Utshovসর্গ 54
54.1
বীক্ষমাণস্ততো লঙ্কাং কপিঃ কৃতমনোরথঃ ।
বর্ধমানসমুত্সাহঃ কার্যশেষমচিন্তয়ৎ ।। 5.54.1 ।।।।
54.2
কিং নু খল্ববশিষ্টং মে কর্তব্যমিহ সাম্প্রতম্ ।
যদেষাং রক্ষসাং ভূয়ঃ সন্তাপজননং ভবেৎ ।। 5.54.2 ।।।।
54.3
বনং তাবৎ প্রমথিতং প্রকৃষ্টা রাক্ষসা হতাঃ ।
বলৈকদেশঃ ক্ষপিতঃ শেষং দুর্গবিনাশনম্ ।। 5.54.3 ।।।।
54.4
দুর্গে বিনাশিতে কর্ম ভবেৎ সুখপরিশ্রমম্ ।
অল্পয়ত্নেন কার্যে ঽস্মিন্ মম স্যাৎ সফলঃ শ্রমঃ ।। 5.54.4 ।।।।
54.5
যো হ্যয়ং মম লাংগূলে দীপ্যতে হব্যবাহনঃ ।
অস্য সন্তর্পণং ন্যায্যং কর্তুমেভির্গৃহোত্তমৈঃ ।। 5.54.5 ।।।।
54.6
ততঃ প্রদীপ্তলাঙ্গূলঃ সবিদ্যুদিব তোয়দঃ ।
ভবনাগ্রেষু লঙ্কায়া বিচচার মহাকপিঃ ।। 5.54.6 ।।।।
54.7
গৃহাদ্ গৃহং রাক্ষসানামুদ্যানানি চ বানরঃ ।
বীক্ষমাণো হ্যসন্ত্রস্তঃ প্রাসাদাংশ্চ চচার সঃ ।। 5.54.7 ।।।।
54.8
অবপ্লুত্য মহাবেগঃ প্রহস্তস্য নিবেশনম্ ।
অগ্নিং তত্র স নিক্ষিপ্য শ্বসনেন সমো বলী ।। 5.54.8 ।।।।
54.9
ততো ঽন্যৎ পুপ্লুবে বেশ্ম মহাপার্শ্বস্য বীর্যবান্ ।
মুমোচ হনুমানগ্নিং কালানলশিখোপমম্ ।। 5.54.9 ।।।।
54.10
বজ্রদংষ্ট্রস্য চ তথা পুপ্লুবে স মহাকপিঃ ।
শুকস্য চ মহাতেজাঃ সারণস্য চ ধীমতঃ ।তথা চেন্দ্রজিতো বেশ্ম দদাহ হরিয়ূথপঃ ।। 5.54.10 ।।।।
54.11
জম্বুমালেঃ সুমালেশ্চ দদাহ ভবনং ততঃ ।
। 5.54.11
54.12
।
।্য চ মহাতেজাঃ সারণস্য চ ধীমতঃ ।রশ্মিমকেতোশ্চ ভবনং সূর্যশত্রোস্তথৈব চ ।হ্রস্বকর্ণস্য দংষ্ট্রস্য রোমশস্য চ রক্ষসঃ ।। 5.54.12 ।।।।
54.13
যুদ্ধোন্মত্তস্য মত্তস্য ধ্বজগ্রীবস্য রক্ষসঃ ।
বিদ্যুজ্জিহ্বস্য ঘোরস্য তথা হস্তিমুখস্য চ ।। 5.54.13 ।।।।
54.14
করালস্য পিশাচস্য শোণিতাক্ষস্য চৈব হি ।
কুম্ভকর্ণস্য ভবনং মকরাক্ষস্য চৈব হি ।। 5.54.14 ।।।।
54.15
যজ্ঞশত্রোশ্চ ভবনং ব্রহ্মশত্রোস্তথৈব চ ।
নরান্তকস্য কুম্ভস্য নিকুম্ভস্য দুরাত্মনঃ ।। 5.54.15 ।।।।
54.16
বর্জয়িত্বা মহাতেজা বিভীষণগৃহং প্রতি ।
ক্রমমাণঃ ক্রমেণৈব দদাহ হরিপুঙ্গবঃ ।। 5.54.16 ।।।।
54.17
তেষু তেষু মহার্হেষু ভবনেষু মহায়শাঃ ।
গৃহেষ্বৃদ্ধিমতামৃদ্ধিং দদাহ স মহাকপিঃ ।। 5.54.17 ।।।।
54.18
সর্বেষাং সমতিক্রম্য রাক্ষসেন্দ্রস্য বীর্যবান্ ।
আসসাদাথ লক্ষ্মীবান্ রাবণস্য নিবেশনম্ ।। 5.54.18 ।।।।
54.19
ততস্তস্মিন্ গৃহে মুখ্যে নানারত্নবিভূষিতে ।
