সর্গ 50

50.1

তমুদ্বীক্ষ্য মহাবাহুঃ পিঙ্গাক্ষং পুরতঃ স্থিতম্ ।
কোপেন মহতা ঽ ঽবিষ্টো রাবণো লোকরাবণঃ ।। ৫.৫০.১।।।।

শঙ্কাহতাত্মা দধ্যৌ স কপান্দ্রং তেজসাবৃতম্ ।
কিমেষ ভগবান্নন্দী ভবেৎ সাক্ষাদিহাগতঃ ।। ৫.৫০.২।।।।

যেন শপ্তো ঽস্মি কৈলাসে ময়া সঞ্চালিতে পুরা ।
সো ঽয়ং বানরমূর্তিঃ স্যাৎ কিংস্বিদ্বাণোপি বা ঽসুরঃ ।। ৫.৫০.৩।।।।

স রাজা রোষতাম্রাক্ষঃ প্রহস্তং মন্ত্রিসত্তমম্ ।
কালয়ুক্তমুবাজেদং বচো বিপুলমর্থবৎ ।। ৫.৫০.৪।।।।

দুরাত্মা পৃচ্ছ্যতামেষ কুতঃ কিং বা ঽস্য কারণম্ ।
বনভঙ্গে চ কো ঽস্যার্থো রাক্ষসীনাং চ তর্জনে ।। ৫.৫০.৫।।।।

মত্পুরীমপ্রধৃষ্যাং বা ঽ ঽগমনে কিং প্রয়োজনম্ ।
আয়োধনে বা কিং কার্যং ত্বয়া কপে ।। ৫.৫০.৬।।।।

রাবণস্য বচঃ শ্রুত্বা প্রহস্তো বাক্যমব্রবীৎ ।
সমাশ্বসিহি ভদ্রং তে ন ভীঃ কার্যা ত্বয়া কপে ।। ৫.৫০.৭।।।।

যদি তাবত্ত্বমিন্দ্রেণ প্রেষিতো রাবণালয়ম্ ।
তত্ত্বমাখ্যাহি মা ভূত্তে ভয়ং বানর মোক্ষ্যসে ।। ৫.৫০.৮।।।।

যদি বৈশ্রবণস্য ত্বং যমস্য বরুণস্য চ ।
চাররূপমিদং কৃত্বা প্রবিষ্টো নঃ পুরীমিমাম্ ।বিষ্ণুনা প্রেষিতো বাপি দূতো বিজয়কাঙ্ক্ষিণা ।। ৫.৫০.৯।।।।

ন হি তে বানরং তেজো রূপমাত্রং তু বানরম্ ।
। ৫.৫০.১০।।।।

তত্ত্বতঃ কথয়স্বাদ্য ততো বানর মোক্ষ্যসে ।
অনৃতং বদতশ্চাপি দুর্লভং তব জীবিতম্ ।অথবা যন্নিমিত্তং তে প্রবেশো রাবণালয়ে ।। ৫.৫০.১১।।।।

এবমুক্তো হরিশ্রেষ্ঠস্তদা রক্ষোগণেশ্বরম্ ।
। ৫.৫০.১২।।।।

অব্রবীন্নাস্মি শক্রস্য যমস্য বরুণস্য বা ।
ধনদেন ন মে সখ্যং বিষ্ণুনা নাস্মি চোদিতঃ ।। ৫.৫০.১৩।।।।

জাতিরেব মম ত্বেষা বানরো ঽহমিহাগতঃ ।
দর্শনে রাক্ষসেন্দ্রস্য দুর্লভে তদিদং ময়া ।। ৫.৫০.১৪।।।।

বনং রাক্ষসরাজস্য দর্শনার্থে বিনাশিতম্ ।
ততস্তে রাক্ষসাঃ প্রাপ্তা বলিনো যুদ্ধকাঙ্ক্ষিণঃ ।। ৫.৫০.১৫।।।।

রক্ষণার্থং তু দেহস্য প্রতিয়ুদ্ধা ময়া রণে ।
অস্ত্রপাশৈর্ন শক্যো ঽহং বদ্ধুং দেবাসুরৈরপি ।। ৫.৫০.১৬।।।।

পিতামহাদেব বরো মমাপ্যেষো ঽভ্যুপাগতঃ ।
রাজানং দ্রষ্টুকামেন ময়াস্ত্রমনুবর্তিতম্ ।। ৫.৫০.১৭।।।।

বিমুক্তো হ্যহমস্ত্রেণ রাক্ষসৈস্ত্বভিপীডিতঃ ।
কেনচিদ্রাজকার্যেণ সংপ্রাপ্তো ঽস্মি তবান্তিকম্ ।। ৫.৫০.১৮।।।।

দূতো ঽহমিতি বিজ্ঞেয়ো রাঘবস্যামিতৌজসঃ ।
শ্রূয়তাং চাপি বচনং মম পথ্যমিদং প্রভো ।। ৫.৫০.১৯।।