Utshovসর্গ 50
50.1
অথোবাচ মহাতেজা হরিরাজো মহাবলঃ ।
কিমিয়ং ব্যথিতা সেনা মূঢবাতেব নৌর্জলে ।। ৬.৫০.১ ।।।।
50.2
সুগ্রীবস্য বচঃ শ্রুত্বা বালিপুত্রো ঽঙ্গদো ঽব্রবীৎ ।
। ৬.৫০.২ ।।।।
50.3
ন ত্বং পশ্যসি রামং চ লক্ষ্মণং চ মহাবলম্ ।
শরজালাচিতৌ বীরাবুভৌ দশরথাত্মজৌ ।শরতল্পে মহাত্মানৌ শয়ানৌ রুধিরোক্ষিতৌ ।। ৬.৫০.৩ ।।।।
50.4
অথাব্রবীদ্বানরেন্দ্রঃ সুগ্রীবঃ পুত্রমঙ্গদম্ ।
নানিমিত্তমিদং মন্যে ভবিতব্যং ভয়েন তু ।। ৬.৫০.৪ ।।।।
50.5
বিষণ্ণবদনা হ্যেতে ত্যক্তপ্রহরণা দিশঃ ।
প্রপলায়ন্তি হরয়স্ত্রাসাদুত্ফুল্ললোচনাঃ ।। ৬.৫০.৫ ।।।।
50.6
অন্যোন্যস্য ন লজ্জন্তে ন নিরীক্ষন্তি পৃষ্ঠতঃ ।
বিপ্রকর্ষন্তি চান্যোন্যং পতিতং লঙ্ঘয়ন্তি চ ।। ৬.৫০.৬ ।।।।
50.7
এতস্মিন্নন্তরে বীরো গদাপাণির্বিভীষণঃ ।
সুগ্রীবং বর্ধয়ামাস রাঘবং চ নিরৈক্ষত ।। ৬.৫০.৭ ।।।।
50.8
বিভীষণং তং সুগ্রীবো দৃষ্ট্বা বানরভীষণম্ ।
ঋক্ষরাজং সমীপস্থং জাম্ববন্তমুবাচ হ ।। ৬.৫০.৮ ।।।।
50.9
বিভীষণো ঽয়ং সম্প্রপ্তো যং দৃষ্ট্বা বানরর্ষভাঃ ।
বিদ্রবন্তি পরিত্রস্তা রাবণাত্মজশঙ্কয়া ।। ৬.৫০.৯ ।।।।
50.10
শীঘ্রমেতান্ সুসন্ত্রস্তান্ বহুধা বিপ্রধাবিতান্ ।
প্রর্যবস্থাপয়াখ্যাহি বিভীষণমুপস্থিতম্ ।। ৬.৫০.১০ ।।।।
50.11
সুগ্রীবেণৈবমুক্তস্তু জাম্ববানৃক্ষপার্থিবঃ ।
বানরান্ সান্ত্বয়ামাস সন্নিরুধ্য প্রধাবতঃ ।। ৬.৫০.১১ ।।।।
50.12
তে নিবৃত্তাঃ পুনঃ সর্বে বানরাস্ত্যক্তসম্ভ্রমাঃ ।
ঋক্ষরাজবচঃ শ্রুত্বা তং চ দৃষ্ট্বা বিভীষণম্ ।। ৬.৫০.১২ ।।।।
50.13
বিভীষণস্তু রামস্য দৃষ্ট্বা গাত্রং শরৈশ্চিতম্ ।
লক্ষ্মণস্য চ ধর্মাত্মা বভূব ব্যথিতেন্দ্রিয়ঃ ।। ৬.৫০.১৩ ।।।।
50.14
জলক্লিন্নেন হস্তেন তয়োর্নেত্রে প্রমৃজ্য চ ।
শোকসম্পীডিতমনা রুরোদ বিললাপ চ ।। ৬.৫০.১৪ ।।।।
50.15
ইমৌ তৌ সত্ত্বসম্পন্নৌ বিক্রান্তৌ প্রিয়সংয়ুগৌ ।
ইমামবস্থাং গমিতৌ রাক্ষসৈঃ কূটয়োধিভিঃ ।। ৬.৫০.১৫ ।।।।
50.16
ভ্রাতুঃ পুত্রেণ মে তেন দুষ্পুত্রেণ দুরাত্মনা ।
রাক্ষস্যা জিহ্ময়া বুদ্ধ্যা চালিতাবৃজুবিক্রমৌ ।। ৬.৫০.১৬ ।।।।
50.17
