Utshovসর্গ 120
120.1
ততো হি দুর্মনা রামঃ শ্রুত্বৈবং বদতাং গিরঃ ।
দধ্যৌ মুহূর্তং ধর্মাত্মা বাষ্পব্যাকুললোচনঃ ।। ৬.১২০.১ ।।
120.2
ততো বৈশ্রবণো রাজা যমশ্চামিত্রকর্শনঃ ।
সহস্রাক্ষো মহেন্দ্রশ্চ বরুণশ্চ পরন্তপঃ ।। ৬.১২০.২ ।।
120.3
ষডর্ধনয়নঃ শ্রীমান্ মহাদেবো বৃষধ্বজঃ ।
কর্তা সর্বস্য লোকস্য ব্রহ্মা ব্রহ্মবিদাং বরঃ ।। ৬.১২০.৩ ।।
120.4
এতে সর্বে সমাগম্য বিমানৈঃ সূর্যসন্নিভৈঃ ।
আগম্য নগরীং লঙ্কামভিজগ্মুশ্চ রাঘবম্ ।। ৬.১২০.৪ ।।
120.5
ততঃ সহস্তাভরণান্ প্রগৃহ্য বিপুলান্ ভুজান্ ।
অব্রুবংস্ত্রিদশশ্রৈষ্ঠাঃ প্রাঞ্জলিং রাঘবং স্থিতম্ ।। ৬.১২০.৫ ।।
120.6
কর্তা সর্বস্য লোকস্য শ্রেষ্ঠো জ্ঞানবতাং বরঃ ।
উপেক্ষসে কথং সীতাং পতন্তীং হব্যবাহনে ।। ৬.১২০.৬ ।।
120.7
কথং দেবগণশ্রেষ্ঠমাত্মানং নাববুধ্যসে ।
। ৬.১২০.৭ ।।
120.8
ঋতধামা বসুঃ পূর্বং বসূনাং ত্বং প্রজাপতিঃ ।
ত্রয়াণাং ত্বং হি লোকানামাদিকর্তা স্বয়ম্প্রভুঃ ।রুদ্রাণামষ্টমো রুদ্রঃ সাধ্যানামসি পঞ্চমঃ ।। ৬.১২০.৮ ।।
120.9
অশ্বিনৌ চাপি তে কর্ণৌ চন্দ্রসূর্যৌ চ চক্ষুষী ।
অন্তে চাদৌ চ লোকানাং দৃশ্যসে ত্বং পরন্তপ ।। ৬.১২০.৯ ।।
120.10
উপেক্ষসে চ বৈদেহীং মানুষঃ পাকৃতো যথা ।
। ৬.১২০.১০ ।।
120.11
ইত্যুক্তো লোকপালৈস্তৈঃ স্বামী লোকস্য রাঘবঃ ।
অব্রবীত্রিদশশ্রেষ্ঠান্ রামো ধর্মভৃতাং বরঃ ।। ৬.১২০.১১ ।।
120.12
আত্মানং মানুষং মন্যে রামং দশরথাত্মজম্ ।
যো ঽহং যস্য যতশ্চাহং ভগবাংস্তদ্ ব্রবীতু মে ।। ৬.১২০.১২ ।।
120.13
ইতি ব্রুবন্তং কাকুত্স্থং ব্রহ্মা ব্রহ্মবিদাং বরঃ ।
অব্রবীচ্ছৃণু মে রাম সত্যং সত্যপরাক্রম ।। ৬.১২০.১৩ ।।
120.14
ভবান্নারায়ণো দেবঃ শ্রীমাংশ্চক্রায়ুধো বিভুঃ ।
একশৃঙ্গো বরাহস্ত্বং ভূতভব্যসপত্নজিৎ ।। ৬.১২০.১৪ ।।
120.15
অক্ষরং ব্রহ্ম সত্যং চ মধ্যে চান্তে চ রাঘব ।
লোকানাং ত্বং পরো ধর্মো বিষ্বক্সেনশ্চতুর্ভুজঃ ।। ৬.১২০.১৫ ।।
120.16
শার্ঙ্গধন্বা হৃষীকেশঃ পুরুষঃ পুরুষোত্তমঃ ।
অজিতঃ খড্গধৃদ্বিষ্ণুঃ কৃষ্ণশ্চৈব বৃহদ্বলঃ ।। ৬.১২০.১৬ ।।
120.17
সেনানীর্গ্রামণীশ্চ ত্বং বুদ্ধিঃ সত্ত্বং ক্ষমা দমঃ ।
প্রভবশ্চাপ্যয়শ্চ ত্বমুপেন্দ্রো মধুসূদনঃ ।। ৬.১২০.১৭ ।।
120.18
ইন্দ্রকর্মা মহেন্দ্রস্ত্বং পদ্মনাভো রণান্তকৃৎ ।
