Utshovসর্গ 19
19.1
রাঘবেণাভয়ে দত্তে সন্নতা রাবণানুজঃ ।
বিভীষণো মহাপাজ্ঞো ভূমিং সমবলোকয়ন্ ।খাত্পপাতাবনীং হৃষ্টো ভক্তৈরনুচরৈঃ সহ ।। ৬.১৯.১ ।।।।
19.2
স তু রামস্য ধর্মাত্মা নিপপাত বিভীষণঃ ।
পাদয়োঃ শরণান্বেষী চতুর্ভিঃ সহ রাক্ষসৈঃ ।। ৬.১৯.২ ।।।।
19.3
অব্রবীচ্চ তদা রামং বাক্যং তত্র বিভীষণঃ ।
ধর্ময়ুক্তং চ যুক্তং চ সাম্প্রতং সম্প্রহর্ষণম্ ।। ৬.১৯.৩ ।।।।
19.4
অনুজো রাবণস্যাহং তেন চাপ্যবমানিতঃ ।
ভবন্তং সর্বভূতানাং শরণ্যং শরণাগতঃ ।। ৬.১৯.৪ ।।৪ ।।।।
19.5
পরিত্যক্তা ময়া লঙ্কা মিত্রাণি চ ধনানি বৈ ।
ভবদ্গতং মে রাজ্যং চ জীবিতং চ সুখানি চ ।। ৬.১৯.৫ ।।।।
19.6
তস্য তদ্বচনং শ্রুত্বা রামো বচনমব্রবীৎ ।
বচসা সান্ত্বয়িত্বৈনং লোচনাভ্যাং পিবন্নিব ।। ৬.১৯.৬ ।।।।
19.7
আখ্যাহি মম তত্ত্বেন রাক্ষসানাং বলাবলম্ ।
। ৬.১৯.৭ ।।।।
19.8
এবমুক্তস্তদা রক্ষো রামেণাক্লিষ্টকর্মণা ।
রাবণস্য বলং সর্বমাখ্যাতুমুপচক্রমে ।। ৬.১৯.৮ ।।।।
19.9
অবধ্যঃ সর্বভূতানাং গন্ধর্বাসুররক্ষসাম্ ।
রাজপুত্র দশগ্রীবো বরদানাৎ স্বয়ম্ভুবঃ ।। ৬.১৯.৯ ।।।।
19.10
রাবণানন্তরো ভ্রাতা মম জ্যেষ্ঠশ্চ বীর্যবান্ ।
কুম্ভকর্ণো মহাতেজাঃ শক্রপ্রতিবলো যুধি ।। ৬.১৯.১০ ।।।।
19.11
রাম সেনাপতিস্তস্য প্রহস্তো যদি বা শ্রুতঃ ।
কৈলাসে যেন সঙ্গ্রামে মণিভদ্রঃ পরাজিতঃ ।। ৬.১৯.১১ ।।।।
19.12
বদ্ধগোধাঙ্গুলিত্রাণস্ত্ববধ্যকবচো যুধি ।
ধনুরাদায় যস্তিষ্ঠন্নদৃশ্যো ভবতীন্দ্রজিৎ ।। ৬.১৯.১২ ।।।।
19.13
সঙ্গ্রামসময়ব্যূহে তর্পয়িত্বা হুতাশনম্ ।
অন্তর্ধানগতঃ শত্রূনিন্দ্রজিদ্ধন্তি রাঘব ।। ৬.১৯.১৩ ।।।।
19.14
মহোদরমহাপার্শ্বৌ রাক্ষসশ্চাপ্যকম্পনঃ ।
অনীকস্থাস্তু তস্যৈতে লোকপালসমা যুধি ।। ৬.১৯.১৪ ।।।।
19.15
দশকোটিসহস্রাণি রাক্ষসাং কামরূপিণাম্ ।
মাংসশোণিতভক্ষাণাং লঙ্কাপুরনিবাসিনাম্ ।। ৬.১৯.১৫ ।।।।
19.16
স তৈস্তু সহিতো রাজা লোকপালানয়োধয়ৎ ।
। ৬.১৯.১৬ ।।।।
19.17
সহ দেবৈস্তু তে ভগ্না রাবণেন মহাত্মনা ।
। ৬.১৯.১৭ ।।।।
19.18
বিভীষণবচঃ শ্রুত্বা রামো দৃঢপরাক্রমঃ ।
অন্বীক্ষ্য মনসা সর্বমিদং বচনমব্রবীৎ ।। ৬.১৯.১৮ ।।।।
19.19
যানি কর্মাপদানানি রাবণস্য বিভীষণ ।
আখ্যাতানি চ তত্ত্বেন হ্যবগচ্ছামি তান্যহম্ ।। ৬.১৯.১৯ ।।।।
19.20
অহং হত্বা দশগ্রীবং সপ্রহস্তং সবান্ধবম্ ।
রাজানং ত্বাং করিষ্যামি সত্যমেতদ্ ব্রবীমি তে ।। ৬.১৯.২০ ।।।।
19.21
রসাতলং বা প্রবিশেৎ পাতালং বাপি রাবণঃ ।
পিতামহসকাশং বা ন মে জীবন্ বিমোক্ষ্যতে ।। ৬.১৯.২১ ।।।।
19.22
অহত্বা রাবণং সঙ্খ্যে সপুত্রবলবান্ধবম্ ।
অয়োধ্যাং ন প্রবেক্ষ্যামি ত্রিভিস্তৈর্ভ্রাতৃভিঃ শপে ।। ৬.১৯.২২ ।।।।
19.23
শ্রুত্বা তু বচনং তস্য রামস্যাক্লিষ্টকর্মণঃ ।
