Utshovসর্গ 102
102.1
শক্ত্যা বিনিহতং দৃষ্ট্বা রাবণেন বলীয়সা ।
লক্ষ্মণং সমরে শূরং রুধিরৌঘপরিপ্লুতম্ ।। ৬.১০২.১ ।।
102.2
স দত্ত্বা তুমুলং যুদ্ধং রাবণস্য দুরাত্মনঃ ।
বিসৃজন্নেব বাণৌঘান্ সুষেণং বাক্যমব্রবীৎ ।। ৬.১০২.২ ।।
102.3
এষ রাবণবীর্যেণ লক্ষ্মণঃ পতিতঃ ক্ষিতৌ ।
সর্পবদ্বেষ্টতে বীরো মম শোকমুদীরয়ন্ ।। ৬.১০২.৩ ।।
102.4
শোণিতার্দ্রমিমং বীরং প্রাণৈরিষ্টতমং মম ।
পশ্যতো মম কা শক্তির্যোদ্ধুং পর্যাকুলাত্মনঃ ।। ৬.১০২.৪ ।।
102.5
অয়ং স সমরশ্লাঘী ভ্রাতা মে শুভলক্ষণঃ ।
যদি পঞ্চত্বমাপন্নঃ প্রাণৈর্মে কিং সুখেন চ ।। ৬.১০২.৫ ।।
102.6
লজ্জতীব হি মে বীর্যং ভ্রশ্যতীব করাদ্ধনুঃ ।
সায়কা ব্যবসীদন্তি দৃষ্টির্বাষ্পবশং গতা ।অবসীদন্তি গাত্রাণি স্বপ্নয়ানে নৃণামিব ।। ৬.১০২.৬ ।।
102.7
চিন্তা মে বর্ধতে তীব্রা মুমূর্ষা চোপজায়তে ।
। ৬.১০২.৭ ।।সীদন্তি দৃষ্টির্বাষ্পবশং গতা ।ভ্রাতরং নিহতং দৃষ্ট্বা রাবণেন দুরাত্মনা ।। ৬.১০২.৮ ।।।সীদন্তি দৃষ্টির্বাষ্পবশং গতা ।বিনিষ্টনন্তং দুঃখার্থং মর্মণ্যভিহতং ভৃশম্ ।রাঘবো ভ্রাতরং দৃষ্ট্বা প্রিয়ং প্রাণং বহিশ্চরম্ ।দুঃখেন মহতা ঽ ঽবিষ্টো ধ্যানশোকপরায়ণঃ ।। ৬.১০২.৯ ।।
102.8
পরং বিষাদমাপন্নো বিললাপাকুলেন্দ্রিয়ঃ ।
। ৬.১০২.১০ ।।
102.9
ন হি যুদ্ধেন মে কার্যং নৈব প্রাণৈর্ন সীতয়া ।
ভ্রাতরং নিহতং দৃষ্ট্বা লক্ষ্মণং রণপাংসুষু ।। ৬.১০২.১১ ।।
102.10
কিং মে রাজ্যেন কিং প্রাণৈর্যুদ্ধে কার্যং ন বিদ্যতে ।
যত্রায়ং নিহতঃ শেতে রণমূর্ধনি লক্ষ্মণঃ ।। ৬.১০২.১২ ।।
102.11
দেশে দেশে কলত্রাণি দেশে দেশে চ বান্ধবাঃ ।
তং তু দেশং ন পশ্যামি যত্র ভ্রাতা সহোদরঃ ।। ৬.১০২.১৩ ।।
102.12
ইত্যবং বিলপন্তং তং শোকবিহ্বলিতেন্দ্রিয়ম্ ।
বিবেষ্টমানং করুণমুচ্ছ্বসন্তং পুনঃপুনঃ ।রামমাশ্বাসয়ন্ বীরঃ সুষেণো বাক্যমব্রবীৎ ।। ৬.১০২.১৪ ।।
102.13
ন মৃতো ঽয়ং মহাবাহো লক্ষ্মণো লক্ষ্মিবর্ধনঃ ।
ন চাস্য বিকৃতং বক্ত্রং নাপি শ্যাবং ন নিষ্প্রভম্ ।। ৬.১০২.১৫ ।।
102.14
