Utshovসর্গ 49
49.1
ঘোরেণ শরবন্ধেন বদ্ধৌ দশরথাত্মজৌ ।
নিশ্বসন্তৌ যথা নাগৌ শয়ানৌ রুধিরোক্ষিতৌ ।। ৬.৪৯.১ ।।।।
49.2
সর্বে তে বানরশ্রেষ্ঠাঃ সসুগ্রীবা মহাবলাঃ ।
পরিবার্য মহাত্মানৌ তস্থুঃ শোকপরিপ্লুতাঃ ।। ৬.৪৯.২ ।।।।
49.3
এতস্মিন্নন্তরে রামঃ প্রত্যবুধ্যত বীর্যবান্ ।
স্থিরত্বাৎ সত্ত্বয়োগাচ্চ শরৈঃ সন্দানিতো ঽপি সন্ ।। ৬.৪৯.৩ ।।।।
49.4
ততো দৃষ্ট্বা সরুধিরং বিষণ্ণং গাঢমর্পিতম্ ।
ভ্রাতরং দীনবদনং পর্যদেবয়দাতুরঃ ।। ৬.৪৯.৪ ।।।।
49.5
কিং নু মে সীতয়া কার্যং কিং কার্যং জীবিতেন বা ।
শয়ানং যো ঽদ্য পশ্যামি ভ্রাতরং যুধি নির্জিতম্ ।। ৬.৪৯.৫ ।।।।
49.6
শক্যা সীতাসমা নারী মর্ত্যলোকে বিচিন্বতা ।
ন লক্ষ্মণসমো ভ্রাতা সচিবঃ সাম্পরায়িকঃ ।। ৬.৪৯.৬ ।।।।
49.7
পরিত্যক্ষ্যাম্যহং প্রাণং বানরাণাং তু পশ্যতাম্ ।
যদি পঞ্চত্বমাপন্নঃ সুমিত্রানন্দবর্ধনঃ ।। ৬.৪৯.৭ ।।।।
49.8
কিং নু বক্ষ্যামি কৌসল্যাং মাতরং কিং নু কৈকয়ীম্ ।
কথমম্ভাং সুমিত্রাং চ পুত্রদর্শনলালসাম্ ।। ৬.৪৯.৮ ।।।।
49.9
বিবত্সাং বেপমানাং চ ক্রোশন্তীং কুররীমিব ।
কথমাশ্বাসয়িষ্যামি যদা যাস্যামি তং বিনা ।। ৬.৪৯.৯ ।।।।
49.10
কথং বক্ষ্যামি শত্রুঘ্নং ভরতং চ যশস্বিনম্ ।
। ৬.৪৯.১০ ।।।।
49.11
ময়া সহ বনং যাতো বিনা তেন গতঃ পুনঃ ।
উপালম্ভং ন শক্ষ্যামি সোঢুং বত সুমিত্রয়া ।। ৬.৪৯.১১ ।।।।
49.12
ইহৈব দেহং ত্যক্ষ্যামি ন হি জীবিতুমুত্সহে ।
। ৬.৪৯.১২ ।।।।
49.13
ধিঙ্মাং দুষ্কৃতকর্মাণমনার্যং যত্কৃতে হ্যসৌ ।
লক্ষ্মণঃ পতিতঃ শেতে শরতল্পে গতাসুবৎ ।। ৬.৪৯.১৩ ।।।।
49.14
ত্বং নিত্যং স বিষণ্ণং মামাশ্বাসয়সি লক্ষ্মণ ।
গতাসুর্নাদ্য শক্নোষি মামার্তমভিভাষিতুম্ ।। ৬.৪৯.১৪ ।।।।
49.15
যেনাদ্য নিহতা যুদ্ধে রাক্ষসা বিনিপাতিতাঃ ।
তস্যমেব ক্ষিতৌ বীরঃ স শেতে নিহতঃ পরৈঃ ।। ৬.৪৯.১৫ ।।।।
49.16
শয়ানঃ শরতল্পে ঽস্মিন্ স্বশোণিতপরিপ্লুতঃ ।
শরজালৈশ্চিতো ভাতি ভাস্করো ঽস্তমিব ব্রজন্ ।। ৬.৪৯.১৬ ।।।।
49.17
বাণাভিহতমর্মত্বান্ন শক্নোত্যভিভাষিতুম্ ।
রুজা চাব্রুবতো ঽপ্যস্য দৃষ্টিরাগেণ সূচ্যতে ।। ৬.৪৯.১৭ ।।।।
