Utshovসর্গ 110
110.1
তৌ তদা যুদ্ধ্যমানৌ তু সমরে রামরাবণৌ ।
দদৃশুঃ সর্বভূতানি বিস্মিতেনান্তরাত্মনা ।। ৬.১১০.১ ।।
110.2
অর্দয়ন্তৌ তু সমরে তয়োস্তৌ স্যন্দনোত্তমৌ ।
পরস্পরমভিক্রুদ্ধৌ পরস্পরমভিদ্রুতৌ ।। ৬.১১০.২ ।।
110.3
পরস্পরবধে যুক্তৌ ঘোররূপৌ বভূবতুঃ ।
মণ্ডলানি চ বীথীশ্চ গতপ্রত্যাগতানি চ ।দর্শয়ন্তৌ বহুবিধাং সূতসারথ্যজাং গতিম্ ।। ৬.১১০.৩ ।।
110.4
অর্দয়ন্ রাবণং রামো রাঘবং চাপি রাবণঃ ।
গতিবেগং সমাপন্নৌ প্রবর্তননিবর্তনে ।। ৬.১১০.৪ ।।
110.5
ক্ষিপতোঃ শরজালানি তয়োস্তৌ স্যন্দনোত্তমৌ ।
চেরতুঃ সংয়ুগমহীং সাসারৌ জলদৌ যথা ।। ৬.১১০.৫ ।।
110.6
দর্শয়িত্বা তথা তৌ তু গতিং বহুবিধাং রণে ।
পরস্পরস্যাভিমুখৌ পুনরেবাবতস্থতুঃ ।। ৬.১১০.৬ ।।
110.7
ধুরং ধুরেণ রথয়োর্বক্ত্রং বক্ত্রেণ বাজিনাম্ ।
পতাকাশ্চ পতাকাভিঃ সমেয়ুঃ স্থিতয়োস্তদা ।। ৬.১১০.৭ ।।
110.8
রাবণস্য ততো রামো ধনুর্মুক্তৈঃ শিতৈঃ শরৈঃ ।
চতুর্ভিশ্চতুরো দীপ্তৈর্হয়ান্ প্রত্যপসর্পয়ৎ ।। ৬.১১০.৮ ।।
110.9
স ক্রোধবশমাপন্নো হয়ানামপসর্পণে ।
মুমোচ নিশিতান্ বাণান্ রাঘবায় নিশাচরঃ ।। ৬.১১০.৯ ।।
110.10
সো ঽতিবিদ্ধো বলবতা দশগ্রীবেণ রাঘবঃ ।
জগাম ন বিকারং চ ন চাপি ব্যথিতো ঽভবৎ ।। ৬.১১০.১০ ।।
110.11
চিক্ষেপ চ পুনর্বাণান্ বজ্রপাতসমস্বনান্ ।
সারাথিং বজ্রহস্তস্য সমুদ্দিশ্য নিশাচরঃ ।। ৬.১১০.১১ ।।
110.12
মাতলেস্তু মহাবেগাঃ শরীরে পতিতাঃ শরাঃ ।
ন সূক্ষ্মমপি সম্মোহং ব্যথাং বা প্রদদুর্যুধি ।। ৬.১১০.১২ ।।
110.13
তয়া ধর্ষণয়া ক্রুদ্ধো মাতলের্ন তথা ঽ ঽত্মনঃ ।
চকার শরজালেন রাঘবো বিমুখং রিপুম্ ।। ৬.১১০.১৩ ।।
110.14
বিংশতং ত্রিংশতং ষষ্টিং শতশো ঽথ সহস্রশঃ ।
মুমোচ রাঘবো বীরঃ সায়কান্ স্যন্দনে রিপোঃ ।। ৬.১১০.১৪ ।।
110.15
রাবণো ঽপি ততঃ ক্রুদ্ধো রথস্থো রাক্ষসেশ্বরঃ ।
গদামুসলবর্ষেণ রামং প্রত্যর্দয়দ্রণে ।। ৬.১১০.১৫ ।।
110.16
তত্প্রবৃত্তং মহদ্যুদ্ধং তুমুলং রোমহর্ষণম্ ।
। ৬.১১০.১৬ ।।
110.17
গদানাং মুসলানাং চ পরিঘাণাং চ নিস্বনৈঃ ।
শরাণাং পুঙ্খপাতৈশ্চ ক্ষুভিতাঃ সপ্ত সাগরাঃ ।। ৬.১১০.১৭ ।।
110.18
ক্ষুব্ধানাং সাগরাণাং চ পাতালতলবাসিনঃ ।
ব্যথিতাঃ পন্নগাঃ সর্বে দানবাশ্চ সহস্রশঃ ।। ৬.১১০.১৮ ।।
110.19
চকম্পে মেদিনী কৃত্স্না সশৈলবনকাননা ।
ভাস্করো নিষ্প্রভশ্চাসীন্ন ববৌ চাপি মারুতঃ ।। ৬.১১০.১৯ ।।
110.20
ততো দেবাঃ সগন্ধর্বাঃ সিদ্ধাশ্চ পরমর্ষয়ঃ ।
চিন্তামাপেদিরে সর্বে সকিন্নরমহোরগাঃ ।। ৬.১১০.২০ ।।
110.21
