Utshovসর্গ 107
107.1
।
। আদিত্যহৃদয়প্রারম্ভঃ ।।ততো যুদ্ধপরিশ্রন্তং সমরে চিন্তয়া স্থিতম্ ।রাবণং চাগ্রতো দৃষ্ট্বা যুদ্ধায় সমুপস্থিতম্ ।। ৬.১০৭.১ ।।
107.2
দৈবতৈশ্চ সমাগম্য দ্রষ্টুমভ্যাগতো রণম্ ।
উপাগম্যাব্রবীদ্রামমগস্ত্যো ভগবানৃষিঃ ।। ৬.১০৭.২ ।।
107.3
রাম রাম মহাবাহো শৃণু গুহ্যং সনাতনম্ ।
যেন সর্বানরীন্ বত্স সমরে বিজয়িষ্যসি ।। ৬.১০৭.৩ ।।
107.4
আদিত্যহৃদয়ং পুণ্যং সর্বশত্রুবিনাশনম্ ।
জয়াবহং জপেন্নিত্যমক্ষয্যং পরমং শিবম্ ।। ৬.১০৭.৪ ।।
107.5
সর্বমঙ্গলমঙ্গল্যং সর্বপাপপ্রণাশনম্ ।
চিন্তাশোকপ্রশমনমায়ুর্বর্ধনমুত্তমম্ ।। ৬.১০৭.৫ ।।
107.6
রশ্মিমন্তং সমুদ্যন্তং দেবাসুরনমস্কৃতম্ ।
পূজয়স্ব বিবস্বন্তং ভাস্করং ভুবনেশ্বরম্ ।। ৬.১০৭.৬ ।।
107.7
সর্বদেবাত্মকো হ্যেষ তেজস্বী রশ্মিভাবনঃ ।
এষ দেবাসুরগণান্ লোকান্ পাতি গভিস্তিভিঃ ।। ৬.১০৭.৭ ।।
107.8
এষ ব্রহ্মা চ বিষ্ণুশ্চ শিবঃ স্কন্দঃ প্রজাপতিঃ ।
মহেন্দ্রো ধনদঃ কালো যমঃ সোমো হ্যপাং পতিঃ ।। ৬.১০৭.৮ ।।
107.9
পিতরো বসবঃ সাধ্যা হ্যশ্বিনৌ মরুতো মনুঃ ।
বায়ুর্বহ্নিঃ প্রজাপাণ ঋতুকর্তা প্রভাকরঃ ।। ৬.১০৭.৯ ।।
107.10
আদিত্যঃ সবিতা সূর্যঃ খগঃ পূষা গভস্তিমান্ ।
সুবর্ণসদৃশো ভানুর্হিরণ্যরেতা দিবাকরঃ ।। ৬.১০৭.১০ ।।
107.11
হরিদশ্বঃ সহস্রার্চিঃ সপ্তসপ্তির্মরীচিমান্ ।
তিমিরোন্মথনঃ শম্ভুস্ত্বষ্টা মার্তণ্ড অংশুমান্ ।। ৬.১০৭.১১ ।।
107.12
হিরণ্যগর্ভঃ শিশিরস্তপনো ভাস্করো রবিঃ ।
অগ্নিগর্ভো ঽদিতেঃ পুত্রঃ শঙ্খঃ শিশিরনাশনঃ ।। ৬.১০৭.১২ ।।
107.13
ব্যোমনাথস্তমোভেদী ঋগ্যজুস্সামপারগঃ ।
ঘনবৃষ্টিরপাং মিত্রো বিন্ধ্যবীথীপ্লবঙ্গমঃ ।। ৬.১০৭.১৩ ।।
107.14
আতপী মণ্ডলী মৃত্যুঃ পিঙ্গলঃ সর্বতাপনঃ ।
কবির্বিশ্বো মহাতেজা রক্তঃ সর্বভবোদ্ভবঃ ।। ৬.১০৭.১৪ ।।
107.15
নক্ষত্রগ্রহতারাণামধিপো বিশ্বভাবনঃ ।
তেজসামপি তেজস্বী দ্বাদশাত্মন্নমো ঽস্তু তে ।। ৬.১০৭.১৫ ।।
107.16
নমঃ পূর্বায় গিরয়ে পশ্চিমে গিরয়ে নমঃ ।
জ্যোতির্গণানাং পতয়ে দিনাধিপতয়ে নমঃ ।। ৬.১০৭.১৬ ।।