শিরসা ঽ ঽবন্দ্য ধর্মাত্মা বক্তুমেবোপচক্রমে ।। ৬.১৯.২৩ ।।।।
19.24
রাক্ষসানাং বধে সাহ্যং লঙ্কায়াশ্চ প্রধর্ষণম্ ।
করিষ্যামি যথাপ্রাণং প্রবেক্ষ্যামি চ বাহিনীম্ ।। ৬.১৯.২৪ ।।।।
19.25
ইতি ব্রুবাণং রামস্তু পরিষ্বজ্য বিভীষণম্ ।
অব্রবীল্লক্ষ্ণণং প্রীতঃ সমুদ্রাজ্জলমানয় ।। ৬.১৯.২৫ ।।।।
19.26
তেন চেমং মহাপ্রাজ্ঞমভিষিঞ্চ বিভীষণম্ ।
রাজানং রক্ষসাং ক্ষিপ্রং প্রসন্নে ময়ি মানদ ।। ৬.১৯.২৬ ।।।।
19.27
এবমুক্তস্তু সৌমিত্রিরভ্যাষিঞ্চদ্বিভীষণম্ ।
মধ্যেবানরমুখ্যানাং রাজানং রাজশাসনাৎ ।। ৬.১৯.২৭ ।।।।
19.28
তং প্রসাদং তু রামস্য দৃষ্ট্বা সদ্যঃ প্লবঙ্গমাঃ ।
প্রচুক্রুশুর্মহাত্মানং সাধু সাধ্বিতি চাব্রুবন্ ।। ৬.১৯.২৮ ।।।।
19.29
অব্রবীচ্চ হনূমাংশ্চ সুগ্রীবশ্চ বিভীষণম্ ।
। ৬.১৯.২৯ ।।।।
19.30
কথং সাগরমক্ষোভ্যং তরাম বরুণালয়ম্ ।
সৈন্যৈঃ পরিবৃতাঃ সর্বে বানরাণাং মহৌজসাম্ ।। ৬.১৯.৩০ ।।।।
19.31
উপায়ং নাধিগচ্ছামো যথা নদনদীপতিম্ ।
তরাম তরসা সর্বে সসৈন্যা বরুণালয়ম্ ।এবমুক্তস্তু ধর্মজ্ঞঃ প্রত্যুবাচ বিভীষণঃ ।। ৬.১৯.৩১ ।।।।
19.32
সমুদ্রং রাঘবো রাজা শরণং গন্তুমর্হতি ।
। ৬.১৯.৩২ ।।
19.33
র্বে সসৈন্যা বরুণালয়ম্ ।
খানিতঃ সগরেণায়মপ্রমেয়ো মহোদধিঃ ।কর্তুমর্হতি রামস্য জ্ঞাত্বা কার্যং মহামতিঃ ।। ৬.১৯.৩৩ ।।।।
19.34
এবং বিভীষণেনোক্তো রাক্ষসেন বিপশ্চিতা ।
আজগামাথ সুগ্রীবো যত্র রামঃ সলক্ষ্মণঃ ।। ৬.১৯.৩৪ ।।।।
19.35
ততশ্চাখ্যাতুমারেভে বিভীষণবচঃ শুভম্ ।
সুগ্রীবো বিপুলগ্রীবঃ সাগরস্যোপবেশনম্ ।। ৬.১৯.৩৫ ।।।।
19.36
প্রকৃত্যা ধর্মশীলস্য রাঘবস্যাপ্যরোচত ।
। ৬.১৯.৩৬ ।।।।
19.37
স লক্ষ্মণং মহাতেজাঃ সুগ্রীবং চ হরীশ্বরম্ ।
সত্ক্রিয়ার্থং ক্রিয়াদক্ষঃ স্মিতপূর্বমুবাচ হ ।। ৬.১৯.৩৭ ।।।।
19.38
বিভীষণস্য মন্ত্রো ঽয়ং মম লক্ষ্মণ রোচতে ।
ব্রূহি ত্বং সহসুগ্রীবস্তবাপি যদি রোচতে ।। ৬.১৯.৩৮ ।।।।
19.39
সুগ্রীবঃ পণ্ডিতো নিত্যং ভবান্ মন্ত্রবিচক্ষণঃ ।
উভাভ্যাং সম্প্রধার্যার্থং রোচতে যত্তদুচ্যতাম্ ।। ৬.১৯.৩৯ ।।।।
19.40
এবমুক্তৌ তু তৌ বীরাবুভৌ সুগ্রীবলক্ষ্মণৌ ।
সমুদাচারসংয়ুক্তমিদং বচনমূচতুঃ ।। ৬.১৯.৪০ ।।।।
19.41
কিমর্থং নৌ নরব্যাঘ্র ন রোচিষ্যতি রাঘব ।
বিভীষণেন যচ্চোক্তমস্মিন্ কালে সুখাবহম্ ।। ৬.১৯.৪১ ।।।।
19.42
অবদ্ধ্বা সাগরে সেতুং ঘোরে ঽস্মিন্ বরুণালয়ে ।
লঙ্কা নাসাদিতুং শক্যা সেন্দ্রৈরপি সুরাসুরৈঃ ।। ৬.১৯.৪২ ।।।।
19.43
বিভীষণস্য শূরস্য যথার্থং ক্রিয়তাং বচঃ ।
অলং কালাত্যয়ং কৃত্বা সমুদ্রো ঽয়ং নিয়ুজ্যতাম্ ।যথা সৈন্যেন গচ্ছামঃ পুরীং রাবণপালিতাম্ ।। ৬.১৯.৪৩ ।।।।
19.44
এবমুক্তঃ কুশাস্তীর্ণে তীরে নদনদীপতেঃ ।
সংবিবেশ তদা রামো বেদ্যামিব হুতাশনঃ ।। ৬.১৯.৪৪ ।।