Utshovসর্গ 108
108.1
স রথং সারথির্হৃষ্টঃ পরসৈন্যপ্রধর্ষণম্ ।
গন্ধর্বনগরাকারং সমুচ্ছ্রিতপতাকিনম্ ।। ৬.১০৮.১ ।।
108.2
যুক্তং পরমসম্পন্নৈর্বাজিভির্হেমমালিভিঃ ।
যুদ্ধোপকরণৈঃ পূর্ণং পতাকাধ্বজমালিনম্ ।। ৬.১০৮.২ ।।
108.3
গ্রসন্তমিব চাকাশং নাদয়ন্তং বসুন্ধরাম্ ।
প্রণাশং পরসৈন্যানাং স্বসৈন্যানাং প্রহর্ষণম্ ।রাবণস্য রথং ক্ষিপ্রং চোদয়ামাস সারথিঃ ।। ৬.১০৮.৩ ।।
108.4
তমাপতন্তং সহসা স্বনবন্তং মহাস্বনম্ ।
রথং রাক্ষসরাজস্য নররাজো দদর্শ হ ।। ৬.১০৮.৪ ।। ।কৃষ্ণবাজিসমায়ুক্তং যুক্তং রৌদ্রেণ বর্চসা ।তডিত্পতাকাগহনং দর্শিতেন্দ্রায়ুধায়ুধম্ ।। ৬.১০৮.৫ ।।
108.5
শরধারা বিমুঞ্চন্তং ধারাসারমিবাম্বুদম্ ।
তং দৃষ্ট্বা মেঘসঙ্কাশমাপতন্তং রথং রিপোঃ ।। ৬.১০৮.৬ ।।
108.6
গিরৈর্বজ্রাভিমৃষ্টস্য দীর্যতঃ সদৃশস্বনম্ ।
বিস্ফারয়ন্ বৈ বেগেন বালচন্দ্রনতং ধনুঃ ।। ৬.১০৮.৭ ।।
108.7
উবাচ মাতলিং রামঃ সহস্রাক্ষস্য সারথিম্ ।
। ৬.১০৮.৮ ।।
108.8
মাতলে পশ্য সংরব্ধমাপতন্তং রথং রিপোঃ ।
। ৬.১০৮.৯ ।।
108.9
যথা ঽ ঽপসব্যং পততা বেগেন মহতা পুনঃ ।
সমরে হন্তুমাত্মানং তথা তেন কৃতা মতিঃ ।। ৬.১০৮.১০ ।।
108.10
তদপ্রমাদমাতিষ্ঠন্ প্রত্যুদ্গচ্ছ রথং রিপোঃ ।
বিধ্বংসয়িতুমিচ্ছামি বায়ুর্মেঘমিবোত্থিতম্ ।। ৬.১০৮.১১ ।।
108.11
অবিক্লবমসম্ভ্রান্তমব্যগ্রহৃদয়েক্ষণম্ ।
রশ্মিসঞ্চারনিয়তং প্রচোদয় রথং দ্রুতম্ ।। ৬.১০৮.১২ ।।
108.12
কামং ন ত্বং সমাধেয়ঃ পুরন্দররথোচিতঃ ।
যুয়ুত্সুরহমেকাগ্রঃ স্মারয়ে ত্বাং ন শিক্ষয়ে ।। ৬.১০৮.১৩ ।।
108.13
পরিতুষ্টঃ স রামস্য তেন বাক্যেন মাতলিঃ ।
প্রচোদয়ামাস রথং সুরসারথিসত্তমঃ ।। ৬.১০৮.১৪ ।।
108.14
অপসব্যং ততঃ কুর্বন্ রাবণস্য মহারথম্ ।
চক্রোত্ক্ষিপ্তেন রজসা রাবণং ব্যবধানয়ৎ ।। ৬.১০৮.১৫ ।।
108.15
ততঃ ক্রুদ্ধো দশগ্রীবস্তাম্রবিস্ফারিতেক্ষণঃ ।
রথপ্রতিমুখং রামং সায়কৈরবধূনয়ৎ ।। ৬.১০৮.১৬ ।।
108.16
ধর্ষণামর্ষিতো রামো ধৈর্যং রোষেণ লম্ভয়ন্ ।
জগ্রাহ সুমহাবেগমৈন্দ্রং যুধি শরাসনম্ ।শরাংশ্চ সুমহাতেজাঃ সূর্যরশ্মিসমপ্রভান্ ।। ৬.১০৮.১৭ ।।
108.17
তদোপোঢং মহদ্যুদ্ধমন্যোন্যবধকাঙ্ক্ষিণোঃ ।
পরস্পরাভিমুখয়োর্দৃপ্তয়োরিব সিংহয়োঃ ।। ৬.১০৮.১৮ ।।
108.18
ততো দেবাঃ সগন্ধর্বাঃ সিদ্ধাশ্চ পরমর্ষয়ঃ ।
সমেয়ুর্দ্বৈরথং দৃষ্টুং রাবণক্ষয়কাঙ্ক্ষিণঃ ।। ৬.১০৮.১৯ ।।
