সর্গ 23

23.1

নিমিত্তানি নিমিত্তজ্ঞো দৃষ্ট্বা লক্ষ্মণপূর্বজঃ ।
সৌমিত্রিম্ সম্পরিষ্বজ্য ইদম্ বচনম্ব্রবীৎ ॥৬-২৩-১॥

পরিগৃহ্যোদকম্ শীতম্ বনানি ফলবন্তি চ ।
বলৌ ঘম্ সম্বিভজ্যেমম্ ব্যূহ্য তিষ্ঠেম লক্ষ্মণ ॥৬-২৩-২॥

লোকক্ষয়করম্ ভীমম্ ভয়ম্ পশ্যাম্যুপস্থিতম্ ।
প্রবর্হণম্ প্রবীরাণামৃক্ষবানররক্ষসাম্ ॥৬-২৩-৩॥

বাতাশ্চ কলুষা বান্তি কম্পতে চ বসুন্ধরা ।
পর্বতাগ্রাণি বেপন্তে পতন্তি চ মহীরুঃআঃ ॥৬-২৩-৪॥

মেঘাঃ ক্রব্যাদসম্কাশাঃ পরুষাঃ পরুষস্বনাঃ ।
ক্রূরাঃ ক্রূরম্ প্রবর্ষন্তি মিশ্রম্ শোণিতবিন্দুভিঃ ॥৬-২৩-৫॥

রক্তচন্দনসম্কাশা সম্ধ্যা পরমদারুণা ।
জ্বলতঃ প্রপতত্যেতদাদিত্যাদগ্নিমণ্ডলম্ ॥৬-২৩-৬॥

দীনা দীনস্বরাঃ ক্রূরাঃ সর্বতো মৃগপক্ষিণঃ ।
প্রত্যাদিত্যম্ বিনর্দন্তি জনয়ন্তো মহদ্ভয়ম্ ॥৬-২৩-৭॥

রজন্যামপ্রকাশস্তু সম্তাপয়তি চন্দ্রমাঃ ।
কৃষ্ণরক্তাম্শুপর্যন্তো লোকক্ষয় ইবোদিতঃ ॥৬-২৩-৮॥

হ্রস্বো রূক্ষোঽপ্রশস্তশ্চ পরিবেষস্তু লোহিতঃ ।
আদিত্যে বিমলে বীলম্ লক্ষ্ম লক্ষ্মণ দৃশ্যতে ॥৬-২৩-৯॥

রজসা মহতা চাপি নক্ষত্রাণি হতানি চ ।
যুগান্তমিব লোকানাম্ পশ্য শসন্তি লক্ষ্মণ ॥৬-২৩-১০॥

কাকাঃ শ্যেনাস্তথা নীচা গৃধ্রাঃ পরিপতন্তি চ ।
শিবাশ্চাপ্যশুভান্নাদান্নদন্তি সুমহাভয়ান্ ॥৬-২৩-১১॥

শৈলৈঃ শূলৈশ্চ খড্গৈশ্চ বিমুকৈঃ কপিরাক্ষসৈঃ ।
ভবিষ্যত্যাবৃতা ভূমির্মাম্সশোণিতকর্দমা ॥৬-২৩-১২॥

ক্ষিপ্রমদ্যৈব দুর্ধর্ষাম্ পুরীম্ রাবণপালিতাম্ ।
অভিয়াম জবেনৈব সর্বৈর্হরিভিরাবৃতাঃ ॥৬-২৩-১৩॥

ইত্যেবমুক্ত্বা ধন্বী স রামঃ সম্গ্রামধর্ষণঃ ।
প্রতস্থে পুরতো রামো লঙ্কামভিমুখো বিভুঃ ॥৬-২৩-১৪॥

সবিভীষণসুগ্রীবাঃ সর্বে তে বানরর্ষভাঃ ।
প্রতস্থিরে বিনর্দন্তো ধৃতানাম্ দ্বিষতাম্ বধে ॥৬-২৩-১৫॥

রাঘবস্য প্রিয়ার্থম্ তু সুতরাম্ বীর্যশালিনাম্ ।
হরীণাম্ কর্মচেষ্টাভিস্তুতোষ রঘুনন্দনঃ ॥৬-২৩-১৬॥