Utshovসর্গ 65
65.1
ততঃ প্রস্রবণং শৈলং তে গত্বা চিত্রকাননম্ ।
প্রণম্য শিরসা রামং লক্ষ্মণং চ মহাবলম্ ।। ৫.৬৫.১ ।।।।
65.2
যুবরাজং পুরস্কৃত্য সুগ্রীবমভিবাদ্য চ ।
প্রবৃত্তিমথ সীতায়াঃ প্রবক্তুমুপচক্রমুঃ ।। ৫.৬৫.২ ।।।।
65.3
রাবণান্তঃপুরে রোধং রাক্ষসীভিশ্চ তর্জনম্ ।
রামে সমনুরাগং চ যশ্চায়ং সময়ঃ কৃতঃ ।এতদাখ্যান্তি তে সর্বে হরয়ো রামসন্নিধৌ ।। ৫.৬৫.৩ ।।।।
65.4
বৈদেহীমক্ষতাং শ্রুত্বা রামস্তূত্তরমব্রবীৎ ।
। ৫.৬৫.৪ ।।।।
65.5
ক্ব সীতা বর্ততে দেবী কথং চ ময়ি বর্ততে ।
এতন্মে সর্বমাখ্যাত বৈদেহীং প্রতি বানরাঃ ।। ৫.৬৫.৫ ।।।।
65.6
রামস্য গদিতং শ্রুত্বা হরয়ো রামসন্নিধৌ ।
চোদয়ন্তি হনূমন্তং সীতাবৃত্তান্তকোবিদম্ ।। ৫.৬৫.৬ ।।।।
65.7
শ্রুত্বা তু বচনং তেষাং হনুমান্ মারুতাত্মজঃ ।
প্রণম্য শিরসা দেব্যৈ সীতায়ৈ তাং দিশং প্রতি ।উবাচ বাক্যং বাক্যজ্ঞঃ সীতায়া দর্শনং যথা ।। ৫.৬৫.৭ ।।।।
65.8
সমুদ্রং লঙ্ঘয়িত্বা ঽহং শতয়োজনমায়তম্ ।
অগচ্ছং জানকীং সীতাং মার্গমাণো দিদৃক্ষয়া ।। ৫.৬৫.৮ ।।।।
65.9
তত্র লঙ্কেতি নগরী রাবণস্য দুরাত্মনঃ ।
দক্ষিণস্য সমুদ্রস্য তীরে বসতি দক্ষিণে ।। ৫.৬৫.৯ ।।।।।।
65.10
তত্র দৃষ্টা ময়া সীতা রাবণান্তঃপুরে সতী ।
সংন্যস্য ত্বয়ি জীবন্তী রামা রাম মনোরথম্ ।। ৫.৬৫.১০ ।।।।
65.11
দৃষ্টা মে রাক্ষসীমধ্যে তর্জ্যমানা মুহুর্মুহুঃ ।
রাক্ষসীভির্বিরূপাভী রক্ষিতা প্রমদাবনে ।। ৫.৬৫.১১ ।।।।
65.12
দুঃখমাসাদ্যতে দেবী তথা ঽদুঃখোচিতা সতী ।
। ৫.৬৫.১২ ।।।।
65.13
রাবণান্তঃপুরে রুদ্ধা রাক্ষসীভিঃ সুরক্ষিতা ।
একবেণীধরা দীনা ত্বয়ি চিন্তাপরায়ণা ।। ৫.৬৫.১৩ ।।।।
65.14
অধঃশয্যা বিবর্ণাঙ্গী পদ্মিনীব হিমাগমে ।
রাবণাদ্বিনিবৃত্তার্থা মর্তব্যকৃতনিশ্চয়া ।দেবী কথংচিৎ কাকুত্স্থ ত্বন্মনা মার্গিতা ময়া ।। ৫.৬৫.১৪ ।।।।
65.15
ইক্ষ্বকুবংশবিখ্যাতিং শনৈঃ কীর্তয়তা ঽনঘ ।
সা ময়া নরশার্দূল বিশ্বাসমুপপাদিতা ।। ৫.৬৫.১৫ ।।।।
65.16
ততঃ সম্ভাষিতা দেবী সর্বমর্থং চ দর্শিতা ।
রামসুগ্রীবসখ্যং চ শ্রুত্বা প্রীতিমুপাগতা ।। ৫.৬৫.১৬ ।।।।
65.17
নিয়তঃ সমুদাচারো ভক্তিশ্চাস্যাস্তথা ত্বয়ি ।
। ৫.৬৫.১৭ ।।।।
65.18
এবং ময়া মহাভাগা দৃষ্টা জনকনন্দিনী ।
উগ্রেণ তপসা যুক্তা ত্বদ্ভক্ত্যা পুরুষর্ষভ ।। ৫.৬৫.১৮ ।।।।
65.19
অভিজ্ঞানং চ মে দত্তং যথা বৃত্তং তবান্তিকে ।
চিত্রকূটে মহাপ্রাজ্ঞ বায়সং প্রতি রাঘব ।। ৫.৬৫.১৯ ।।।।
65.20
বিজ্ঞাপ্যশ্চ নরব্যাঘ্রো রামো বায়ুসুত ত্বয়া ।
অখিলেনেহ যদ্ দৃষ্টমিতি মামাহ জানকী ।। ৫.৬৫.২০ ।।।।
65.21
অয়ং চাস্মৈ প্রদাতব্যো যত্নাৎ সুপরিরক্ষিতঃ ।
ব্রুবতা বচনান্যেবং সুগ্রীবস্যোপশৃণ্বতঃ ।। ৫.৬৫.২১ ।।।।
65.22
এষ চূডামণিঃ শ্রীমান্ ময়া সুপরিরক্ষিতঃ ।
মনঃশিলায়াস্তিলকো গণ্ডপার্শ্বে নিবেশিতঃ ।। ৫.৬৫.২২ ।।।।
65.23
ত্বয়া প্রনষ্টে তিলকে তং কিল স্মর্তুমর্হসি ।
এষ নির্যাতিতঃ শ্রীমান্ ময়া তে বারিসম্ভবঃ ।। ৫.৬৫.২৩ ।।।।
65.24
এতং দৃষ্ট্বা প্রমোদিষ্যে ব্যসনে ত্বামিবানঘ ।
জীবিতং ধারয়িষ্যামি মাসং দশরথাত্মজ ।ঊর্ধ্বং মাসান্ন জীবয়ং রক্ষসাং বশমাগতা ।। ৫.৬৫.২৪ ।।।।
65.25
ইতি মামব্রবীত্সীতা কৃশাঙ্গী ধর্মচারিণী ।
রাবণান্তঃপুরে রুদ্ধা মৃগীবোত্ফুল্ললোচনা ।। ৫.৬৫.২৫ ।।।।
65.26
এতদেব ময়া ঽ ঽখ্যাতং সর্বং রাঘব যদ্যথা ।
সর্বথা সাগরজলে সন্তারঃ প্রবিধীয়তাম্ ।। ৫.৬৫.২৬ ।।।।
65.27
তৌ জাতাশ্বাসৌ রাজপুত্রৌ বিদিত্বা তচ্চাভিজ্ঞানং রাঘবায় প্রদায় ।
দেব্যা চাখ্যাতং সর্বমেবানুপূর্ব্যাদ্বাচা সম্পূর্ণং বায়ুপুত্রঃ শশংস ।। ৫.৬৫.২৭ ।।