতুমিচ্ছতি ।। ৬.৬৪.১৭ ।।
64.18
যস্য নাস্তি মনুষ্যেষু সদৃশো রাক্ষসোত্তম।
কথমাশংসসে যোদ্ধুং তুল্যেনেন্দ্রবিবস্বতোঃ ।। ৬.৬৪.১৮ ।।
64.19
এবমুক্ত্বা তু সংরব্ধঃ কুম্ভকর্ণং মহোদরঃ।
উবাচ রক্ষসাং মধ্যে রাবণং লোকরাবণম্ ।। ৬.৬৪.১৯ ।।
64.20
লব্ধ্বা পুনস্ত্বং বৈদেহীং কিমর্থং সম্প্রজল্পসি।
যদীচ্ছসি তদা সীতা বশগা তে ভবিষ্যতি ।। ৬.৬৪.২০ ।।
64.21
দৃষ্টঃ কশ্চিদুপায়ো মে সীতোপস্থানকারকঃ।
রুচিরশ্চেৎ স্বয়া বুদ্ধ্যা রাক্ষসেশ্বর তং শৃণু ।। ৬.৬৪.২১ ।।
64.22
অহং দ্বিজিহ্বঃ সংহ্রাদী কুম্ভকর্ণো বিতর্দনঃ।
পঞ্চ রামবধায়ৈতে নির্যান্তীত্যবঘোষয় ।। ৬.৬৪.২২ ।।
64.23
ততো গত্বা বয়ং যুদ্ধং দাস্যামস্তস্য যত্নতঃ।
জেষ্যামো যদি তে শত্রূন্নোপায়ৈঃ কৃত্যমস্তি নঃ ।। ৬.৬৪.২৩ ।।
64.24
অথ জীবতি নঃ শত্রুর্বয়ং চ কৃতসংয়ুগাঃ।
ততস্তদভিপত্স্যামো মনসা যৎ সমীক্ষিতম্ ।। ৬.৬৪.২৪ ।।
64.25
বয়ং যুদ্ধাদিহৈষ্যামো রুধিরেণ সমুক্ষিতাঃ।
বিদার্যং স্বতনুং বাণৈ রামনামাঙ্কিতৈঃ শিতৈঃ ।। ৬.৬৪.২৫ ।।
64.26
ভক্ষিতো রাঘবো ঽস্মাভির্লক্ষ্মণশ্চেতি বাদিনঃ।
তব পাদৌ গ্রহীষ্যামস্ত্বং নঃ কামং প্রপূরয় ।। ৬.৬৪.২৬ ।।
64.27
ততো ঽবঘোষয় পুরে গজস্কন্ধেন পার্থিব।
হতো রামঃ সহ ভ্রাত্রা সসৈন্য ইতি সর্বতঃ ।। ৬.৬৪.২৭ ।।
64.28
প্রীতো নাম ততো ভূত্বা ভৃত্যানাং ত্বমরিন্দম।
ভোগাংশ্চ পরিবারাংশ্চ কামাংশ্চ বসু দাপয় ।। ৬.৬৪.২৮ ।।
64.29
ততো মাল্যানি বাসাংসি বীরাণামনুলেপনম্।
পেয়ং চ বহু যোধেভ্যঃ স্বয়ং চ মুদিতঃ পিব ।। ৬.৬৪.২৯ ।।
64.30
ততো ঽস্মিন্ বহুলীভূতে কৌলীনে সর্বতো গতে।
ভক্ষিতঃ সসুহৃদ্রামো রাক্ষসৈরিতি বিশ্রুতে ।। ৬.৬৪.৩০ ।।
64.31
প্রবিশ্যাশ্বাস্য চাপি ত্বং সীতাং রহসি সান্ত্বয়।
ধনধান্যৈশ্চ কামৈশ্চ রত্নৈশ্চৈনাং প্রলোভয় ।। ৬.৬৪.৩১ ।।
64.32
অনয়োপধয়া রাজন্ ভয়শোকানুবন্ধয়া।
অকামা ত্বদ্বশং সীতা নষ্টনাথা গমিষ্যতি ।। ৬.৬৪.৩২ ।।
64.33
রঞ্জনীয়ং হি ভর্তারং বিনষ্টমবগম্য সা।
নৈরাশ্যাৎ স্ত্রীলঘুত্বাচ্চ ত্বদ্বশং প্রতিপত্স্যতে ।। ৬.৬৪.৩৩ ।।
64.34
সা পুরা সুখসংবৃদ্ধা সুখার্হা দুঃখকর্শিতা।
ত্বয্যধীনং সুখং জ্ঞাত্বা সর্বথোপগমিষ্যতি ।। ৬.৬৪.৩৪ ।।
64.35
এতৎ সুনীতং মম দর্শনেন রামং হি দৃষ্ট্বৈব ভবেদনর্থঃ।
ইহৈব তে সেত্স্যতি মোত্সুকো ভূর্মহানয়ুদ্ধেন সুখস্য লাভঃ ।। ৬.৬৪.৩৫ ।।
64.36
অদৃষ্টসৈন্যো হ্যনবাপ্তসংশয়ো রিপূনয়ুদ্ধেন জয়ন্ নরাধিপঃ।
যশশ্চ পুণ্যং চ মহন্মহীপতে শ্রিয়ং চ কীর্তিং চ চিরং সমশ্নুতে ।। ৬.৬৪.৩৬ ।।
64.37
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে চতুষ্ষষ্ঠিতমঃ সর্গঃ ।
। ৬৪ ।।
64.38
