Utshovসর্গ 22
22.1
অথোবাচ রঘুশ্রেষ্ঠঃ সাগরম্ দারুণম্ বচঃ ।
অদ্য ত্বাম্ শোষয়িষ্যামি সপাতালম্ মহার্ণব ॥৬-২২-১॥
22.2
শরনির্দগ্ধতোয়স্য পরিশুষ্কস্য সাগর ।
ময়া নিহতসত্ত্বস্য পাম্সুরুত্পদ্যতে মহান্ ॥৬-২২-২॥
22.3
মত্কার্মুকনিসৃষ্টেন শরবর্ষেণ সাগর ।
পরম্ তীরম্ গমিষ্যন্তি পদ্ভিরেব প্লবঙ্গমাঃ ॥৬-২২-৩॥
22.4
বিচিন্বন্নাভিজানাসি পৌরুষম্ বাপি বিক্রমম্ ।
দাব্নবালয় সম্তাপম্ মত্তো নাম গমিষ্যসি ॥৬-২২-৪॥
22.5
ব্রাহ্মেণাস্ত্রেণ সম্যোজ্য ব্রহ্মদণ্ডনিভম্ শরম্ ।
সম্যোজ্য ধনুষি শ্রে ষ্ঠে বিচকর্ষ মহাবলঃ ॥৬-২২-৫॥
22.6
তস্মিন্বিকৃষ্টে সহসা রাঘবেণ শরাসনে ।
রোদসী সম্পফালেব পর্বতাশ্চ চকম্পিরে ॥৬-২২-৬॥
22.7
তমশ্চ লোকমাবব্রে দিশশ্চ ন চকাশিরে ।
প্রতিচুক্ষুভিরে চাশু সরাম্সি সরিতস্তদা ॥৬-২২-৭॥
22.8
তির্যক্ চ সহ নক্ষত্রৈঃ সম্গতৌ চন্দ্রভাস্করৌ ।
ভাস্করাম্শুভিরাদীপ্তম্ তমসা চ সমাবৃতম্ ॥৬-২২-৮॥
22.9
প্রচকাশে তদাকাশমুল্কাশতবিদীপিতম্ ।
অন্তরিক্ষাচ্চ নির্ঘাতা নির্জগ্মুরতুলস্বনাঃ ॥৬-২২-৯॥
22.10
বপুঃপ্রকর্ষেণ ববুর্দিব্যমারুতপঙ্ক্ত্যঃ ।
বভঞ্জ চ তদা বৃক্ষান্ জলদানুদ্বহন্ মুহুঃ ॥৬-২২-১০॥
22.11
আরুজম্শ্চৈব শৈলাগ্রান্ শিখরাণি বভঞ্জ চ ।
দিবি চ স্ম মহাবেগাঃ সম্হতাঃ সমহাস্বনাঃ ॥৬-২২-১১॥
22.12
মুমুচুর্বৈদ্যুতানগ্নীম্স্তে মহাশনয়স্তদা ।
যানি ভূতানি দৃশ্যানি চুক্রুশুশ্চাশনেঃ সমম্ ॥৬-২২-১২॥
22.13
অদৃশ্যানি চ ভূতানি মুমুচুর্ভৈরবস্বনম্ ।
শিশ্যরে চাভিভূতানি সম্ত্রস্তাম্যদ্বিজন্তি চ ॥৬-২২-১৩॥
22.14
সম্প্রবিব্যথিরে চাপি ন চ পস্পন্দিরে ভয়াৎ ।
সহভূতৈঃ সতোয়োর্মিঃ সনাগঃ সহরাক্ষসঃ ॥৬-২২-১৪॥
22.15
সহসাভূত্ততো বেগাদ্ভীমবেগো মহোদধিঃ ।
যোজনম্ ব্যতিচক্রাম বেলামন্যত্র সম্প্লবাৎ ॥৬-২২-১৫॥
22.16
