Utshovসর্গ 53
53.1
তস্য তদ্বচনং শ্রুত্বা দশগ্রীবো মহাবলঃ ।
দেশকালহিতং বাক্যং ভ্রাতুরুত্তরমব্রবীৎ ।। 5.53.1।।।।
53.2
সম্যগুক্তং হি ভবতা দূতবধ্যা বিগর্হিতা ।
অবশ্যং তু বধাদন্যঃ ক্রিয়তামস্য নিগ্রহঃ ।। 5.53.2।।।।
53.3
কপীনাং কিল লাঙ্গূলমিষ্টং ভবতি ভূষণম্ ।
তদস্য দীপ্যতাং শীঘ্রং তেন দগ্ধেন গচ্ছতু ।। 5.53.3।।।।
53.4
ততঃ পশ্যন্ত্বিমং দীনমঙ্গবৈরূপ্যকর্শিতম্ ।
সমিত্রজ্ঞাতয়ঃ সর্বে বান্ধবাঃ সসুহৃজ্জনাঃ ।। 5.53.4।।।।
53.5
আজ্ঞাপয়দ্রাক্ষসেন্দ্রঃ পুরং সর্বং সচত্বরম্ ।
লাঙ্গূলেন প্রদীপ্তেন রক্ষোভিঃ পরিণীয়তাম্ ।। 5.53.5।।।।
53.6
বেষ্টয়ন্তি স্ম লাঙ্গূলং জীর্ণৈঃ কার্পাসকৈঃ পটৈঃ ।
। 5.53.6।।।।
53.7
সংবেষ্ট্যমানে লাঙ্গূলে ব্যবর্ধত মহাকপিঃ ।
শুষ্কমিন্ধনমাসাদ্য বনেষ্বিব হুতাশনঃ ।তৈলেন পরিষিচ্যাথ তে ঽগ্নিং তত্রাভ্যপাতয়ন্ ।। 5.53.7।।।।
53.8
লাঙূলেন প্রদীপ্তেন রাক্ষসাংস্তানপাতয়ৎ ।
রোষামর্ষপরীতাত্মা বালসূর্যসমাননঃ ।। 5.53.8।।।।
53.9
লাঙ্গূলং সংপ্রদীপ্তং তু দ্রষ্টুং তস্য হনূমতঃ ।
সহস্ত্রীবালবৃদ্ধাশ্চ জগ্মুঃ প্রীতা নিশাচরাঃ ।। 5.53.9।।।।
53.10
স ভূয়ঃ সঙ্গতৈঃ ক্রূরৈ রাক্ষসৈর্হরিসত্তমঃ ।
নিবদ্ধঃ কৃতবান্ বীরস্তত্কালসদৃশীং মতিম্ ।। 5.53.10।।।।
53.11
কামং খলু ন মে শক্তা নিবদ্ধস্যাপি রাক্ষসাঃ ।
ছিত্ত্বা পাশান্ সমুত্পত্য হন্যামহমিমান্ পুনঃ ।। 5.53.11।।।।
53.12
যদি ভর্তৃহিতার্থায় চরন্তং ভর্তৃশাসনাৎ ।
বধ্নন্ত্যেতে দুরাত্মানো ন তু মে নিষ্কৃতিঃ কৃতা ।। 5.53.12।।।।
53.13
সর্বেষামেব পর্যাপ্তো রাক্ষসানামহং যুধি ।
কিং তু রামস্য প্রীত্যর্থং বিষহিষ্যে ঽহমীদৃশম্ ।। 5.53.13।।।।
53.14
লঙ্কা চারয়িতব্যা বৈ পুনরেব ভবেদিতি ।
রাত্রৌ ন হি সুদৃষ্টা মে দুর্গকর্মবিধানতঃ ।। 5.53.14।।।।
53.15
অবশ্যমেব দ্রষ্টব্যা ময়া লঙ্কা নিশাক্ষয়ে ।
। 5.53.15।।।।
