Utshovসর্গ 51
51.1
তং সমীক্ষ্য মহাসত্ত্বং সত্ত্ববান্ হরিসত্তমঃ ।
বাক্যমর্থবদব্যগ্রস্তমুবাচ দশাননম্ ।। ৫.৫১.১।।।।
51.2
অহং সুগ্রীবসন্দেশাদিহ প্রাপ্তস্তবালয়ম্ ।
রাক্ষসেন্দ্র হরীশস্ত্বাং ভ্রাতা কুশলমব্রবীৎ ।। ৫.৫১.২।।।।
51.3
ভ্রাতুঃ শৃণু সমাদেশং সুগ্রীবস্য মহাত্মনঃ ।
ধর্মার্থোপহিতং বাক্যমিহ চামুত্র চ ক্ষমম্ ।। ৫.৫১.৩।।।।
51.4
রাজা দশরথো নাম রথকুঞ্জরবাজিমান্ ।
পিতেব বন্ধুর্লোকস্য সুরেশ্বরসমদ্যুতিঃ ।। ৫.৫১.৪।।।।
51.5
জ্যেষ্ঠস্তস্য মহাবাহুঃ পুত্রঃ প্রিয়করঃ প্রভুঃ ।
পিতুর্নির্দেশান্নিষ্ক্রান্তঃ প্রবিষ্টো দণ্ডকাবনম্ ।। ৫.৫১.৫।।।।
51.6
লক্ষ্মণেন সহ ভ্রাত্রা সীতয়া চাপি ভার্যয়া ।
রামো নাম মহাতেজা ধর্ম্যং পন্থানমাশ্রিতঃ ।। ৫.৫১.৬।।।।
51.7
তস্য ভার্যা বনে নষ্টা সীতা পতিমনুব্রতা ।
বৈদেহস্য সুতা রাজ্ঞো জনকস্য মহাত্মনঃ ।। ৫.৫১.৭।।।।
51.8
স মার্গমাণস্তাং দেবীং রাজপুত্রঃ সহানুজঃ ।
ঋশ্যমূকমনুপ্রাপ্তঃ সুগ্রীবেণ সমাগতঃ ।। ৫.৫১.৮।।।।
51.9
তস্য তেন প্রতিজ্ঞাতং সীতায়াঃ পরিমার্গণম্ ।
সুগ্রীবস্যাপি রামেণ হরিরাজ্যং নিবেদিতম্ ।। ৫.৫১.৯।।।।
51.10
ততস্তেন মৃধে হত্বা রাজপুত্রেণ বালিনম্ ।
সুগ্রীবঃ স্থাপিতো রাজ্যে হর্যৃক্ষাণাং গণেশ্বরঃ ।। ৫.৫১.১০।।।।
51.11
ত্বয়া বিজ্ঞাতপূর্বশ্চ বালী বানরপুঙ্গবঃ ।
রামেণ নিহতঃ সঙ্খ্যে শরেণৈকেন বানরঃ ।। ৫.৫১.১১।।।।
51.12
স সীতামার্গণে ব্যগ্রঃ সুগ্রীবঃ সত্যসঙ্গরঃ ।
হরীন্ সংপ্রেষয়ামাস দিশঃ সর্বা হরীশ্বরঃ ।। ৫.৫১.১২।।।।
51.13
তাং হরীণাং সহস্রাণি শতানি নিয়ুতানি চ ।
দিক্ষু সর্বাসু মার্গন্তে হ্যধশ্চোপরি চাম্বরে ।। ৫.৫১.১৩।।।।
51.14
বৈনতেয়সমাঃ কেচিৎ কেচিত্তত্রানিলোপমাঃ ।
অসঙ্গগতয়ঃ শীঘ্রা হরিবীরা মহাবলাঃ ।। ৫.৫১.১৪।।।।
51.15
অহং তু হনুমান্নাম মারুতস্যৌরসঃ সুতঃ ।
সীতায়াস্তু কৃতে তূর্ণং শতয়োজনমায়তম্ ।। ৫.৫১.১৫।।।।
51.16
সমুদ্রং লঙ্ঘয়িত্বৈব তাং দিদৃক্ষুরিহাগতঃ ।