তম্ তথা সমতিক্রান্তম্ নাতিচক্রাম রাঘবঃ ।
সমুদ্ধতমমিত্রঘ্নো রামো নদনদীপতিম্ ॥৬-২২-১৬॥
22.17
ততো মধ্যাৎ সমুদ্রস্য সাগরঃ স্বয়ম্ উত্থিতঃ ।
উদয়ন্ হি মহাশৈলান্ মেরোর্ ইব দিবা করঃ ॥৬-২২-১৭॥
22.18
পন্নগৈঃ সহ দীপ্ত আস্যৈঃ সমুদ্রঃ প্রত্যদৃশ্যত ।
স্নিগ্ধ বৈদূর্য সম্কাশো জাম্বূ নদ বিভূষিতঃ ॥৬-২২-১৮॥
22.19
রত্ন মাল্য অম্বর ধরঃ পদ্ম পত্র নিভ ঈক্ষণঃ ।
সর্বপুষ্পময়ীম্ দিব্যাম্ শিরসা ধারয়ন্ স্রজম্ ॥৬-২২-১৯॥
22.20
জাতরূপময়ৈশ্চৈব তপনীয়বিভূষিতো ভূষণোত্তমৈঃ ।
আত্মজানাম্ চ রত্নানাম্ ভূষিতো ভূষণোত্তমৈঃ ॥৬-২২-২০॥
22.21
ধাতুভির্মণ্ডিতঃ শৈলো বিবিধৈর্হমবানিব ।
একাবলীমধ্যগতম্ তরলম্ পাণ্ডরপ্রভম্ ॥৬-২২-২১॥
22.22
বিপুলেনোরসা বিভ্রত্কৌস্তুভস্য সহোদরম্ ।
আঘূর্ণিততরঙ্গৌঘঃকালিকানিলসম্কুলঃ ॥৬-২২-২২॥
22.23
গঙ্গাসিন্ধুপ্রধানাভিরাপগাভিঃ সমাবৃতঃ ।
দেবতানাম্ সরূপাভির্নানারূপাভিরীশ্বরঃ ॥৬-২২-২৩॥
22.24
সাগরঃ সমতিক্রম্য পূর্বম্ আমন্ত্র্য বীর্যবান্ ।
অব্রবীৎ প্রান্জলির্ বাক্যম্ রাঘবম্ শর পাণিনম্ ॥৬-২২-২৪॥
22.25
পৃথিবী বায়ুর্ আকাশম্ আপো জ্যোতিঃ চ রাঘবঃ ।
স্বভাবে সৌম্য তিষ্ঠন্তি শাশ্বতম্ মার্গম্ আশ্রিতাঃ ॥৬-২২-২৫॥
22.26
তৎ স্বভাবো মম অপি এষ যদ্ অগাধো অহম্ অপ্লবঃ ।
বিকারস্ তু ভবেদ্ রাধ এতৎ তে প্রবদামি অহম্ ॥৬-২২-২৬॥
22.27
ন কামান্ ন চ লোভাদ্ বা ন ভয়াৎ পার্থিব আত্মজ ।
রাগান্নক্রাকুলজলম্ স্তম্ভয়েয়ম্ কথম্চন ॥৬-২২-২৭॥
22.28
বিধাস্যে যেন গন্তাসি বিষহিষ্যে হ্যহম্ তথা ।
ন গ্রাহা বিধমিষ্যন্তি যাবত্সেনা তরিষ্যতি ॥৬-২২-২৮॥
22.29
হরীণাম্ তরণে রাম করিষ্যামি যথাস্থলম্ ।
তমব্রবীত্তদা রামঃ শৃণু মে বরুণালয় ॥৬-২২-২৯॥
22.30
অমোঘোঽয়ম্ মহাবাণঃ কস্মিন্ দেশে নিপাত্যতাম্ ।
