Utshovসর্গ 43
43.1
যুদ্ধ্যাতাং তু ততস্তেষাং বানরাণাং মহাত্মনাম্ ।
রক্ষসাং সম্বভূবাথ বলকোপঃ সুদারুণঃ ।। ৬.৪৩.১ ।।।।
43.2
তে হয়ৈঃ কাঞ্চনাপীডৈর্ধ্বজৈশ্চাগ্নিশিখোপমৈঃ ।
রথৈশ্চাদিত্যসঙ্কাশৈঃ কবচৈশ্চ মনোরমৈঃ ।। ৬.৪৩.২ ।।।।
43.3
নির্যয়ূ রাক্ষসব্যাঘ্রা নাদয়ন্তো দিশো দশ ।
রাক্ষসা ভীমকর্মাণো রাবণস্য জয়ৈষিণঃ ।। ৬.৪৩.৩ ।।।।
43.4
বানরাণামপি চমূর্বৃহতী জয়মিচ্ছতাম্ ।
অভ্যধাবত তাং সেনাং রক্ষসাং কামরূপিণাম্ ।। ৬.৪৩.৪ ।।।।
43.5
এতস্মিন্নন্তরে তেষামন্যোন্যমভিধাবতাম্ ।
রক্ষসাং বানরাণাং চ দ্বন্দ্বয়ুদ্ধমবর্তত ।। ৬.৪৩.৫ ।।।।
43.6
অঙ্গদেনেন্দ্রজিৎ সার্ধং বালিপুত্রেণ রাক্ষসঃ ।
অয়ুধ্যত মহাতেজাস্ত্র্যম্বকেণ যথা ঽন্তকঃ ।। ৬.৪৩.৬ ।।।।
43.7
প্রজঙ্ঘেন চ সম্পাতির্নিত্যং দুর্মর্ষণো রণে ।
জম্বুমালিনমারব্ধো হনুমানপি বানরঃ ।। ৬.৪৩.৭ ।।।।
43.8
সঙ্গতঃ সুমহাক্রোধো রাক্ষসো রাবণানুজঃ ।
সমরে তীক্ষ্ণবেগেন মিত্রঘ্নেন বিভীষণঃ ।। ৬.৪৩.৮ ।।।।
43.9
তপনেন গজঃ সার্ধং রাক্ষসেন মহাবলঃ ।
নিকুম্ভেন মহাতেজা নীলো ঽপি সময়ুদ্ধ্যত ।। ৬.৪৩.৯ ।।।।
43.10
বানরেন্দ্রস্তু সুগ্রীবঃ প্রঘসেন সমাগতঃ ।
সঙ্গতঃ সমরে শ্রীমান্ বিরূপাক্ষেণ লক্ষ্মণঃ ।। ৬.৪৩.১০ ।।।।
43.11
আগ্নিকেতুশ্চ দুর্ধর্ষো রশ্মিকেতুশ্চ রাক্ষসঃ ।
সুপ্তঘ্নো যজ্ঞকোপশ্চ রামেণ সহ সঙ্গতাঃ ।। ৬.৪৩.১১ ।।।।
43.12
বজ্রমুষ্টিস্তু মৈন্দেন দ্বিবিদানশনিপ্রভঃ ।
রাক্ষসাভ্যাং সুঘোরাভ্যাং কপিমুখ্যৌ সমাগতৌ ।। ৬.৪৩.১২ ।।।।
43.13
বীরঃ প্রতপনো ঘোরো রাক্ষসো রণদুর্ধরঃ ।
সমরে তীক্ষ্ণবেগেন নলেন সময়ুদ্ধ্যত ।। ৬.৪৩.১৩ ।।।।
43.14
ধর্মস্য পুত্রো বলবান্ সুষেণ ইতি বিশ্রুতঃ ।
স বিদ্যুন্মালিনা সার্ধময়ুধ্যত মহাকপিঃ ।। ৬.৪৩.১৪ ।।।।
43.15
বানরাশ্চাপরে ভীমা রাক্ষসৈরপরৈঃ সহ ।
দ্বন্দ্বং সমীয়ুর্বহুধা যুদ্ধায় বহুভিঃ সহ ।। ৬.৪৩.১৫ ।।।।
43.16
