Utshovসর্গ 41
41.1
অথ তস্মিন্নিমিত্তানি দৃষ্ট্বা লক্ষ্মণপূর্বজঃ ।
সুগ্রীবং সম্পরিষ্বজ্য তদা বচনমব্রবীৎ ।। ৬.৪১.১ ।।।।
41.2
অসম্মন্ত্র্য ময়া সার্দ্ধং তদিদং সাহসং কৃতম্ ।
এবং সাহসকর্মাণি ন কুর্বন্তি জনেশ্বরাঃ ।। ৬.৪১.২ ।।।।
41.3
সংশয়ে স্থাপ্য মাং চেদং বলং চ সবিভীষণম্ ।
কষ্টং কৃতমিদং বীর সাহসং সাহসপ্রিয় ।। ৬.৪১.৩ ।।।।
41.4
ইদানীং মা কৃথা বীর এবংবিধমচিন্তিতম্ ।
ত্বয়ি কিঞ্চিৎ সমাপন্নে কিং কার্যং সীতয়া মম ।। ৬.৪১.৪ ।।।।
41.5
ভরতেন মহাবাহো লক্ষ্মণেন যবীয়সা ।
শত্রুঘ্নেন চ শত্রুঘ্ন স্বশরীরেণ বা পুনঃ ।। ৬.৪১.৫ ।।পুনঃপুনঃ ।।।।
41.6
ত্বয়ি চানাগতে পূর্বমিতি মে নিশ্চিতা মতিঃ ।
জানতশ্চাপি তে বীর্যং মহেন্দ্রবরুণোপম ।। ৬.৪১.৬ ।।।।
41.7
হত্বা ঽহং রাবণং যুদ্ধে সপুত্রবলবাহনম্ ।
অভিষিচ্য চ লঙ্কায়াং বিভীষণমথাপি চ ।ভরতে রাজ্যমাবেশ্য ত্যক্ষ্যে দেহং মহাবল ।। ৬.৪১.৭ ।।।।
41.8
তমেবং বাদিনং রামং সুগ্রীবঃ প্রত্যভাষত ।
। ৬.৪১.৮ ।।।।
41.9
তব ভার্যাপহর্তারং দৃষ্ট্বা রাঘব রাবণম্ ।
মর্ষয়ামি কথং বীর জানন্ পৌরুষমাত্মনঃ ।। ৬.৪১.৯ ।।।।
41.10
ইত্যেবং বাদিনং বীরমভিনন্দ্য স রাঘবঃ ।
লক্ষ্মণং লক্ষ্মিসম্পন্নমিদং বচনমব্রবীৎ ।। ৬.৪১.১০ ।।।।
41.11
পরিগৃহ্যোদকং শীতং বনানি ফলবন্তি চ ।
বলৌঘং সংবিভজ্যেমং ব্যূহ্য তিষ্ঠেম লক্ষ্মণ ।। ৬.৪১.১১ ।।।।
41.12
লোকক্ষয়করং ভীমং ভয়ং পশ্যাম্যুপস্থিতম্ ।
নিবর্হণং প্রবীরাণামৃক্ষবানররক্ষসাম্ ।। ৬.৪১.১২ ।।।।
41.13
বাতাশ্চ পরুষা বান্তি কম্পতে চ বসুন্ধরা ।
পর্বতাগ্রাণি বেপন্তে পতন্তি ধরণীরুহাঃ ।। ৬.৪১.১৩ ।।।।
41.14
মেঘাঃ ক্রব্যাদসঙ্কাশাঃ পরুষাঃ পরুষস্বনাঃ ।
ক্রূরাঃ ক্রূরং প্রবর্ষন্তি মিশ্রং শোণিতবিন্দুভিঃ ।। ৬.৪১.১৪ ।।।।
41.15
রক্তচন্দনসঙ্কাশা সন্ধ্যা পরমদারুণা ।
