Utshovসর্গ 63
63.1
ততো মূর্ধ্না নিপতিতং বানরং বানরর্ষভঃ ।
দৃষ্ট্বৈবোদ্বিগ্নহৃদয়ো বাক্যমেতদুবাচ হ ।। ৫.৬৩.১ ।।।।
63.2
উত্তিষ্ঠোত্তিষ্ঠ কস্মাৎ ত্বং পাদয়োঃ পতিতো মম ।
অভয়ং তে ভবেদ্বীর সর্বমেবাভিধীয়তাম্ ।। ৫.৬৩.২ ।।।।
63.3
স তু বিশ্বাসিতস্তেন সুগ্রীবেণ মহাত্মনা ।
উত্থায় সুমহাপ্রাজ্ঞো বাক্যং দধিমুখো ঽব্রবীৎ ।। ৫.৬৩.৩ ।।।।
63.4
নৈবর্ক্ষরজসা রাজন্ন ত্বয়া নাপি বালিনা ।
বনং নিসৃষ্টপূর্বং হি ভক্ষিতং তচ্চ বানরৈঃ ।। ৫.৬৩.৪ ।।।।
63.5
এভিঃ প্রধর্ষিতাশ্চৈব বানরা বনরক্ষিভিঃ ।
মধূন্যচিন্তয়িত্বেমান্ ভক্ষয়ন্তি পিবন্তি চ ।। ৫.৬৩.৫ ।।।।
63.6
শিষ্টমত্রাপবিধ্যন্তি ভক্ষয়ন্তি তথা ঽপরে ।
নিবার্যমাণাস্তে সর্বে ভ্রূবৌ বৈ দর্শয়ন্তি হি ।। ৫.৬৩.৬ ।।।।
63.7
ইমে হি সংরব্ধতরাস্তথা তৈঃ সংপ্রধর্ষিতাঃ ।
বারয়ন্তো বনাতস্মাৎ ক্রুদ্বৈর্বানরপুঙ্গবৈঃ ।। ৫.৬৩.৭ ।।।।
63.8
ততস্তৈর্বহুভির্বীরৈর্বানরৈর্বানরর্ষভঃ ।
সংরক্তনয়নৈঃ ক্রোধাদ্ধরয়ঃ প্রবিচালিতাঃ ।। ৫.৬৩.৮ ।।।।
63.9
পাণিভির্নিহতাঃ কেচিৎ কেচিজ্জানুভিরাহতাঃ ।
প্রকৃষ্টাশ্চ যথাকামং দেবমার্গং চ দর্শিতাঃ ।। ৫.৬৩.৯ ।।।।
63.10
এবমেতে হতাঃ শূরাস্ত্বয়ি তিষ্ঠতি ভর্তরি ।
কৃত্স্নং মধুবনং চৈব প্রকামং তৈঃ প্রভক্ষ্যতে ।। ৫.৬৩.১০ ।।।।
63.11
এবং বিজ্ঞাপ্যমানং তং সুগ্রীবং বানরর্ষভম্ ।
অপৃচ্ছত্তং মহাপ্রাজ্ঞো লক্ষ্মণঃ পরবীরহা ।। ৫.৬৩.১১ ।।।।
63.12
কিময়ং বানরো রাজন্ বনপঃ প্রত্যুপস্থিতঃ ।
কং চার্থমভিনির্দিশ্য দুঃখিতো বাক্যমব্রবীৎ ।। ৫.৬৩.১২ ।।।।
63.13
এবমুক্তস্তু সুগ্রীবো লক্ষ্মণেন মহাত্মনা ।
লক্ষ্মণং প্রত্যুবাচেদং বাক্যং বাক্যবিশারদঃ ।। ৫.৬৩.১৩ ।।।।
63.14
আর্য লক্ষ্মণ সংপ্রাহ বীরো দধিমুখঃ কপিঃ ।
অঙ্গদপ্রমুখৈর্বীরৈর্ভক্ষিতং মধু বানরৈঃ ।। ৫.৬৩.১৪ ।।।।
63.15
বিচিত্য দক্ষিণামাশামাগতৈর্হরিপুঙ্গবৈঃ ।
। ৫.৬৩.১৫ ।।।।
63.16
নৈষামকৃতকৃত্যানামীদৃশঃ স্যাদুপক্রমঃ ।
