Utshovসর্গ 27
27.1
তাম্স্তু তে সম্প্রক্ষ্যামি প্রেক্ষমাণস্য যূথপান্ ।
রাঘব অর্থে পরাক্রান্তা যে ন রক্ষন্তি জীবিতম্ ॥৬-২৭-১॥
27.2
স্নিগ্ধা যস্য বহু শ্যামা বালা লান্গূলম্ আশ্রিতাঃ ।
তাম্রাঃ পীতাঃ সিতাঃ শ্বেতাঃ প্রকীর্ণা ঘোর কর্মণঃ ॥৬-২৭-২॥
27.3
প্রগৃহীতাঃ প্রকাশন্তে সূর্যস্য ইব মরীচয়ঃ ।
পৃথিব্যাম্ চ অনুকৃষ্যন্তে হরো নাম এষ যূথপঃ ॥৬-২৭-৩॥
27.4
যম্ পৃষ্ঠতো অনুগচ্চন্তি শতশো অথ সহস্রশঃ ।
বৃক্ষানুদ্যম্য সহসা লঙ্কা রোহণতত্পরাঃ ॥৬-২৭-৪॥
27.5
যূথপা হরিরাজস্য কিম্করাঃ সমুপস্থিতাঃ ।
নীলান্ ইব মহামেঘাম্স্ তিষ্ঠতো যাম্স্ তু পশ্যসি ॥৬-২৭-৫॥
27.6
অসিতান্ জন সম্কাশান্ যুদ্ধে সত্য পরাক্রমান্ ।
অসম্খ্যেয়ান্ অনির্দেশ্যান্ পরম্ পারম্ ইব উদধেঃ ॥৬-২৭-৬॥
27.7
পর্বতেষু চ যে কেচিদ্ বিষমেষু নদীষু চ ।
এতে ত্বাম্ অভিবর্তন্তে রাজন্ন্ ঋষ্কাঃ সুদারুণাঃ ॥৬-২৭-৭॥
27.8
এষাম্ মধ্যে স্থিতো রাজন্ ভীম অক্ষো ভীম দর্শনঃ ।
পর্জন্য ইব জীমূতৈঃ সমন্তাৎ পরিবারিতঃ ॥৬-২৭-৮॥
27.9
ঋক্ষবন্তম্ গিরি শ্রেষ্ঠম্ অধ্যাস্তে নর্মদাম্ পিবন্ ।
সর্ব ঋক্ষাণাম্ অধিপতির্ ধূম্রো নাম এষ যূথপঃ ॥৬-২৭-৯॥
27.10
যবীয়ান্ অস্য তু ভ্রাতা পশ্য এনম্ পর্বত উপমম্ভ্রাত্রা সমানো রূপেণ বিশিষ্টস্ তু পরাক্রমে ॥৬-২৭-১০॥
27.11
স এষ জাম্ববান্ নাম মহায়ূথপ যূথপঃ ।
প্রশান্তো গুরু বর্তী চ সম্প্রহারেষ্ব্ অমর্ষণঃ ॥৬-২৭-১১॥
27.12
এতেন সাহ্যম্ সুমহৎ কৃতম্ শক্রস্য ধীমতা ।
দেব অসুরে জাম্ববতা লব্ধাঃ চ বহবো বরাঃ ॥৬-২৭-১২॥
27.13
আরুহ্য পর্বত অগ্রেভ্যো মহাঅভ্র বিপুলাঃ শিলাঃ ।
মুন্চন্তি বিপুল আকারা ন মৃত্যোর্ উদ্বিজন্তি চ ॥৬-২৭-১৩॥
27.14
রাক্ষসানাম্ চ সদৃশাঃ পিশাচানাম্ চ রোমশাঃ ।
এতস্য সৈন্যে বহবো বিচরন্তি অগ্নি তেজসঃ ॥৬-২৭-১৪॥
27.15
যম্ ত্ব্ এনম্ অভিসম্রব্ধম্ প্লবমানম্ ইব স্থিতম্ ।
প্রেক্ষন্তে বানরাঃ সর্বে স্থিতম্ যূথপ যূথপম্ ॥৬-২৭-১৫॥
27.16
এষ রাজন্ সহস্র অক্ষম্ পর্যুপাস্তে হরি ঈশ্বরঃ ।
বলেন বল সম্পন্নো রম্ভো নাম এষ যূথপঃ ॥৬-২৭-১৬॥