জ্বলচ্চ নিপতত্যেতদাদিত্যাদগ্নিমণ্ডলম্ ।। ৬.৪১.১৫ ।।।।
41.16
আদিত্যমভিবাশ্যন্তি জনয়ন্তো মহদ্ভয়ম্ ।
দীনা দীনস্বরা ঘোরা অপ্রশস্তা মৃগদ্বিজাঃ ।। ৬.৪১.১৬ ।।।।
41.17
রজন্যামপ্রকাশশ্চ সন্তাপয়তি চন্দ্রমাঃ ।
কৃষ্ণরক্তান্তপর্যন্তো যথা লোকস্য সঙ্ক্ষয়ে ।। ৬.৪১.১৭ ।।।।
41.18
হ্রস্বো রূক্ষো ঽপ্রশস্তশ্চ পরিবেষঃ সুলোহিতঃ ।
। ৬.৪১.১৮ ।।।।
41.19
আদিত্যমণ্ডলে নীলং লক্ষ্ম লক্ষ্মণ দৃশ্যতে ।
দৃশ্যন্তে ন যথাবচ্চ নক্ষত্রাণ্যভিবর্ততে ।যুগান্তমিব লোকস্য পশ্য লক্ষ্মণ শংসতি ।। ৬.৪১.১৯ ।।।।
41.20
কাকাঃ শ্যেনাস্তথা গৃধ্রা নীচৈঃ পরিপতন্তি চ ।
শিবাশ্চাপ্যশিবা বাচঃ প্রবদন্তি মহাস্বনাঃ ।। ৬.৪১.২০ ।।।।
41.21
ক্ষিপ্রমদ্য দুরাধর্ষাং লঙ্কাং রাবণপালিতাম্ ।
অভিয়াম জবেনৈব সর্বতো হরিভির্বৃতাঃ ।। ৬.৪১.২১ ।।।।
41.22
ইত্যেবং সংবদন্ বীরো লক্ষ্মণং লক্ষ্মণাগ্রজঃ ।
তস্মাদবাতরচ্ছীব্রং পর্বতাগ্রান্মহাবলঃ ।। ৬.৪১.২২ ।।।।
41.23
অবতীর্যং চ ধর্মাত্মা তস্মাচ্ছৈলাৎ স রাঘবঃ ।
পরৈঃ পরমদুর্ধর্ষং দদর্শ বলমাত্মনঃ ।। ৬.৪১.২৩ ।।।।
41.24
সন্নহ্য তু সসুগ্রীবঃ কপিরাজবলং মহৎ ।
কালজ্ঞো রাঘবঃ কালে সংয়ুগায়াভ্যচোদয়ৎ ।। ৬.৪১.২৪ ।।।।
41.25
ততঃ কালে মহাবাহুর্বলেন মহতাবৃতঃ ।
প্রস্থিতঃ পুরতো ধন্বী লঙ্কামভিমুখঃ পুরীম্ ।। ৬.৪১.২৫ ।।।।
41.26
তং বিভীষণসুগ্রীবৌ হনুমান্ জাম্ববান্নলঃ ।
ঋক্ষরাজস্তথা নীলো লক্ষ্মণশ্চান্বয়ুস্তদা ।। ৬.৪১.২৬ ।।।।
41.27
ততঃ পশ্চাৎ সুমহতী পৃতনর্ক্ষবনৌকসাম্ ।
প্রচ্ছাদ্য মহতীং ভূমিমনুয়াতি স্ম রাঘবম্ ।। ৬.৪১.২৭ ।।।।
41.28
শৈলশৃঙ্গাণি শতশঃ প্রবৃদ্ধাংশ্চ মহীরুহান্ ।
জগৃহুঃ কুঞ্জরপ্রখ্যা বানরাঃ পরবারণাঃ ।। ৬.৪১.২৮ ।।।।
41.29
তৌ তু দীর্ঘেণ কালেন ভ্রাতরৌ রামলক্ষ্মণৌ ।
