Utshovসর্গ 24
24.1
সা বীরসমিতী রাজ্ঞা বিররাজ ব্যবস্থিতা ।
শশিনা শুভিনক্ষত্রা পৌর্ণমাসীব শারদী ॥৬-২৪-১॥
24.2
প্রচচাল চ বেগেন ত্রস্তা চৈব বসুন্ধরা ।
পীড্যমানা বলৌ ঘেন তেন সাগরবর্চসা ॥৬-২৪-২॥
24.3
ততঃ শুশ্রুপুরাক্রুষ্টম্ লঙ্কায়াঃ কাননৌকসঃ ।
ভেরীমৃদঙ্গসম্ঘুষ্টম্ তুমুলম্ রোমহর্ষণম্ ॥৬-২৪-৩॥
24.4
বভূবুস্তেন ঘোষেণ সম্হৃষ্টা হরিয়ূথপাঃ ।
অমৃষ্যমাণাস্তম্ ঘোষম্ বিনেদুর্ঘোষবত্তরম্ ॥৬-২৪-৪॥
24.5
রাক্ষসাস্তম্ প্লবঙ্গানাম্ শুশ্রুবুস্তেঽপি গর্জিতম্ ।
বর্দতামিব দৃপ্তানাম্ মেঘানামম্বরে স্বনম্ ॥৬-২৪-৫॥
24.6
দৃষ্ট্বা দাশরথির্লঙ্কাম্ চিত্রধ্বজপতাকিনিম্ম্ ।
জগাম মনসা সীতাম্ দূয়মানেন চেতসা ॥৬-২৪-৬॥
24.7
অত্র সা মৃগশাবাক্ষী রাবণেনোপরুধ্যতে ।
অভিভূতা গ্রহেণেব লোহিতাঙ্গেন রোহিণী ॥৬-২৪-৭॥
24.8
দীর্ঘমুষ্ণম্ চ নিঃশ্বস্য সমুদ্বীক্ষ্য চ লক্ষ্মণম্ ।
উবাচ বচনম্ বীরস্তত্কালহিতমাত্মনঃ ॥৬-২৪-৮॥
24.9
আলিখন্তীমিবাকাশমুত্থিতাম্ পশ্য লক্ষ্মণ ।
মন্সেব কৃতাম্ লঙ্কাম্ নগাগ্রে বিশ্বকর্মণা ॥৬-২৪-৯॥
24.10
বিমানৈর্বহুভির্লঙ্ক সম্কীর্ণা রচিতা পুরা ।
বিষ্ণোঃ পদমিবাকাশম্ চাদিতম্ পাণ্ডুভির্ঘনৈঃ ॥৬-২৪-১০॥
24.11
পুষ্পিতৈঃ শোভিতা লঙ্কা বনৈশ্চত্ররথোপমৈঃ ।
নানাপতগসম্ঘুষ্টফলপুষ্পোপগৈঃ শুভৈঃ ॥৬-২৪-১১॥
24.12
পশ্য মত্তবিহঙ্গনি প্রলীনভ্রমরাণি চ ।
কোকিলাকুলখণ্ডানি দোধবীতি শিবোঽবিলঃ ॥৬-২৪-১২॥
24.13
ইতি দাশরথীরমো লক্ষ্মণম্ সমভাষত ।
বলম্ চ তত্র বিভজচ্চাস্ত্রদৃষ্টেন কর্মণা ॥৬-২৪-১৩॥
24.14
শশাস কপিসেমাম্ তাম্ বলাদাদায় বীর্যবান্ ।
অঙ্গদঃ সহ নীলেন তিষ্ঠে দুরপি দুর্জয়ঃ ॥৬-২৪-১৪॥
24.15
তিষ্ঠেদ্বানরবাহিন্যা বানরৌঘসমাবৃতঃ ।
আশির্তো দক্ষিণম্ পার্শ্বমৃষভো নাম বানরঃ ॥৬-২৪-১৫॥
24.16
গন্ধহস্তীব দুর্ধর্ষস্তরস্বী গন্ধমাদনঃ ।