তত্রাসীৎ সুমহদ্যুদ্ধং তুমুলং রোমহর্ষণম্ ।
রক্ষসাং বানরাণাং চ বীরাণাং জয়মিচ্ছতাম্ ।। ৬.৪৩.১৬ ।।।।
43.17
হরিরাক্ষসদেহেভ্যঃ প্রভৃতাঃ কেশশাদ্বলাঃ ।
শরীরসঙ্ঘাটবহাঃ প্রসস্রুঃ শোণিতাপগাঃ ।। ৬.৪৩.১৭ ।।।।
43.18
আজঘানেন্দ্রজিৎ ক্রুদ্ধো বজ্রেণেব শতক্রতুঃ ।
অঙ্গদং গদয়া বীরং শত্রুসৈন্যবিদারণম্ ।। ৬.৪৩.১৮ ।।।।
43.19
তস্য কাঞ্চনচিত্রাঙ্গং রথং সাশ্বং সসারথিম্ ।
জঘান সমরে শ্রীমানঙ্গদো বেগবান্ কপিঃ ।। ৬.৪৩.১৯ ।।।।
43.20
সম্পাতিস্তু ত্রিভির্বাণৈঃ প্রজঙ্ঘেন সমাহতঃ ।
নিজঘানাশ্বকর্ণেন প্রজঙ্ঘং রণমূর্ধনি ।। ৬.৪৩.২০ ।।।।
43.21
জম্বুমালী রথস্থস্তু রথশক্ত্যা মহাবলঃ ।
বিভেদ সমরে ক্রুদ্ধো হনূমন্তং স্তনান্তরে ।। ৬.৪৩.২১ ।।।।
43.22
তস্য তং রথমাস্থায় হনূমান্ মারুতত্মজঃ ।
প্রমমাথ তলেনাশু সহ তেনৈব রক্ষসা ।। ৬.৪৩.২২ ।।।।
43.23
নদন্ প্রতপনো ঘোরো নলং সো ঽপ্যন্বধাবত ।
। ৬.৪৩.২৩ ।।।।
43.24
নলঃ প্রতপনস্যাশু পাতয়ামাস চক্ষুষী ।
ভিন্নগাত্রঃ শরৈস্তীক্ষ্ণৈঃ ক্ষিপ্রহস্তেন রক্ষসা ।। ৬.৪৩.২৪ ।।।।
43.25
গ্রসন্তমিব সৈন্যানি প্রঘসং বানরাধিপঃ ।
সুগ্রীবঃ সপ্তপর্ণেন নির্বিভেদ জঘান চ ।। ৬.৪৩.২৫ ।।।।
43.26
অগ্নিকেতুশ্চ দুর্ধর্ষো রশ্মিকেতুশ্চ রাক্ষসঃ ।
সুপ্তঘ্নো যজ্ঞকোপশ্চ রামং নির্বিভিদুঃ শরৈঃ ।। ৬.৪৩.২৬ ।।।।
43.27
তেষাং চতুর্ণাং রামস্তু শিরাংসি নিশিতৈঃ শরৈ ।
ক্রুদ্ধশ্চতুর্ভিশ্চিচ্ছেদ ঘোরৈরগ্নিশিখোপমৈঃ ।। ৬.৪৩.২৭ ।।।।
43.28
বজ্রমুষ্টিস্তু মৈন্দেন মুষ্টিনা নিহতো রণে ।
পপাত সরথঃ সাশ্বঃ পুরাট্ট ইব ভূতলে ।। ৬.৪৩.২৮ ।।।।
43.29
নিকুম্ভস্তু রণে নীলং নীলাঞ্জনচয়প্রভম্ ।
নির্বিভেদ শরৈস্তীক্ষ্ণৈঃ করৈর্মেঘমিবাংশুমান্ ।। ৬.৪৩.২৯ ।।।।
43.30
পুনঃ শরশতেনাথ ক্ষিপ্রহস্তো নিশাচরঃ ।
বিভেদ সমরে নীলং নিকুম্ভঃ প্রজহাস চ ।। ৬.৪৩.৩০ ।।।।
43.31
তস্যৈব রথচক্রেণ নীলো বিষ্ণুরিবাহবে ।