রাবণস্য পুরীং লঙ্কামাসেদতুররিন্দমৌ ।। ৬.৪১.২৯ ।।।।
41.30
পতাকমালিনীং রম্যামুদ্যানবনশোভিতাম্ ।
চিত্রবপ্রাং সুদুষ্প্রাপামুচ্চৈঃ প্রাকারতোরণাম্ ।। ৬.৪১.৩০ ।।।।
41.31
তাং সুরৈরপি দুর্ধর্ষাং রামবাক্যপ্রচোদিতাঃ ।
যথানিবেশং সম্পীড্য ন্যবিশন্ত বনৌকসঃ ।। ৬.৪১.৩১ ।।।।
41.32
লঙ্কায়াস্তূত্তরদ্বারং শলশৃঙ্গমিবোন্নতম্ ।
রামঃ সহানুজো ধন্বী জুগোপ চ রুরোধ চ ।। ৬.৪১.৩২ ।।।।
41.33
লঙ্কামুপনিবিষ্টশ্চ রামো দশরথাত্মজঃ ।
লক্ষ্মণানুচরো বীরঃ পুরীং রাবণপালিতাম্ ।উত্তরদ্বারমাসাদ্য যত্র তিষ্ঠতি রাবণঃ ।। ৬.৪১.৩৩ ।।।।
41.34
নান্যো রামাদ্ধি তদ্দ্বারং সমর্থঃ পরিরক্ষিতুম্ ।
রাবণাধিষ্ঠিতং ভীমং বরুণেনেব সাগরম্ ।। ৬.৪১.৩৪ ।।।।
41.35
সায়ুধৈ রাক্ষসৈর্ভীমৈরভিগুপ্তং সমন্ততঃ ।
লঘূনাং ত্রাসজননং পাতালমিব দানবৈঃ ।। ৬.৪১.৩৫ ।।।।
41.36
বিন্যস্তানি চ যোধানাং বহূনি বিবিধানি চ ।
দদর্শায়ুধজালানি তত্রৈব কবচানি চ ।। ৬.৪১.৩৬ ।।।।
41.37
পূর্বং তু দ্বারমাসাদ্য নীলো হরিচমূপতিঃ ।
অতিষ্ঠৎ সহ মৈন্দেন দ্বিবিদেন চ বীর্যবান্ ।। ৬.৪১.৩৭ ।।।।
41.38
অঙ্গদো দক্ষিণদ্বারং জগ্রাহ সুমহাবলঃ ।
ঋষভেণ গবাক্ষেণ গজেন গবয়েন চ ।। ৬.৪১.৩৮ ।।।।
41.39
হনুমান্ পশ্চিমদ্বারং ররক্ষ বলবান্ কপিঃ ।
প্রমাথিপ্রঘসাভ্যাং চ বীরৈরন্যৈশ্চ সঙ্গতঃ ।। ৬.৪১.৩৯ ।।।।
41.40
মধ্যমে চ স্বয়ং গুল্মে সুগ্রীবঃ সমতিষ্ঠত ।
সহ সর্বৈহরিশ্রেষ্ঠৈঃ সুপর্ণশ্বসনোপমৈঃ ।। ৬.৪১.৪০ ।।।।
41.41
বানারাণাং তু ষট্ত্রিংশৎ কোট্যঃ প্রখ্যাতয়ূথপাঃ ।
নিপীড্যোপনিবিষ্টাশ্চ সুগ্রীবো যত্র বানরঃ ।। ৬.৪১.৪১ ।।।।
41.42
শাসনেন তু রামস্য লক্ষ্মণঃ সবিভীষণঃ ।
দ্বারে দ্বারে হরীণাং তু কোটিং কোটিং ন্যবেশয়ৎ ।। ৬.৪১.৪২ ।।।।
41.43
পশ্চিমেন তু রামস্য সুগ্রীবঃ সহজাম্ববান্ ।
অদূরান্মধ্যমে গুল্মে তস্থৌ বহুবলানুগঃ ।। ৬.৪১.৪৩ ।।।।
