Utshovসর্গ 39
39.1
তাম্ রাত্রিম্ উষিতাস্ তত্র সুবেলে হরি পুম্গবাঃ ।
লন্কায়াম্ দদৃশুর্ বীরা বনান্য্ উপবনানি চ ।। ৬-৩৯-১।।
39.2
সম সৌম্যানি রম্যাণি বিশালান্য্ আয়তানি চ ।
দৃষ্টি রম্যাণি তে দৃষ্ট্বা বভূবুর্ জাত বিস্ময়াঃ ।। ৬-৩৯-২।।
39.3
চম্পক অশোক পুম্নাগ সাল তাল সমাকুলা ।
তমাল বন সংচন্না নাগ মালা সমাবৃতা ।। ৬-৩৯-৩।।
39.4
হিন্তালৈর্ অর্জুনৈর্ নীপৈঃ সপ্ত পর্ণৈশ্ চ পুষ্পিতৈঃ ।
তিলকৈঃ কর্ণিকারৈশ্ চ পটালৈশ্ চ সমন্ততঃ ।। ৬-৩৯-৪।।
39.5
শুশুভে পুষ্পিত অগ্রৈশ্ চ লতা পরিগতৈর্ দ্রুমৈঃ ।
লন্কা বহু বিধৈর্ দিব্যৈর্ যথা ইন্দ্রস্য অমরাবতী ।। ৬-৩৯-৫।।
39.6
বিচিত্র কুসুম উপেতৈ রক্ত কোমল পল্লবৈঃ ।
শাদ্বলৈশ্ চ তথা নীলৈশ্ চিত্রাভির্ বন রাজিভিঃ ।। ৬-৩৯-৬।।
39.7
গন্ধ আঢ্যান্য্ অভিরম্যাণি পুষ্পাণি চ ফলানি চ ।
ধারয়ন্ত্য্ অগমাস্ তত্র ভূষণানি ইব মানবাঃ ।। ৬-৩৯-৭।।
39.8
তচ্ চৈত্র রথ সম্কাশম্ মনোজ্নম্ নন্দন উপমম্ ।
বনম্ সর্ব ঋতুকম্ রম্যম্ শুশুভে ষট্পদ আয়ুতম্ ।। ৬-৩৯-৮।।
39.9
নত্যূহ কোয়ষ্টি ভকৈর্ নৃত্যমানৈশ্ চ বর্হিভিঃ ।
রুতম্ পর ভৃতানাম্ চ শুশ্রুবে বন নির্ঝরে ।। ৬-৩৯-৯।।
39.10
নিত্য মত্ত বিহম্গানি ভ্রমর আচরিতানি চ ।
কোকিল আকুল ষণ্ডানি বিহগ অভিরুতানি চ ।। ৬-৩৯-১০।।
39.11
ভৃন্গ রাজ অভিগীতানি ভ্রমরৈঃ সেবিতানি চ ।
কোণালক বিঘুষ্টানি সারস অভিরুতানি চ ।। ৬-৩৯-১১।।
39.12
বিবিশুস্ তে ততস্ তানি বনান্য্ উপবনানি চ ।
হৃষ্টাহ্ প্রমুদিতা বীরা হরয়ঃ কাম রূপিণঃ ।। ৬-৩৯-১২।।
39.13
তেষাম্ প্রবিশতাম্ তত্র বানরাণাম্ মহা ওজসাম্ ।
পুষ্প সংসর্গ সুরভির্ ববৌ ঘ্রাণ সুখো অনিলঃ ।। ৬-৩৯-১৩।।
39.14
অন্যে তু হরি বীরাণাম্ যূথান্ নিষ্ক্রম্য যূথপাঃ ।
সুগ্রীবেণ অভ্যনুজ্নাতা লন্কাম্ জগ্মুঃ পতাকিনীম্ ।। ৬-৩৯-১৪।।
39.15
বিত্রাসয়ন্তো বিহগাংস্ ত্রাসয়ন্তো মৃগ দ্বিপান্ ।
কম্পয়ন্তশ্ চ তাম্ লন্কাম্ নাদৈঃ স্বৈর্ নদতাম্ বরাঃ ।। ৬-৩৯-১৫।।
