Utshovসর্গ 104
104.1
তস্য ক্রুদ্ধস্য বদনং দৃষ্ট্বা রামস্য ধীমতঃ ।
সর্বভূতানি বিত্রেসুঃ প্রাকম্পত চ মেদিনী ।। ৬.১০৪.১ ।।
104.2
সিংহশার্দূলবান্ শৈলঃ সঞ্চচাল চলদ্রুমঃ ।
বভূব চাতিক্ষুভিতঃ সমুদ্রঃ সরিতাং পতিঃ ।। ৬.১০৪.২ ।।
104.3
খগাশ্চ খরনির্ঘোষা গগনে পরুষা ঘনাঃ ।
ঔত্পাতিকানি নর্দন্তঃ সমন্তাৎ পরিচক্রমুঃ ।। ৬.১০৪.৩ ।।
104.4
রামং দৃষ্ট্বা সুসঙ্ক্রুদ্ধমুত্পাতাংশ্চ সুদারুণান্ ।
বিত্রেসুঃ সর্বভূতানি রাবণস্যাভবদ্ভয়েম্ ।। ৬.১০৪.৪ ।।
104.5
বিমানস্থাস্তদা দেবা গন্ধর্বাশ্চ মহোরগাঃ ।
ঋষিদানবদৈত্যাশ্চ গরুত্মন্তশ্চ খেচরাঃ ।। ৬.১০৪.৫ ।।
104.6
দদৃশুস্তে মহায়ুদ্ধং লোকসংবর্তসংস্থিতম্ ।
নানাপ্রহরণৈর্ভীমৈঃ শূরয়োঃ সম্প্রয়ুদ্ধ্যতোঃ ।। ৬.১০৪.৬ ।।
104.7
ঊচুঃ সুরাসুরাঃ সর্বে তদা বিগ্রহমাগতাঃ ।
প্রেক্ষমাণা মহদ্যুদ্ধং বাক্যং ভক্ত্যা প্রহৃষ্টবৎ ।। ৬.১০৪.৭ ।।
104.8
দশগ্রীবং জয়েত্যাহুরসুরাঃ সমবস্থিতাঃ ।
দেবা রামমথোচুস্তে ত্বং জয়েতি পুনঃপুনঃ ।। ৬.১০৪.৮ ।।
104.9
এতস্মিন্নন্তরে ক্রোধাদ্রাঘবস্য স রাবণঃ ।
প্রহর্তুকামো দুষ্টাত্মা স্পৃশন্ প্রহরণং মহৎ ।। ৬.১০৪.৯ ।।
104.10
বজ্রসারং মহানাদং সর্বশত্রুনিবর্হণম্ ।
শৈলশৃঙ্গনিভৈঃ কূটৈশ্চিতং দৃষ্টিভয়াবহম্ ।। ৬.১০৪.১০ ।।
104.11
সধূমমিব তীক্ষ্ণাগ্রং যুগান্তাগ্নিচয়োপমম্ ।
অতিরৌদ্রমনাসাদ্যং কালেনাপি দুরাসদম্ ।। ৬.১০৪.১১ ।।
104.12
ত্রাসনং সর্বভূতানাং দারণং ভেদনং তদা ।
প্রদীপ্তমিব রোষেণ শূলং জগ্রাহ রাবণঃ ।। ৬.১০৪.১২ ।।
104.13
তচ্ছূলং পরমক্রুদ্ধো মধ্যে জগ্রাহ বীর্যবান্ ।
অনেকৈঃ সমরে শূরৈ রাক্ষসৈঃ পরিবারিতঃ ।। ৬.১০৪.১৩ ।।
104.14
সমুদ্যম্য মহাকায়ো ননাদ যুধি ভৈরবম্ ।
সংরক্তনয়নো রোষাৎ স্বসৈন্যমভিহর্ষয়ন্ ।। ৬.১০৪.১৪ ।।
104.15
পৃথিবীং চান্তরিক্ষং চ দিশশ্চ প্রদিশস্তথা ।
প্রাকম্পয়ত্তদা শব্দো রাক্ষসেন্দ্রস্য দারুণঃ ।। ৬.১০৪.১৫ ।।
104.16
অতিনাদস্য নাদেন তেন তস্য দুরাত্মনঃ ।
সর্বভূতানি বিত্রেসুঃ সাগরশ্চ প্রচুক্ষুভে ।। ৬.১০৪.১৬ ।।
104.17
স গৃহীত্বা মহাবীর্যঃ শূলং তদ্রাবণো মহৎ ।
