Utshovসর্গ 18
18.1
রাঘবেন অভয়ে দত্তে সম্নতো রাবণ অনুজঃ ।
বিভীষণো মহাপ্রাজ্ঞো ভূমিম্ সমবলোকয়ৎ ॥৬-১৯-১॥
18.2
খাৎ পপাত অবনিম্ হৃষ্টো ভক্তৈর্ অনুচরৈঃ সহ ।
স তু রামস্য ধর্ম আত্মা নিপপাত বিভীষণঃ ॥৬-১৯-২॥
18.3
পাদয়োঃ শরণ অন্বেষী চতুর্ভিঃ সহ রাক্ষসৈঃ ।
অব্রবীচ্ চ তদা রামম্ বাক্যম্ তত্র বিভীষণঃ ॥৬-১৯-৩॥
18.4
ধর্ম যুক্তম্ চ যুক্তম্ চ সাম্প্রতম্ সম্প্রহর্ষণম্ ।
অনুজো রাবণস্য অহম্ তেন চ অস্মি অবমানিতঃ ॥৬-১৯-৪॥
18.5
ভবন্তম্ সর্ব ভূতানাম্ শরণ্যম্ শরণম্ গতঃ ।
পরিত্যক্তা ময়া লংকা মিত্রাণি চ ধনানি চ ॥৬-১৯-৫॥
18.6
ভবদ্ গতম্ হি মে রাজ্যম্ চ জীবিতম্ চ সুখানি চ ।
তস্য তদ্বচনম্ শ্রুত্বা রামো বচনমব্রবীৎ ॥৬-১৯-৬॥
18.7
বচসা সান্ত্বয়িত্বৈনম্ লোচনাভ্যাম্ পিবন্নিব ।
আখ্যাহি মম তত্বেন রাক্ষসানাম্ বলাবলম্ ॥৬-১৯-৭॥
18.8
এবমুক্তম্ তদা রক্ষো রামেণাক্লিষ্টকর্মণা ।
রাবণস্য বলম্ সর্বমাখ্যাতুমুপচক্রমে ॥৬-১৯-৮॥
18.9
অবধ্যঃ সর্বভূতানাম্ গন্ধর্বোরগপক্ষিণাম্ ।
রাজপুত্র দশগ্রীবো বরদানাত্স্বয়ম্ভুবঃ ॥৬-১৯-৯॥
18.10
রাবণানন্তরো ভ্রাতা মম জ্যেষ্ঠশ্চ বীর্যবান্ ।
কুম্ভকর্ণো মহাতেজাঃ শক্রপ্রতিবলো যুধি ॥৬-১৯-১০॥
18.11
রাম সেনাপতিস্তস্য প্রহস্তো যদি তে শ্রুতঃ ।
কৈলাসে যেন সম মণিভদ্রঃ পরাজিতঃ ॥৬-১৯-১১॥
18.12
বদ্দগোধাঙ্গুলিত্রশ্চ অবধ্যকবচো যুধি ।
ধনুরাদায় যস্তিষ্ঠন্নদৃশ্যো ভবতীন্দ্রজিৎ ॥৬-১৯-১২॥
18.13
সম্গ্রামে সুমহদ্ব্যূহে তর্পয়িত্বা হুতাশনম্ ।
অন্তর্ধানগতঃ শ্রীমানিন্দ্রজিদ্ধন্তি রাঘব ॥৬-১৯-১৩॥
18.14
মহোদরমহাপার্স্বৌ রাক্ষসশ্চাপ্যকম্পনঃ ।
অবীকপাস্তু তপ্যৈতে লোকপালসমা যুধি ॥৬-১৯-১৪॥
18.15
দশকোটিসহস্রাণি রক্ষসাম্ কামরূপিণাম্ ।
মাম্সশোণিতভক্ষ্যাণাম্ লঙ্কাপুরনিবাসিনাম্ ॥৬-১৯-১৫॥
18.16
স তৈস্তু সহিতো রাজা লোকপালানয়োধয়ৎ ।
সহ দেবৈস্তু তে ভগ্না রাবণেন দুরাত্মনা ॥৬-১৯-১৬॥
18.17
বিভীষণস্য তু বচস্তছ্রুত্বা রঘুসত্তমঃ ।
অন্বীক্ষ্য মনসা সর্বমিদম্ বচনমব্রবীৎ ॥৬-১৯-১৭॥
18.18
যানি কর্মাপদানানি রাবণস্য বিভীষণ ।
অখ্যাতানি চ তত্ত্বেন হ্যবগচ্চামি তান্যহম্ ॥৬-১৯-১৮॥
18.19
অহম্ হত্বা দশগ্রীবম্ সপ্রহস্তম্ সহাত্মজম্ ।
রাজানম্ ত্বাম্ করিষ্যামি সত্যমেতচ্ছৃণোতু মে ॥৬-১৯-১৯॥
18.20
রসাতলম্ বা প্রবিশেত্পাতালম্ বাপি রাবণঃ ।
পিতামহসকাশম্ বা ন মে জীবন্বিমোক্ষ্যতে ॥৬-১৯-২০॥
18.21
অহত্বা রাবণম্ সম্খ্যে সপুত্রজনবান্ধবম্ ।
অয়োধ্যাম্ ন প্রবেক্ষ্যামি ত্রিভিস্তৈর্ভ্রতৃভিঃ শপেঃ ॥৬-১৯-২১॥
18.22
শ্রুত্বা তু বচনম্ তস্য রামস্যাক্লিষ্টকর্মণঃ ।