রামস্য বচনম্ শ্রুত্বা তম্ চ দৃষ্ট্বা মহাশরম্ ॥৬-২২-৩০॥
22.31
মহোদধির্মহাতেজা রাঘবম্ বাক্যমব্রবীৎ ।
উত্তরেণাবকাশোঽস্তি কশ্চিত্পুণ্যতরো মম ॥৬-২২-৩১॥
22.32
দ্রুমকুল্য ইতি খ্যাতো লোকে খ্যাতো যথা ভবান্ ।
উগ্রদর্শনকর্মাণো বহবস্তত্র দস্যবঃ ॥৬-২২-৩২॥
22.33
আভীরপ্রমুখাঃ পাপাঃ পিবন্তি সলিলম্ মম ।
তৈর্ন তত্স্পর্শনম্ পাপম্ সহেয়ম্ পাপকর্মভিঃ ॥৬-২২-৩৩॥
22.34
অমোঘঃ ক্রিয়তাম্ রাম তত্র তেষু শরোত্তমঃ ।
তস্য তদ্বচনম্ শ্রুত্বা সাগরস্য মহাত্মনঃ ॥৬-২২-৩৪॥
22.35
মুমোচ তম্ শরম্ দীপ্তম্ পরম্ সাগরদর্শনাৎ ।
তেন তন্মরুকান্তারম্ প্^ইথিব্যাম্ কিল বিশ্রুতম্ ॥৬-২২-৩৫॥
22.36
বিপাতিতঃ শরো যত্র বজ্রাশনিসমপ্রভঃ ।
ননাদ চ তদা তত্র বসুধা শল্যপীডিতা ॥৬-২২-৩৬॥
22.37
তস্মাদ্বাণমুখাত্তোয়মুত্পপাত রসাতলাৎ ।
স বভূব তদা কূপো ব্রণ ইত্যেব বিশ্রুতঃ ॥৬-২২-৩৭॥
22.38
সততম্ চোত্থিতম্ তোয়ম্ সমুদ্রস্যেব দৃশ্যতে ।
অবদারণশব্দশ্চ দারুণঃ সমপদ্যত ॥৬-২২-৩৮॥
22.39
তস্মাত্তদ্বাণপাতেন অপঃ কুক্ষিষ্বশোষয়ৎ ।
বিখ্যাতম্ ত্রিষু লোকেষু মধুকান্তারমেব চ ॥৬-২২-৩৯॥
22.40
শোষয়িত্বা তু তম্ কুক্ষিম্ রামো দশরথাত্মজঃ ।
বরম্ তস্মৈ দদৌ বিদ্বান্মরবেঽমরবিক্রমঃ ॥৬-২২-৪০॥
22.41
পশব্যশ্চাল্পরোগশ্চ ফলমূলরসায়ুতঃ ।
বহুস্নেহো বহুক্ষীরঃ সুগন্ধির্বিবিধৌষধিঃ ॥৬-২২-৪১॥
22.42
এবমেতৈর্গুণৈর্যুক্তো বহিভিঃ সম্যুতো মরুঃ ।
রামস্য বরদানাচ্চ শিবঃ পন্থা বভূব হ ॥৬-২২-৪২॥
22.43
তস্মিন্ দগ্ধে তদা কুক্ষৌ সমুদ্রঃ সরিতাম্ পতিঃ ।
রাঘবম্ সর্বশাস্ত্রজ্ঞমিদম্ বচনম্ব্রবীৎ ॥৬-২২-৪৩॥
22.44
অয়ম্ সৌম্য নলো নাম তনুজো বিশ্ব কর্মণঃ ।
পিত্রা দত্ত বরঃ শ্রীমান্ প্রতিমো বিশ্ব কর্মণঃ ॥৬-২২-৪৪॥
22.45
এষ সেতুম্ মহাউত্সাহঃ করোতু ময়ি বানরঃ ।
