Utshovসর্গ 116
116.1
ইতি প্রতিসমাদিষ্টো হনুমান্ মারুতাত্মজঃ ।
প্রবিবেশ পুরীং লঙ্কাং পূজ্যমানো নিশাচরৈঃ ।। ৬.১১৬.১ ।।
116.2
প্রবিশ্য চ মহাতেজা রাবণস্য নিবেশনম্ ।
দদর্শ মৃজয়া হীনাং সাতঙ্কামিব রোহিণীম্ ।বৃক্ষমূলে নিরানন্দাং রাক্ষসীভিঃ সমাবৃতাম্ ।। ৬.১১৬.২ ।।
116.3
নিভৃতঃ প্রণতঃ প্রহ্বঃ সো ঽভিগম্যাভিবাদ্য চ ।
। ৬.১১৬.৩ ।।
116.4
দৃষ্ট্বা তমাগতং দেবী হনুমন্তং মহাবলম্ ।
তূষ্ণীমাস্ত তদা দৃষ্ট্বা স্মৃত্বা প্রমুদিতা ঽভবৎ ।। ৬.১১৬.৪ ।।
116.5
সৌম্যং দৃষ্ট্বা মুখং তস্যা হনুমান্ প্লবগোত্তমঃ ।
রামস্য বচনং সর্বমাখ্যাতুমুপচক্রমে ।। ৬.১১৬.৫ ।।
116.6
বৈদেহি কুশলী রামঃ সহসুগ্রীবলক্ষ্মণঃ ।
বিভীষণসহায়শ্চ হরীণাং সহিতো বলৈঃ ।। ৬.১১৬.৬ ।।
116.7
কুশলং চাহু সিদ্ধার্থো হতশত্রুররিন্দমঃ ।
। ৬.১১৬.৭ ।।
116.8
বিভীষণসহায়েন রামেণ হরিভিঃ সহ ।
নিহতো রাবণো দেবি লক্ষ্মণস্য নয়েন চ ।। ৬.১১৬.৮ ।।
116.9
পৃষ্ট্বা তু কুশলং রামো বীরস্ত্বাং রঘুনন্দনঃ ।
অব্রবীৎ পরমপ্রীতঃ কৃতার্থেনান্তরাত্মনা ।। ৬.১১৬.৯ ।।
116.10
প্রিয়মাখ্যামি তে দেবি ত্বাং তু ভূয়ঃ সভাজয়ে ।
দিষ্ট্যা জীবসি ধর্মজ্ঞে জয়েন মম সংয়ুগে ।। ৬.১১৬.১০ ।।
116.11
লব্ধো নো বিজয়ঃ সীতে স্বস্থা ভব গতব্যথা ।
রাবণশ্চ হতঃ শত্রুর্লঙ্কা চেয়ং বশে স্থিতা ।। ৬.১১৬.১১ ।।
116.12
ময়া হ্যলব্ধনিদ্রেণ দৃঢেন তব নির্জয়ে ।
প্রতিজ্ঞৈষা বিনিস্তীর্ণা বদ্ধ্বা সেতুং মহোদধৌ ।। ৬.১১৬.১২ ।।
116.13
সম্ভ্রমশ্চ ন গন্তব্যো বর্তন্ত্যা রাবণালয়ে ।
বিভীষণবিধেয়ং হি লঙ্কৈশ্বর্যমিদং কৃতম্ ।। ৬.১১৬.১৩ ।।
116.14
তদাশ্বসিহি বিশ্বস্তা স্বগৃহে পরিবর্তসে ।
অয়ং চাভ্যেতি সংহৃষ্টস্ত্বদ্দর্শনসমুত্সুকঃ ।। ৬.১১৬.১৪ ।।
116.15
এবমুক্তা সমুত্পত্য সীতা শশিনিভাননা ।
প্রহর্ষেণাবরুদ্ধা সা ব্যাজহার ন কিঞ্চন ।। ৬.১১৬.১৫ ।।
116.16
অব্রবীচ্চ হরিশ্রেষ্ঠঃ সীতামপ্রতিজল্পতীম্ ।
কিং নু চিন্তয়সে দেবি কিং নু মাং নাভিভাষসে ।। ৬.১১৬.১৬ ।।
116.17
এবমুক্তা হনুমতা সীতা ধর্মে ব্যবস্থিতা ।
অব্রবীৎ পরমপ্রীতা হর্ষগদ্গদয়া গিরা ।। ৬.১১৬.১৭ ।।
116.18
প্রিয়মেতদুপশ্রুত্য ভর্তুর্বিজয়সংশ্রিতম্ ।
প্রহর্ষবশমাপন্না নির্বাক্যা ঽস্মি ক্ষণান্তরম্ ।। ৬.১১৬.১৮ ।।