41.44
তে তু বানরশার্দূলাঃ শার্দূলা ইব দংষ্ট্রিণঃ ।
গৃহীত্বা দ্রুমশৈলাগ্রান্ হৃষ্টা যুদ্ধায় তস্থিরে ।। ৬.৪১.৪৪ ।।।।
41.45
সর্বে বিকৃতলাঙ্গূলাঃ সর্বে দংষ্ট্রানখায়ুধাঃ ।
সর্বে বিকৃতচিত্রাঙ্গাঃ সর্বে চ বিকৃতাননাঃ ।। ৬.৪১.৪৫ ।।।।
41.46
দশনাগবলাঃ কেচিৎ কেচিদ্দশগুণোত্তরাঃ ।
কেচিন্নাগসহস্রস্য বভূবুস্তুল্যবিক্রমাঃ ।। ৬.৪১.৪৬ ।।।।
41.47
সন্তি চৌঘবলাঃ কেচিৎ কেচিচ্ছতগুণোত্তরাঃ ।
অপ্রমেয়বলাশ্চান্যে তত্রাসন্ হরিয়ূথপাঃ ।। ৬.৪১.৪৭ ।।।।
41.48
অদ্ভুতশ্চ বিচিত্রশ্চ তেষামাসীৎ সমাগমঃ ।
তত্র বানরসৈন্যানাং শলভানামিবোদ্যমঃ ।। ৬.৪১.৪৮ ।।।।
41.49
পরিপূর্ণমিবাকাশং সঞ্ছন্নেব চ মেদিনী ।
লঙ্কামুপনিবিষ্টৈশ্চ সম্পতদ্ভিশ্চ বানরৈঃ ।। ৬.৪১.৪৯ ।।।।
41.50
শতং শতসহস্রাণাং পৃথগৃক্ষবনৌকসাম্ ।
লঙ্কাদ্বারাণ্যুপাজগ্মুরন্যে যোদ্ধুং সমন্ততঃ ।। ৬.৪১.৫০ ।।।।
41.51
আবৃতঃ স গিরিঃ সর্বৈস্তৈঃ সমন্তাৎ প্লবঙ্গমৈঃ ।
। ৬.৪১.৫১ ।।।।
41.52
অয়ুতানাং সহস্রং চ পুরীং তামভ্যবর্তত ।
। ৬.৪১.৫২ ।।।।
41.53
বানরৈর্বলবদ্ভিশ্চ বভূব দ্রুমপাণিভিঃ ।
সংবৃতা সর্বতো লঙ্কা দুষ্প্রবেশাপি বায়ুনা ।। ৬.৪১.৫৩ ।।।।
41.54
রাক্ষসা বিস্ময়ং জগ্মুঃ সহসা ঽভিনিপীডিতাঃ ।
বানরৈর্মেঘসঙ্কাশৈঃ শক্রতুল্যপরাক্রমৈঃ ।। ৬.৪১.৫৪ ।।।।
41.55
মহান্ শব্দো ঽভবত্তত্র বলৌঘস্যাভিবর্ততঃ ।
সাগরস্যেব ভিন্নস্য যথা স্যাৎ সলিলস্বনঃ ।। ৬.৪১.৫৫ ।।।।
41.56
তেন শব্দেন মহতা সপ্রাকারা সতোরণা ।
লঙ্কা প্রচলিতা সর্বা সশৈলবনকাননা ।। ৬.৪১.৫৬ ।।।।
41.57
রামলক্ষ্মণগুপ্তা সা সুগ্রীবেণ চ বাহিনী ।
বভূব দুর্ধর্ষতরা সর্বৈরপি সুরাসুরৈঃ ।। ৬.৪১.৫৭ ।।।।
41.58
রাঘবঃ সন্নিবেশ্যৈব সৈন্যং স্বং রক্ষসাং বধে ।