তম্ অহম্ ধারয়িষ্যামি তথা হি এষ যথা পিতা ॥৬-২২-৪৫॥
22.46
এবম্ উক্ত্বা উদধির্ নষ্টঃ সমুত্থায় নলস্ ততঃ ।
অব্রবীদ্ বানর শ্রেষ্ঠো বাক্যম্ রামম্ মহাবলঃ ॥৬-২২-৪৬॥
22.47
অহম্ সেতুম্ করিষ্যামি বিস্তীর্ণে বরুণ আলয়ে ।
পিতুঃ সামর্থ্যম্ আস্থায় তত্ত্বম্ আহ মহাউদধিঃ ॥৬-২২-৪৭॥
22.48
অসৌ তু সাগরো ভীমঃ সেতুকর্মদিদৃক্ষয়া ।
দদৌ দণ্ডভয়াদ্গাধম্ রাঘবায় মহোদধিঃ ॥৬-২২-৪৮॥
22.49
মম মাতুর্ বরো দত্তো মন্দরে বিশ্ব কর্মণা ।
ঔরসস্ তস্য পুত্রো অহম্ সদৃশো বিশ্ব কর্মণা ॥৬-২২-৪৯॥
22.50
ঔরসস্তস্য পুত্রোঽহম্ সদৃশো বিশ্বকর্মণা।
স্মারিতোঽস্ম্যহমেতেন তত্ত্বমাহ মহোদধিঃ ॥৬-২২-৫০॥
22.51
ন চ অপি অহম্ অনুক্তো বৈ প্রব্রূয়াম্ আত্মনো গুণান্ ।
সমর্থ্শ্চাপ্যহম্ সেতুম্ কর্তুম্ বৈ বরুণালয়ে ॥৬-২২-৫১॥
22.52
তস্মাদদ্যৈব বধ্নন্তু সেতুম্ বানরপুঙ্গবাঃ ।
ততো নিসৃষ্ট রামেণ সর্বতো হরি যূথপাঃ ॥৬-২২-৫২॥
22.53
অভিপেতুর্ মহাঅরণ্যম্ হৃষ্টাঃ শত সহস্রশঃ ।
তে নগান্ নগ সম্কাশাঃ শাখা মৃগ গণ ঋষভাঃ ॥৬-২২-৫৩॥
22.54
বভন্জুর্ বানরাস্ তত্র প্রচকর্ষুঃ চ সাগরম্ ।
তে সালৈঃ চ অশ্ব কর্ণৈঃ চ ধবৈর্ বম্শৈঃ চ বানরাঃ ॥৬-২২-৫৪॥
22.55
কুটজৈর্ অর্জুনৈস্ তালৈস্ তিকলৈস্ তিমিশৈর্ অপি ।
বিল্বকৈঃ সপ্তপর্ণৈশ্চ কর্ণিকারৈশ্চ পুষ্পিতৈঃ ॥৬-২২-৫৫॥
22.56
চূতৈঃ চ অশোক বৃক্ষৈঃ চ সাগরম্ সমপূরয়ন্ ।
সমূলামঃ চ বিমূলামঃ চ পাদপান্ হরি সত্তমাঃ ॥৬-২২-৫৬॥
22.57
ইন্দ্র কেতূন্ ইব উদ্যম্য প্রজহ্রুর্ হরয়স্ তরূন্ ।
তালান্ দাডিমগুল্মাম্শ্চ নারিকেলবিভীতকান্ ॥৬-২২-৫৭॥
22.58
করীরান্ বকুলান্নিম্বান্ সমাজহ্রুরিতস্ততঃ ।
হস্তিমাত্রান্ মহাকায়াঃ পাষাণাম্শ্চ মহাবলাঃ ॥৬-২২-৫৮॥
22.59
পর্বতাম্শ্চ সমুত্পাট্য যন্ত্রৈঃ পরিবহন্তি চ ।
প্রক্ষিপ্যমাণৈর্ অচলৈঃ সহসা জলম্ উদ্ধতম্ ॥৬-২২-৫৯॥