বিনদ্য সুমহানাদং রামং পরুষমব্রবীৎ ।। ৬.১০৪.১৭ ।।
104.18
শূলো ঽয়ং বজ্রসারস্তে রাম রোষান্ময়োদ্যতঃ ।
তব ভ্রাতৃসহায়স্য সদ্যঃ প্রাণান্ হরিষ্যতি ।। ৬.১০৪.১৮ ।।
104.19
রক্ষসামদ্য শূরাণাং নিহতানাং চমূমুখে ।
ত্বাং নিহত্য রণশ্লাঘিন্ করোমি তরসা সমম্ ।তিষ্ঠেদানীং নিহন্মি ত্বামেষ শূলেন রাঘব ।। ৬.১০৪.১৯ ।।
104.20
এবমুক্ত্বা স চিক্ষেপ তচ্ছূলং রাক্ষসাধিপঃ ।
। ৬.১০৪.২০ ।।
104.21
তদ্রাবণকরান্মুক্তং বিদ্যুজ্জ্বালাসমাকুলম্ ।
অষ্টঘণ্টং মহানাদং বিয়দ্গতমশোভত ।। ৬.১০৪.২১ ।।
104.22
তচ্ছূলং রাঘবো দৃষ্ট্বা জ্বলন্তং ঘোরদর্শনম্ ।
সসর্জ বিশিখান্ রামশ্চাপমায়ম্য বীর্যবান্ ।। ৬.১০৪.২২ ।।
104.23
আপতন্তং শরৌঘেণ বারয়ামাস রাঘবঃ ।
উত্পতন্তং যুগান্তাগ্নিং জলৌঘৈরিব বাসবঃ ।। ৬.১০৪.২৩ ।।
104.24
নির্দদাহ স তান্ বাণান্ রামকার্মুকনিস্সৃতান্ ।
রাবণস্য মহাশূলঃ পতঙ্গানিব পাবকঃ ।। ৬.১০৪.২৪ ।।
104.25
তান্ দৃষ্ট্বা ভস্মসাদ্ভূতান্ শূল সংস্পর্শচূর্ণিতান্ ।
সায়কানন্তরিক্ষস্থান্ রাঘবঃ ক্রোধমাহরৎ ।। ৬.১০৪.২৫ ।।
104.26
স তাং মাতলিনা ঽ ঽনীতাং শক্তিং বাসবনির্মিতাম্ ।
জগ্রাহ পরমক্রুদ্ধো রাঘবো রঘুনন্দনঃ ।। ৬.১০৪.২৬ ।।
104.27
সা তোলিতা বলবতা শক্তির্ঘণ্টাকৃতস্বনা ।
নভঃ প্রজ্বালয়ামাস যুগান্তোল্কেব সপ্রভা ।। ৬.১০৪.২৭ ।।
104.28
সা ক্ষিপ্তা রাক্ষসেন্দ্রস্য তস্মিন্ শূলে পপাত হ ।
ভিন্নঃ শক্ত্যা মহান্ শূলো নিপপাত হতদ্যুতিঃ ।। ৬.১০৪.২৮ ।।
104.29
নির্বিভেদ ততো বাণৈর্হয়ানস্য মহাজবান্ ।
রামস্তীক্ষ্ণৈর্মহাবেগৈর্বজ্রকল্পৈঃ শিতৈঃ শরৈঃ ।। ৬.১০৪.২৯ ।।
104.30
নির্বিভেদোরসি ততো রাবণং নিশিতৈঃ শরৈঃ ।
রাঘবঃ পরমায়ত্তো ললাটে পত্রিভিস্ত্রিভিঃ ।। ৬.১০৪.৩০ ।।
104.31
স শরৈর্ভিন্নসর্বাঙ্গো গাত্রপ্রস্রুতশোণিতঃ ।
রাক্ষসেন্দ্রঃ সমূহস্থঃ ফুল্লাশোক ইবাবভৌ ।। ৬.১০৪.৩১ ।।
104.32
স রামবাণৈরভিবিদ্ধগাত্রো নিশাচরেন্দ্রঃ ক্ষতজার্দ্রগাত্রঃ ।
জগাম খেদং চ সমাজমধ্যে ক্রোধং চ চক্রে সুভৃশং তদানীম্ ।। ৬.১০৪.৩২ ।।
104.33
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে চতুরুত্তরশততমঃ সর্গঃ ।
। ১০৪ ।।