Utshovসর্গ 20
20.1
ততো নিবিষ্টাম্ ধ্বজিনীম্ সুগ্রীবেণাভিপালিতাম্ ।
দদর্শ রাক্ষসোঽভ্যেত্য শার্দূলো নাম বীর্যবান্ ॥৬-২০-১॥
20.2
চারো রাক্ষসরাজস্য রাবণস্য দুরাত্মনঃ ।
তাম্ দৃষ্ট্বা সর্বতোঽব্যগ্রম্ প্রতিগম্য স রাক্ষসঃ ॥৬-২০-২॥
20.3
আবিশ্য লঙ্কাম্ বেগেন রাজানমিদমব্রবীৎ ।
এষ বৈ বানরর্ক্ষঘো লঙ্কাম্ সমভিবর্ততে ॥৬-২০-৩॥
20.4
অগাধশ্চাপ্রমেয়শ্চ দ্বিতীয় ইব সাগরঃ ।
পুত্রৌ দশরথস্যেমৌ ভ্রাতরৌ রামলক্ষ্মণৌ ॥৬-২০-৪॥
20.5
উত্তমৌ রূপসম্পন্নৌ সীতায়াঃ পদমাগতৌ ।
এতৌ সাগরমাসাদ্য সম্নিবিষ্টৌ মহাদ্যুতী ॥৬-২০-৫॥
20.6
বলম্ চাকাশমাবৃত্য সর্বতো দশয়োজনম্ ।
তত্ত্বভূতম্ মহারজ ক্ষিপ্রম্ বেদিতুমর্হসি ॥৬-২০-৬॥
20.7
তব দূতা মহারাজ ক্ষিপ্রমর্হন্তি বেদিতুম্ ।
উপপ্রদানম্ সান্ত্বম্ বা ভেদো বাত্র প্রয়ুজ্যতাম্ ॥৬-২০-৭॥
20.8
শার্দূলস্য বচঃ শ্রুত্বা রাবণো রাক্ষসেশ্বরঃ ।
উবাচ সহসা ব্যগ্রঃ সম্প্রধার্যার্থমাত্মনঃ ॥৬-২০-৮॥
20.9
শুকম্ নাম তদা রক্ষো বাক্যমর্থবিদাম্ বরম্ ।
সুগ্রীবম্ ব্রূহি গত্বাশু রাজানম্ বচনান্মনু ॥৬-২০-৯॥
20.10
যথাসম্দেশমক্লীবম্ শল্ক্স্ণয়া পরয়া গিরা ।
ত্বম্ বৈ মহারজ কুলপ্রসূতো ।মহাবলশ্চর্ক্ষরজঃসুতশ্চ ।ন কশ্চনার্থস্তব বাস্ত্যনর্থ ।স্তথাপি মে ভ্রাতৃসমো হরীশ ॥৬-২০-১০॥
20.11
অহম্ যদ্যহরম্ ভার্যাম্ রাজপুত্রস্য ধীমতঃ ।
কিম্ তত্র তব সুগ্রীব কিশ্কিন্ধাম্ প্রতি গম্যতাম্ ॥৬-২০-১১॥
20.12
ন হীয়ম্ হরিভির্লঙ্কা প্রাপ্তুম্ শক্যা কথম্ চন ।
দেবৈরপি সগন্ধর্বৈঃ কিম্ পুনর্নরবানরৈঃ ॥৬-২০-১২॥
20.13
স তদা রাক্ষসেন্দ্রেণ সম্দিষ্টো রজনীচরঃ ।
শুকো বিহম্গমো ভূত্বা তূর্ণমাপ্লুত্য চাম্বরম্ ॥৬-২০-১৩॥
20.14
স গত্বা দূরমধ্বানমুপর্যুপরি সাগরম্ ।
সম্স্থিতো হ্যম্বরে বাক্যম্ সুগ্রীব মদিমব্রবীৎ ॥৬-২০-১৪॥
20.15
সর্বমুক্তম্ যথাদিষ্টম্ রাবণেন দুরাত্মনা ।
তত্প্রপয়ন্তম্ বচনম্ তূর্ণমাপ্লুত্য বানরাঃ ॥৬-২০-১৫॥
20.16
প্রাপদ্যন্ত তদা ক্ষিপ্রম্ লোপ্তুম্ হন্তুম্ চ মুষ্টিভিঃ ।
সর্বৈঃ প্লবণ্গৈঃ প্রসভম্ নিগৃহীতো নিশাচরহ্ ॥৬-২০-১৬॥
20.17
গগনাদ্ভূতলে চাশু প্রতিগৃহ্যাবতারিতঃ ।
বানরৈঃ পীড্যমানস্তু শুকো বচনমব্রবীৎ ॥৬-২০-১৭॥
20.18
ন দূতান্ ঘ্নন্তি কাকুত্থ্স বার্যন্তাম্ সাধু বানরাঃ ।
যস্তু হিত্বা মতম্ ভর্তুঃ স্বমতম্ সম্প্রভাষতে ॥৬-২০-১৮॥
20.19
