Utshovসর্গ 106
106.1
স তু মোহাৎ সুসঙ্ক্রুদ্ধঃ কৃতান্তবলচোদিতঃ ।
ক্রোধসংরক্তনয়নো রাবণঃ সূতমব্রবীৎ ।। ৬.১০৬.১ ।।
106.2
হীনবীর্যমিবাশক্তং পৌরুষেণ বিবর্জিতম্ ।
ভীরুং লঘুমিবাসত্ত্বং বিহীনমিব তেজসা ।। ৬.১০৬.২ ।।
106.3
বিমুক্তমিব মায়াভিরস্ত্রৈরিব বহিষ্কৃতম্ ।
মামবজ্ঞায় দুর্বুদ্ধে স্বয়া বুদ্ধ্যা বিচেষ্টসে ।। ৬.১০৬.৩ ।।
106.4
কিমর্থং মামবজ্ঞায় মচ্ছন্দমনবেক্ষ্য চ ।
ত্বয়া শত্রোঃ সমক্ষং মে রথো ঽয়মপবাহিতঃ ।। ৬.১০৬.৪ ।।
106.5
ত্বয়া ঽদ্য হি মমানার্য চিরকালসমার্জিতম্ ।
যশো বীর্যং চ তেজশ্চ প্রত্যয়শ্চ বিনাশিতঃ ।। ৬.১০৬.৫ ।।
106.6
শত্রোঃ প্রখ্যাতবীর্যস্য রঞ্জনীয়স্য বিক্রমৈঃ ।
পশ্যতো যুদ্ধলুব্ধো ঽহং কৃতঃ কাপুরুষস্ত্বয়া ।। ৬.১০৬.৬ ।।
106.7
যস্ত্বং রথমিমং মোহাৎ ন চোদ্বহসি দুর্মতে ।
সত্যো ঽয়ং প্রতিতর্কো মে পরেণ ত্বমুপস্কৃতঃ ।। ৬.১০৬.৭ ।।
106.8
ন হি তদ্বিদ্যতে কর্ম সুহৃদো হিতকাঙ্ক্ষিণঃ ।
রিপূণাং সদৃশং চৈতন্ন ত্বয়ৈতৎ স্বনুষ্ঠিতম্ ।। ৬.১০৬.৮ ।।
106.9
নিবর্তয় রথং শীঘ্রং যাবন্নোপৈতি মে রিপুঃ ।
যদি বা ঽধ্যুষিতো বা ঽসি স্মর্যন্তে যদি বা গুণাঃ ।। ৬.১০৬.৯ ।।
106.10
এবং পরুষমুক্তস্তু হিতবুদ্ধিরবুদ্ধিনা ।
অব্রবীদ্রাবণং সূতো হিতং সানুনয়ং বচঃ ।। ৬.১০৬.১০ ।।
106.11
ন ভীতো ঽস্মি ন মূঢো ঽস্মি নোপজপ্তো ঽস্মি শত্রুভিঃ ।
ন প্রমত্তো ন নিস্নেহো বিস্মৃতা ন চ সত্ক্রিয়া ।। ৬.১০৬.১১ ।।
106.12
ময়া তু হিতকামেন যশশ্চ পরিরক্ষতা ।
স্নেহপ্রস্কন্নমনসা প্রিয়মিত্যপ্রিয়ং কৃতম্ ।। ৬.১০৬.১২ ।।
106.13
নাস্মিন্নর্থে মহারাজ ত্বং মাং প্রিয়হিতে রতম্ ।
কশ্চিল্লঘুরিবানার্যো দোষতো গন্তুমর্হসি ।। ৬.১০৬.১৩ ।।
106.14
শ্রূয়তাং ত্বভিধাস্যামি যন্নিমিত্তং ময়া রথঃ ।
নদীবেগ ইবাভোগে সংয়ুগে বিনিবর্তিতঃ ।। ৬.১০৬.১৪ ।।
106.15
