Utshovসর্গ 40
40.1
ততো রামঃ সুবেলাগ্রং যোজনদ্বয়মণ্ডলম্ ।
উপারোহত্সসুগ্রীবো হরিয়ূথৈঃ সমন্বিতঃ ।। ৬-৪০-১।।
40.2
স্থিত্বা মুহূর্তং তত্রৈব দিশো দশ বিলোকয়ন্ ।
ত্রিখ়ূটশিখরে রম্যে নির্মিতাং বিশ্বকর্মণা ।। ৬-৪০-২।।
40.3
দদর্শ লঙ্কাং সুন্যস্তাং রম্যকাননশোভিতাম্ ।
তস্যাং গোপুরশৃঙ্গস্থং রাক্ষসেন্দ্রং দুরাসদম্ ।। ৬-৪০-৩।।
40.4
শ্বেতচামরপর্যন্তং বিজয়চ্চত্রশোভিতম্ ।
রক্তচন্দনসংলিপ্তং রক্তাভরণভূষিতম্ ।। ৬-৪০-৪।।
40.5
বীলজীমূতসংকাশং হেমসংচাদিতাম্বরম্ ।
ঐরাবতবিষাণাগ্রৈরুত্কৃষ্টকিণবক্ষসম্ ।। ৬-৪০-৫।।
40.6
শশলোহিতরাগেণ সম্বীতং রক্তবাসসা ।
সংধ্যাতপেন সংচন্নং মেঘরাশিমিবাম্বরে ।। ৬-৪০-৬।।
40.7
পশ্যতাং বানরেন্দ্রাণাম্ রাঘবস্যাপি পশ্যতঃ ।
দর্শনাদ্রাক্ষসেন্দ্রস্য সুগ্রীবঃ সহসোত্থিতঃ ।। ৬-৪০-৭।।
40.8
ক্রোধবেগেন সং যুক্তঃ সত্ত্বেন চ বলেন চ ।
অচলাগ্রাদথোত্থায় পুপ্লুবে গোপুরস্থলে ।। ৬-৪০-৮।।
40.9
স্থিত্বা মুহূর্তং সম্প্রেক্ষ্য নির্ভয়েনান্তরাত্মনা ।
তৃণীকৃত্য চ তদ্রক্ষঃ সোঽব্রবীত্পরুষং বচঃ ।। ৬-৪০-৯।।
40.10
লোকনাথস্য রামস্য সখা দাসোঽস্মি রাক্ষস ।
ন ময়া মোক্যসে.দ্য ত্বং পার্থিবেন্দ্রস্য তেজসা ।। ৬-৪০-১০।।
40.11
ইত্যুক্ত্বা সহসোত্পত্য প্লুপ্লুবে তস্য চোপরি ।
আকৃষ্য মুকুটং চিত্রং পাতয়ামাস তদ্ভুবি ।। ৬-৪০-১১।।
40.12
সমীক্স্য তূর্ণমায়ান্তং বভাষে তং নিশাচরঃ ।
সুগ্রীবস্ত্বং পরোক্ষে মে হীনগ্রীবো ভবিষ্যসি ।। ৬-৪০-১২।।
40.13
ইত্যুক্ত্বোত্থায় তং ক্ষিপ্রং বাহুভ্যামাক্ষিপত্তলে ।
কন্দুবত্স সমুত্থায় বাহুভ্যামাক্ষিপদ্ধরিঃ ।। ৬-৪০-১৩।।
40.14
পরস্পরং স্বেদবিদিগ্ধগাত্রৌ ।
পরস্পরম্ শোণিতরক্তদেহৌ ।পরস্পরং শ্লিষ্টনিরুদ্ধচেষ্টৌ ।পরস্পরং শাল্মলিকিংশুকাবিব ।। ৬-৪০-১৪।।
40.15
মুষ্টিপ্রহারৈশ্চ তলপ্রহারৈ ।
ররত্নিঘাতৈশ্চ করাগ্রঘাতৈঃ ।তৌ চক্রতুর্যুদ্ধমসহ্যরূপং ।মহাবলৌ রাক্ষসবানরেন্দ্রৌ ।। ৬-৪০-১৫।।
40.16
কৃত্বা নিয়ুদ্ধং ভৃশমুগ্রবেগৌ ।
কালং চিরং গোপুরবেদিমধ্যে ।উত্ক্ষিপ্য চোত্ক্ষিপ্য বিনম্য দেহৌ ।পাদক্রমাদ্গোপুরবেদিলগ্নৌ ।। ৬-৪০-১৬।।