অনুক্তবাদী দূতঃ সন্ন্ স দূতো বধমর্হতি ।
শুকস্য বচনম্ রামঃ শ্রুত্বা তু পরিদেবিতম্ ॥৬-২০-১৯॥
20.20
উবাচ মা বধিস্টেতি ঘ্নতঃ শাখামৃগর্ষভান্ ।
স চ পত্রলঘুদ্ভূত্বা হরিভির্দর্শিতেঽভয়ে ॥৬-২০-২০॥
20.21
অন্তরিক্ষে স্থিতো ভূত্বা পুনর্বচন মব্রবীৎ ।
সুগ্রীব সত্ত্বসম্পন্ন মহাবলপরাক্রম ॥৬-২০-২১॥
20.22
কিম্ ময়া খলু নক্তব্যো রাবণো লোকরাবণঃ ।
স এবমুক্তঃ প্লবগাধিপস্তদা ।প্লবঙ্গমানামৃষভো মহাবলঃ ।উবাচ বাক্যম্ রজনীচরস্য ।চারম্ শুকম্ শুদ্ধ মদীনসত্ত্বঃ ॥৬-২০-২২॥
20.23
স মেঽসি মিত্রম্ ব তথানুকম্প্যো ।
ন চোপকর্তাসি ন মে প্রিয়োঽপি ।অরিশ্চ রামস্য সহানুবন্ধ ।স্ততোঽসি বালীব বধার্হ বধ্যঃ ॥৬-২০-২৩॥
20.24
নিহন্ম্যহম্ ত্বাম্ সসুতম্ সবন্ধুম্ ।
সজ্ঞাতিবর্গম্ রজনীচরেশ ।লঙ্কাম্ চ সর্বাম্ মহতা বলেন ।সর্বৈঃ করিষ্যামি সমেত্য ভস্ম ॥৬-২০-২৪॥
20.25
ন মোক্ষ্যসে রাবণ রাঘবস্য ।
সর্বৈঃ সহেন্দ্রৈদপি মূঢ গুপ্তঃ ।অন্তর্হতঃ সূর্যপথম্ গতোঽপি।তথৈব পাতালমনুপ্রবিষ্টঃ ॥৬-২০-২৫॥
20.26
গিরীশপাদম্বুজসম্গতো বা ।
হতোঽসি রামেণ শানুজস্ত্বম্ ॥৬-২০-২৬॥
20.27
তস্য তে ত্রিষু লোকেষু ন পিশাচম্ ন রাক্ষসম্ ।
ত্রাতারমনুপশ্যামি ন গন্ধর্বম্ ন চাসুরম্ ॥৬-২০-২৭॥
20.28
অবধীস্ত্বম্ জরাবৃদ্ধম্ গৃধ্রারাজম্ জটায়ুষম্ ।
কিম্ মতে রামসাম্নিধ্যে সকাশে লক্ষ্মণস্য চ ॥৬-২০-২৮॥
20.29
হৃতা সীতা বিশালাক্ষি যাম্ ত্বম্ গৃহ্য ন বুধ্যসে ।
মহাবলম্ মহাত্মানম্ দুরাধর্ষম্ সুরৈরপি ॥৬-২০-২৯॥
20.30
ন বুধ্যসে রঘুশ্রেষ্ঠম্ যস্তে প্রাণান্ হরিষ্যতি ।
ততোঽব্রবীদ্বালিসুতোঽপ্যঙ্গদো হরিসত্তমঃ ॥৬-২০-৩০॥
20.31
বায়ম্ দূতো মহাপ্রাজ্ঞ চারকঃ প্রতিভাতি মে ।
তুলিতম্ হি বলম্ সর্বমনেন তব তিষ্ঠতা ॥৬-২০-৩১॥
20.32
গৃহ্যতাম্ মাগমল্লঙ্কা মেতদ্ধি মম রোচতে ।
ততো রাজ্ঞা সমাদিষ্টাঃ সমুত্পত্য বলীমুখাঃ ॥৬-২০-৩২॥
20.33
জগৃহুশ্চ ববন্ধুশ্চ বিলপন্তমনাথবৎ ।
শুকস্তু বানরৈশ্চ ণ্ডৈস্তত্র তৈঃ সম্প্রপীডিতঃ ॥৬-২০-৩৩॥
20.34
ব্যাচুক্রোশ মহাত্মানম্ রামম্ দশরথাত্মজম্ ।
লুপ্যেতে মে বলাত্পক্ষৌ ভিদ্যেতে মে তথাক্ষিণী ॥৬-২০-৩৪॥
20.35
যাম্ চ রাত্রিম্ মরিষ্যামি জায়ে রাত্রিম্ চ যামহম্ ।
এতস্মিন্নন্ত্রে কালে মন্ময়া চাশুভম্ কৃতম্ ॥৬-২০-৩৫॥
20.36
সর্বম্ তদুপপদ্যেথা জহ্যম্ চেদ্যদি জীবিতম্ ।
নাঘাতয়ত্তদা রামঃ শ্রুত্বা তত্পরিদেবিতম্ ॥৬-২০-৩৬॥