ভ্রমতা চ ময়া দৃষ্টা গৃহে তে জনকাত্মজা ।। ৫.৫১.১৬।।।।
51.17
তদ্ভবান্ দৃষ্টধর্মার্থস্তপঃ কৃতপরিগ্রহঃ ।
পরদারান্ মহাপ্রাজ্ঞ নোপরোদ্ধুং ত্বমর্হসি ।। ৫.৫১.১৭।।।।
51.18
ন হি ধর্মবিরুদ্ধেষু বহ্বপায়েষু কর্মসু ।
মূলঘাতিষু সজ্জন্তে বুদ্ধিমন্তো ভবদ্বিধাঃ ।। ৫.৫১.১৮।।।।
51.19
কশ্চ লক্ষ্মণমুক্তানাং রামকোপানুবর্তিনাম্ ।
শরাণামগ্রতঃ স্থাতুং শক্তো দেবাসুরেষ্বপি ।। ৫.৫১.১৯।।।।
51.20
ন চাপি ত্রিষু লোকেষু রাজন্ বিদ্যেত কশ্চন ।
রাঘবস্য ব্যলীকং যঃ কৃত্বা সুখমবাপ্নুয়াৎ ।। ৫.৫১.২০।।।।
51.21
তত্ত্রিকালহিতং বাক্যং ধর্ম্যমর্থানুবন্ধি চ ।
মন্যস্ব নরদেবায় জানকী প্রতিদীয়তাম্ ।। ৫.৫১.২১।।।।
51.22
দৃষ্টা হীয়ং ময়া দেবী লব্ধং যদিহ দুর্লভম্ ।
উত্তরং কর্ম যচ্ছেষং নিমিত্তং তত্র রাঘবঃ ।। ৫.৫১.২২।।।।
51.23
লক্ষিতেয়ং ময়া সীতা তথা শোকপায়ণা ।
গৃহ্য যাং নাভিজানাসি পঞ্চাস্যামিব পন্নগীম্ ।। ৫.৫১.২৩।।।।
51.24
নেয়ং জরয়িতুং শক্যা সাসুরৈরমরৈরপি ।
বিষসংসৃষ্টমত্যর্থং ভুক্তমন্নমিবৌজসা ।। ৫.৫১.২৪।।।।
51.25
তপস্সন্তাপলব্ধস্তে যো ঽয় ধর্মপরিগ্রহঃ ।
ন স নাশয়িতুং ন্যায্যমাত্মপ্রাণপরিগ্রহঃ ।।। ৫.৫১.২৫।।।।
51.26
অবধ্যতাং তপো ঽভির্যাং ভবান্ সমনুপশ্যতি ।
আত্মনঃ সাসুরৈর্দেবৈর্হেতুস্তত্রাপ্যয়ং মহান্ ।। ৫.৫১.২৬।।।।
51.27
সুগ্রীবো ন হি দেবো ঽয়ং নাসুরো ন চ রাক্ষসঃ ।
ন দানবো ন গন্ধর্বো ন যক্ষো ন চ পন্নগঃ ।তস্মাৎ প্রাণপরিত্রাণং কথং রাজন্ করিষ্যসি ।। ৫.৫১.২৭।।।।
51.28
ন তু ধর্মোপসংহারমধর্মফলসংহিতম্ ।
তদেব ফলমন্বেতি ধর্মশ্চাধর্মনাশনঃ ।। ৫.৫১.২৮।।।।
51.29
প্রাপ্তং ধর্মফলং তাবদ্ভবতা নাত্র সংশয়ঃ ।
ফলমস্যাপ্যধর্মস্য ক্ষিপ্রমেব প্রপত্স্যসে ।। ৫.৫১.২৯।।।।
51.30
জনস্থানবধং বুদ্ধ্বা বুদ্ধ্বা বালিবধং তথা ।
রামসুগ্রীবসখ্যং চ বুদ্ধ্যস্ব হিতমাত্মনঃ ।। ৫.৫১.৩০।।।।
51.31
কামং খল্বহমপ্যেকঃ সবাজিরথকুঞ্জরাম্ ।
লঙ্কাং নাশয়িতুং শক্তস্তস্যৈষ তু ন নিশ্চয়ঃ ।। ৫.৫১.৩১।।।।
51.32