শরৈরিমাবলং বিদ্ধৌ রুধিরেণ সমুক্ষিতৌ ।
বসুধায়ামিমৌ সুপ্তৌ দৃশ্যেতে শল্যকাবিব ।। ৬.৫০.১৭ ।।।।
50.18
যয়োর্বীর্যমুপাশ্রিত্য প্রতিষ্ঠা কাঙ্ক্ষিতা ময়া ।
তাবুভৌ দেহনাশায় প্রসুপ্তৌ পুরুষর্ষভৌ ।। ৬.৫০.১৮ ।।।।
50.19
জীবন্নদ্য বিপন্নো ঽস্মি নষ্টরাজ্যমনোরথঃ ।
প্রাপ্তপ্রতিজ্ঞশ্চ রিপুঃ সকামো রাবণঃ কৃতঃ ।। ৬.৫০.১৯ ।।।।
50.20
এবং বিলপমানং তং পরিষ্বজ্য বিভীষণম্ ।
সুগ্রীবঃ সত্ত্বসম্পন্নো হরিরাজো ঽব্রবীদিদম্ ।। ৬.৫০.২০ ।।।।
50.21
রাজ্যং প্রাপ্স্যসি ধর্মজ্ঞ লঙ্কায়াং নাত্র সংশয়ঃ ।
রাবণঃ সহ পুত্রেণ সকামং নেহ লপ্স্যতে ।। ৬.৫০.২১ ।।।।
50.22
ন রুজা পীডিতাবেতাবুভৌ রাঘবলক্ষ্মণৌ ।
ত্যক্ত্বা মোহং বধিষ্যেতে সগণং রাবণং রণে ।। ৬.৫০.২২ ।।।।
50.23
তমেনং সান্ত্বয়িত্বা তু সমাশ্বাস্য চ রাক্ষসম্ ।
সুষেণং শ্বশুরং পার্শ্বে সুগ্রীবস্তমুবাচ হ ।। ৬.৫০.২৩ ।।।।
50.24
সহ শূরৈর্হরিগণৈর্লব্ধসঞ্জ্ঞাবরিন্দমৌ ।
গচ্ছ ত্বং ভ্রাতরৌ গৃহ্য কিষ্কিন্ধাং রামলক্ষ্মণৌ ।। ৬.৫০.২৪ ।।।।
50.25
অহং তু রাবণং হত্বা সপুত্রং সহবান্ধবম্ ।
মৈথিলীমানয়িষ্যামি শক্রো নষ্টামিব শ্রিয়ম্ ।শ্রুত্বৈতদ্বানরেন্দ্রস্য সুষেণো বাক্যমব্রবীৎ ।। ৬.৫০.২৫ ।।।।
50.26
দৈবাসুরং মহদ্যুদ্ধমনুভূতং সুদারুণম্ ।
তদা স্ম দানবা দেবান্ শরসংস্পর্শকোবিদাঃ ।। ৬.৫০.২৬ ।।।।
50.27
নিজঘ্নুঃ শস্ত্রবিদুষশ্ছাদয়ন্তো মুহুর্মুহুঃ ।
। ৬.৫০.২৭ ।।।।
50.28
তানার্তান্নষ্টসঞ্জ্ঞাংশ্চ পরাসূংশ্চ বৃহস্পতিঃ ।
বিদ্যাভির্মন্ত্রয়ুক্তাভিরোষধীভিশ্চিকিত্সতি ।। ৬.৫০.২৮ ।।।।
50.29
তান্যৌষধান্যানয়িতুং ক্ষীরোদং যান্তু সাগরম্ ।
জবেন বানরাঃ শীঘ্রং সম্পাতিপনসাদয়ঃ ।হরয়স্তু বিজানন্তি পার্বতীস্তা মহৌষধীঃ ।। ৬.৫০.২৯ ।।।।
50.30
সঞ্জীবকরণীং দিব্যাং বিশল্যাং দেবনির্মিতাম্ ।
। ৬.৫০.৩০ ।।.৫০.২ ।। সম্পাতিপনসাদয়ঃ ।চন্দ্রশ্চ নাম দ্রোণশ্চ ক্ষীরোদে সাগরোত্তমে ।অমৃতং যত্র মথিতং তত্র তে পরমৌষধী ।। ৬.৫০.৩১ ।।।।
50.31
অয়ং বায়ুসুতো রাজন্ হনুমাংস্তত্র গচ্ছতু ।
। ৬.৫০.৩২ ।।।।
50.32
এতস্মিন্নন্তরে বায়ুর্মেঘাংশ্চাপি সবিদ্যুতঃ ।
