Utshovসর্গ 28
28.1
সারণস্য বচঃ শ্রুত্বা রাবণম্ রাক্ষস অধিপম্ ।
বলম্ আলোকয়ন্ সর্বম্ শুকো বাক্যম্ অথ অব্রবীৎ ॥৬-২৮-১॥
28.2
স্থিতান্ পশ্যসি যান্ এতান্ মত্তান্ ইব মহাদ্বিপান্ ।
ন্যগ্রোধান্ ইব গান্গেয়ান্ সালান্ হৈমবতীন্ ইব ॥৬-২৮-২॥
28.3
এতে দুষ্প্রসহা রাজন্ বলিনঃ কাম রূপিণঃ ।
দৈত্য দানব সম্কাশা যুদ্ধে দেব পরাক্রমাঃ ॥৬-২৮-৩॥
28.4
এষাম্ কোটি সহস্রাণি নব পন্চ চ সপ্ত চ ।
তথা শন্খ সহস্রাণি তথা বৃন্দ শতানি চ ॥৬-২৮-৪॥
28.5
এতে সুগ্রীব সচিবাঃ কিষ্কিন্ধা নিলয়াঃ সদা ।
হরয়ো দেব গন্ধর্বৈর্ উত্পন্নাঃ কাম রূপিণঃ ॥৬-২৮-৫॥
28.6
যৌ তৌ পশ্যসি তিষ্ঠন্তৌ কুমারৌ দেব রূপিণৌ ।
মৈন্দঃ চ দ্বিবিদঃ চ উভৌ তাভ্যাম্ ন অস্তি সমো যুধি ॥৬-২৮-৬॥
28.7
ব্রহ্মণা সমনুজ্ঞাতাব্ অমৃত প্রাশিনাব্ উভৌ ।
আশম্সেতে যুধা লংকাম্ এতৌ মর্দিতুম্ ওজসা ॥৬-২৮-৭॥
28.8
যম্ তু পশ্যসি তিষ্ঠন্তম্ প্রভিন্নম্ ইব কুন্জরম্ ।
যো বলাৎ ক্ষোভয়েৎ ক্রুদ্ধঃ সমুদ্রম্ অপি বানরঃ ॥৬-২৮-৮॥
28.9
এষো অভিগন্তা লংকায়া বৈদেহ্যাস্ তব চ প্রভো ।
এনম্ পশ্য পুরা দৃষ্টম্ বানরম্ পুনর্ আগতম্ ॥৬-২৮-৯॥
28.10
জ্যেষ্ঠঃ কেসরিণঃ পুত্রো বাত আত্মজ ইতি শ্রুতঃ ।
হনূমান্ ইতি বিখ্যাতো লন্ঘিতো যেন সাগরঃ ॥৬-২৮-১০॥
28.11
কাম রূপী হরি শ্রেষ্ঠো বল রূপ সমন্বিতঃ ।
অনিবার্য গতিঃ চৈব যথা সততগঃ প্রভুঃ ॥৬-২৮-১১॥
28.12
উদ্যন্তম্ ভাস্করম্ দৃষ্ট্বা বালঃ কিল পিপাসিতঃ ।
ত্রিয়োজন সহস্রম্ তু অধ্বানম্ অবতীর্য হি ॥৬-২৮-১২॥
28.13
আদিত্যম্ আহরিষ্যামি ন মে ক্ষুৎ প্রতিয়াস্যতি ।
ইতি সম্চিন্ত্য মনসা পুরা এষ বল দর্পিতঃ ॥৬-২৮-১৩॥
28.14
অনাধৃষ্যতমম্ দেবম্ অপি দেব ঋষি দানবৈঃ ।
অনাসাদ্য এব পতিতো ভাস্কর উদয়নে গিরৌ ॥৬-২৮-১৪॥
28.15
পতিতস্য কপের্ অস্য হনুর্ একা শিলা তলে ।