সম্মন্ত্র্য মন্ত্রিভিঃ সার্ধং নিশ্চিত্য চ পুনঃপুনঃ ।আনন্তর্যমভিপ্রেপ্সুঃ ক্রময়োগার্থতত্ত্ববিৎ ।। ৬.৪১.৫৮ ।।।।
41.59
বিভীষণস্যানুমতে রাজধর্মনুস্মরন্ ।
অঙ্গদং বালিতনয়ং সমাহূয়েদমব্রবীৎ ।। ৬.৪১.৫৯ ।।
41.60
ত্য চ পুনঃপুনঃ ।
গত্বা সোম্য দশগ্রীবং ব্রুহি মদ্বচনাৎ কপে ।লঙ্ঘয়িত্বা পুরীং লঙ্কাং ভয়ং ত্যক্ত্বা গতব্যথঃ ।। ৬.৪১.৬০ ।।।।
41.61
ভ্রষ্টশ্রীকগতৈশ্বর্য মুমূর্ষো নষ্টচেতন ।
ঋষীণাং দেবতানাং চ গন্ধর্বাপ্সরসাং তথা ।। ৬.৪১.৬১ ।।।।
41.62
নাগানামথ যক্ষাণাং রাজ্ঞাং চ রজনীচর ।
যচ্চ পাপং কৃতং মোহাদবলিপ্তেন রাক্ষস ।। ৬.৪১.৬২ ।।।।
41.63
নূনমদ্য গতো দর্পঃ স্বয়ম্ভূবরদানজঃ ।
যস্য দণ্ডধরস্তে ঽহং দারাহরণকর্শিতঃ ।দণ্ডং ধারয়মাণস্তু লঙ্কাদ্বারে ব্যবস্থিতঃ ।। ৬.৪১.৬৩ ।।।।
41.64
পদবীং দেবতানাং চ মহর্ষীণাং চ রাক্ষস ।
রাজর্ষীণাং চ সর্বেষাং গমিষ্যসি ময়া হতঃ ।। ৬.৪১.৬৪ ।।।।
41.65
বলেন যেন বৈ সীতাং মায়য়া রাক্ষসাধম ।
মামতিক্রাময়িত্বা ত্বং হৃতবাংস্তন্নিদর্শয় ।। ৬.৪১.৬৫ ।।।।
41.66
অরাক্ষসমিমং লোকং কর্তাস্মি নিশিতৈঃ শরৈঃ ।
ন চেচ্ছরণমভ্যেষি মামুপাদায় মৈথিলীম্ ।। ৬.৪১.৬৬ ।।।।
41.67
ধর্মাত্মা রক্ষসাং শ্রেষ্ঠঃ সম্প্রাপ্তো ঽয়ং বিভীষণঃ ।
লঙ্কৈশ্বর্যং ধ্রুবং শ্রীমানয়ং প্রাপ্নোত্যকণ্টকম্ ।। ৬.৪১.৬৭ ।।।।
41.68
ন হি রাজ্যমধর্মেণ ভোক্তুং ক্ষণমপি ত্বয়া ।
শক্যং মূর্খসহায়েন পাপেনাবিদিতাত্মনা ।। ৬.৪১.৬৮ ।।।।
41.69
যুদ্ধ্যস্ব বা ধৃতিং কৃত্বা শৌর্যমালম্ব্য রাক্ষস ।
মচ্ছরৈস্ত্বং রণে শান্তস্ততঃ পূতো ভবিষ্যসি ।। ৬.৪১.৬৯ ।।।।
41.70
যদ্বা বিশসি লোকাংস্ত্রীন্ পক্ষিভূতো মনোজবঃ ।
মম চক্ষুষ্পথং প্রাপ্য ন জীবন্ প্রতিয়াস্যসি ।। ৬.৪১.৭০ ।।।।
41.71
ব্রবীমি ত্বাং হিতং বাক্যং ক্রিয়তামৌর্ধ্বদৈহিকম্ ।