22.60
সমুত্পতিতম্ আকাশম্ অপাসর্পৎ ততস্ ততঃ ।
সমুদ্রম্ ক্ষোভয়ামাসুর্নিপতন্তঃ সমন্ততঃ ॥৬-২২-৬০॥
22.61
সূত্রাণ্যন্যে প্রগৃহ্ণন্তি হ্যায়তম্ শতয়োজনম্ ।
নলঃ চক্রে মহাসেতুম্ মধ্যে নদ নদী পতেঃ ॥৬-২২-৬১॥
22.62
স তদা ক্রিয়তে সেতুর্বানরৈ র্ঘোরকর্মভিঃ ।
দণ্ডনন্যে প্রগৃহ্ণন্তি বিচিন্বন্তি তথাপরে ॥৬-২২-৬২॥
22.63
বানরৈঃ শতশস্তত্র রামস্যজ্ঞাপুরঃসরৈঃ ।
মেঘাভৈঃ পর্বতাভশ্চ তৃণৈঃ কাষ্ঠৈর্ববন্ধরে ॥৬-২২-৬৩॥
22.64
পুষ্পিতাগ্রৈশ্চ তরুভিঃ সেতুম্ বধ্নন্তি বানরাঃ ।
পাষাণাম্শ্চ গিরিপ্রখ্যান্ গিরীণাম্ শিখরাণি চ ॥৬-২২-৬৪॥
22.65
দৃশ্যন্তে পরিধাবন্তো গৃহ্য দানবসম্নিভাঃ ।
শিলানাম্ ক্ষিপ্যমাণানাম্ শৈলানাম্ তত্র পাত্যতাম্ ॥৬-২২-৬৫॥
22.66
বভূব তুমুলঃ শব্দস্ তদা তস্মিন্ মহাউদধৌ ।
কৃতানি প্রথমেনাহ্না যোজনানি চতুর্দশ ॥৬-২২-৬৬॥
22.67
প্রহৃষ্টৈজসম্কাশৈস্ত্বরমাণৈঃ প্লবঙ্গমৈঃ ।
দ্বিতীয়েন তথৈবাহ্না যোজনানি তু বিশতিঃ ॥৬-২২-৬৭॥
22.68
কৃতানি প্লবগৈস্তূর্ণম্ ভীমকায়ৈর্মহাবলৈঃ ।
অহ্না তৃতীয়েন তথা যোজনানি তু সাগরে ॥৬-২২-৬৮॥
22.69
ত্বরমাণৈর্মহাকয়ৈরেকবিম্শতিরেব চ ।
চতুর্থেন তথা চাহ্না দ্বাবিম্শতিরথাপি বা ॥৬-২২-৬৯॥
22.70
যোজনানি মহাবেগৈঃ কৃতানি ত্বরিতৈস্ততঃ ।
পঞ্চমেন তথা চাহ্না প্লবগৈঃ ক্ষিপ্রকারিভিঃ ॥৬-২২-৭০॥
22.71
যোজনানি ত্রয়োবিম্শত্সুবেলমধিকৃত্য বৈ ।
স বানরবরঃ শ্রীমান্ বিশ্বকর্মাত্মজো বলী ॥৬-২২-৭১॥
22.72
ববন্ধ সাগরে সেতুম্ যথা চাস্য তথা পিতা ।
স নলেন কৃতঃ সেতুঃ সাগরে মকর আলয়ে ॥৬-২২-৭২॥
22.73
শুশুভে সুভগঃ শ্রীমান্ স্বাতী পথ ইব অম্বরে ।
ততো দেবাঃ সগন্ধর্বাঃ সিদ্ধাঃ চ পরম ঋষয়ঃ ॥৬-২২-৭৩॥
22.74
আগম্য গগনে তস্থুর্দ্রষ্টুকামাস্তদদ্ভুতম্ ।