শিরসা বন্দ্য ধর্মাত্মা বক্তুমেব প্রচক্রমে ॥৬-১৯-২২॥
18.23
রাক্ষসানাম্ বধে সাহ্যম্ লংকায়াঃ চ প্রধর্ষণে ।
করিষ্যামি যথা প্রাণম্ প্রবেক্ষ্যামি চ বাহিনীম্ ॥৬-১৯-২৩॥
18.24
ইতি ব্রুবাণম্ রামস্ তু পরিষ্বজ্য বিভীষণম্ ।
অব্রবীল্ লক্ষ্মণম্ প্রীতঃ সমুদ্রাজ্ জলম্ আনয় ॥৬-১৯-২৪॥
18.25
তেন চ ইমম্ মহাপ্রাজ্ঞম্ অভিষিন্চ বিভীষণম্ ।
রাজানম্ রক্ষসাম্ ক্ষিপ্রম্ প্রসন্নে ময়ি মানদ ॥৬-১৯-২৫॥
18.26
এবম্ উক্তস্ তু সৌমিত্রির্ অভ্যষিন্চদ্ বিভীষণম্ ।
মধ্যে বানর মুখ্যানাম্ রাজানম্ রাম শাসনাৎ ॥৬-১৯-২৬॥
18.27
তম্ প্রসাদম্ তু রামস্য দৃষ্ট্বা সদ্যঃ প্লবম্ গমাঃ ।
প্রচুক্রুশুর্ মহানাদান্ সাধু সাধ্ব্ ইতি চ অব্রুবন্ ॥৬-১৯-২৭॥
18.28
অব্রবীচ্ চ হনূমামঃ চ সুগ্রীবঃ চ বিভীষণম্ ।
কথম্ সাগরম্ অক্ষোভ্যম্ তরাম বরুণ আলয়ম্ ॥৬-১৯-২৮॥
18.29
সৈন্যৈঃ পরিবৃতাঃ সর্বে বানরাণাম্ মহৌজসাম্ ।
উপায়ৈর্ অভিগচ্চামো যথা নদ নদী পতিম্ ॥৬-১৯-২৯॥
18.30
তরাম তরসা সর্বে সসৈন্যা বরুণ আলয়ম্ ।
এবম্ উক্তস্ তু ধর্মজ্ঞঃ প্রত্যুবাচ বিভীষণঃ ॥৬-১৯-৩০॥
18.31
সমুদ্রম্ রাঘবো রাজা শরণম্ গন্তুম্ অর্হতি ।
খানিতঃ সগরেণ অয়ম্ অপ্রমেয়ো মহাউদধিঃ ॥৬-১৯-৩১॥
18.32
কর্তুম্ অর্হতি রামস্য জ্ঞাতেঃ কার্যম্ মহাউদধিঃ ।
এবম্ বিভীষণেন উক্তে রাক্ষসেন বিপশ্চিতা ॥৬-১৯-৩২॥
18.33
আজগামথ সুগ্রীবো যত্র রামঃ সলক্ষ্মণঃ ।
ততশ্চাখ্যাতুমারেভে বিভীষণবচঃ শুভম্ ॥৬-১৯-৩৩॥
18.34
সুগ্রীবো বিপুলগ্রীবঃ সাগরস্যোপবেশনম্ ।
প্রকৃত্যা ধর্ম শীলস্য রাঘবস্য অপি অরোচত ॥৬-১৯-৩৪॥
18.35
স লক্ষ্মণম্ মহাতেজাঃ সুগ্রীবম্ চ হরি ঈশ্বরম্ ।
সৎ ক্রিয়া অর্থম্ ক্রিয়া দক্ষঃ স্মিত পূর্বম্ উবাচ হ ॥৬-১৯-৩৫॥
18.36
বিভীষণস্য মন্ত্রো অয়ম্ মম লক্ষ্মণ রোচতে ।
সুগ্রীবঃ পণ্ডিতো নিত্যম্ ভবান্ মন্ত্র বিচক্ষণঃ ॥৬-১৯-৩৬॥
18.37
উভাভ্যাম্ সম্প্রধার্য আর্যম্ রোচতে যৎ তদ্ উচ্যতাম্ ।
এবম্ উক্তৌ তু তৌ বীরাব্ উভৌ সুগ্রীব লক্ষ্মণৌ ॥৬-১৯-৩৭॥
18.38
সমুদাচার সম্যুক্তম্ ইদম্ বচনম্ ঊচতুঃ ।
কিম্ অর্থম্ নো নর ব্যাঘ্র ন রোচিষ্যতি রাঘব ॥৬-১৯-৩৮॥
18.39
বিভীষণেন যৎ তু উক্তম্ অস্মিন্ কালে সুখ আবহম্ ।
অবদ্ধ্বা সাগরে সেতুম্ ঘোরে অস্মিন্ বরুণ আলয়ে ॥৬-১৯-৩৯॥
18.40
লংকা ন আসাদিতুম্ শক্যা স ইন্দ্রৈর্ অপি সুর অসুরৈঃ ।
বিভীষণস্য শূরস্য যথা অর্থম্ ক্রিয়তাম্ বচঃ ॥৬-১৯-৪০॥
18.41
অলম্ কাল অত্যয়ম্ কৃত্বা সমুদ্রো অয়ম্ নিয়ুজ্যতাম্ ।
যথা কালাত্যয়ম্ কৃত্বা সাগরায় নিয়ুজ্যতাম্ ॥৬-১৯-৪১॥
18.42
এবম্ উক্তঃ কুশ আস্তীর্ণে তীরে নদ নদী পতেঃ ।
সম্বিবেশ তদা রামো বেদ্যাম্ ইব হুত অশনঃ ॥৬-১৯-৪২॥