কিম্চিদ্ ভিন্না দৃঢ হনোর্ হনূমান্ এষ তেন বৈ ॥৬-২৮-১৫॥
28.16
সত্যম্ আগম যোগেন মম এষ বিদিতো হরিঃ ।
ন অস্য শক্যম্ বলম্ রূপম্ প্রভাবো বা অনুভাষিতুম্ ॥৬-২৮-১৬॥
28.17
এষ আশম্সতে লংকাম্ একো মর্দিতুম্ ওজসা ।
যেব জাজ্বল্যতেঽসৌ বৈ ধূমকেতুস্তবাদ্য বৈ ॥৬-২৮-১৭॥
28.18
লংকায়াম্ নিহিতশ্চাপি কথম্ বিস্মরসে কসিম্ ।
যঃ চ এষো অনন্তরঃ শূরঃ শ্যামঃ পদ্ম নিভ ঈক্ষণঃ ॥৬-২৮-১৮॥
28.19
ইক্ষ্বাকূণাম্ অতিরথো লোকে বিখ্যাত পৌরুষঃ ।
যস্মিন্ ন চলতে ধর্মো যো ধর্মম্ ন অতিবর্ততে ॥৬-২৮-১৯॥
28.20
যো ব্রাহ্মম্ অস্ত্রম্ বেদামঃ চ বেদ বেদবিদাম্ বরঃ ।
যো ভিন্দ্যাদ্ গগনম্ বাণৈঃ পর্বতামঃ চ অপি দারয়েৎ ॥৬-২৮-২০॥
28.21
যস্য মৃত্যোর্ ইব ক্রোধঃ শক্রস্য ইব পরাক্রমঃ ।
যস্য ভার্যা জন্স্থানাত্সীতা চাপি হৃতা ত্বয়া ॥৬-২৮-২১॥
28.22
স এষ রামস্ ত্বাম্ যোদ্ধুম্ রাজন্ সমভিবর্ততে ।
যঃ চ এষ দক্ষিণে পার্শ্বে শুদ্ধ জাম্বূ নদ প্রভঃ ॥৬-২৮-২২॥
28.23
বিশাল বক্ষাস্ তাম্র অক্ষো নীল কুন্চিত মূর্ধজঃ ।
এষো অস্য লক্ষ্মণো নাম ভ্রাতা প্রাণ সমঃ প্রিয়ঃ ॥৬-২৮-২৩॥
28.24
নয়ে যুদ্ধে চ কুশলঃ সর্ব শাস্ত্রভৃতাম্ বরঃ ।
অমর্ষী দুর্জয়ো জেতা বিক্রান্তো বুদ্ধিমান্ বলী ॥৬-২৮-২৪॥
28.25
রামস্য দক্ষিণো বাহুর্ নিত্যম্ প্রাণো বহিঃ চরঃ ।
ন হি এষ রাঘবস্য অর্থে জীবিতম্ পরিরক্ষতি ॥৬-২৮-২৫॥
28.26
এষ এব আশম্সতে যুদ্ধে নিহন্তুম্ সর্ব রাক্ষসান্ ।
যস্ তু সব্যম্ অসৌ পক্ষম্ রামস্য আশ্রিত্য তিষ্ঠতি ॥৬-২৮-২৬॥
28.27
রক্ষো গণ পরিক্ষিপ্তো রাজা হি এষ বিভীষণঃ ।
শ্রীমতা রাজ রাজেন লংকায়াম্ অভিষেচিতঃ ॥৬-২৮-২৭॥
28.28
ত্বাম্ এব প্রতিসম্রব্ধো যুদ্ধায় এষো অভিবর্ততে ।
যম্ তু পশ্যসি তিষ্ঠন্তম্ মধ্যে গিরিম্ ইব অচলম্ ॥৬-২৮-২৮॥
28.29
সর্ব শাখা মৃগ ইন্দ্রাণাম্ ভর্তারম্ অপরাজিতম্ ।
তেজসা যশসা বুদ্ধ্যা জ্ঞানেন অভিজনেন চ ॥৬-২৮-২৯॥