দশয়োজনবিস্তীর্ণম্ শতয়োজন মায়তম্ ॥৬-২২-৭৪॥
22.75
দদৃশুর্দেবগন্ধর্বা নলসেতুম্ সুদুষ্করম্ ।
আপ্লবন্তঃ প্লবন্তঃ চ গর্জন্তঃ চ প্লবম্ গমাঃ ॥৬-২২-৭৫॥
22.76
তম্ অচিন্ত্যম্ অসহ্যম্ চ অদ্ভুতম্ লোম হর্ষণম্ ।
দদৃশুঃ সর্ব ভূতানি সাগরে সেতু বন্ধনম্ ॥৬-২২-৭৬॥
22.77
তানি কোটি সহস্রাণি বানরাণাম্ মহাওজসাম্ ।
বধ্নন্তঃ সাগরে সেতুম্ জগ্মুঃ পারম্ মহাউদধেঃ ॥৬-২২-৭৭॥
22.78
বিশালঃ সুকৃতঃ শ্রীমান্ সুভূমিঃ সুসমাহিতঃ ।
অশোভত মহাসেতুঃ সীমন্ত ইব সাগরে ॥৬-২২-৭৮॥
22.79
ততঃ পরে সমুদ্রস্য গদা পাণির্ বিভীষণঃ ।
পরেষাম্ অভিঘত অর্থম্ অতিষ্ঠৎ সচিবৈঃ সহ ॥৬-২২-৭৯॥
22.80
সুগ্রীবস্তু ততঃ প্রাহ রামম্ সত্যপরাক্রমম্ ।
হনুমন্তম্ ত্বমারোহ অঙ্গদম্ ত্বথ লক্ষ্মণঃ ॥৬-২২-৮০॥
22.81
অয়ম্ হি বিপুলো বীর সাগরো মকরালয়ঃ ।
বৈহায়সৌ যুবামেতৌ বানরৌ ধারয়িষ্যতঃ ॥৬-২২-৮১॥
22.82
অগ্রতস্ তস্য সৈন্যস্য শ্রীমান্ রামঃ সলক্ষ্মণঃ ।
জগাম ধন্বী ধর্ম আত্মা সুগ্রীবেণ সমন্বিতঃ ॥৬-২২-৮২॥
22.83
অন্যে মধ্যেন গচ্চন্তি পার্শ্বতো অন্যে প্লবম্ গমাঃ ।
সলিলে প্রপতন্তি অন্যে মার্গম্ অন্যে ন লেভিরে ॥৬-২২-৮৩॥
22.84
কেচিদ্ বৈহায়স গতাঃ সুপর্ণা ইব পুপ্লুবুঃ ।
ঘোষেণ মহতা ঘোষম্ সাগরস্য সমুচ্চ্রিতম্ ॥৬-২২-৮৪॥
22.85
ভীমম্ অন্তর্ দধে ভীমা তরন্তী হরি বাহিনী ।
বানরাণাম্ হি সা তীর্ণা বাহিনী নল সেতুনা ॥৬-২২-৮৫॥
22.86
তীরে নিবিবিশে রাজ্ঞা বহু মূল ফল উদকে ।
তদ্ অদ্ভুতম্ রাঘব কর্ম দুষ্করম্ ।সমীক্ষ্য দেবাঃ সহ সিদ্ধ চারণৈঃ ।উপেত্য রামম্ সহিতা মহর্ষিভিঃ ।সমভ্যষিন্চন্ সুশুভিঅর্ জলৈঃ পৃথক্ ॥৬-২২-৮৬॥
22.87
জয়স্ব শত্রূন্ নর দেব মেদিনীম্ ।
সসাগরাম্ পালয় শাশ্বতীঃ সমাঃ ।ইতি ইব রামম্ নর দেব সত্কৃতম্ ।শুভৈর্ বচোভির্ বিবিধৈর্ অপূজয়ন্ ॥৬-২২-৮৭॥