40.17
অন্যোন্যমাপীড্য বিলগ্নদেহৌ ।
তৌ পেতুতুঃ পালনিখাতমধ্যে ।উত্পেততুর্ভূমিতলম্ স্পৃশন্তৌ ।স্থিত্বা মুহূর্তং ত্বভিনিঃশ্বসন্তৌ ।। ৬-৪০-১৭।।
40.18
আলিঙ্গ্য চালিঙ্গ়্য চ বাহুয়োক্ত্রৈঃ ।
সংয়োজয়ামাসতুরাহবে তৌ ।সম্রম্ভশিক্ষাবলসম্প্রয়ুক্তৌ ।সুচেরতুঃ সম্প্রতি যুদ্ধমার্গে ।। ৬-৪০-১৮।।
40.19
শার্দূলসিংহবিব জাতদংষ্ট্রৌ ।
গজেন্দ্রপোতাবিব সংপ্রয়ুক্তৌ ।সংহত্য সংবেদ্য চ তৌ করাভ্যাং ।তঊ পেতুতুর্বৈ যুগপদ্ধরায়াম্ ।। ৬-৪০-১৯।।
40.20
উদ্যম্য চান্যোন্যমধিক্ষিপন্তৌ ।
সংচক্রমাতে বহু যুদ্ধমার্গে ।ব্যায়ামশিক্ষাবলসংপ্রয়ুক্তৌ ।ক্লমং ন তৌ জগ্মতুরাশু বীরৌ ।। ৬-৪০-২০।।
40.21
বাহুত্তমৈর্বারণবারণাভৈ ।
র্নিবারয়ন্তৌ পরবারণাভৌ।চিরেণ কালেন ভৃশং প্রয়ুদ্ধৌ ।সংচেরতুর্মণ্ডলমার্গমাশু ।। ৬-৪০-২১।।
40.22
তৌ পরস্পর মাসাদ্য যত্তাবন্যোন্যসূদনে ।
মার্জারাবিব ভক্ষার্থেঽবতস্থাতে মুহুর্মুহুঃ ।। ৬-৪০-২২।।
40.23
মণ্ডলানি বিচিত্রাণি স্থানানি বিবিধানি চ ।
গোমূত্রকাণি চিত্রাণি গতপ্রত্যাগতানি চ ।। ৬-৪০-২৩।।
40.24
তীর্শীনগতান্যেব তথা বক্রগতানি চ ।
পরিমোক্ষং প্রহারাণাং বর্জনং পরিধাবনম্ ।। ৬-৪০-২৪।।
40.25
অভিদ্রবণমাপ্লাবমবস্থানং সবিগ্রহম্ ।
পরাবৃত্তমপাবৃত্তমপদ্রুতমবপ্লুতম্ ।। ৬-৪০-২৫।।
40.26
উপন্যস্তমপন্যস্তং যুদ্ধমার্গবিশারদৌ ।
তৌ বিচেরতুর্ন্যোন্যং বানরেন্দ্রশ্চ রাবণঃ ।। ৬-৪০-২৬।।
40.27
এতস্মিন্নন্তরে রক্ষো মায়াবলমথাত্মনঃ ।
আরব্দুমুপসম্ পেদে জ্ঞাত্বা তম্ বানরাধিপঃ ।। ৬-৪০-২৭।।
40.28
উত্পপাত তদাকাশং জিতকাশী জিতক্লমঃ ।
রাবণঃ স্থিত এবাত্র হরিরাজেন বঞ্চিতঃ ।। ৬-৪০-২৮।।
40.29
অথ হরিবরনাথঃ প্রাপ্তসংগ্রামকীর্তি ।
র্নিশিচরপতিমাজৌ যোজয়িত্বা শ্রমেণ ।গগনমতিবিশালং লঙ্ঘয়িত্বার্কসূম ।র্হরিগণবলমধ্যে রামপার্শ্বং জগাম্ ।। ৬-৪০-২৯।।
40.30
স ইতি সবিতৃসূনুস্তত্র তত্কর্ম কৃত্বা ।
পবনগতিরনীকং প্রাবিশত্সংপ্রহৃষ্টঃ ।রঘুবরনৃপসূনোদ্বর্ধয়ন্ যুদ্ধহর্ষং ।তরুমৃগগণমুখ্যৈঃ পূজ্যমানো হরীন্দ্রঃ ।। ৬-৪০-৩০