পর্যস্যন্ সাগরে তোয়ং কম্পয়ন্নিব মেদিনীম্ ।। ৬.৫০.৩৩ ।।।।
50.33
মহতা পক্ষবাতেন সর্বদ্বীপমহাদ্রুমাঃ ।
নিপেতুর্ভিন্নবিটপাঃ সমূলা লবণাম্ভসি ।। ৬.৫০.৩৪ ।।।।
50.34
অভবন্ পন্নগাস্ত্রস্তা ভোগিনস্তত্রবাসিনঃ ।
শীঘ্রং সর্বাণি যাদাংসি জগ্মুশ্চ লবণার্ণবম্ ।। ৬.৫০.৩৫ ।।।।
50.35
ততো মুহূর্তাদ্গরুডং বৈনতেয়ং মহাবলম্ ।
।।।
50.36
বানরা দদৃশুঃ সর্বেজ্বলন্তমিব পাবকম্ ।
। ৬.৫০.৩৬ ।।।।
50.37
তমাগতমভিপ্রেক্ষ্য নাগাস্তে বিপ্রদুদ্রুবুঃ ।
যৈস্তৌ সত্পুরুষৌ বদ্ধৌ শরভূতৈর্মহাবলৌ ।। ৬.৫০.৩৭ ।।।।
50.38
ততঃ সুপর্ণঃ কাকুত্স্থৌ দৃষ্ট্বা প্রত্যভিনন্দিতঃ ।
বিমমর্শ চ পাণিভ্যাং মুখে চন্দ্রসমপ্রভে ।। ৬.৫০.৩৮ ।।।।
50.39
বৈনতেয়েন সংস্পৃষ্টাস্তয়োঃ সংরুরুহুর্ব্রণাঃ ।
সুবর্ণে চ তনূ স্নিগ্ধে তয়োরাশু বভূবতুঃ ।। ৬.৫০.৩৯ ।।।।
50.40
তেজো বীর্যং বলং চৌজ উত্সাহশ্চ মহাগুণঃ ।
প্রদর্শনং চ বুদ্ধিশ্চ স্মৃতিশ্চ দ্বিগুণং তয়োঃ ।। ৬.৫০.৪০ ।।।।
50.41
তাবুত্থাপ্য মহাবীর্যৌ গরুডো বাসবোপমৌ ।
উভৌ তৌ সস্বজে হৃষ্টৌ রামশ্চৈনমুবাচ হ ।। ৬.৫০.৪১ ।।।।
50.42
ভবত্প্রসাদাদ্ব্যসনং রাবণিপ্রভবং মহৎ ।
আবামিহ ব্যতিক্রান্তৌ পূর্ববদ্বলিনৌ কৃতৌ ।। ৬.৫০.৪২ ।।।।
50.43
যথা তাতং দশরথং যথা ঽজং চ পিতামহম্ ।
তথা ভবন্তমাসাদ্য হৃদয়ং মে প্রসীদতি ।। ৬.৫০.৪৩ ।।।।
50.44
কো ভবান্ রূপসম্পন্নো দিব্যস্রগনুলেপনঃ ।
বসানো বিরজে বস্ত্রে দিব্যাভরণভূষিতঃ ।। ৬.৫০.৪৪ ।।।।
50.45
তমুবাচ মহাতেজা বৈনতেয়ো মহাবলঃ ।
পতত্রিরাজঃ প্রীতাত্মা হর্ষপর্যাকুলেক্ষণঃ ।। ৬.৫০.৪৫ ।।।।
50.46
অহং সখা তে কাকুত্স্থ প্রিয়ঃ প্রাণো বহিশ্চরঃ ।
গরুত্মানিহ সম্প্রাপ্তো যুবাভ্যাং সাহ্যকারণাৎ ।। ৬.৫০.৪৬ ।।।।
50.47
অসুরা বা মহাবীর্যা দানবা বা মহাবলাঃ ।
সুরাশ্চাপি সগন্ধর্বাঃ পুরস্কৃত্য শতক্রতুম্ ।। ৬.৫০.৪৭ ।।।।
50.48
নেমং মোক্ষয়িতুং শক্তাঃ শরবন্ধং সুদারুণম্ ।
মায়াবলাদিন্দ্রজিতা নির্মিতং ক্রূরকর্মণা ।। ৬.৫০.৪৮ ।।।।
50.49
এতে নাগাঃ কাদ্রবেয়া স্তীক্ষ্ণদংষ্ট্রা বিষোল্বণাঃ ।
রক্ষোমায়াপ্রভাবেন শরা ভূত্বা ত্বদাশ্রিতাঃ ।। ৬.৫০.৪৯ ।।।।