49.18
যথৈব মাং বনং যান্তমনুয়াতো মহাদ্যুতিঃ ।
অহমপ্যনুয়াস্যামি তথৈবৈনং যমক্ষয়ম্ ।। ৬.৪৯.১৮ ।।।।
49.19
ইষ্টবন্ধুজনো নিত্যং মাং চ নিত্যমনুব্রতঃ ।
ইমামদ্য গতো ঽবস্থাং মমানার্যস্য দুর্নয়ৈঃ ।। ৬.৪৯.১৯ ।।।।
49.20
সুরুষ্টেনাপি বীরেণ লক্ষ্মণেন ন সংস্মরে ।
পরুষং বিপ্রিয়ং বাপি শ্রাবিতং তু কদাচন ।। ৬.৪৯.২০ ।।।।
49.21
বিসসর্জৈকবেগেন পঞ্চবাণশতানি যঃ ।
ইষ্বস্ত্রেষ্বধিকস্তস্মাৎ কার্তবীর্যাচ্চ লক্ষ্মণঃ ।। ৬.৪৯.২১ ।।।।
49.22
অস্ত্রৈরস্ত্রাণি যো হন্যাচ্ছক্রস্যাপি মহাত্মনঃ ।
সো ঽয়মুর্ব্যাং হতঃ শেতে মহার্হশয়নোচিতঃ ।। ৬.৪৯.২২ ।।।।
49.23
যন্ময়া ন কৃতো রাজা রাক্ষসানাং বিভীষণঃ ।
তচ্চ মিথ্যাপ্রলপ্তং মাং প্রধক্ষ্যতি ন সংশয়ঃ ।। ৬.৪৯.২৩ ।।।।
49.24
অস্মিন্মুহূর্তে সুগ্রীব প্রতিয়াতুমিতো ঽর্হসি ।
মত্বা হীনং ময়া রাজন্ রাবণো ঽভিদ্রবেদ্বলী ।। ৬.৪৯.২৪ ।।।।
49.25
অঙ্গদং তু পুরস্কৃত্য সসৈন্যঃ সসুহৃজ্জনঃ ।
সাগরং তর সুগ্রীব নীলেন চ নলেন চ ।। ৬.৪৯.২৫ ।।।।
49.26
কৃতং হনুমতা কার্যং যদন্যৈর্দুষ্করং রণে ।
ঋক্ষরাজেন তুষ্যামি গোলাঙ্গূলাধিপেন চ ।। ৬.৪৯.২৬ ।।।।
49.27
অঙ্গদেন কৃতং কর্ম মৈন্দেন দ্বিবিদেন চ ।
যুদ্ধং কেসরিণা সঙ্খ্যে ঘোরং সম্পাতিনা কৃতম্ ।। ৬.৪৯.২৭ ।।।।
49.28
গবয়েন গবাক্ষেণ শরভেণ গজেন চ ।
অন্যৈশ্চ হরিভির্যুদ্ধং মদর্থে ত্যক্তজীবিতৈঃ ।ন চাতিক্রমিতুং শক্যং দৈবং সুগ্রীবমানুষৈঃ ।। ৬.৪৯.২৮ ।।।।
49.29
যত্তু শক্যং বয়স্যেন সুহৃদা চ পরন্তপ ।
কৃতং সুগ্রীব তত্সর্বং ভবতা ধর্মভীরুণা ।। ৬.৪৯.২৯ ।।।।
49.30
মিত্রকার্যং কৃতমিদং ভবদ্ভির্বানরর্ষভাঃ ।
অনুজ্ঞাতা ময়া সর্বে যথেষ্টং গন্তুমর্হথ ।। ৬.৪৯.৩০ ।।।।
49.31
শুশ্রুবস্তস্য তে সর্বে বানরাঃ পরিদেবনম্ ।
বর্তয়াঞ্চকুরশ্রূণি নেত্রৈঃ কৃষ্ণেতরেক্ষণাঃ ।। ৬.৪৯.৩১ ।।।।
49.32
ততঃ সর্বাণ্যনীকানি স্থাপয়িত্বা বিভীষণঃ ।
আজগাম গদাপাণিস্ত্বরিতো যত্র রাঘবঃ ।। ৬.৪৯.৩২ ।।।।
49.33
তং দৃষ্ট্বা ত্বরিতং যান্তং নীলাঞ্জনচয়োপমম্ ।
বানরা দুদ্রুবুঃ সর্বে মন্যমানাস্তু রাবণিম্ * ।। ৬.৪৯.৩৩ ।।