সুপ্রভং চ প্রসন্নং চ মুখমস্যাভিলক্ষ্যতে ।
পদ্মরক্ততলৌ হস্তৌ সুপ্রসন্নে চ লোচনে ।। ৬.১০২.১৬ ।।
102.15
এবং ন বিদ্যতে রূপং গতাসূনাং বিশাম্পতে ।
দীর্ঘায়ুষস্তু যে মর্ত্যাস্তেষাং তু মুখমীদ্দশম্ ।। ৬.১০২.১৭ ।।
102.16
নায়ং প্রেতত্বমাপন্নো লক্ষ্মণো লক্ষ্মিবর্ধনঃ ।
মা বিষাদং কৃথা বীর সপ্রাণো ঽয়মরিন্দমঃ ।। ৬.১০২.১৮ ।।
102.17
আখ্যাস্যতে প্রসুপ্তস্য স্রস্তগাত্রস্য ভূতলে ।
সোচ্ছ্বাসং হৃদয়ং বীর কম্পমানং মুহুর্মুহুঃ ।। ৬.১০২.১৯ ।।
102.18
এবমুক্ত্বা তু বাক্যজ্ঞঃ সুষেণো রাঘবং বচঃ ।
হনুমন্তমুবাচেদং হনুমন্তমভিত্বরন্ ।। ৬.১০২.২০ ।।
102.19
সৌম্য শীঘ্রমিতো গত্বা শৈলমোষধিপর্বতম্ ।
পূর্বং তে কথিতো যো ঽসৌ বীর জাম্ববতা শুভঃ ।। ৬.১০২.২১ ।।
102.20
দক্ষিণে শিখরে তস্য জাতমোষধিমানয় ।
বিশল্যকরণীং নাম বিশল্যকরণীং শুভাম্ ।। ৬.১০২.২২ ।।
102.21
সবর্ণকরণীং চাপি তথা সঞ্জীবনীমপি ।
সন্ধানকরণীং চাপি গত্বা শীঘ্রমিহানয় ।। ৬.১০২.২৩ ।।
102.22
সঞ্জীবনার্থং বীরস্য লক্ষ্মণস্য মহাত্মনঃ ।
ইত্যেবমুক্তো হনুমান্ গত্বা চৌষধিপর্বতম্ ।চিন্তামভ্যগমচ্ছ্রীমানজানংস্তাং মহৌষধিম্ ।। ৬.১০২.২৪ ।।
102.23
অস্মিন্ হি শিখরে জাতামোষধীং তাং সুখাবহাম্ ।
প্রতর্কেণাবগচ্ছামি সুষেণো ঽপ্যেবমব্রবীৎ ।। ৬.১০২.২৬ ।।
102.24
অগৃহ্য যদি গচ্ছামি বিশল্যকরণীমহম্ ।
কালাত্যয়েন দোষঃ স্যাদ্বৈক্লব্যং চ মহদ্ভবেৎ ।। ৬.১০২.২৭ ।।
102.25
ইতি সঞ্চিন্ত্য হনুমান্ গত্বা ক্ষিপ্রং মহাবলঃ ।
আসাদ্য পর্বতশ্রেষ্ঠং ত্রিঃ প্রকম্প্য গিরেঃ শিরঃ ।। ৬.১০২.২৮ ।।
102.26
ফুল্লনানাতরুগণং সমুত্পাট্য মহাবলঃ ।
গৃহীত্বা হরিশার্দূলো হস্তাভ্যাং সমতোলয়ৎ ।। ৬.১০২.২৯ ।।
102.27
স নীলমিব জীমূতং তোয়পূর্ণং নভস্থলাৎ ।
আপপাত গৃহীত্বা তু হনুমান্ শিখরং গিরেঃ ।। ৬.১০২.৩০ ।।
102.28
সমাগম্য মহাবেগঃ সন্ন্যস্য শিখরং গিরেঃ ।
বিশ্রম্য কিঞ্চিদ্ধনুমান্ সুষেণমিদমব্রবীৎ ।। ৬.১০২.৩১ ।।
102.29
ওষধিং নাবগচ্ছামি তামহং হরিপুঙ্গব ।