আগতৈশ্চ প্রমথিতং যথা মধুবনং হি তৈঃ ।। ৫.৬৩.১৬ ।।।।
63.17
ধর্ষিতং চ বনং কৃত্স্নমুপয়ুক্তং চ বানরৈঃ ।
। ৫.৬৩.১৭ ।।।।
63.18
বনং যদাভিপন্নাস্তে সাধিতং কর্ম বানরৈঃ ।
দৃষ্টা দেবী ন সন্দেহো ন চান্যেন হনূমতা ।ন হ্যন্যঃ সাধনে হেতুঃ কর্মণো ঽস্য হনূমতঃ ।। ৫.৬৩.১৮ ।।।।
63.19
কার্যসিদ্ধির্মতিশ্চৈব তস্মিন্ বানরপুঙ্গবে ।
ব্যবসায়শ্চ বীর্যং চ শ্রুতং চাপি প্রতিষ্ঠিতম্ ।। ৫.৬৩.১৯ ।।।।
63.20
জাম্ববান্ যত্র নেতা স্যাদঙ্গদশ্চ মহাবলঃ ।
হনূমাংশ্চাপ্যধিষ্ঠাতা ন তস্য গতিরন্যথা ।। ৫.৬৩.২০ ।।।।
63.21
অঙ্গদপ্রমুখৈর্বীরৈর্হতং মধুবনং কিল ।
বারয়ন্তশ্চ সহিতাস্তথা জানুভিরাহতাঃ ।। ৫.৬৩.২১ ।।।।
63.22
এতদর্থময়ং প্রাপ্তো বক্তুং মধুরবাগিহ ।
নাম্না দধিমুখো নাম হরিঃ প্রখ্যাতবিক্রমঃ ।। ৫.৬৩.২২ ।।।।
63.23
দৃষ্টা সীতা মহাবাহো সৌমিত্রে পশ্য তত্ত্বতঃ ।
অভিগম্য তথাসব- ?পিবন্তি মধু বানরাঃ ।। ৫.৬৩.২৩ ।।।।
63.24
ন চাপ্যদৃষ্ট্বা বৈদেহীং বিশ্রুতাঃ পুরুষর্ষভ ।
বনং দত্তবরং দিব্যং ধর্ষয়েয়ুর্বনৌকসঃ ।। ৫.৬৩.২৪ ।।।।
63.25
ততঃ প্রহৃষ্টো ধর্মাত্মা লক্ষ্মণঃ সহরাঘবঃ ।
শ্রুত্বা কর্ণসুখাং বাণীং সুগ্রীববদনাচ্চ্যুতাম্ ।প্রাহৃষ্যত ভৃশং রামো লক্ষ্মণশ্চ মহাবলঃ ।। ৫.৬৩.২৫ ।।।।
63.26
শ্রুত্বা দধিমুখস্যেদং সুগ্রীবস্তু প্রহৃষ্য চ ।
বনপালং পুনর্বাক্যং সুগ্রীবঃ প্রত্যভাষত ।। ৫.৬৩.২৬ ।।।।
63.27
প্রীতো ঽস্মি সো ঽহং যুদ্ভুক্তং বনং তৈঃ কৃতকর্মভিঃ ।
মর্ষিতং মর্ষণীয়ং চ চেষ্টিতং কৃতকর্মণাম্ ।। ৫.৬৩.২৭ ।।।।
63.28
ইচ্ছামি শীঘ্রং হনুমত্প্রধানান্ শাখামৃগাংস্তান্ মগৃহরাজদর্পান্ ।
দ্রষ্টুং কৃতার্থান্ সহ রাঘবাভ্যাং শ্রোতুং চ সীতাধিগমে প্রয়ত্নম্ ।। ৫.৬৩.২৮ ।।।।
63.29
প্রীতিস্পীতাক্ষৌ সম্প্রহৃষ্টৌ কুমারৌ দৃষ্ট্বা সিদ্ধার্থৌ বানরাণাং চ রাজা ।
অঙ্গৈঃ সংহৃষ্টৈঃ কর্মসিদ্ধিং বিদিত্বা বাহ্বোরাসন্নাং সো ঽতিমাত্রং ননন্দ ।। ৫.৬৩.২৯ ।।