Utshovসর্গ 29
29.1
শুকেন তু সমাখ্যাতাম্স্ তান্ দৃষ্ট্বা হরি যূথপান্ ।
লক্ষ্মণম্ চ মহাবীর্যম্ ভুজম্ রামস্য দক্ষিণম্ ॥৬-২৯-১॥
29.2
সমীপস্থম্ চ রামস্য ভ্রাতরম্ স্বম্ বিভীষণম্ ।
সর্ব বানর রাজম্ চ সুগ্রীবম্ ভীম বিক্রমম্ ॥৬-২৯-২॥
29.3
অঙ্গদম্ চাপি বলিনম্ বজ্রহস্তাত্মজাত্মজম্ ।
হনূমন্তম্ চ বিক্রান্তম্ জাম্ববন্তম্ চ দুর্জয়ম্ ॥৬-২৯-৩॥
29.4
সুষেণম্ কুমুদম্ নীলম্ নলম্ চ প্লবগর্ষভম্ ।
গজম্ গবাক্ষম্ শরভম্ বৈন্দম্ চ দ্বিবিদম্ তথা ॥৬-২৯-৪॥
29.5
কিম্চিদ্ আবিগ্ন হৃদয়ো জাত ক্রোধঃ চ রাবণঃ ।
ভর্ত্সয়াম্ আস তৌ বীরৌ কথা অন্তে শুক সারণৌ ॥৬-২৯-৫॥
29.6
অধো মুখৌ তৌ প্রণতাব্ অব্রবীৎ শুক সারণৌ ।
রোষ গদ্গদয়া বাচা সম্রব্ধঃ পরুষম্ বচঃ ॥৬-২৯-৬॥
29.7
ন তাবৎ সদৃশম্ নাম সচিবৈর্ উপজীবিভিঃ ।
বিপ্রিয়ম্ নৃপতের্ বক্তুম্ নিগ্রহ প্রগ্রহে বিভোঃ ॥৬-২৯-৭॥
29.8
রিপূণাম্ প্রতিকূলানাম্ যুদ্ধ অর্থম্ অভিবর্ততাম্ ।
উভাভ্যাম্ সদৃশম্ নাম বক্তুম্ অপ্রস্তবে স্তবম্ ॥৬-২৯-৮॥
29.9
আচার্যা গুরবো বৃদ্ধা বৃথা বাম্ পর্যুপাসিতাঃ ।
সারম্ যদ্ রাজ শাস্ত্রাণাম্ অনুজীব্যম্ ন গৃহ্যতে ॥৬-২৯-৯॥
29.10
গৃহীতো বা ন বিজ্ঞাতো ভারো জ্ঞানস্য বা উচ্যতে ।
ঈদৃশৈঃ সচিবৈর্ যুক্তো মূর্খৈর্ দিষ্ট্যা ধরামি অহম্ ॥৬-২৯-১০॥
29.11
কিম্ নু মৃত্যোর্ ভয়ম্ ন অস্তি মাম্ বক্তুম্ পরুষম্ বচঃ ।
যস্য মে শাসতো জিহ্বা প্রয়চ্চতি শুভ অশুভম্ ॥৬-২৯-১১॥
29.12
অপি এব দহনম্ স্পৃষ্ট্বা বনে তিষ্ঠন্তি পাদপাঃ ।
রাজ দোষ পরামৃষ্টাস্ তিষ্ঠন্তে ন অপরাধিনঃ ॥৬-২৯-১২॥
29.13
হন্যাম্ অহম্ ইমৌ পাপৌ শত্রু পক্ষ প্রশম্সকৌ ।
যদি পূর্ব উপকারৈর্ মে ন ক্রোধো মৃদুতাম্ ব্রজেৎ ॥৬-২৯-১৩॥
29.14
অপধ্বম্সত গচ্চধ্বম্ সম্নিকর্ষাদ্ ইতো মম ।
ন হি বাম্ হন্তুম্ ইচ্চামি স্মরন্ন্ উপকৃতানি বাম্ ॥৬-২৯-১৪॥
29.15
হতাব্ এব কৃতঘ্নৌ তৌ ময়ি স্নেহ পরান্ মুখৌ ।
এবম্ উক্তৌ তু সব্রীডৌ তাব্ উভৌ শুক সারণৌ ॥৬-২৯-১৫॥
29.16