তদিদং শিখরং কৃত্স্নং গিরেস্তস্যাহৃতং ময়া ।। ৬.১০২.৩২ ।।
102.30
এবং কথয়মানং তং প্রশস্য পবনাত্মজম্ ।
সুষেণো বানরশ্রেষ্ঠো জগ্রাহোত্পাট্য চৌষধীম্ ।। ৬.১০২.৩৩ ।।
102.31
বিস্মিতাস্তু বভূবুস্তে রণে বানররাক্ষসাঃ ।
দৃষ্ট্বা হনুমতঃ কর্ম সুরৈরপি সুদুষ্করম্ ।। ৬.১০২.৩৪ ।।
102.32
ততঃ সঙ্ক্ষোদয়িত্বা তামোষধীং বানরোত্তমঃ ।
লক্ষ্মণস্য দদৌ নস্তঃ সুষেণঃ সুমহাদ্যুতেঃ ।। ৬.১০২.৩৫ ।।
102.33
সশল্যস্তাং সমাঘ্রায় লক্ষ্মণঃ পরবীরহা ।
বিশল্যো বিরুজঃ শীঘ্রমুদতিষ্ঠন্মহীতলাৎ ।। ৬.১০২.৩৬ ।।
102.34
তমুত্থিতং তে হরয়ো ভূতলাৎ প্রেক্ষ্য লক্ষ্মণম্ ।
সাধু সাধ্বিতি সুপ্রীতাঃ সুষেণং প্রত্যপূজয়ন্ ।। ৬.১০২.৩৭ ।।
102.35
এহ্যেহীত্যব্রবীদ্রামো লক্ষ্মণং পরবীরহা ।
সস্বজে স্নেহগাঢং চ বাষ্পপার্যাকুলেক্ষণঃ ।। ৬.১০২.৩৮ ।।
102.36
অব্রবীচ্চ পরিষ্বজ্য সৌমিত্রিং রাঘবস্তদা ।
দিষ্ট্যা ত্বাং বীর পশ্যামি মরণাৎ পুনরাগতম্ ।। ৬.১০২.৩৯ ।।
102.37
ন হি মে জীবিতেনার্থঃ সীতয়া চাপি লক্ষ্মণ ।
কো হি মে বিজয়েনার্থস্ত্বয়ি পঞ্চত্বমাগতে ।। ৬.১০২.৪০ ।।
102.38
ইত্যেবং বদতস্তস্য রাঘবস্য মহাত্মনঃ ।
খিন্নঃ শিথিলয়া বাচা লক্ষ্মণো বাক্যমব্রবীৎ ।। ৬.১০২.৪১ ।।
102.39
তাং প্রতিজ্ঞাং প্রতিজ্ঞায় পুরা সত্যপরাক্রম ।
লঘুঃ কশ্চিদিবাসত্ত্বো নৈবং বক্তুমিহার্হসি ।। ৬.১০২.৪২ ।।
102.40
ন হি প্রতিজ্ঞাং কুর্বন্তি বিতথাং সাধবো ঽনঘ ।
লক্ষণং হি মহত্ত্বস্য প্রতিজ্ঞাপরিপালনম্ ।। ৬.১০২.৪৩ ।।
102.41
নৈরাশ্যমুপগন্তুং তে তদলং মত্কৃতে ঽনঘ ।
বধেন রাবণস্যাদ্য প্রতিজ্ঞামনুপালয় ।। ৬.১০২.৪৪ ।।
102.42
ন জীবন্ যাস্যতে শত্রুস্তব বাণপথং গতঃ ।
নর্দতস্তীক্ষ্ণদংষ্ট্রস্য সিংহস্যেব মহাগজঃ ।। ৬.১০২.৪৫ ।।
102.43
অহং তু বধমিচ্ছামি শীঘ্রমস্য দুরাত্মনঃ ।
যাবদস্তং ন যাত্যেষ কৃতকর্মা দিবাকরঃ ।। ৬.১০২.৪৬ ।।
102.44
যদি বধমিচ্ছসি রাবণস্য সঙ্খ্যে যদি চ কৃতাং ত্বমিহেচ্ছসি প্রতিজ্ঞাম্ ।
যদি তব রাজবরাত্মজাভিলাষঃ কুরু চ বচো মম শীঘ্রমদ্যবীর ।। ৬.১০২.৪৭ ।।