Utshovসর্গ 47
47.1
সেনাপতীন্ পঞ্চ স তু প্রমাপিতান্ হনূমতা সানুচরান্ সবাহনান্ ।
সমীক্ষ্য রাজা সমরোদ্ধতোন্মুখং কুমারমক্ষং প্রসমৈক্ষতাগ্রতঃ ।। ৫.৪৭.১।।।।
47.2
স তস্য দৃষ্ট্যর্পণসংপ্রচোদিতঃ প্রতাপবান্ কাঞ্চনচিত্রকার্মুকঃ ।
সমুত্পপাতাথ সদস্যুদীরিতো দ্বিজাতিমুখ্যৈর্হবিষেব পাবকঃ ।। ৫.৪৭.২।।।।
47.3
ততো মহদ্বালদিবাকরপ্রভং প্রতপ্তজাম্বূনদজালসংততম্ ।
রতং সমাস্থায় যয়ৌ স বীর্যবান্ মহাহরিং তং প্রতি নৈর্ঋতর্ষভঃ ।। ৫.৪৭.৩।।।।
47.4
তপস্সঙ্গ্রহসঞ্চয়ার্জিতং তপোনুষ্ঠনসমূহসম্পাদিতম্ ।
। ৫.৪৭.৪।।।।
47.5
সুরাসুরাধৃষ্যমসঙ্গচারিণং রবিপ্রভং ব্যোমচরং সমাহিতম্ ।
সতূণমষ্টাসিনিবদ্ধবন্ধুরং যথাক্রমাবেশিতশক্তিতোমরম্ ।। ৫.৪৭.৫।।।।
47.6
বিরাজমানং প্রতিপূর্ণবস্তুনা সহেমদাম্না শশিসূর্যবর্চসা ।
দিবাকরাভং রথমাস্থিতস্ততঃ স নির্জগামামরতুল্যবিক্রমঃ ।। ৫.৪৭.৬।।।।
47.7
স পূরয়ন্ খং চ মহীং চ সাচলাং তুরঙ্গমাতঙ্গমহারথস্বনৈঃ ।
বলৈঃ সমেতৈঃ স হি তোরণস্থিতং সমর্থমাসীনমুপাগমৎ কপিম্ ।। ৫.৪৭.৭।।।।
47.8
স তং সমাসাদ্য হরিং হরীক্ষণো যুগান্তকালাগ্নিমিব প্রজাক্ষয়ে ।
অবস্থিতং বিস্মিতজাতসংভ্রমঃ সমৈক্ষতাক্ষো বহুমানচক্ষুষা ।। ৫.৪৭.৮।।।।
47.9
স তস্য বেগং চ কপের্মহাত্মনঃ পরাক্রমং চারিষু পার্থিবাত্মজঃ ।
বিধারয়ন্ স্বং চ বলং মহাবলো হিমক্ষয়ে সূর্য ইবাভিবর্ধতে ।। ৫.৪৭.৯।।।।
47.10
স জাতমন্যুঃ প্রসমীক্ষ্য বিক্রমং স্থিরং স্থিতঃ সংয়তি দুর্নিবারণম্ ।
সমাহিতাত্মা হনুমন্তমাহবে প্রচোদয়ামাস শরৈস্ত্রিভিঃ শিতৈঃ ।। ৫.৪৭.১০।।।।
47.11
ততঃ কপিঃ তং প্রসমীভ্য গর্বিতং জিতশ্রমং শত্রুপরাজয়োর্জিতম্ ।
অবৈক্ষতাক্ষঃ সমুদীর্ণমানসঃ স বাণপাণিঃ প্রগৃহীতকার্মুকঃ ।। ৫.৪৭.১১।।।।
47.12
স হেমনিষ্কাঙ্গদচারুকুণ্ডলঃ সমাসসাদাশুপরাক্রমঃ কপিম্ ।
তয়োর্বভূবাপ্রতিমঃ সমাগমঃ সুরাসুরাণামপি সম্ভ্রমপ্রদঃ ।। ৫.৪৭.১২।।।।
47.13
ররাস ভূমির্ন ততাপ ভানুমান্ ববৌ ন বায়ুঃ প্রচচাল চাচলঃ ।
কপেঃ কুমারস্য চ বীক্ষ্য সংয়ুগং ননাদ চ দ্যৌরুদধিশ্চ চুক্ষুভে ।। ৫.৪৭.১৩।।।।
47.14
ততঃ স বীরঃ সুমুখাৎ পতত্ত্রিণঃ সুবর্ণপুঙ্খান্ সবিষানিবোরগান্ ।
সমাধিসংয়োগবিমোক্ষতত্ত্ববিচ্ছরানথ ত্রীন্ কপিমূর্ধ্ন্যপাতয়ৎ ।। ৫.৪৭.১৪।।।।
47.15
স তৈঃ শরৈর্মূর্ধ্নি সমং নিপাতিতৈঃ ক্ষরন্নসৃগ্দিগ্ধবিবৃত্তলোচনঃ ।
নবোদিতাদিত্যনিভঃ শরাংশুমান্ ব্যরাজতাদিত্য ইবাংশুমালিকঃ ।। ৫.৪৭.১৫।।।।
47.16
ততঃ স পিঙ্গাধিপমন্ত্রসত্তমঃ সমীক্ষ্য তং রাজবরাত্মজং রণে ।
উদগ্রচিত্রায়ুধচিত্রকার্মুকং জহর্ষ চাপূর্যত চাহবোন্মুখঃ ।। ৫.৪৭.১৬।।।।