39.16
কুর্বন্তস্ তে মহা বেগা মহীম্ চারণ পীডিতাম্ ।
অজশ্ চ সহসা এব ঊর্ধ্বম্ জগাম চরণ উদ্ধতম্ ।। ৬-৩৯-১৬।।
39.17
ঋক্ষাঃ সিম্হা বরাহাশ্ চ মহিষা বারণা মৃগাঃ ।
তেন শব্দেন বিত্রস্তা জগ্মুর্ ভীতা দিশো দশ ।। ৬-৩৯-১৭।।
39.18
শিখরম্ তু ত্রিকূটস্য প্রাংশু চ একম্ দিবি স্পৃশম্ ।
সমন্তাৎ পুষ্প সংচন্নম্ মহা রজত সম্নিভম্ ।। ৬-৩৯-১৮।।
39.19
শত যোজন বিস্তীর্ণম্ বিমলম্ চারু দর্শনম্ ।
শ্লক্ষ্ণম্ শ্রীমন্ মহচ্ চৈব দুষ্প্রাপম্ শকুনৈর্ অপি ।। ৬-৩৯-১৯।।
39.20
মনসা অপি দুরারোহম্ কিম্ পুনঃ কর্মণা জনৈঃ ।
নিবিষ্টা তত্র শিখরে লন্কা রাবণ পালিতা ।। ৬-৩৯-২০।।
39.21
দশয়োজনবিস্তীর্ণা বিংশদ্যোজনমায়তা ।
সা পুরী গোপুরৈর্ উচ্চৈঃ পাণ্ডুর অম্বুদ সম্নিভৈঃ ।কান্চনেন চ সালেন রাজতেন চ শোভিতা ।। ৬-৩৯-২১।।
39.22
প্রাসাদৈশ্ চ বিমানৈশ্ চ লন্কা পরম ভূষিতা ।
ঘনৈর্ ইব আতপ অপায়ে মধ্যমম্ বৈষ্ণবম্ পদম্ ।। ৬-৩৯-২২।।
39.23
তস্যাম্ স্তম্ভ সহস্রেণ প্রাসাদঃ সমলম্কৃতঃ ।
কৈলাস শিখর আকারো দৃশ্যতে খম্ ইব উল্লিখন্ ।। ৬-৩৯-২৩।।
39.24
চৈত্যঃ স রাক্ষস ইন্দ্রস্য বভূব পুর ভূষণম্ ।
শতেন রক্ষসাম্ নিত্যম্ যঃ সমগ্রেণ রক্ষ্যতে ।। ৬-৩৯-২৪।।
39.25
মনোজ্ঞাম্ কাঞ্চনবতীম্ সর্বতৈরুপশোভিতাম্ ।
নানাধাতুবিচিত্রৈশ্চ উদ্যানৈরুপশোভিতাম্ ।। ৬-৩৯-২৫।।
39.26
নানাবিহগসম্ঘষ্টাম্ নানামৃগনিষেবিতাম্ ।
নানাকুসুমসংপন্নাম্ নানারাক্ষসসেবিতাম্ ।। ৬-৩৯-২৬।।
39.27
তাম্ সমৃদ্ধাম্ সমৃদ্ধ অর্থো লক্ষ্মীবাম্ল্ লক্ষ্মণ অগ্রজঃ ।
রাবণস্য পুরীম্ রামো দদর্শ সহ বানরৈঃ ।। ৬-৩৯-২৭।।
39.28
তাম্ মহাগৃহসম্বাধাং দৃষ্ট্বা লক্ষ্মণপূর্বজঃ ।
নগরীং ত্রিদিবপ্রখ্যাং বিস্ময়ং প্রাপ বীর্যবান্ ৬-৩৯-২৮।।
39.29
তাম্ রত্ন পূর্ণাম্ বহু সম্বিধানাম্ ।
প্রাসাদ মালাভির্ অলম্কৃতাম্ চ ।পুরীম্ মহা যন্ত্র কবাট মুখ্যাম্ ।দদর্শ রামো মহতা বলেন ।। ৬-৩৯-২৯