রাবণম্ জয় শব্দেন প্রতিনন্দ্য অভিনিহ্সৃতৌ ।
অব্রবীৎ স দশগ্রীবঃ সমীপস্থম্ মহাউদরম্ ॥৬-২৯-১৬॥
29.17
উপস্থাপয় শীঘ্রম্ মে চারান্ নীতি বিশারদান্ ।
মহোদরস্তথোক্তস্তু শীঘ্রমাজ্ঞাপয়চ্চরান্ ॥৬-২৯-১৭॥
29.18
ততশ্চারাঃ সম্ত্বরিতাঃ প্রাপ্তাঃ পার্থিবশাসনাৎ ।
উপস্থিথাঃ প্রাঞ্জলয়ো বর্ধয়িত্বা জয়াশিষঃ ॥৬-২৯-১৮॥
29.19
তান্ অব্রবীৎ ততো বাক্যম্ রাবণো রাক্ষস অধিপঃ ॥৬-২৯-১৯॥
29.20
চারান্ প্রত্যয়িকান্ শূরান্ ভক্তান্ বিগত সাধ্বসান্ ।
ইতো গচ্চত রামস্য ব্যবসায়ম্ পরীক্ষথ ॥৬-২৯-২০॥
29.21
মন্ত্রেষ্ব্ অভ্যন্তরা যে অস্য প্রীত্যা তেন সমাগতাঃ ।
কথম্ স্বপিতি জাগর্তি কিম্ অন্যচ্ চ করিষ্যতি ॥৬-২৯-২১॥
29.22
বিজ্ঞায় নিপুণম্ সর্বম্ আগন্তব্যম্ অশেষতঃ ।
চারেণ বিদিতঃ শত্রুঃ পণ্ডিতৈর্ বসুধা অধিপৈঃ ॥৬-২৯-২২॥
29.23
যুদ্ধে স্বল্পেন যত্নেন সমাসাদ্য নিরস্যতে ।
চারাস্ তু তে তথা ইতি উক্ত্বা প্রহৃষ্টা রাক্ষস ঈশ্বরম্ ॥৬-২৯-২৩॥
29.24
শার্দূলমগ্রতঃ কৃত্বা ততশ্চক্রুঃ প্রদক্ষিণম্ ।
ততস্তম্ তু মহাত্মানম্ চারা রাক্ষসসত্তমম্ ॥৬-২৯-২৪॥
29.25
কৃত্বা প্রদক্ষিণম্ জগ্মুর্ যত্র রামঃ সলক্ষ্মণঃ ।
তে সুবেলস্য শৈলস্য সমীপে রাম লক্ষ্মণৌ ॥৬-২৯-২৫॥
29.26
প্রচ্চন্না দদৃশুর্ গত্বা সসুগ্রীব বিভীষণৌ ।
প্রেক্ষমাণাশ্চমূম্ তাম্ চ বভূবুর্ভয়বিহ্বলাঃ ॥৬-২৯-২৬॥
29.27
তে তু ধর্ম আত্মনা দৃষ্টা রাক্ষস ইন্দ্রেণ রাক্ষসাঃ ।
বিভীষণেন তত্রস্থা নিগৃহীতা যদৃচ্চয়া ॥৬-২৯-২৭॥
29.28
শার্দূলো গ্রাহিতস্ত্বেকঃ পাপোঽয়মিতি রাক্ষসঃ ।
মোক্ষিতঃ সোঽপি রামেণ বধ্যমানঃ প্লবঙ্গমৈঃ ॥৬-২৯-২৮॥
29.29
অনৃশম্সেন রামেণ মোক্ষিতা রাক্ষসাঃ সরে ।
বানরৈর্ অর্দিতাস্ তে তু বিক্রান্তৈর্ লঘু বিক্রমৈঃ ॥৬-২৯-২৯॥
29.30
পুনর্ লংকাম্ অনুপ্রাপ্তাঃ শ্বসন্তো নষ্ট চেতসঃ ।
ততো দশগ্রীবম্ উপস্থিতাস্ তে ।চারা বহির্ নিত্য চরা নিশা চরাঃ ।গিরেঃ সুবেলস্য সমীপ বাসিনম্ ।ন্যবেদয়ন্ ভীম বলম্ মহাবলাঃ ॥৬-২৯-৩০॥