ক্ষমং তবাবগচ্ছামি মহতা রণকর্মণা ।
ন হি তে বীর সৌমুখ্যং প্রহর্ষং বোপধারয়ে ।। ৬.১০৬.১৫ ।।
106.16
রথোদ্বহনখিন্নাশ্চ ত ইমে রথবাজিনঃ ।
দীনা ধর্মপরিশ্রান্তা গাবো বর্ষহতা ইব ।। ৬.১০৬.১৬ ।।
106.17
নিমিত্তানি চ ভূয়িষ্ঠং যানি প্রাদুর্ভবন্তি নঃ ।
তেষু তেষ্বভিপন্নেষু লক্ষয়াম্যপ্রদক্ষিণম্ ।। ৬.১০৬.১৭ ।।
106.18
দেশকালৌ চ বিজ্ঞেয়ৌ লক্ষণানীঙ্গীতানি চ ।
দৈন্যং খেদশ্চ হর্ষশ্চ রথিনশ্চ বলাবলম্ ।। ৬.১০৬.১৮ ।।
106.19
স্থলনিম্নানি ভূমেশ্চ সমানি বিষমাণি চ ।
যুদ্ধকালশ্চ বিজ্ঞেয়ঃ পরস্যান্তরদর্শনম্ ।। ৬.১০৬.১৯ ।।
106.20
উপয়ানাপয়ানে চ স্থানং প্রত্যপসর্পণম্ ।
সর্বমেতদ্রথস্থেন জ্ঞেয়ং রথকুটুম্বিনা ।। ৬.১০৬.২০ ।।
106.21
তব বিশ্রমহেতোশ্চ তথৈষাং রথবাজিনাম্ ।
রৌদ্রং বর্জয়তা খেদং ক্ষমং কৃতমিদং ময়া ।। ৬.১০৬.২১ ।।
106.22
ন ময়া স্বেচ্ছয়া বীর রথো ঽয়মপবাহিতঃ ।
। ৬.১০৬.২২ ।।
106.23
ভর্তৃস্নেহপরীতেন ময়েদং যত্কৃতং বিভো ।
। ৬.১০৬.২৩ ।।
106.24
আজ্ঞাপয় যথাতত্ত্বং বক্ষ্যস্যরিনিষূদন ।
তত্করিষ্যাম্যহং বীর গতানৃণ্যেন চেতসা ।। ৬.১০৬.২৪ ।।
106.25
সন্তুষ্টস্তেন বাক্যেন রাবণস্তস্য সারথেঃ ।
প্রশস্যৈনং বহুবিধং যুদ্ধলুব্ধো ঽব্রবীদিদম্ ।। ৬.১০৬.২৫ ।।
106.26
রথং শীঘ্রমিমং সূত রাঘবাভিমুখং কুরু ।
নাহত্বা সমরে শত্রূন্ নিবর্তিষ্যতি রাবণঃ ।। ৬.১০৬.২৬ ।।
106.27
এবমুক্ত্বা ততস্তুষ্টো রাবণো রাক্ষসেশ্বরঃ ।
দদৌ তস্মৈ শুভং হ্যেকং হস্তাভরণমুত্তমম্ ।। ৬.১০৬.২৭ ।।
106.28
শ্রুত্বা রাবণবাক্যং তু সারথিঃ সন্ন্যবর্তত ।
। ৬.১০৬.২৮ ।।
106.29
ততো দ্রুতং রাবণবাক্যচোদিতঃ প্রচোদয়ামাস হয়ান্ স সারথিঃ ।
স রাক্ষসেন্দ্রস্য ততো মহারথঃ ক্ষণেন রামস্য রণাগ্রতো ঽভবৎ ।। ৬.১০৬.২৯ ।।
106.30
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে ষডুত্তরশততমঃ সর্গঃ ।
। ১০৬ ।।