27.17
যঃ স্থিতম্ যোজনে শৈলম্ গচ্চন্ পার্শ্বেন সেবতে ।
ঊর্ধ্বম্ তথৈব কায়েন গতঃ প্রাপ্নোতি যোজনম্ ॥৬-২৭-১৭॥
27.18
যস্মান্ ন পরমম্ রূপম্ চতুষ্পাদেষু বিদ্যতে ।
শ্রুতঃ সম্নাদনো নাম বানরাণাম্ পিতামহঃ ॥৬-২৭-১৮॥
27.19
যেন যুদ্ধম্ তদা দত্তম্ রণে শক্রস্য ধীমতা ।
পরাজয়ঃ চ ন প্রাপ্তঃ সো অয়ম্ যূথপ যূথপঃ ॥৬-২৭-১৯॥
27.20
যস্য বিক্রমমাণস্য শক্রস্য ইব পরাক্রমঃ ।
এষ গন্ধর্ব কন্যায়াম্ উত্পন্নঃ কৃষ্ণ বর্ত্মনা ॥৬-২৭-২০॥
27.21
তত্র দেবাসুরে যুদ্ধে সাহ্যার্থম্ ত্রিদিবৌকসাম্ ।
যত্র বৈশ্রবণো রাজা জম্বূমুপনিষেবতে ॥৬-২৭-২১॥
27.22
যো রাজা পর্বত ইন্দ্রাণাম্ বহু কিম্নর সেবিনাম্ ।
বিহার সুখদো নিত্যম্ ভ্রাতুস্ তে রাক্ষস অধিপ ॥৬-২৭-২২॥
27.23
তত্র এষ বসতি শ্রীমান্ বলবান্ বানর ঋষভঃ ।
যুদ্ধেষ্ব্ অকত্থনো নিত্যম্ ক্রথনো নাম যূথপঃ ॥৬-২৭-২৩॥
27.24
বৃতঃ কোটি সহস্রেণ হরীণাম্ সমবস্থিতঃ ।
এষৈবাশম্সতে লঙ্কাম্ স্বেনানীকেন মর্দিতুম্ ॥৬-২৭-২৪॥
27.25
যো গঙ্গামনুপর্যেতি ত্রাসয়ন্ গজয়ূথপান্ ।
হস্তিনাম্ বানরাণাম্ চ পূর্ববৈরমনুস্মরন্ ॥৬-২৭-২৫॥
27.26
এষ যূথপতির্নেতা গর্জন্ গিরিগুহাশয়ঃ ।
গজান্ রোধয়তে বন্যানারুজম্শ্চ মহীরুহান্ ॥৬-২৭-২৬॥
27.27
হরীণাম্ বাহিনী মুখ্যো নদীম্ হৈমবতীম্ অনু ।
উশীর বীজম্ আশ্রিত্য পর্বতম্ মন্দর উপমম্ ॥৬-২৭-২৭॥
27.28
রমতে বানর শ্রেষ্ঠো দিবি শক্র ইব স্বয়ম্ ।
এনম্ শত সহস্রাণাম্ সহস্রম্ অভিবর্ততে ॥৬-২৭-২৮॥
27.29
বীর্যবিক্রমদৃপ্তানাম্ নর্দতাম্ বাহুশালিনাম্ ।
স এষ নেতা ন্হৈতেষাম্ বানরাণাম্ মহাত্মনম্ ॥৬-২৭-২৯॥
27.30
স এষ দুর্মর্ষণো রাজন্ প্রমাথী নাম যূথপঃ ।
বাতেন ইব উদ্ধতম্ মেঘম্ যম্ এনম্ অনুপশ্যসি ॥৬-২৭-৩০॥
27.31
অনীকমপি সম্রব্ধম্ বানরাণাম্ তরস্বিনাম্ ।
উদ্ধূতমরুণাভাসম্ পবনেন সমন্ততঃ ॥৬-২৭-৩১॥
27.32
বিবর্তমানম্ বহুশো যত্র এতদ্ বহুলম্ রজঃ ।
এতে অসিত মুখা ঘোরা গো লান্গূলা মহাবলাঃ ॥৬-২৭-৩২॥
27.33
শতম্ শত সহস্রাণি দৃষ্ট্বা বৈ সেতু বন্ধনম্ ।