50.50
সভাগ্যশ্চাসি ধর্মজ্ঞ রাম সত্যপরাক্রম ।
লক্ষ্মণেন সহ ভ্রাত্রা সমরে রিপুঘাতিনা ।। ৬.৫০.৫০ ।।।।
50.51
ইমং শ্রুত্বা তু বৃত্তান্তং ত্বরমাণো ঽহমাগতঃ ।
সহসা যুবয়োঃ স্নেহাৎ সখিত্বমনুপালয়ন্ ।। ৬.৫০.৫১ ।।।।
50.52
মোক্ষিতৌ চ মহাঘোরাদস্মাৎ সায়কবন্ধনাৎ ।
অপ্রমাদশ্চ কর্তব্যো যুবাভ্যাং নিত্যমেব হি ।। ৬.৫০.৫২ ।।।।
50.53
প্রকৃত্যা রাক্ষসাঃ সর্বে সঙ্গ্রামে কূটয়োধিনঃ ।
শূরাণাং শুদ্ধভাবানাং ভবতামার্জবং বলম্ ।। ৬.৫০.৫৩ ।।।।
50.54
তন্ন বিশ্বসিতব্যং বো রাক্ষসানাং রণাজিরে ।
এতেনৈবোপমানেন নিত্যং জিহ্মা হি রাক্ষসাঃ ।। ৬.৫০.৫৪ ।।।।
50.55
এবমুক্ত্বা ততো রামং সুপর্ণঃ সুমহাবলঃ ।
পরিষ্বজ্য সুহৃৎ স্নিগ্ধমাপ্রষ্টুমুপচক্রমে ।। ৬.৫০.৫৫ ।।।।
50.56
সখে রাঘব ধর্মজ্ঞ রিপূণামপি বত্সল ।
অভ্যনুজ্ঞাতুমিচ্ছামি গমিষ্যামি যথাগতম্ ।। ৬.৫০.৫৬ ।।।।
50.57
ন চ কৌতূহলং কার্যং সখিত্বং প্রতি রাঘব ।
কৃতকর্মা রণে বীরঃ সখিত্বমনুবেত্স্যসি ।। ৬.৫০.৫৭ ।।।।
50.58
বালবৃদ্ধাবশেষাং তু লঙ্কাং কৃত্বা শরোর্মিভিঃ ।
রাবণং চ রিপুং হত্বা সীতাং সমুপলপ্স্যসে ।। ৬.৫০.৫৮ ।।।।
50.59
ইত্যেবমুক্ত্বা বচনং সুপর্ণঃ শীঘ্রবিক্রমঃ ।
রামং চ বিরুজং কৃত্বা মধ্যে তেষাং বনৌকসাম্ ।। ৬.৫০.৫৯ ।।।।
50.60
প্রদক্ষিণং ততঃ কৃত্বা পরিষ্বজ্য চ বীর্যবান্ ।
জগামাকাশমাবিশ্য সুপর্ণঃ পবনো যথা ।। ৬.৫০.৬০ ।।।।
50.61
বিরুজৌ রাঘবৌ দৃষ্ট্বা ততো বানরয়ূথপাঃ ।
সিংহনাদাংস্তদা নেদুর্লাঙ্গূলান্ দুধুবুস্তদা ।। ৬.৫০.৬১ ।।।।
50.62
ততো ভেরীঃ সমাজঘ্নুর্মৃদঙ্গাংশ্চাপ্যনাদয়ন্ ।
দধ্মুঃ শঙ্খান্ সম্প্রহৃষ্টাঃ ক্ষ্বেলন্ত্যপি যথাপুরম্ ।। ৬.৫০.৬২ ।।।।
50.63
আস্ফোট্যাস্ফোট্য বিক্রান্তা বানরা নগয়োধিনঃ ।
দ্রুমানুত্পাট্য বিবিধাংস্তস্থুঃ শতসহস্রশঃ ।। ৬.৫০.৬৩ ।।।।
50.64
বিসৃজন্তো মহানাদাংস্ত্রাসয়ন্তো নিশাচরান্ ।
লঙ্কাদ্বারণ্যুপাজগ্মুর্যোদ্ধুকামাঃ প্লবঙ্গমাঃ ।। ৬.৫০.৬৪ ।।।।
50.65
ততস্তু ভীমস্তুমুলো নিনাদো বভূব শাখামৃগয়ূথপানাম্ ।
ক্ষয়ে নিদাঘস্য যথা ঘনানাং নাদঃ সুভীমো নদতাং নিশীথে ।। ৬.৫০.৬৫ ।।