স্বস্তি গোব্রাহ্মণেভ্যস্তু লোকাস্তিষ্ঠন্তু শাশ্বতাঃ ।
জয়তাং রাঘবঃ সঙ্খ্যে রাবণং রাক্ষসেশ্বরম্ ।। ৬.১১০.২১ ।।
110.22
এবং জপন্তো ঽপশ্যংস্তে দেবাঃ সর্ষিগণাস্তদা ।
রামরাবণয়োর্যুদ্ধং সুঘোরং রোমহর্ষণম্ ।। ৬.১১০.২২ ।।
110.23
গন্ধর্বাপ্সরসাং সঙ্ঘা দৃষ্ট্বা যুদ্ধমনূপমম্ ।
। ৬.১১০.২৩ ।।
110.24
গগনং গগনাকারং সাগরঃ সাগরোপমঃ ।
রামরাবণয়োর্যুদ্ধং রামরাবণয়োরিব ।এবং ব্রুবন্তো দদৃশুস্তদ্যুদ্ধং রামরাবণম্ ।। ৬.১১০.২৪ ।।
110.25
ততঃ ক্রুদ্ধো মহাবাহূ রঘূণাং কীর্তিবর্ধনঃ ।
সন্ধায় ধনুষা রামঃ ক্ষুরমাশীবিষোপমম্ ।। ৬.১১০.২৫ ।।
110.26
রাবণস্য শিরো ঽচ্ছিন্দচ্ছ্রীমজ্জ্বলিতকুণ্ডলম্ ।
তচ্ছিরঃ পতিতং ভূমৌ দৃষ্ট্বং লোকৈস্ত্রিভিস্তদা ।। ৬.১১০.২৬ ।।
110.27
তস্যৈব সদৃশং চান্যদ্রাবণস্যোত্থিতং শিরঃ ।
তৎ ক্ষিপ্রং ক্ষিপ্রহস্তেন রামেণ ক্ষিপ্রকারিণা ।। ৬.১১০.২৭ ।।
110.28
দ্বিতীয়ং রাবণশিরশ্ছিন্নং সংয়তি সায়কৈঃ ।
ছিন্নমাত্রং তু তচ্ছীর্ষং পুনরন্যৎ স্ম দৃশ্যতে ।। ৬.১১০.২৮ ।।
110.29
তদপ্যশনিসঙ্কাশৈশ্ছিন্নং রামেণ সায়কৈঃ ।
এবমেকশতং ছিন্নং শিরসাং তুল্যবর্চসাম্ ।। ৬.১১০.২৯ ।।
110.30
ন চৈব রাবণস্যান্তো দৃশ্যতে জীবিতক্ষয়ে ।
। ৬.১১০.৩০ ।।
110.31
ততঃ সর্বাস্ত্রবিদ্বীরঃ কৌসল্যানন্দবর্ধনঃ ।
মার্গণৈর্বহুভির্যুক্তশ্চিন্তয়ামাস রাঘবঃ ।। ৬.১১০.৩১ ।।
110.32
মারীচো নিহতো যৈস্তু খরো যৈস্তু সদূষণঃ ।
ক্রৌঞ্চাবনে বিরাধস্তু কবন্ধো দণ্ডকাবনে ।। ৬.১১০.৩২ ।।
110.33
যৈঃ সালা গিরয়ো ভগ্না বালী চ ক্ষুভিতো ঽম্বুধিঃ ।
ত ইমে সায়কাঃ সর্বে যুদ্ধে প্রাত্যয়িকা মম ।কিং নু তত্কারণং যেন রাবণে মন্দতেজসঃ ।। ৬.১১০.৩৩ ।।
110.34
ইতি চিন্তাপরশ্চাসীদপ্রমত্তশ্চ সংয়ুগে ।
ববর্ষ শরবর্ষাণি রাঘবো রাবণোরসি ।। ৬.১১০.৩৪ ।।া মম ।রাবণো ঽপি ততঃ ক্রুদ্ধো রথস্থো রাক্ষসেশ্বরঃ ।গদামুসলবর্ষেণ রামং প্রত্যর্দয়দ্রণে ।। ৬.১১০.৩৫ ।।
110.35
তৎ প্রবৃত্তং মহদ্যুদ্ধং তুমুলং রোমহর্ষণম্ ।
অন্তরিক্ষে চ ভূমৌ চ পুনশ্চ গিরিমূর্ধনি ।। ৬.১১০.৩৬ ।।
110.36
দেবদানবয়ক্ষাণাং পিশাচোরগরক্ষসাম্ ।
পশ্যতাং তন্মহদ্যুদ্ধং সর্বরাত্রমবর্তত ।। ৬.১১০.৩৭ ।।
110.37
নৈব রাত্রং ন দিবসং ন মুহূর্তং ন চ ক্ষণম্ ।
রামরাবণয়োর্যুদ্ধং বিরামমুপগচ্ছতি ।। ৬.১১০.৩৮ ।।
110.38
দশরথসুতরাক্ষসেন্দ্রয়োর্জয়মনবেক্ষ্য রণে স রাঘবস্য ।
সুরবররথসারথির্মহান্ রণগতমেনমুবাচ বাক্যমাশু ।। ৬.১১০.৩৯ ।।
110.39
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে দশোত্তরশততমঃ সর্গঃ ।
। ১১০ ।।