শরণ্যং শরণং চ ত্বামাহুর্দিব্যা মহর্ষয়ঃ ।। ৬.১২০.১৮ ।।
120.19
সহস্রশৃঙ্গো বেদাত্মা শতজিহ্বো মহর্ষভঃ ।
। ৬.১২০.১৯ ।।
120.20
ত্বং ত্রয়াণাং হি লোকানামাদিকর্তা স্বয়ম্প্রভুঃ ।
সিদ্ধানামপি সাধ্যানামাশ্রয়শ্চাসি পূর্বজঃ ।। ৬.১২০.২০ ।।
120.21
ত্বং যজ্ঞস্ত্বং বষট্কারস্ত্বমোঙ্কারঃ পরন্তপঃ ।
প্রভবং নিধনং বা তে ন বিদুঃ কো ভবানিতি ।। ৬.১২০.২১ ।।
120.22
দৃশ্যসে সর্বভূতেষু ব্রাহ্মণেষু চ গোষু চ ।
দিক্ষু সর্বাসু গগনে পর্বতেষু বনেষু চ ।। ৬.১২০.২২ ।।
120.23
সহস্রচরণঃ শ্রীমান্ শতশীর্ষঃ সহস্রদৃক্ ।
ত্বং ধারয়সি ভূতানি বসুধাং চ সপর্বতাম্ ।। ৬.১২০.২৩ ।।
120.24
অন্তে পৃথিব্যাঃ সলিলে দৃশ্যসে ত্বং মহোরগঃ ।
ত্রীল্লোঁকান্ ধারয়ন্ রাম দেবগন্ধর্বদানবান্ ।। ৬.১২০.২৪ ।।
120.25
অহং তে হৃদয়ং রাম জিহ্বা দেবী সরস্বতী ।
দেবা গাত্রেষু রোমাণি নির্মিতা ব্রহ্মণঃ প্রভো ।। ৬.১২০.২৫ ।।
120.26
নিমেষস্তে ভবেদ্রাত্রিরুন্মেষস্তে ভবেদ্দিবা ।
সংস্কারাস্তে ঽভবন্ বেদা ন তদস্তি ত্বয়া বিনা ।। ৬.১২০.২৬ ।।
120.27
জগৎ সর্বং শরীরং তে স্থৈর্যং তে বসুধাতলম্ ।
অগ্নিঃ কোপঃ প্রসাদস্তে সোমঃ শ্রীবত্সলক্ষণঃ ।। ৬.১২০.২৭ ।।
120.28
ত্বয়া লোকাস্ত্রয়ঃ ক্রান্তাঃ পুরাণে বিক্রমৈস্ত্রিভিঃ ।
মহেন্দ্রশ্চ কৃতো রাজা বলিং বদ্ধ্বা মহাসুরম্ ।। ৬.১২০.২৮ ।।
120.29
সীতা লক্ষ্মীর্ভবান্ বিষ্ণুর্দেবঃ কৃষ্ণঃ প্রজাপতিঃ ।
বধার্থং রাবণস্যেহ প্রবিষ্টো মানুষীং তনুম্ ।। ৬.১২০.২৯ ।।
120.30
তদিদং নঃ কৃতং কার্যং ত্বয়া ধর্মভৃতাং বর ।
নিহতো রাবণো রাম প্রহৃষ্টো দিবমাক্রম ।। ৬.১২০.৩০ ।।
120.31
অমোঘং বলবীর্যং তে অমোঘস্তে পরাক্রমঃ ।
অমোঘং দর্শনং রাম ন চ মোঘঃ স্তবস্তব ।। ৬.১২০.৩১ ।।
120.32
অমোঘাস্তে ভবিষ্যন্তি ভক্তিমন্তশ্চ যে নরাঃ ।
। ৬.১২০.৩২ ।।
120.33
যে ত্বাং দেবং ধ্রুবং ভক্তাঃ পুরাণং পুরুষোত্তমম্ ।
প্রাপ্নুবন্তি সদা কামানিহ লোকে পরত্র চ ।। ৬.১২০.৩৩ ।।
120.34
ইমমার্ষং স্তবং নিত্যমিতিহাসং পুরাতনম্ ।
যে নরাঃ কীর্তয়িষ্যন্তি নাস্তি তেষাং পরাভবঃ ।। ৬.১২০.৩৪ ।।
120.35
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে বিংশত্যুত্তরশততমঃ সর্গঃ ।
। ১২০ ।।