সুদৃষ্টা ক্রিয়তাং লঙ্কা জীবিতং তে ময়ি স্থিতম্ ।। ৬.৪১.৭১ ।।।।
41.72
ইত্যুক্তঃ স তু তারেয়ো রামেণাক্লিষ্টকর্মণা ।
জগামাকাশমাবিশ্য মূর্তিমানিব হব্যবাট্ ।। ৬.৪১.৭২ ।।।।
41.73
সো ঽতিপত্য মুহূর্তেন শ্রীমান্রাবণমন্দিরম্ ।
দদর্শাসীনমব্যগ্রং রাবণং সচিবৈঃ সহ ।। ৬.৪১.৭৩ ।।।।
41.74
ততস্তস্যাবিদূরে স নিপত্য হরিপুঙ্গবঃ ।
দীপ্তাগ্নিসদৃশস্তস্থাবঙ্গদঃ কনকাঙ্গদঃ ।। ৬.৪১.৭৪ ।।।।
41.75
তদ্রামবচনং সর্বমন্যূনাধিকমুত্তমম্ ।
সামাত্যং শ্রাবয়ামাস নিবেদ্যাত্মানমাত্মনা ।। ৬.৪১.৭৫ ।।।।
41.76
দূতো ঽহং কোসলেন্দ্রস্য রামস্যাক্লিষ্টকর্মণঃ ।
বালিপুত্রো ঽঙ্গদো নাম যদি তে শ্রোত্রমাগতঃ ।। ৬.৪১.৭৬ ।।।।
41.77
আহ ত্বাং রাঘবো রামঃ কৌসল্যানন্দবর্ধনঃ ।
নিষ্পত্য প্রতিয়ুদ্ধ্যস্ব নৃশংস পুরুষো ভব ।। ৬.৪১.৭৭ ।।।।
41.78
হন্তাস্মি ত্বাং সহামাত্যং সপুত্রজ্ঞাতিবান্ধবম্ ।
নিরুদ্বিগ্নাস্ত্রয়ো লোকা ভবিষ্যন্তি হতে ত্বয়ি ।। ৬.৪১.৭৮ ।।।।
41.79
দেবদানবয়ক্ষাণাং গন্ধর্বোরগরক্ষসাম্ ।
শত্রুমদ্যোদ্ধরিষ্যামি ত্বামৃষীণাং চ কণ্টকম্ ।। ৬.৪১.৭৯ ।।।।
41.80
বিভীষণস্য চৈশ্বর্যং ভবিষ্যতি হতে ত্বয়ি ।
ন চেৎ সত্কৃত্য বৈদেহীং প্রণিপত্য প্রদাস্যসি ।। ৬.৪১.৮০ ।।।।
41.81
ইত্যেবং পরুষং বাক্যং ব্রুবাণে হরিপুঙ্গবে ।
অমর্ষবশমাপন্নো নিশাচরগণেশ্বরঃ ।। ৬.৪১.৮১ ।।।।
41.82
ততঃ স রোষতাম্রাক্ষঃ শশাস সচিবাংস্তদা ।
গৃহ্যতামেষ দুর্মেধা বধ্যতামিতি চাসকৃৎ ।। ৬.৪১.৮২ ।।।।
41.83
রাবণস্য বচঃ শ্রুত্বা দীপ্তাগ্নিসমতেজসঃ ।
জগৃহুস্তং ততো ঘোরাশ্চত্বারো রজনীচরাঃ ।। ৬.৪১.৮৩ ।।।।
41.84
গ্রাহয়ামাস তারেয়ঃ স্বয়মাত্মানমাত্মবান্ ।
বলং দর্শয়িতুং বীরো যাতুধানগণে তদা ।। ৬.৪১.৮৪ ।।।।
41.85
স তান্ বাহুদ্বয়ে সক্তানাদায় পতগানিব ।
প্রাসাদং শৈলসঙ্কাসমুত্পপাতাঙ্গদস্তদা ।। ৬.৪১.৮৫ ।।।।