অদ্য পর্বতসঙ্কাশং সসূর্যমিব তোয়দম্ ।
বিকীর্ণং পশ্য সমরে সুগ্রীবং প্লবগোত্তমম্ ।। ৬.৬৩.৩৮ ।।
64.39
কথং ত্বং রাক্ষসৈরেভির্ময়া চ পরিরক্ষিতঃ ।
জিঘাংসুভির্দাশরথিং বধ্যসে ত্বমিহানঘ ।। ৬.৬৩.৩৯ ।।
64.40
অথ পূর্বং হতে তেন ময়ি ত্বাং হন্তি রাঘবঃ ।
নাহমাত্মনি সন্তাপং গচ্ছেয়ং রাক্ষসাধিপ ।। ৬.৬৩.৪০ ।।
64.41
কামং ত্বিদানীমপি মাং ব্যাদিশ ত্বং পরন্তপ ।
ন পরঃ প্রেষণীয়স্তে যুদ্ধায়াতুলবিক্রম ।। ৬.৬৩.৪১ ।।
64.42
অহমুত্সাদয়িষ্যামি শত্রূংস্তব মহাবল ।
। ৬.৬৩.৪২ ।।
64.43
যদি শক্রো যদি যমো যদি পাবকমারুতৌ ।
তানহং যোধয়িষ্যামি কুবেরবরুণাবপি ।। ৬.৬৩.৪৩ ।।
64.44
গিরিমাত্রশরীরস্য শিতশূলধরস্য মে ।
নর্দতস্তীক্ষ্ণদংষ্ট্রস্য বিভীয়াচ্চ পুরন্দরঃ ।। ৬.৬৩.৪৪ ।।
64.45
অথবা ত্যক্তশস্ত্রস্য মৃদ্নতস্তরসা রিপূন্ ।
ন মে প্রতিমুখে স্থাতুং কশ্চিচ্ছক্তো জিজীবিষুঃ ।। ৬.৬৩.৪৫ ।।
64.46
নৈব শক্ত্যা ন গদয়া নাসিনা নিশিতৈঃ শরৈঃ ।
হস্তাভ্যামেব সংরব্ধো হনিষ্যাম্যপি বজ্রিণম্ ।। ৬.৬৩.৪৬ ।।
64.47
যদি মে মুষ্টিবেগং স রাঘবো ঽদ্য সহিষ্যতে ।
ততঃ পাস্যন্তি বাণৌঘা রুধিরং রাঘবস্য তু ।। ৬.৬৩.৪৭ ।।
64.48
চিন্তয়া বাধ্যসে রাজন্ কিমর্থং ময়ি তিষ্ঠতি ।
সো ঽহং শত্রুবিনাশায় তব নির্যাতুমুদ্যতঃ ।। ৬.৬৩.৪৮ ।।
64.49
মুঞ্চ রামাদ্ভয়ং রাজন্ হনিষ্যামীহ সংয়ুগে ।
রাঘবং লক্ষ্মণং চৈব সুগ্রীবং চ মহাবলম্ ।হনুমন্তং চ রক্ষোঘ্নং লঙ্কা যেন প্রদীপিতা ।। ৬.৬৩.৪৯ ।।
64.50
হরীংশ্চাপি হনিষ্যামি সংয়ুগে সমবস্থিতান্ ।
অসাধারণমিচ্ছামি তব দাতুং মহদ্যশঃ ।। ৬.৬৩.৫০ ।।
64.51
যদি চেন্দ্রাদ্ভয়ং রাজন্ যদি বাপি স্বয়ম্ভুবঃ ।
। ৬.৬৩.৫১ ।।
64.52
অপি দেবাঃ শয়িষ্যন্তে ক্রুদ্ধে ময়ি মহীতলে ।
যমং চ শময়িষ্যামি ভক্ষয়িষ্যামি পাবকম্ ।আদিত্যং পাতয়িষ্যামি সনক্ষত্রং মহীতলে ।। ৬.৬৩.৫২ ।।
64.53
শতক্রতুং বধিষ্যামি পাস্যামি বরুণালয়ম্ ।
পর্বতাংশ্চূর্ণয়িষ্যামি দারয়িষ্যামি মেদিনীম্ ।। ৬.৬৩.৫৩ ।।
64.54
দীর্ঘকালং প্রসুপ্তস্য কুম্ভকর্ণস্য বিক্রমম্ ।
অদ্য পশ্যন্তু ভূতানি ভক্ষ্যমাণানি সর্বশঃ ।। ৬.৬৩.৫৪ ।।
64.55
নন্বিদং ত্রিদিবং সর্বমাহারস্য ন পূর্যতে ।
। ৬.৬৩.৫৫ ।।
64.56
বধেন তে দাশরথেঃ সুখার্হং সুখং সমাহর্তুমহং ব্রজামি ।
নিহত্য রামং সহ লক্ষ্মণেন খাদামি সর্বান্ হরিয়ূথমুখ্যান্ ।। ৬.৬৩.৫৬ ।।
64.57
রমস্ব কামং পিব চাগ্র্যবারুণীং কুরুষ্ব কৃত্যানি বিনীয়তাং জ্বরঃ ।
ময়া ঽদ্য রামে গমিতে যমক্ষয়ং চিরায় সীতা বশগা ভবিষ্যতি ।। ৬.৬৩.৫৭ ।।
64.58
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে ত্রিষষ্টিতমঃ সর্গঃ ।
। ৬৩ ।।