28.30
যঃ কপীন্ অতি বভ্রাজ হিমবান্ ইব পর্বতান্ ।
কিষ্কিন্ধাম্ যঃ সমধ্যাস্তে গুহাম্ সগহন দ্রুমাম্ ॥৬-২৮-৩০॥
28.31
দুর্গাম্ পর্বত দুর্গস্থাম্ প্রধানৈঃ সহ যূথপৈঃ ।
যস্য এষা কান্চনী মালা শোভতে শত পুষ্করা ॥৬-২৮-৩১॥
28.32
কান্তা দেব মনুষ্যাণাম্ যস্যাম্ লক্ষ্মীঃ প্রতিষ্ঠিতা ।
এতাম্ চ মালাম্ তারাম্ চ কপি রাজ্যম্ চ শাশ্বতম্ ॥৬-২৮-৩২॥
28.33
সুগ্রীবো বালিনম্ হত্বা রামেণ প্রতিপাদিতঃ ।
শতম্ শতসহস্রাণাম্ কোটিমাহুর্মনীষিণঃ ॥৬-২৮-৩৩॥
28.34
শতম্ কোটিসহস্রাণাম্ শঙ্কুরিত্যভিধীয়তে ।
শতম্ শঙ্কুসহস্রাণাম্ মহাশঙ্কুরিতি স্মৃতঃ ॥৬-২৮-৩৪॥
28.35
মহাশঙ্ক্য্সহস্রাণাম্ শতম্ বৃন্দমিহোচ্যতে ।
শতম্ নৃন্দসহস্রাণাম্ মহাবৃন্দমিতি স্মৃতম্ ॥৬-২৮-৩৫॥
28.36
মহাবৃন্দসহস্রাণাম্ শতম্ পদ্মমিহোচ্যতে ।
শতম্ পদ্মসহস্রাণাম্ মহাপদ্মমিতি স্মৃতম্ ॥৬-২৮-৩৬॥
28.37
মহাপদ্মসহস্রাণাম্ শতম্ খর্বমিহোচ্যতে ।
শতম্ খর্বসহস্রাণাম্ মহাখর্বমিতি স্মৃতম্ ॥৬-২৮-৩৭॥
28.38
মহাখর্বসহস্রাণাম্ সমুদ্রমভিধীয়তে ।
শতম্ সমুদ্রসাহস্রমোঘ ইত্যভিধীয়তে ॥৬-২৮-৩৮॥
28.39
শতমোঘসহস্রাণাম্ মহৌঘ ইতি বিশ্রুতঃ ।
এবম্ কোটি সহস্রেণ শন্কূনাম্ চ শতেন চ ॥৬-২৮-৩৯॥
28.40
মহাশঙ্কুসহস্রেণ তথা বৃন্দশতেন চ ।
মহাবৃন্দসহস্রেণ তথা পদ্মশতেন চ ॥৬-২৮-৪০॥
28.41
মহাপদ্মসহস্রেণ তথা খর্বশতেন চ ।
সমুদ্রেণ চ তেনৈব মহুঘেন তথৈব চ ॥৬-২৮-৪১॥
28.42
এষ কোটিমহৌঘেন সমুদ্রসদৃশেন চ ।
বিভীষণেন বীরেণ সচিবৈঃ পরিবারিতঃ ॥৬-২৮-৪২॥
28.43
সুগ্রীবো বানর ইন্দ্রস্ ত্বাম্ যুদ্ধ অর্থম্ অভিবর্ততে ।
মহাবলবৃতো নিত্যম্ মহাবলপরাক্রমঃ ॥৬-২৮-৪৩॥
28.44
ইমাম্ মহারাজ সমীক্ষ্য বাহিনীম্ ।
উপস্থিতাম্ প্রজ্বলিত গ্রহ উপমাম্ ।ততঃ প্রয়ত্নঃ পরমো বিধীয়তাম্ ।যথা জয়ঃ স্যান্ ন পরৈঃ পরাজয়ঃ ॥৬-২৮-৪৪॥