41.86
তে ঽন্তরিক্ষাদ্বিনির্ধূতাস্তস্য বেগেন রাক্ষসাঃ ।
ভূমৌ নিপতিতাঃ সর্বে রাক্ষসেন্দ্রস্য পশ্যতঃ ।। ৬.৪১.৮৬ ।।।।
41.87
ততঃ প্রাসাদশিখরং শৈলশৃঙ্গমিবোন্নতম্ ।
দদর্শ রাক্ষসেন্দ্রস্য বালিপুত্রঃ প্রতাপবান্ ।। ৬.৪১.৮৭ ।।।।
41.88
তত্পফাল পদাক্রান্তং দশগ্রীবস্য পশ্যতঃ ।
পুরা হিমবতঃ শৃঙ্গং বজ্রিণেব বিদারিতম্ ।। ৬.৪১.৮৮ ।।।।
41.89
ভঙ্ক্ত্বা প্রাসাদশিখরং নাম বিশ্রাব্য চাত্মনঃ ।
বিনদ্য সুমহানাদমুত্পপাত বিহায়সম্ ।। ৬.৪১.৮৯ ।।।।
41.90
ব্যথয়ন্ রাক্ষসান্ সর্বান্ হর্ষয়ংশ্চাপি বানরান্ ।
স বানরাণাং মধ্যে তু রামপার্শ্বমুপাগতঃ ।। ৬.৪১.৯০ ।।।।
41.91
রাবণস্তু পরং চক্রে ক্রোধং প্রাসাদধর্ষণাৎ ।
বিনাশং চাত্মনঃ পশ্যন্নিশ্বাসপরমো ঽভবৎ ।। ৬.৪১.৯১ ।।।।
41.92
রামস্তু বহুভির্হৃষ্টৈর্নিনদদ্ভিঃ প্লবঙ্গমৈঃ ।
বৃতো রিপুবধাকাঙ্ক্ষী যুদ্ধায়ৈবাভ্যবর্তত ।। ৬.৪১.৯২ ।।।।
41.93
সুষেণস্তু মহাবীর্যো গিরিকূটোপমো হরিঃ ।
বহুভিঃ সংবৃতস্তত্র বানরৈঃ কামরূপিভিঃ ।। ৬.৪১.৯৩ ।।।।
41.94
চতুর্দ্বারাণি সর্বাণি সুগ্রীববচনাৎ কপিঃ ।
পর্যক্রামত দুর্ধর্ষো নক্ষত্রাণীব চন্দ্রমাঃ ।। ৬.৪১.৯৪ ।।।।
41.95
তেষামক্ষৌহিণিশতং সমবেক্ষ্য বনৌকসাম্ ।
লঙ্কামুপনিবিষ্টানাং সাগরং চাভিবর্ততাম্ ।। ৬.৪১.৯৫ ।।।।
41.96
রাক্ষসা বিস্ময়ং জগ্মুস্ত্রাসং জগ্মুস্তথা ঽপরে ।
অপরে সমরোদ্ধর্ষাদ্ধর্ষমেব প্রপেদিরে ।। ৬.৪১.৯৬ ।।।।
41.97
কৃত্স্নং হি কপিভির্ব্যাপ্তং প্রাকারপরিখান্তরম্ ।
দদৃশূ রাক্ষসা দীনাঃ প্রাকারং বানরীকৃতম্ ।। ৬.৪১.৯৭ ।।।।
41.98
হাহাকারং প্রকুর্বন্তি রাক্ষসা ভয়মোহিতাঃ ।
। ৬.৪১.৯৮ ।।।।
41.99
তস্মিন্ মহাভীষণকে প্রবৃত্তে কোলাহলে রাক্ষসরাজধান্যাম্ ।
প্রগৃহ্য রক্ষাংসি মহায়ুধানি যুগান্তবাতা ইব সংবিচেরুঃ ।। ৬.৪১.৯৯ ।।