তিষ্ঠেদ্বানরবাহিন্যাঃ সব্যম্ পক্ষমধিষ্ঠতঃ ॥৬-২৪-১৬॥
24.17
মূর্ধ্নি স্থাস্যাম্যহম্ যত্তো লক্ষ্মণেন সমন্বিতঃ ।
জাম্ববাম্শ্চ সুষেণশ্চ বেগদর্শী চ বানরঃ ॥৬-২৪-১৭॥
24.18
ঋক্ষমুখ্যা মহাত্মানঃ কুক্ষিম্ রক্ষন্তু তে ত্রয়ঃ ।
জঘনম্ কপিসেনায়াঃ কপিরাজোঽভিরক্ষতু ॥৬-২৪-১৮॥
24.19
পশ্চার্ধমিব লোকস্য প্রচেতাস্তেজপা বৃতঃ ।
সুবিভক্তমহাব্যূহা মহাবানররক্ষিতা ॥৬-২৪-১৯॥
24.20
অনীকিনী সা বিবভৌ যথাদ্যৌঃ সাভ্রসম্প্লবা ।
প্রঋহ্য গিরিশৃঙ্গাণি মহতশ্চ মহীরুহান্ ॥৬-২৪-২০॥
24.21
আসেদুর্বানরা লঙ্কাম্ মিমর্দয়ুষবো রণে ।
শিখরৈর্বিকিরামৈনাম্ লঙ্কাম্ মুষ্টিভিরেব বা ॥৬-২৪-২১॥
24.22
ইতি স্ম দধিরে সর্বে মানাম্সি হরিপুঙ্গবাঃ ।
ততো রামো মহাতেজাঃ সুগ্রীব মিদমব্রবীৎ ॥৬-২৪-২২॥
24.23
সুবিভক্তানি সৈন্যানি শুক এষ বিমুচ্যতাম্ ।
রামস্য তু বচঃ শ্রুত্বা বানরেন্দ্রো মহাবলঃ ॥৬-২৪-২৩॥
24.24
মোচয়ামাস তম্ দূতম্ শুকম্ রামস্য শাসনাৎ ।
মোচিতো রামবাক্যেন বানরৈশ্চ নিপীডিতঃ ॥৬-২৪-২৪॥
24.25
শুকঃ পরমসম্ত্রস্তো রক্ষোধিপমুপাগমৎ ।
রাবণঃ প্রহসন্নেব শুকম্ বাক্যমুবাচ হ ॥৬-২৪-২৫॥
24.26
কিমিমৌ তে সিতৌ পক্ষৌ লূনপক্ষ্শ্চ দৃশ্যসে ।
কচ্চিন্নানেকচিত্তানাম্ তেষাম্ ত্বম্ বশমাগতঃ ॥৬-২৪-২৬॥
24.27
ততস্প ভয়সম্বিগ্ন স্তদা রাজ্ঞাভিচোদিতঃ ।
বচনম্ প্রত্যুবাচেদম্ রাক্ষসাধিপমুত্তমম্ ॥৬-২৪-২৭॥
24.28
সাগরস্যোত্তরে তীরেঽব্রবম্ তে বচনম্ তথা ।
যথাসম্দেশমক্লিষ্টম্ সান্ত্বয়ন্ শ্লক্ষ্ণয়া গিরা ॥৬-২৪-২৮॥
24.29
ক্রুদ্ধৈস্তেরহমুত্প্লুত্য দৃষ্টমাত্রঃ প্লবঙ্গমৈঃ ।
গৃহিতোঽস্ম্যপি চারব্ধো হন্তুম্ লোপ্তুম্ চ মুষ্টিভিঃ ॥৬-২৪-২৯॥
24.30
ন তে সম্ভাষিতুম্ শক্যাঃ সম্প্রশ্নোঽত্র ন বিদ্যতে ।
প্রকৃত্যা কোপনাস্তীক্ষিণা বানরা রাক্ষসাধিপ ॥৬-২৪-৩০॥
24.31
স চ হন্তা বিরাধস্য কবন্ধস্য খরস্য চ ।
