Utshovসর্গ 121
121.1
এতচ্ছ্রুত্বা শুভং বাক্যং পিতামহসমীরিতম্ ।
অঙ্কেনাদায় বৈদেহীমুত্পপাত বিভাবসুঃ ।। ৬.১২১.১ ।।
121.2
স বিধূয় চিতাং তাং তু বৈদেহীং হব্যবাহনঃ ।
উত্তস্থৌ মূর্তিমানাশু গৃহীত্বা জনকাত্মজাম্ ।। ৬.১২১.২ ।।
121.3
তরুণাদিত্যসঙ্কাশাং তপ্তকাঞ্চনভূষণাম্ ।
রক্তাম্বরধরাং বালাং নীলকুঞ্চিতমূর্ধজাম্ ।। ৬.১২১.৩ ।।
121.4
অক্লিষ্টমাল্যাভরণাং তথারূপাং মনস্বিনীম্ ।
দদৌ রামায় বৈদেহীমঙ্কে কৃত্বা বিভাবসুঃ ।। ৬.১২১.৪ ।।
121.5
অব্রবীচ্চ তদা রামং সাক্ষী লোকস্য পাবকঃ ।
। ৬.১২১.৫ ।।
121.6
এষা তে রাম বৈদেহী পাপমস্যাং ন বিদ্যতে ।
। ৬.১২১.৬ ।।
121.7
নৈব বাচা ন মনসা নানুধ্যানান্ন চক্ষুষা ।
সুবৃত্তা বৃত্তশৌণ্ডীর ন ত্বামতিচচার হ ।। ৬.১২১.৭ ।।
121.8
রাবণেনাপনীতৈষা বীর্যোত্সিক্তেন রক্ষসা ।
ত্বয়া বিরহিতা দীনা বিবশা নির্জনাদ্বনাৎ ।। ৬.১২১.৮ ।।
121.9
রুদ্ধা চান্তঃপুরে গুপ্তা ত্বচ্চিত্তা ত্বত্পরায়ণা ।
রক্ষিতা রাক্ষসীসঙ্ঘৈর্বিকৃতৈর্ঘোরদর্শনৈঃ ।। ৬.১২১.৯ ।।
121.10
প্রলোভ্যমানা বিবিধং ভর্ত্স্যমানা চ মৈথিলী ।
নাচিন্তয়ত তদ্রক্ষস্ত্বদ্গতেনান্তরাত্মনা ।। ৬.১২১.১০ ।।
121.11
বিশুদ্ধভাবাং নিষ্পাপাং পতিগৃহ্ণীষ্ব রাঘব ।
ন কিঞ্চিদভিধাতব্যমহমাজ্ঞাপয়ামি তে ।। ৬.১২১.১১ ।।
121.12
ততঃ প্রীতমনা রামঃ শ্রুত্বৈতদ্বদতাং বরঃ ।
দধ্যৌ মুহূর্তং ধর্মাত্মা বাষ্পব্যাকুললোচনঃ ।। ৬.১২১.১২ ।।
121.13
এবমুক্তো মহাতেজা দ্যুতিমান্ দৃঢবিক্রমঃ ।
অব্রবীৎ ত্রিদশশ্রেষ্ঠং রামো ধর্মভৃতাং বরঃ ।। ৬.১২১.১৩ ।।
121.14
অবশ্যং ত্রিষু লোকেষু ন সীতা পাপমর্হতি ।
দীর্ঘকালোষিতা হীয়ং রাবণান্তঃপুরে শুভা ।। ৬.১২১.১৪ ।।
121.15
বালিশঃ খলু কামাত্মা রামো দশরথাত্মজঃ ।
ইতি বক্ষ্যন্তি মাং সন্তো জানকীমবিশোধ্য হি ।। ৬.১২১.১৫ ।।
121.16
অনন্যহৃদয়াং ভক্তাং মচ্চিত্তপরিবর্তিনীম্ ।
অহমপ্যবগচ্ছামি মৈথিলীং জনকাত্মজাম্ ।। ৬.১২১.১৬ ।।
121.17
প্রত্যয়ার্থং তু লোকানাং ত্রয়াণাং সত্যসংশ্রয়ঃ ।
উপেক্ষে চাপি বৈদেহীং প্রবিশন্তীং হুতাশনম্ ।। ৬.১২১.১৭ ।।
121.18
ইমামপি বিশালাক্ষীং রক্ষিতাং স্বেন তেজসা ।
রাবণো নাতিবর্তেত বেলামিব মহোদধিঃ ।। ৬.১২১.১৮ ।।
121.19
ন হি শক্তঃ স দুষ্টাত্মা মনসা ঽপি হি মৈথিলীম্ ।
প্রধর্ষয়িতুমপ্রাপ্তাং দীপ্তামগ্নিশিখামিব ।। ৬.১২১.১৯ ।।
121.20
নেয়মর্হতি চৈশ্বর্যং রাবণান্তঃপুরে শুভা ।
অনন্যা হি ময়া সীতা ভাস্করেণ প্রভা যথা ।। ৬.১২১.২০ ।।
121.21
বিশুদ্ধা ত্রিষু লোকেষু মৈথিলী জনকাত্মজা ।
ন হি হাতুমিয়ং শক্যা কীর্তিরাত্মবতা যথা ।। ৬.১২১.২১ ।।
121.22
অবশ্যং তু ময়া কার্যং সর্বেষাং বো বচঃ শুভম্ ।
স্নিগ্ধানাং লোকমান্যানামেবং চ ব্রুবতাং হিতম্ ।। ৬.১২১.২২ ।।
121.23
ইতীদমুক্ত্বা বিদিতং মহাবলৈঃ প্রশস্যমানঃ স্বকৃতেন কর্মণা ।
সমেত্য রামঃ প্রিয়য়া মহাবলঃ সুখং সুখার্হো ঽনুবভূব রাঘবঃ ।। ৬.১২১.২৩ ।।
121.24
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে একবিংশত্যুত্তরশততমঃ সর্গঃ ।
। ১২১ ।।