Utshovসর্গ 64
64.1
সুগ্রীবেণৈবমুক্তস্তু হৃষ্টো দধিমুখঃ কপিঃ ।
রাঘবং লক্ষ্মণং চৈব সুগ্রীবং চাভ্যবাদয়ৎ ।। ৫.৬৪.১ ।।।।
64.2
স প্রণম্য চ সুগ্রীবং রাঘবৌ চ মহাবলৌ ।
বানরৈঃ সহিতৈঃ শূরৈর্দিবমেবোত্পপাত হ ।। ৫.৬৪.২ ।।।।
64.3
স যথৈবাগতঃ পূর্বং তথৈব ত্বরিতং গতঃ ।
নিপত্য গগনাদ্ভূমৌ তদ্বনং প্রবিবেশ হ ।। ৫.৬৪.৩ ।।।।
64.4
স প্রবিষ্টো মধুবনং দদর্শ হরিয়ূথপান্ ।
বিমদানুত্থিতান্ সর্বান্ মেহমানান্ মধূদকম্ ।। ৫.৬৪.৪ ।।।।
64.5
স তানুপাগমদ্বীরো বদ্ধ্বা করপুটাঞ্জলিম্ ।
উবাচ বচনং শ্লক্ষ্ণমিদং হৃষ্টবদঙ্গদম্ ।। ৫.৬৪.৫ ।।।।
64.6
সৌম্য রোষো ন কর্তব্যো যদেভিরভিবারিতঃ ।
অজ্ঞানাদ্রক্ষিভিঃ ক্রোধাদ্ভবন্তঃ প্রতিষেধিতাঃ ।। ৫.৬৪.৬ ।।।।
64.7
যুবরাজস্ত্বমীশশ্চ বনস্যাস্য মহাবল ।
মৌর্খ্যাৎ পূর্বং কৃতো দোষস্তং ভবান্ ক্ষন্তুমর্হতি ।। ৫.৬৪.৭ ।।।।
64.8
আখ্যাতং হি ময়া গত্বা পিতৃব্যস্য তবানঘ ।
ইহোপয়াতং সর্বেষামেতেষাং বনচারিণাম্ ।। ৫.৬৪.৮ ।।।।
64.9
স ত্বদাগমনং শ্রুত্বা সহৈভির্হরিয়ূথপৈঃ ।
প্রহৃষ্টো ন তু রুষ্টো ঽসৌ বনং শ্রুত্বা প্রধর্ষিতম্ ।। ৫.৬৪.৯ ।।।।
64.10
প্রহৃষ্টো মাং পিতৃব্যস্তে সুগ্রীবো বানরেশ্বরঃ ।
শীঘ্রং প্রেষয় সর্বাংস্তানিতি হোবাচ পার্থিবঃ ।। ৫.৬৪.১০ ।।।।
64.11
শ্রুত্বা দধিমুখস্যেদং বচনং শ্লক্ষ্ণমঙ্গদঃ ।
অব্রবীত্তান্ হরিশ্রেষ্ঠো বাক্যং বাক্যবিশারদঃ ।। ৫.৬৪.১১ ।।।।
64.12
শঙ্কে শ্রুতো ঽয়ং বৃত্তান্তো রামেণ হরিয়ূথপাঃ ।
তত্ক্ষমং নেহ নঃ স্থাতুং কৃতে কার্যে পরন্তপাঃ ।। ৫.৬৪.১২ ।।।।
64.13
পীত্বা মধু যথাকামং বিশ্রান্তা বনচারিণঃ ।
কিং শেষং গমনং তত্র সুগ্রীবো যত্র মে গুরুঃ ।। ৫.৬৪.১৩ ।।।।
64.14
সর্বে যথা মাং বক্ষ্যন্তি সমেত্য হরিয়ূথপাঃ ।
তথা ঽস্মি কর্তা কর্তব্যে ভবদ্ভিঃ পরবানহম্ ।। ৫.৬৪.১৪ ।।।।
64.15
নাজ্ঞাপয়িতুমীশো ঽহং যুবরাজো ঽস্মি যদ্যপি ।
অয়ুক্তং কৃতকর্মাণো যূয়ং ধর্ষয়িতুং ময়া ।। ৫.৬৪.১৫ ।।।।
64.16
ব্রুবতশ্চাঙ্গদশ্যৈবং শ্রুত্বা বচনমব্যয়ম্ ।
প্রহৃষ্টমনসো বাক্যমিদমূচুর্বনৌকসঃ ।। ৫.৬৪.১৬ ।।।।
64.17
এবং বক্ষ্যতি কো রাজন্ প্রভুঃ সন্ বানরর্ষভ ।
ঐশ্বর্যমদমত্তো হি সর্বো ঽহমিতি মন্যতে ।। ৫.৬৪.১৭ ।।।।
64.18
তব চেদং সুসদৃশং বাক্যং নান্যস্য কস্যচিৎ ।
সন্নতির্হি তবাখ্যাতি ভবিষ্যচ্ছুভয়োগ্যতাম্ ।। ৫.৬৪.১৮ ।।।।
64.19
সর্বে বয়মপি প্রাপ্তাস্তত্র গন্তুং কৃতক্ষণাঃ ।
স যত্র হরিবীরাণাং সুগ্রীবঃ পতিরব্যয়ঃ ।। ৫.৬৪.১৯ ।।।।
64.20
ত্বয়া হ্যনুক্তৈর্হরিভির্নৈব শক্যং পদাত্পদম্ ।