রামেণ হি প্রতিজ্ঞাতং হর্যৃক্ষগণসন্নিধৌ ।
উত্সাদনমমিত্রাণাং সীতা যৈস্তু প্রধর্ষিতা ।। ৫.৫১.৩২।।।।
51.33
অপকুর্বন্ হি রামস্য সাক্ষাদপি পুরন্দরঃ ।
ন সুখং প্রাপ্নুয়াদন্যঃ কিং পুনস্ত্বদ্বিধো জনঃ ।। ৫.৫১.৩৩।।।।
51.34
যাং সীতেত্যভিজানাসি যেয়ং তিষ্ঠতি তে বশে ।
কালরাত্রীতি তাং বিদ্ধি সর্বলঙ্কাবিনাশিনীম্ ।। ৫.৫১.৩৪।।।।
51.35
তদলং কালপাশেন সীতাবিগ্রহরূপিণা ।
স্বয়ং স্কন্ধাবসক্তেন ক্ষমমাত্মনি চিন্ত্যতাম্ ।। ৫.৫১.৩৫।।।।
51.36
সীতায়াস্তেজসা দগ্ধাং রামকোপপ্রপীডিতাম্ ।
দহ্যমানামিমাং পশ্য পুরীং সাট্টপ্রতোলিকাম্ ।। ৫.৫১.৩৬।।।।
51.37
স্বানি মিত্রাণি মন্ত্রীশ্চ জ্ঞাতীন্ ভ্রাতঽন্ সুতান্ হিতান্ ।
ভোগান্ দারাংশ্চ লঙ্কাং চ মা বিনাশমুপানয় ।। ৫.৫১.৩৭।।।।
51.38
সত্যং রাক্ষসরাজেন্দ্র শৃণুষ্ব বচনং মম ।
রামদাসস্য দৃতস্য বানরস্য বিশেষতঃ ।। ৫.৫১.৩৮।।।।
51.39
সর্বান্লোকান্ সুসংহৃত্য সভূতান্ সচরাচরান্ ।
পুনরেব তথা স্রষ্টুং শক্তো রামো মহায়শাঃ ।। ৫.৫১.৩৯।।।।
51.40
দেবাসুরনরেন্দ্রেষু যক্ষরক্ষোগণেষু চ ।
বিদ্যাধরেষু সর্বেষু গন্ধর্বেষূরগেষু চ ।। ৫.৫১.৪০।।।।
51.41
সিদ্ধেষু কিন্নরেন্দ্রেষু পতত্ত্রিষু চ সর্বতঃ ।
। ৫.৫১.৪১।।।।
51.42
সর্বভূতেষু সর্বত্র সর্বকালেষু নাস্তি সঃ ।
যো রামং প্রতিয়ুদ্ধ্যেত বিষ্ণুতুল্যপরাক্রমম্ ।। ৫.৫১.৪২।।।।
51.43
সর্বলোকেশ্বরস্যৈবং কৃত্বা বিপ্রিয়মুত্তমম্ ।
রামস্য রাজসিংহস্য দুর্লভং তব জীবিতম্ ।। ৫.৫১.৪৩।।।।
51.44
দেবাশ্চ দৈত্যাশ্চ নিশাচরেন্দ্র গন্ধর্ববিদ্যাধরনাগয়ক্ষাঃ ।
রামস্য লোকত্রয়নায়কস্য স্থাতুং ন শক্তাঃ সমরেষু সর্বে ।। ৫.৫১.৪৪।।।।
51.45
ব্রহ্মা স্বয়ম্ভূশ্চতুরাননো বা রুদ্রস্ত্রিনেত্রস্ত্রিপুরান্তকো বা ।
ইন্দ্রো মহেন্দ্রঃ সুরনায়কো বা ত্রাতুং ন শক্তা যুধি রামবধ্যম্ ।। ৫.৫১.৪৫।।।।
51.46
স সৌষ্ঠবোপেতমদীনবাদিনঃ কপের্নিশম্যাপ্রতিমো ঽপ্রিয়ং বচঃ ।
দশাননঃ কোপবিবৃত্তলোচনঃ সমাদিশৎ তস্য বধং মহাকপেঃ ।। ৫.৫১.৪৬।।