116.19
ন হি পশ্যামি সদৃশং চিন্তয়ন্তী প্লবঙ্গম ।
মত্প্রিয়াখ্যানাকস্যেহ তব প্রত্যভিনন্দনম্ ।। ৬.১১৬.১৯ ।।
116.20
ন হি পশ্যামি তৎ সৌম্য পৃথিব্যামপি বানর ।
সদৃশং মত্প্রিয়াখ্যানে তব দাতুং ভবেৎ সমম্ ।। ৬.১১৬.২০ ।।
116.21
হিরণ্যং বা সুবর্ণং বা রত্নানি বিবিধানি চ ।
রাজ্যং বা ত্রিষু লোকেষু নৈতদর্হতি ভাষিতুম্ ।। ৬.১১৬.২১ ।।
116.22
এবমুক্তস্তু বৈদেহ্যা প্রত্যুবাচ প্লবঙ্গমঃ ।
গৃহীতপ্রাঞ্জলির্বাক্যং সীতায়াঃ প্রমুখে স্থিতঃ ।। ৬.১১৬.২২ ।।
116.23
ভর্তুঃ প্রিয়হিতে যুক্তে ভর্তুর্বিজয়কাঙ্ক্ষিণি ।
স্নিগ্ধমেবংবিধং বাক্যং ত্বমেবার্হসি ভাষিতুম্ ।। ৬.১১৬.২৩ ।।
116.24
তবৈতদ্বচনং সৌম্যে সারবৎ স্নিগ্ধমেব চ ।
রত্নৌঘাদ্বিবিধাচ্চাপি দেবরাজ্যাদ্বিশিষ্যতে ।। ৬.১১৬.২৪ ।।
116.25
অর্থতশ্চ ময়া প্রাপ্তা দেবরাজ্যাদয়ো গুণাঃ ।
হতশত্রুং বিজয়িনং রামং পশ্যামি সুস্থিতম্ ।। ৬.১১৬.২৫ ।।
116.26
তস্য তদ্বচনং শ্রুত্বা মৈথিলী জনকাত্মজা ।
ততঃ শুভতরং বাক্যমুবাচ পবনাত্মজম্ ।। ৬.১১৬.২৬ ।।
116.27
অতিলক্ষণসম্পন্নং মাধুর্যগুণভূষিতম্ ।
বুদ্ধ্যা হ্যষ্টাঙ্গয়া যুক্তং ত্বমেবার্হসি ভাষিতুম্ ।। ৬.১১৬.২৭ ।।
116.28
শ্লাঘনীয়ো ঽনিলস্য ত্বং পুত্রঃ পরমধার্মিকঃ ।
বলং শৌর্যং শ্রুতং সত্ত্বং বিক্রমো দাক্ষ্যমুত্তমম্ ।। ৬.১১৬.২৮ ।।
116.29
তেজঃ ক্ষমাধৃতির্ধৈর্যং বিনীতত্বং ন সংশয়ঃ ।
এতে চান্যে চ বহবো গুণাস্ত্বয্যেব শোভনাঃ ।। ৬.১১৬.২৯ ।।
116.30
অথোবাচ পুনঃ সীতামসম্ভ্রান্তো বিনীতবৎ ।
প্রগৃহীতাঞ্জলির্হর্ষাৎ সীতায়াঃ প্রমুখে স্থিতঃ ।। ৬.১১৬.৩০ ।।
116.31
ইমাস্তু খলু রাক্ষস্যো যদি ত্বমনুমন্যসে ।
হন্তুমিচ্ছাম্যহং সর্বা যাভিস্ত্বং তর্জিতা পুরা ।। ৬.১১৬.৩১ ।।
116.32
ক্লিশ্যন্তীং পতিদেবাং ত্বামশোকবনিকাং গতাম্ ।
। ৬.১১৬.৩২ ।।
116.33
ঘোররূপসমাচারাঃ ক্রূরাঃ ক্রূরতরেক্ষণাঃ ।
রাক্ষস্যো দারুণকথা বরমেতৎ প্রয়চ্ছ মে ।। ৬.১১৬.৩৩ ।।মুষ্টিভিঃ পাণিভিঃ সর্বাশ্চরণৈশ্চৈব শোভনে ।ইচ্ছামি বিবিধৈর্ঘাতৈর্হন্তুমেতাঃ সুদারুণাঃ ।। ৬.১১৬.৩৪ ।।
116.34
ঘাতৈর্জানুপ্রহারৈশ্চ দশনানাং চ পাতনৈঃ ।
ভক্ষণৈঃ কর্ণনাসানাং কেশানাং লুঞ্চনৈস্তথা ।। ৬.১১৬.৩৫ ।।
116.35
নখৈঃ শুষ্কমুখীভিশ্চ দারণৈর্লঙ্ঘনৈর্হতৈঃ ।