মেরুমন্দরসঙ্কাশে সর্বমঙ্গলশোভিতে ।। 5.54.19 ।।।।
54.20
প্রদীপ্তমগ্নিমুত্সৃজ্য লাঙ্গূলাগ্রে প্রতিষ্ঠিতম্ ।
ননাদ হনুমান্ বীরো যুগান্তজলদো যথা ।। 5.54.20 ।।।।
54.21
শ্বসনেন চ সংয়োগাদতিবেগো মহাবলঃ ।
কালাগ্নিরিব জজ্বাল প্রাবর্ধত হুতাশনঃ ।। 5.54.21 ।।।।
54.22
প্রদীপ্তমগ্নিং পবনস্তেষু বেশ্মস্বচারয়ৎ ।
অভূচ্ছ্বসনসংয়োগাদতিবেগো হুতাশনঃ ।। 5.54.22 ।।।।
54.23
তানি কাঞ্চনজালানি মুক্তামণিময়ানি চ ।
ভবনান্যবশীর্যন্ত রত্নবন্তি মহান্তি চ ।। 5.54.23 ।।।।
54.24
তানি ভগ্নবিমানানি নিপেতুর্বসুধাতলে ।
ভবনানীব সিদ্ধানামম্বরাৎ পুণ্যসংক্ষয়ে ।। 5.54.24 ।।।।
54.25
সংজজ্ঞে তুমুলঃ শব্দো রাক্ষসানাং প্রধাবতাম্ ।
স্বগৃহস্য পরিত্রাণে ভগ্নোত্সাহগতশ্রিয়াম্ ।নূনমেষো ঽগ্নিরায়াতঃ কপিরূপেণ হা ইতি ।। 5.54.25 ।।।।
54.26
ক্রন্দন্ত্যঃ সহসা পেতুঃ স্তনন্দয়ধরাঃ স্ত্রিয়ঃ ।
কাশ্চিদগ্নিপরীতেভ্যো হর্ম্যেভ্যো মুক্তমূর্ধজাঃ ।। 5.54.26 ।।।।
54.27
পতন্ত্যো রেজিরে ঽভ্রেভ্যঃ সৌদামিন্য ইবাম্বরাৎ ।
। 5.54.27 ।।।।
54.28
বজ্রবিদ্রুমবৈদূর্যমুকারজতসংহিতান্ ।
বিচিত্রান্ ভবনান্ ধাতূন্ স্যান্দমানান্ দদর্শ সঃ ।। 5.54.28 ।।।।
54.29
নাগ্নিস্তৃপ্যতি কাষ্ঠানাং তৃণানাং হরিয়ূথপঃ ।
নাগ্নের্নাপি বিশস্তানাং রাক্ষসানাং বসুন্ধরা ।। 5.54.29 ।।।।
54.30
ক্বচিৎ কিংশুকসঙ্কাশাঃ ক্বচিচ্ছাল্মলিসন্নিভাঃ ।
ক্বচিৎ কুঙ্কুমসঙ্কাশাঃ শিখা বহ্নেশ্চকাশিরে ।। 5.54.30 ।।।।
54.31
হনূমতা বেগবতা বানরেণ মহাত্মনা ।
লঙ্কাপুরং প্রদগ্ধং তদ্রুদ্রেণ ত্রিপুরং যথা ।। 5.54.31 ।।।।
54.32
ততস্তু লঙ্কাপুরপর্বতাগ্রে সমুত্থিতো ভীমপরাক্রমো ঽগ্নিঃ ।
প্রমার্য চূডাবলয়ং প্রদীপ্তো হনূমতা বেগবতা বিসৃষ্টঃ ।। 5.54.32 ।।।।
54.33
যুগান্তকালানলতুল্যবেগঃ সমারুতো ঽগ্নির্ববৃধে দিবিস্পৃক্ ।
বিধূমরশ্মির্ভবনেষু সক্তো রক্ষশ্শরীরাজ্য সমর্পিতার্চিঃ ।। 5.54.33 ।।।।
54.34
আদিত্যকোটীসদৃশঃ সুতেজা লঙ্কাং সমাপ্তাং পরিবার্য তিষ্ঠন্ ।
শব্দৈরনেকৈরশনিপ্ররূঢৈর্ভিন্দন্নিবাণ্ডং প্রবভৌ মহাগ্নিঃ ।। 5.54.34 ।।।।
54.35
তত্রাম্বরাদগ্নিরতিপ্রবৃদ্ধো রূক্ষপ্রভঃ কিংশুকপুষ্পচূডঃ ।
নির্বাণধূমাকুলরাজয়শ্চ নীলোত্পলাভাঃ প্রচকাশিরে ঽভ্রাঃ ।। 5.54.35 ।।।।
54.36
বজ্রী মহেন্দ্রস্ত্রিদশেশ্বরো বা সাক্ষাদ্যমো বা বরুণো ঽনিলো বা ।
রুদ্রো ঽগ্নিরর্কো ধনদশ্চ সোমো ন বানরো ঽয়ং স্বয়মেব কালঃ ।। 5.54.36 ।।।।