108.19
সমুত্পেতুরথোত্পাতা দারুণা রোমহর্ষণাঃ ।
রাবণস্য বিনাশায় রাঘবস্য জয়ায় চ ।। ৬.১০৮.২০ ।।
108.20
ববর্ষ রুধিরং দেবো রাবণস্য রথোপরি ।
বাতা মণ্ডলিনস্তীক্ষ্ণা হ্যপসব্যং প্রচক্রমুঃ ।। ৬.১০৮.২১ ।।
108.21
মহদ্ গৃধ্রকুলং চাস্য ভ্রমমাণং নভস্স্থলে ।
যেন যেন রথো যাতি তেন তেন প্রধাবতি ।। ৬.১০৮.২২ ।।
108.22
সন্ধ্যয়া চাবৃতা লঙ্কা জপাপুষ্পনিকাশয়া ।
দৃশ্যতে সম্প্রদীপ্তেব দিবসে ঽপি বসুন্ধরা ।। ৬.১০৮.২৩ ।।
108.23
সনির্ঘাতা মহোল্কাশ্চ সম্প্রচেরুর্মহাস্বনাঃ ।
বিষাদয়ংস্তে রক্ষাংসি রাবণস্য তদা ঽহিতাঃ ।। ৬.১০৮.২৪ ।।
108.24
রাবণশ্চ যতস্তত্র সঞ্চচাল বসুন্ধরা ।
রক্ষসাং চ প্রহরতাং গৃহীতা ইব বাহবঃ ।। ৬.১০৮.২৫ ।।
108.25
তাম্রাঃ পীতাঃ সিতাশ্বেতাঃ পতিতাঃ সূর্যরশ্ময়ঃ ।
দৃশ্যন্তে রাবণস্যাঙ্গে পর্বতস্যেব ধাতবঃ ।। ৬.১০৮.২৬ ।।
108.26
গৃধ্রৈরনুগতাশ্চাস্য বমন্ত্যো জ্বলনং মুখৈঃ ।
প্রণেদুর্মুখমীক্ষন্ত্যঃ সংরব্ধমশিবং শিবাঃ ।। ৬.১০৮.২৭ ।।
108.27
প্রতিকূলং ববৌ বায়ূ রণে পাংসূন্ সমাকিরন্ ।
তস্য রাক্ষসরাজস্য কুর্বন্ দৃষ্টিবিলোপনম্ ।। ৬.১০৮.২৮ ।।
108.28
নিপেতুরিন্দ্রাশনয়ঃ সৈন্যে চাস্য সমন্ততঃ ।
দুর্বিষহ্যস্বনা ঘোরা বিনা জলধরস্বনম্ ।। ৬.১০৮.২৯ ।।
108.29
দিশশ্চ প্রদিশঃ সর্বা বভূবুস্তিমিরাবৃতাঃ ।
পাংসুবর্ষেণ মহতা দুর্দর্শং চ নভো ঽভবৎ ।। ৬.১০৮.৩০ ।।
108.30
কুর্বন্ত্যঃ কলহং ঘোরং শারিকাস্তদ্রথং প্রতি ।
নিপেতুঃ শতশস্তত্র দারুণং দারুণারুতাঃ ।। ৬.১০৮.৩১ ।।
108.31
জঘনেভ্যঃ স্ফুলিঙ্গাংশ্চ নেত্রেভ্যো ঽশ্রূণি সন্ততম্ ।
মুমুচুস্তস্য তুরগাস্তুল্যমগ্নিং চ বারি চ ।। ৬.১০৮.৩২ ।।
108.32
এবম্প্রকারা বহবঃ সমুত্পাতা ভয়াবহাঃ ।
রাবণস্য বিনাশায় দারুণাঃ সম্প্রজজ্ঞিরে ।। ৬.১০৮.৩৩ ।।
108.33
রামস্যাপি নিমিত্তানি সৌম্যানি চ শুভানি চ ।
বভূবুর্জয়শংসীনি প্রাদুর্ভূতানি সর্বশঃ ।। ৬.১০৮.৩৪ ।।
108.34
নিমিত্তানি চ সৌম্যানি রাঘবঃ স্বজয়ায় চ ।
দৃষ্ট্বা পরমসংহৃষ্টো হতং মেনে চ রাবণম্ ।। ৬.১০৮.৩৫ ।।
108.35
ততো নিরীক্ষ্যাত্মগতানি রাঘবো রণে নিমিত্তানি নিমিত্তকোবিদঃ ।
জগাম হর্ষং চ পরাং চ নির্বৃত্তিং চকার যুদ্ধে হ্যধিকং চ বিক্রমম্ ।। ৬.১০৮.৩৬ ।।
108.36
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে অষ্টোত্তরশততমঃ সর্গঃ ।
। ১০৮ ।।