53.16
কামং বদ্ধস্য মে ভূয়ঃ পুচ্ছস্যোদ্দীপনেন চ ।
পীডাং কুর্বন্তু রক্ষাংসি ন মে ঽস্তি মনসঃ শ্রমঃ ।। 5.53.16।।।।
53.17
ততস্তে সংবৃতাকারং সত্ত্ববন্তং মহাকপিম্ ।
পরিগৃহ্য যয়ুর্হৃষ্টা রাক্ষসাঃ কপিকুঞ্জরম্ ।। 5.53.17।।।।
53.18
শঙ্খভেরীনিনাদৈস্তং ঘোয়ষয়ন্তঃ স্বকর্মভিঃ ।
রাক্ষসাঃ ক্রূরকর্মাণশ্চারয়ন্তি স্ম তাং পুরীম্ ।। 5.53.18।।।।
53.19
অন্বীয়মানো রক্ষোভির্যয়ৌ সুখমরিন্দমঃ ।
হনুমাংশ্চারয়ামাস রাক্ষসানাং মহাপুরীম্ ।। 5.53.19।।।।
53.20
অথাপশ্যদ্বিমানানি বিচিত্রাণি মহাকপিঃ ।
সংবৃতান্ ভূমিভাগাংশ্চ সুবিভক্তাংশ্চ চত্বরান্ ।। 5.53.20।।।।
53.21
বীথীশ্চ গৃহসংবাধাঃ কপিঃ শ্রৃঙ্গাটকানি চ ।
তথা রথ্যোপরথ্যাশ্চ তথৈব গৃহকান্তরান্ ।গৃহাংশ্চ মেঘসঙ্কাশান্ দদর্শ পবনাত্মজঃ ।। 5.53.21।।।।
53.22
চত্বরেষু চতুষ্কেষু রাজমার্গে তথৈব চ ।
ঘোষয়ন্তি কপিং সর্বে চারীক ইতি রাক্ষসাঃ ।। 5.53.22।।।।
53.23
স্ত্রীবালবৃদ্ধা নির্জগ্মুস্তত্র তত্র কুতূহলাৎ ।
তং প্রদীপিতলাঙ্গূলং হনুমন্তং দিদৃক্ষবঃ ।। 5.53.23।।।।
53.24
দীপ্যমানে ততস্তস্য লাংগূলাগ্রে হনূমতঃ ।
রাক্ষস্যস্তা বিরূপাক্ষ্যঃ শংসুর্দেব্যাস্তদপ্রিয়ম্ ।। 5.53.24।।।।
53.25
যস্ত্বয়া কৃতসংবাদঃ সীতে তাম্রমুখঃ কপিঃ ।
লাঙ্গূলেন প্রদীপ্তেন স এষ পরিণীয়তে ।। 5.53.25।।।।
53.26
শ্রত্বা তদ্বচনং ক্রূরমাত্মাপহরণোপমম্ ।
বৈদেহী শোকসন্তপ্তা হুতাশনমুপাগমৎ ।। 5.53.26।।।।
53.27
মঙ্গলাভিমুখী তস্য সা তদা ঽ ঽসীন্মহাকপেঃ ।
উপতস্থে বিশালাক্ষী প্রয়তা হব্যবাহনম্ ।। 5.53.27।।।।
53.28
যদ্যস্তি পতিশুশ্রূষা যদ্যস্তি চরিতং তপঃ ।
যদি চাস্ত্যেকপত্নীত্বং শীতো ভব হনূমতঃ ।। 5.53.28।।।।
53.29
যদি কিংচিদনুক্রোশস্তস্য ময্যস্তি ধীমতঃ ।
যদি বা ভাগ্যশেষো মে শীতো ভব হনূমতঃ ।। 5.53.29।।।।
53.30
যদি মাং বৃত্তসম্পন্নাং তত্সমাগমলালসাম্ ।