গো লান্গূলম্ মহাবেগম্ গব অক্ষম্ নাম যূথপম্ ॥৬-২৭-৩৩॥
27.34
পরিবার্য অভিবর্তন্তে লংকাম্ মর্দিতুম্ ওজসা ।
ভ্রমর আচরিতা যত্র সর্ব কাম ফল দ্রুমাঃ ॥৬-২৭-৩৪॥
27.35
যম্ সূর্য তুল্য বর্ণ আভম্ অনুপর্যেতি পর্বতম্ ।
যস্য ভাসা সদা ভান্তি তদ্ বর্ণা মৃগ পক্ষিণঃ ॥৬-২৭-৩৫॥
27.36
যস্য প্রস্থম্ মহাত্মানো ন ত্যজন্তি মহর্ষয়ঃ ।
সর্বকামফলা বৃক্ষাঃ সর্বে ফলসমন্বিতাঃ ॥৬-২৭-৩৬॥
27.37
মধূনি চ মহার্হাণি যস্মিন্ পর্বতসত্তমে ।
তত্র এষ রমতে রাজন্ রম্যে কান্চন পর্বতে ॥৬-২৭-৩৭॥
27.38
মুখ্যো বানর মুখ্যানাম্ কেসরী নাম যূথপঃ ।
ষষ্টির্ গিরি সহস্রাণাম্ রম্যাঃ কান্চন পর্বতাঃ ॥৬-২৭-৩৮॥
27.39
তেষাম্ মধ্যে গিরি বরস্ ত্বম্ ইব অনঘ রক্ষসাম্ ।
তত্র এতে কপিলাঃ শ্বেতাস্ তাম্র আস্যা মধু পিন্গলাঃ ॥৬-২৭-৩৯॥
27.40
নিবসন্তি উত্তম গিরৌ তীক্ষ্ণ দম্ষ্ট্রা নখ আয়ুধাঃ ।
সিম্হ ইব চতুর্ দম্ষ্ট্রা ব্যাঘ্রা ইব দুরাসদাঃ ॥৬-২৭-৪০॥
27.41
সর্বে বৈশ্বনর সমা জ্বলিত আশী বিষ উপমাঃ ।
সুদীর্ঘ অন্চিত লান্গূলা মত্ত মাতম্গ সম্নিভাঃ ॥৬-২৭-৪১॥
27.42
মহাপর্বত সম্কাশা মহাজীমূত নিস্বনাঃ ।
বৃত্তপিঙ্গলনেত্রা হি মহাভীমগতিস্বনাঃ ॥৬-২৭-৪২॥
27.43
মর্দয়ন্তীব তে সর্বে তস্থুর্লঙ্কাম্ সমীক্ষ্য তে ।
এষ চৈষামধিপতির্মধ্যে তিষ্ঠতি বীর্যবান্ ॥৬-২৭-৪৩॥
27.44
জয়ার্থী নিত্যমাদিত্যমুপতিষ্ঠতি বুদ্ধিমান্ ।
নাম্না পৃথিব্যাম্ বিখ্যাতো রাজন্ শত বলী ইতি যঃ ॥৬-২৭-৪৪॥
27.45
এষ এব আশম্সতে লংকাম্ স্বেন অনীকেন মর্দিতুম্ ।
বিক্রান্তো বলবান্ শূরঃ পৌরুষে স্বে ব্যবস্থিতঃ ॥৬-২৭-৪৫॥
27.46
রামপ্রিয়ার্থম্ প্রাণানাম্ দয়াম্ ন কুরুতে হরিঃ ।
গজো গব অক্ষো গবয়ো নলো নীলঃ চ বানরঃ ।এক এক এব যূথানাম্ কোটিভির্ দশভির্ বৃতঃ ॥৬-২৭-৪৬॥
27.47
তথা অন্যে বানর শ্রেষ্ঠা বিন্ধ্য পর্বত বাসিনঃ ।
ন শক্যন্তে বহুত্বাৎ তু সম্খ্যাতুম্ লঘু বিক্রমাঃ ॥৬-২৭-৪৭॥
27.48
সর্বে মহারাজ মহাপ্রভাবাঃ ।
সর্বে মহাশৈল নিকাশ কায়াঃ ।সর্বে সমর্থাঃ পৃথিবীম্ ক্ষণেন ।কর্তুম্ প্রবিধ্বস্ত বিকীর্ণ শৈলাম্ ॥৬-২৭-৪৮॥