সুগ্রীবসহিতো রামঃ সীতায়াঃ পদমাগতঃ ॥৬-২৪-৩১॥
24.32
স কৃত্বা সাগরে সেতুম্ তীর্ত্বা চ লবণোদধিম্ ।
এষ রক্ষাসি নির্ধূয় ধন্বী তিষ্ঠতি রাঘবঃ ॥৬-২৪-৩২॥
24.33
ঋক্ষবানরসম্ঘানামনীকানি সহস্রশঃ ।
গিরিমেঘনিকাশানাম্ চাদয়ন্তি বসুন্ধরাম্ ॥৬-২৪-৩৩॥
24.34
রাক্ষসানাম্ বলৌঘস্য বানরেন্দ্রবলস্য চ ।
নৈতয়োর্বিদ্যতে সম্ধির্দেবদানবয়োরিব ॥৬-২৪-৩৪॥
24.35
পুরা প্রাকারমায়ান্তি ক্ষিপ্রমেকতরম্ কুরু ।
সীতাম্ বাস্মৈ প্রয়চ্চাশু যুদ্ধম্ বাপি প্রদীয়তাম্ ॥৬-২৪-৩৫॥
24.36
শুকস্য বচনম্ শ্রুত্বা রাবণো বাক্য মব্রবীৎ ।
রোষসম্রক্তনয়নো নির্দহন্নিব চক্ষুষা ॥৬-২৪-৩৬॥
24.37
যদি মাম্ প্রতিয়ুধ্যেরন্ দেবগন্ধর্বদানবাঃ ।
নৈব সীতাম্ প্রদাস্যামি সর্বলোকভয়াদপি ॥৬-২৪-৩৭॥
24.38
কদা সমভিধানন্তি মামকা রাঘবম্ শরাঃ ।
বসন্তে পুষ্পিতম্ মত্তা ভ্রমরা ইব পাদপম্ ॥৬-২৪-৩৮॥
24.39
কদা শোণিতদিগ্ধাঙ্গম্ দীপৈঃ কার্মুকবিচ্যুতৈঃ ।
শরৈরাদীপয়িষ্যামি উল্কাভিরিব কুঞ্জরম্ ॥৬-২৪-৩৯॥
24.40
তচ্চাস্য বলমাদাস্যে বলেন মহতা বৃতঃ ।
জ্যোতিষামিব সর্বেষাম্ প্রভামুদ্যন্দিবাকরঃ ॥৬-২৪-৪০॥
24.41
সাগরস্যেব মে বেগো মারুতস্যেব মে বলম্ ।
ন চ দাশরথির্বেদ তেন মাম্ যোদ্ধুমিচ্চতি ॥৬-২৪-৪১॥
24.42
ন মে তূণীশয়ান্ বাণান্ সনিষানিব পন্নগান্ ।
রামঃ পশ্যতি সম্গ্রামে তেন মাম্ যোদ্ধুমিচ্চতি ॥৬-২৪-৪২॥
24.43
ন জানাতি পুরা বীর্যম্ মম যুদ্ধে স রাঘবঃ ।
মম চাপময়ীম্ বীণাম্ শরকোণৈঃ প্রবাদিতাম্ ॥৬-২৪-৪৩॥
24.44
জ্যাশবদতুমুলাম্ ঘোরামার্তগীতমহাস্বনাম্ ।
নারাচতলসম্নাদাম্ তাম্ মমাহিতবাহিনীম্ ॥৬-২৪-৪৪॥
24.45
অবগাহ্য মহরঙ্গম্ বাদয়িষ্যান্তগন্ রণে ।
ন বাসবেনাপি স হস্রচক্ষুষা ।যুদ্ধেঽস্মি শক্যো বরুণেন বাস্বয়ম্ ।যমেব বা ধর্ষয়িতুম্ শরাগ্নিনা ।মহাহবে বৈশ্রবণেন বা স্বয়ম্ ॥৬-২৪-৪৫॥