শিরশ্চিচ্ছেদ সমরে নিকুম্ভস্য চ সারথেঃ ।। ৬.৪৩.৩১ ।।।।
43.32
বজ্রাশনিসমস্পর্শো দ্বিবিদো ঽপ্যশনিপ্রভম্ ।
জঘান গিরিশৃঙ্গেণ মিষতাং সর্বরক্ষসাম্ ।। ৬.৪৩.৩২ ।।।।
43.33
দ্বিবিদং বানরেন্দ্রং তু নগয়োধিনমাহবে ।
শরৈরশনি সঙ্কাশৈঃ স বিব্যাধাশনিপ্রভঃ ।। ৬.৪৩.৩৩ ।।।।
43.34
স শরৈরতিবিদ্ধাঙ্গো দ্বিবিদঃ ক্রোধমূর্চ্ছিতঃ ।
সালেন সরথং সাশ্বং নিজঘানাশনিপ্রভম্ ।। ৬.৪৩.৩৪ ।।।।
43.35
বিদ্যুন্মালী রথস্থস্তু শরৈঃ কাঞ্চনভূষণৈঃ ।
সুষেণং তাডয়ামাস ননাদ চ মুহুর্মুহুঃ ।। ৬.৪৩.৩৫ ।।।।
43.36
তং রথস্থমথো দৃষ্ট্বা সুষেণো বানরোত্তমঃ ।
গিরিশৃঙ্গেণ মহতা রথমাশু ন্যপাতয়ৎ ।। ৬.৪৩.৩৬ ।।।।
43.37
লাঘবেন তু সংয়ুক্তো বিদ্যুন্মালী নিশাচরঃ ।
অপক্রম্য রথাত্তূর্ণং গদাপাণিঃ ক্ষিতৌ স্থিতঃ ।। ৬.৪৩.৩৭ ।।।।
43.38
ততঃ ক্রোধসমাবিষ্টঃ সুষেণো হরিপুঙ্গবঃ ।
শিলাং সুমহতীং গৃহ্য নিশাচরমভিদ্রবৎ ।। ৬.৪৩.৩৮ ।।।।
43.39
তমাপতন্তং গদয়া বিদ্যুন্মালী নিশাচরঃ ।
বক্ষস্যভিজঘানাশু সুষেণং হরিসত্তমম্ ।। ৬.৪৩.৩৯ ।।।।
43.40
গদাপ্রহারং তং ঘোরমচিন্ত্য প্লবগোত্তমঃ ।
তাং শিলাং পাতয়ামাস তস্যোরসি মহামৃধে ।। ৬.৪৩.৪০ ।।।।
43.41
শিলাপ্রহারাভিহতো বিদ্যুন্মালী নিশাচরঃ ।
নিষ্পিষ্টহৃদয়ো ভূমৌ গতাসুর্নিপপাত হ ।। ৬.৪৩.৪১ ।।।।
43.42
এবং তৈর্বানরৈঃ শূরৈঃ শূরাস্তে রজনীচরাঃ ।
দ্বন্দ্বে বিমৃদিতাস্তত্র দৈত্যা ইব দিবৌকসৈঃ ।। ৬.৪৩.৪২ ।।।।
43.43
নিহতৈঃ কুঞ্জরৈর্মত্তৈস্তথা বানররাক্ষসৈঃ ।
চক্রাক্ষয়ুগদণ্ডৈশ্চ ভগ্নৈর্ধরণিসংশ্রিতৈঃ ।বভূবায়োধনং ঘোরং গোমায়ুগণসঙ্কুলম্ ।। ৬.৪৩.৪৩ ।।।।
43.44
কবন্ধানি সমুত্পেতুর্দিক্ষু বানররক্ষসাম্ ।
বিমর্দে তুমুলে তস্মিন্ দেবাসুররণোপমে ।। ৬.৪৩.৪৪ ।।।।
43.45
বিদার্যমাণা হরিপুঙ্গবৈস্তদা নিশাচরাঃ শোণিতদিগ্ধগাত্রাঃ ।
পুনঃ সুয়ুদ্ধং তরসা সমাস্থিতা দিবাকরস্যাস্তময়াভিকাঙ্ক্ষিণঃ ।। ৬.৪৩.৪৫ ।।