নিপাত্য হন্তুমিচ্ছামি তব বিপ্রিয়কারিণীঃ ।। ৬.১১৬.৩৬ ।।
116.36
এবংপ্রকারৈর্বহুভির্বিপ্রকারৈর্যশস্বিনি ।
হন্তুমিচ্ছাম্যহং দেবি তবেমাঃ কৃতকিল্বিষাঃ ।। ৬.১১৬.৩৭ ।।
116.37
এবমুক্তা হনুমতা বৈদেহী জনকাত্মজা ।
উবাচ ধর্মসহিতং হনুমন্তং যশস্বিনী ।। ৬.১১৬.৩৮ ।।
116.38
রাজসংশ্রয়বশ্যানাং কুর্বন্তীনাং পরাজ্ঞয়া ।
বিধেয়ানাং চ দাসীনাং কঃ কুপ্যেদ্বানরোত্তম ।। ৬.১১৬.৩৯ ।।
116.39
ভাগ্যবৈষম্যয়োগেন পুরাদুশ্চরিতেন চ ।
ময়ৈতৎ প্রাপ্যতে সর্বং স্বকৃতং হ্যুপভুজ্যতে ।। ৬.১১৬.৪০ ।।
116.40
প্রাপ্তব্যং তু দশায়োগান্ময়ৈতদিতি নিশ্চিতম্ ।
দাসীনাং রাবণস্যাহং মর্ষয়ামীহ দুর্বলা ।। ৬.১১৬.৪১ ।।
116.41
আজ্ঞপ্তা রাবণেনৈতা রাক্ষস্যো মামতর্জয়ন্ ।
হতে তস্মিন্ন কুর্যুর্হি তর্জনং বানরোত্তম ।। ৬.১১৬.৪২ ।।
116.42
অয়ং ব্যাঘ্রসমীপে তু পুরাণো ধর্মসংস্থিতঃ ।
ঋক্ষেণ গীতঃ শ্লোকো মে তন্নিবোধ প্লবঙ্গম ।। ৬.১১৬.৪৩ ।।
116.43
ন পরঃ পাপমাদত্তে পরেষাং পাপকর্মণাম্ ।
সময়ো রক্ষিতব্যস্তু সন্তশ্চারিত্রভূষণাঃ ।। ৬.১১৬.৪৪ ।।
116.44
পাপানাং বা শুভানাং বা বধার্হাণাং প্লবঙ্গম ।
কার্যং করুণমার্যেণ ন কশ্চিন্নাপরাধ্যতি ।। ৬.১১৬.৪৫ ।।
116.45
লোকহিংসাবিহারাণাং রক্ষসাং কামরূপিণাম্ ।
কুর্বতামপি পাপানি নৈব কার্যমশোভনম্ ।। ৬.১১৬.৪৬ ।।
116.46
এবমুক্তস্তু হনুমান্ সীতয়া বাক্যকোবিদঃ ।
প্রত্যুবাচ ততঃ সীতাং রামপত্নীং যশস্বিনীম্ ।। ৬.১১৬.৪৭ ।।
116.47
যুক্তা রামস্য ভবতী ধর্মপত্নী যশস্বিনী ।
প্রতিসন্দিশ মাং দেবি গমিষ্যে যত্র রাঘবঃ ।। ৬.১১৬.৪৮ ।।
116.48
এবমুক্তা হনুমতা বৈদেহী জনকাত্মজা ।
অব্রবীদ্দ্রষ্টুমিচ্ছামি ভর্তারং বানরোত্তম ।। ৬.১১৬.৪৯ ।।
116.49
তস্যাস্তদ্বনং শ্রুত্বা হনুমান্ মারুতাত্মজঃ ।
হর্ষয়ন্ মৈথিলীং বাক্যমুবাচেদং মহাদ্যুতিঃ ।। ৬.১১৬.৫০ ।।
116.50
পূর্ণচন্দ্রাননং রামং দ্রক্ষ্যস্যার্যে সলক্ষ্মণম্ ।
স্থিরমিত্রং হতামিত্রং শচীব ত্রিদশেশ্বরম্ ।। ৬.১১৬.৫১ ।।
116.51
তামেবমুক্ত্বা রাজন্তীং সীতাং সাক্ষাদিব শ্রিয়ম্ ।
আজগাম মহাবেগো হনুমান্ যত্র রাঘবঃ ।। ৬.১১৬.৫২ ।।
116.52
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে ষোডশোত্তরশততমঃ সর্গঃ ।
। ১১৬ ।।