54.37
কিং ব্রহ্মণঃ সর্বপিতামহস্য সর্বস্য ধাতুশ্চতুরাননস্য ।
ইহাগতোবাগ্রূপধারীরক্ষোপসংহারকরঃ প্রকোপঃ ।। 5.54.37
54.38
।
কিং বৈষ্ণবং বা কপিরূপমেত্য রক্ষোবিনাশায় পরং সুতেজঃ ।অনন্তমব্যক্তমচিন্ত্যমেকং স্বমায়য়া সাম্প্রতমাগতং বা ।। 5.54.38 ।।।।
54.39
ইত্যেবমূচুর্বহবো বিশিষ্টা রক্ষোগণাস্তত্র সমেত্য সর্বে ।
সপ্রাণিসঙ্ঘাং সগৃহাং সবৃক্ষাং দগ্ধাং পুরীং তাং সহসা সমীক্ষ্য ।। 5.54.39 ।।।।
54.40
ততস্তু লঙ্কা সহসা প্রদগ্ধা সরাক্ষসা সাশ্বরথা সনাগা ।
সপক্ষিসঙ্ঘা সমৃগা সবৃক্ষা রুরোদ দীনা তুমুলং সশব্দম্ ।। 5.54.40 ।।।।
54.41
হা তাত হা পুত্রক কান্ত মিত্র হা জীবিতং ভোগয়ুতং সুপুণ্যম্ ।
রক্ষোভিরেবং বহুধা ব্রুবদ্ভিঃ শব্দঃ কৃতো ঘোরতরঃ সুভীমঃ ।। 5.54.41 ।।।।
54.42
হুতাশনজ্বালসমাবৃতা সা হতপ্রবীরা পরিবৃত্তয়োধা ।
হনূমতঃ ক্রোধবলাভিভূতা বভূব শাপোপহতেব লঙ্কা ।। 5.54.42 ।।।।
54.43
স সম্ভ্রমত্রস্তবিষণ্ণরাক্ষসাং সমুজ্জ্বলজ্জ্বালহুতাশনাঙ্কিতাম্ ।
দদর্শ লঙ্কাং হনুমান্ মহামনাঃ স্বয়ম্ভুকোপোপহতামিবাবনিম্ ।। 5.54.43 ।।।।
54.44
ভঙ্ক্ত্বা বনং পাদপরত্নসঙ্কুলং হত্বা তু রক্ষাংসি মহান্তি সংয়ুগে ।
দগ্ধ্বা পুরীং তাং গৃহরত্নমালিনীং তস্থৌ হনূমান্ পবনাত্মজঃ কপিঃ ।। 5.54.44 ।।।।
54.45
ত্রিকূটশৃঙ্গাগ্রতলে বিচিত্রে প্রতিষ্ঠিতো বানররাজসিংহঃ ।
প্রদীপ্তলাঙ্গূলকৃতার্চিমালী ব্যরাজতাদিত্য ইবাংশুমালী ।। 5.54.45 ।।।।
54.46
স রাক্ষসাংস্তান্ সুবহূংশ্চ হত্বা বনং চ ভঙ্ক্ত্বা বহুপাদপং তৎ ।
বিসৃজ্য রক্ষোভবনেষু চাগ্নিং জগাম রামং মনসা মহাত্মা ।। 5.54.46 ।।।।
54.47
ততস্তু তং বানরবীরমুখ্যং মহাবলং মারুততুল্যবেগম্ ।
মহামতিং বায়ুসুতং বরিষ্ঠং প্রতুষ্টুবুর্দেবগণাশ্চ সর্বে ।। 5.54.47 ।।।।
54.48
ভঙ্ক্ত্বা বনং মহাতেজা হত্বা রক্ষাংসি সংয়ুগে ।
দগ্ধ্বা লঙ্কাপুরীং রম্যাং ররাজ স মহাকপিঃ ।। 5.54.48 ।।।।
54.49
তত্র দেবাঃ সগন্ধর্বাঃ সিদ্ধাশ্চ পরমর্ষয়ঃ ।
দৃষ্ট্বা প্রদগ্ধাং তাং বিস্ময়ং পরমং গতাঃ ।। 5.54.49 ।।।।
54.50
তং দৃষ্ট্বা বানরশ্রেষ্ঠং হনুমন্তং মহাকপিম্ ।
কালাগ্নিরিতি সঞ্চিন্ত্য সর্বভূতানি তত্রসুঃ ।। 5.54.50 ।।।।
54.51
দেবাশ্চ সর্বে মুনিপুঙ্গবাশ্চ গন্ধর্ববিদ্যাধরনাগয়ক্ষাঃ ।
ভূতানি সর্বাণি মহান্তি তত্র জগ্মুঃ পরাং প্রীতিমতুল্যরূপাম্ ।। 5.54.51 ।।