স বিজানাতি ধর্মাত্মা শীতো ভব হনূমতঃ ।। 5.53.30।।।।
53.31
যদি মাং তারয়েদার্যঃ সুগ্রীবঃ সত্যসঙ্গরঃ ।
অস্মাদ্দুঃখাম্বুসংরোধাচ্ছীতো ভব হনূমতঃ ।। 5.53.31।।।।
53.32
ততস্তীক্ষ্ণার্চিরব্যগ্রঃ প্রদক্ষিণশিখো ঽনলঃ ।
জজ্বাল মৃগশাবাক্ষ্যাঃ শংসন্নিব শিবং কপেঃ ।। 5.53.32।।।।
53.33
হনুমজ্জনকশ্চাপি পুচ্ছানলয়ুতো ঽনিলঃ ।
ববৌ স্বাস্থ্যকরো দেব্যাঃ প্রালেয়ানিলশীতলঃ ।। 5.53.33।।।।
53.34
দহ্যমানে চ লাঙ্গূলে চিন্তয়ামাস বানরঃ ।
। 5.53.34।।।।
53.35
প্রদীপ্তো ঽগ্নিরয়ং কস্মান্ন মাং দহতি সর্বতঃ ।
দৃশ্যতে চ মহাজ্বালঃ করোতি ন চ মে রুজম্ ।শিশিরস্যেব সম্পাতো লাঙ্গূলাগ্রে প্রতিষ্ঠিতঃ ।। 5.53.35।।।।
53.36
অথবা তদিদং ব্যক্তং যদ্ দৃষ্টং প্লবতা ময়া ।
রামপ্রভাবাদাশ্চর্যং পর্বতঃ সরিতাং পতৌ ।। 5.53.36।।।।
53.37
যদি তাবৎ সমুদ্রস্য মৈনাকস্য চ ধীমতঃ ।
রামার্থং সম্ভ্রমস্তাদৃক্ কিমগ্নির্ন করিষ্যতি ।। 5.53.37।।।।
53.38
সীতায়াশ্চানৃশংস্যেন তেজসা রাঘবস্য চ ।
পিতুশ্চ মম সখ্যেন ন মাং দহতি পাবকঃ ।। 5.53.38।।।।
53.39
ভূয়ঃ স চিন্তয়ামাস মুহূর্তং কপিকুঞ্জরঃ ।
। 5.53.39।।।।
53.40
উত্পপাতাথ বেগেন ননাদ চ মহাকপিঃ ।
পুরদ্বারং ততঃ শ্রীমান্ শৈলশৃঙ্গমিবোন্নতম্ ।।।।
53.41
বিভক্তরক্ষস্সম্বাধমাসসাদানিলাত্মজঃ ।
। 5.53.40।।।।
53.42
স ভূত্বা শৈলসঙ্কাশঃ ক্ষণেন পুনরাত্মবান্ ।
হ্রস্বতাং পরমাং প্রাপ্তো বন্ধনান্যবশাতয়ৎ ।। 5.53.41।।।।
53.43
বিমুক্তশ্চাভবচ্ছ্রীমান্ পুনঃ পর্বতসন্নিভঃ ।
বীক্ষমাণশ্চ দদৃশে পরিঘং তোরণাশ্রিতম্ ।। 5.53.42।।।।
53.44
স তং গৃহ্য মহাবাহুঃ কালায়সপরিষ্কৃতম্ ।
রক্ষিণস্তান্ পুনঃ সর্বান্ সূদয়ামাস মারুতিঃ ।। 5.53.43।।।।
53.45
স তান্নিহত্বা রণচণ্ডবিক্রমঃ সমীক্ষমাণঃ পুনরেব লঙ্কাম্ ।
প্রদীপ্তলাঙ্গূলকৃতার্চিমালী প্রকাশতাদিত্য ইবার্চিমালী ।। 5.53.44।।