ক্বচিদ্গন্তুং হরিশ্রেষ্ঠ ব্রূমঃ সত্যমিদং তু তে ।। ৫.৬৪.২০ ।।।।
64.21
এবং তু বদতাং তেষামঙ্গদঃ প্রত্যভাষত ।
বাঢং গচ্ছাম ইত্যুক্ত্বা খমুত্পেতুর্মহাবলাঃ ।। ৫.৬৪.২১ ।।।।
64.22
উত্পতন্তমনূত্পেতুঃ সর্বে তে হরিয়ূথপাঃ ।
কৃত্বা ঽ ঽকাশং নিরাকাশং যন্ত্রোত্ক্ষিপ্তা ইবাচলাঃ ।। ৫.৬৪.২২ ।।।।
64.23
তে ঽম্বরং সহসোত্পত্য বেগবন্তঃ প্লবঙ্গমাঃ ।
বিনদন্তো মহানাদং ঘনা বাতেরিতা যথা ।। ৫.৬৪.২৩ ।।।।
64.24
অঙ্গদে সমনুপ্রাপ্তে সুগ্রীবো বানরাধিপঃ ।
উবাচ শোকোপহতং রামং কমললোচনম্ ।। ৫.৬৪.২৪ ।।।।
64.25
সমাশ্বসিহি ভদ্র তে দৃষ্টা দেবী ন সংশয়ঃ ।
নাগন্তুমিহ শক্যং তৈরতীতে সময়ে হি নঃ ।। ৫.৬৪.২৫ ।।।।
64.26
ন মত্সকাশমাগচ্ছেৎ কৃত্যে হি বিনিপাতিতে ।
যুবরাজো মহাবাহুঃ প্লবতাং প্রবরো ঽঙ্গদঃ ।। ৫.৬৪.২৬ ।।।।
64.27
যদ্যপ্যকৃতকৃত্যানামীদৃশঃ স্যাদুপক্রমঃ ।
ভবেৎ স দীনবদনো ভ্রান্তবিপ্লুতমানসঃ ।। ৫.৬৪.২৭ ।।।।
64.28
পিতৃপৈতামহং চৈতৎ পূর্বকৈরভিরক্ষিতম্ ।
ন মে মধুবনং হন্যাদহৃষ্টঃ প্লবগেশ্বরঃ ।। ৫.৬৪.২৮ ।।।।
64.29
কৌসল্যা সুপ্রজা রাম সমাশ্বসিহি সুব্রত ।
দৃষ্টা দেবী ন সন্দেহো ন চান্যেন হনূমতা ।। ৫.৬৪.২৯ ।।।।
64.30
ন হ্যন্যঃ কর্মণো হেতুঃ সাধনে ঽস্য হনূমতঃ ।
হনূমতি হি সিদ্ধিশ্চ মতিশ্চ মতিসত্তম ।ব্যবসায়শ্চ বীর্যং চ সূর্য তেজ ইব ধ্রুবম্ ।। ৫.৬৪.৩০ ।।।।
64.31
জাম্ববান্ যত্র নেতা স্যাদঙ্গদশ্চ বলেশ্বরঃ ।
হনুমাংশ্চাপ্যধিষ্ঠাতা ন তস্য গতিরন্যথা ।। ৫.৬৪.৩১ ।।।।
64.32
মা ভূশ্চিন্তাসমায়ুক্তঃ সম্প্রত্যমিতবিক্রম ।
। ৫.৬৪.৩২ ।।।।
64.33
ততঃ কিলকিলাশব্দং শুশ্রাবাসন্নমম্বরে ।
হনুমত্কর্মদৃপ্তানাং নর্দতাং কাননৌকসাম্ ।কিষ্কিন্ধামুপয়াতানাং সিদ্ধিং কথয়তামিব ।। ৫.৬৪.৩৩ ।।।।
64.34
ততঃ শ্রুত্বা নিনাদং তং কপীনাং কপিসত্তমঃ ।
আয়তাঞ্চিতলাঙ্গূলঃ সো ঽভবদ্ধৃষ্টমানসঃ ।। ৫.৬৪.৩৪ ।।।।
64.35
আজগ্মুস্তে ঽপি হরয়ো রামদর্শনকাংক্ষিণঃ ।
অঙ্গদং পুরতঃ কৃত্বা হনূমন্তং চ বানরম্ ।। ৫.৬৪.৩৫ ।।।।
64.36
তে ঽঙ্গদপ্রমুখা বীরাঃ প্রহৃষ্টাশ্চ মুদা ঽন্বিতাঃ ।
নিপেতুর্হরিরাজস্য সমীপে রাঘবস্য চ ।। ৫.৬৪.৩৬ ।।।।
64.37
হনুমাংশ্চ মহাবাহুঃ প্রণম্য শিরসা ততঃ ।
নিয়তামক্ষতাং দেবীং রাঘবায় ন্যবেদয়ৎ ।। ৫.৬৪.৩৭ ।।।।
64.38
নিশ্চিতার্থস্ততস্তস্মিন্ সুগ্রীবঃ পবনাত্মজে ।
লক্ষ্মণঃ প্রীতিমান্ প্রীতং বহুমানাদবৈক্ষত ।। ৫.৬৪.৩৮ ।।।।
64.39
প্রীত্যা চ রমমাণো ঽথ রাঘবঃ পরবীরহা ।
বহুমানেন মহতা হনুমন্তমবৈক্ষত ।। ৫.৬৪.৩৯ ।।