107.17
জয়ায় জয়ভদ্রায় হর্যশ্বায় নমো নমঃ ।
নমো নমঃ সহস্রাংশো আদিত্যায় নমো নমঃ ।। ৬.১০৭.১৭ ।।
107.18
নম উগ্রায় বীরায় সারঙ্গায় নমো নমঃ ।
নমঃ পদ্মপ্রবোধায় মার্তাণ্ডায় নমো নমঃ ।। ৬.১০৭.১৮ ।।
107.19
ব্রহ্মোশানাচ্যুতেশায় সূর্যায়াদিত্যবর্চসে ।
ভাস্বতে সর্বভক্ষায় রৌদ্রায় বপুষে নমঃ ।। ৬.১০৭.১৯ ।।
107.20
তমোঘ্নায় হিমধ্নায় শত্রুঘ্নায়ামিতাত্মনে ।
কৃতঘ্নঘ্নায় দেবায় জ্যোতিষাং পতয়ে নমঃ ।। ৬.১০৭.২০ ।।
107.21
তপ্তচামীকরাভায় বহ্নয়ে বিশ্বকর্মণে ।
নমস্তমোভিনিঘ্নায় রুচয়ে লোকসাক্ষিণে ।। ৬.১০৭.২১ ।।
107.22
নাশয়ত্যেষ বৈ ভূতং তদেব সৃজতি প্রভুঃ ।
পায়ত্যেষ তপত্যেষ বর্ষত্যেষ গভস্তিভিঃ ।। ৬.১০৭.২২ ।।
107.23
এষ সুপ্তেষু জাগর্তি ভূতেষু পরিনিষ্ঠিতঃ ।
এষ এবাগ্নিহোত্রং চ ফলং চৈবাগ্নিহোত্রিণাম্ ।। ৬.১০৭.২৩ ।।
107.24
বেদাশ্চ ক্রতবশ্চৈব ক্রতূনাং ফলমেব চ ।
যানি কৃত্যানি লোকেষু সর্ব এষ রবিঃ প্রভুঃ ।। ৬.১০৭.২৪ ।।
107.25
এনমাপত্সু কৃচ্ছ্রেষু কান্তারেষু ভয়েষু চ ।
কীর্তয়ন্ পুরুষঃ কশ্চিন্নাবসীদতি রাঘব ।। ৬.১০৭.২৫ ।।
107.26
পূজয়স্বৈনমেকাগ্রো দেবদেবং জগত্পতিম্ ।
এতত্রিগুণিতং জপ্ত্বা যুদ্ধেষু বিজয়িষ্যসি ।। ৬.১০৭.২৬ ।।
107.27
অস্মিন্ ক্ষণে মহাবাহো রাবণং ত্বং বধিষ্যসি ।
এবমুক্ত্বা তদা ঽগস্ত্যো জগাম চ যথাগতম্ ।। ৬.১০৭.২৭ ।।
107.28
এতচ্ছুত্বা মহাতেজা নষ্টশোকো ঽভবত্তদা ।
ধারয়ামাস সুপ্রীতো রাঘবঃ প্রয়তাত্মবান্ ।। ৬.১০৭.২৮ ।।
107.29
আদিত্যং প্রেক্ষ্য জপ্ত্বা তু পরং হর্ষমবাপ্তবান্ ।
ত্রিরাচম্য শুচির্ভূত্বা ধনুরাদায় বীর্যবান্ ।। ৬.১০৭.২৯ ।।
107.30
রাবণং প্রেক্ষ্য হৃষ্টাত্মা যুদ্ধায় সমুপাগমৎ ।
সর্বয়ত্নেন মহতা বধে তস্য ধৃতো ঽভবৎ ।। ৬.১০৭.৩০ ।।
107.31
অথ রবিরবদন্নিরীক্ষ্য রামং মুদিতমনাঃ পরমং প্রহৃষ্যমাণঃ ।
নিশিচরপতিসঙ্ক্ষয়ং বিদিত্বা সুরগণমধ্যগতো বচস্ত্বরেতি ।। ৬.১০৭.৩১ ।।
107.32
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে সপ্তোত্তরশততমঃ সর্গঃ ।
। ১০৭ ।।