47.17
স মন্দরাগ্রস্থ ইবাংশুমালিকো বিবৃদ্ধকোপো বলবীর্যসংয়ুতঃ ।
কুমারমক্ষং সবলং সবাহনং দদাহ নেত্রাগ্নিমরীচিভিস্তদা ।। ৫.৪৭.১৭।।।।
47.18
ততঃ স বাণাসনচিত্রকার্মুকঃ শরপ্রবর্ষো যুধি রাক্ষসাম্বুদঃ ।
শরান্ মুমোচাশু হরীশ্বরাচলে বলাহকো বৃষ্টিমিবাচলোত্তমে ।। ৫.৪৭.১৮।।।।
47.19
ততঃ কপিস্তং রণচণ্ডবিক্রমং বিবৃদ্ধতেজোবলবীর্যসংয়ুতম্ ।
কুমারমক্ষং প্রসমীক্ষ্য সংয়ুগে ননাদ হর্ষাদ্ঘনতুল্যবিক্রমঃ ।। ৫.৪৭.১৯।।।।
47.20
স বালভাবাদ্যুধি বীর্যদর্পিতঃ প্রবৃদ্ধমন্যুঃ ক্ষতজোপমেক্ষণঃ ।
সমাসসাদাপ্রতিমং কপিং রণে গজো মহাকূপমিবাবৃতং তৃণৈঃ ।। ৫.৪৭.২০।।।।
47.21
স তেন বাণৈঃ প্রসভং নিপাতিতৈশ্কার নাদং ঘননাদনিস্বনঃ ।
সমুত্পপাতাশু নভঃ স মারুতির্ভুজোরুবিক্ষেপণঘোরদর্শনঃ ।। ৫.৪৭.২১।।।।
47.22
সমুত্পতন্তং সমভিদ্রবদ্বলী স রাক্ষসানাং প্রবরঃ প্রতাপবান্ ।
রথী রথিশ্রেষ্ঠতমঃ কিরন্ শরৈঃ পয়োধরঃ শৈলমিবাশ্মবৃষ্টিভিঃ ।। ৫.৪৭.২২।।।।
47.23
স তান্ শরাংস্তস্য হরির্বিমোক্ষয়ংশ্চচার বীরঃ পথি বায়ুসেবিতে ।
শরান্তরে মারুতবদ্বিনিষ্পতন্ মনোজবঃ সংয়তি চণ্ডবিক্রমঃ ।। ৫.৪৭.২৩।।।।
47.24
তমাত্তবাণাসনমাহবোন্মুখং খমাস্তৃণন্তং বিশিখৈঃ শরোত্তমৈঃ ।
অবৈক্ষতাক্ষং বহুমানচক্ষুষা জগাম চিন্তাং চ স মারুতাত্মজঃ ।। ৫.৪৭.২৪।।।।
47.25
ততঃ শরৈর্ভিন্নভুজান্তরঃ কপিঃ কুমারবীরেণ মহাত্মনা নদন্ ।
মহাভুজঃ কর্মবিশেষতত্ত্ববিদ্বিচিন্তয়ামাস রণে পরাক্রমম্ ।। ৫.৪৭.২৫।।।।
47.26
অবালবদ্বালদিবাকরপ্রভঃ করোত্যয়ং কর্ম মহন্মহাবলঃ ।
ন চাস্য সর্বাহবকর্মশোভিনঃ প্রমাপণে মে মতিরত্র জায়তে ।। ৫.৪৭.২৬।।।।
47.27
অয়ং মহাত্মা চ মহাংশ্চ বীর্যতঃ সমাহিতশ্চাতিসহশ্চ সংয়ুগে ।
অসংশয়ং কর্মগুণোদয়াদয়ং সনাগয়ক্ষের্মুনিভিশ্চ পূজিতঃ ।। ৫.৪৭.২৭।।।।
47.28
পরাক্রমোত্সাহবিবৃদ্ধমানসঃ সমীক্ষতে মাং প্রমুখাগতঃ স্থিতঃ ।
পরাক্রমো হ্যস্য মনাংসি কম্পয়েৎ সুরাসুরাণামপি শীঘ্রগামিনঃ ।। ৫.৪৭.২৮।।।।
47.29
ন খল্বয়ং নাভিভবেদুপেক্ষিতঃ পরাক্রমো হ্যস্য রণে বিবর্ধতে ।
প্রমাপণং ত্বেব মমাস্য রোচতে ন বর্ধমানো ঽগ্নিরুপেক্ষিতুং ক্ষমঃ ।। ৫.৪৭.২৯।।।।
47.30
ইতি প্রবেগং তু পরস্য তর্কয়ন্ স্বকর্ময়োগং চ বিধায় বীর্যবান্ ।
চকার বেগং তু মহাবলস্তদা মতিং চ চক্রে ঽস্য বধে মহাকপিঃ ।। ৫.৪৭.৩০।।।।
47.31
স তস্য তানষ্ট হয়ান্ মহাজবান্ সমাহিতান্ ভারসহান্ বিবর্তনে ।
জঘান বীরঃ পথি বায়ুসেবিতে তলপ্রহারৈঃ পবনাত্মজঃ কপিঃ ।। ৫.৪৭.৩১।।।।
47.32
ততস্তলেনাভিহতো মহারথঃ স তস্য পিঙ্গাধিপমন্ত্রিনির্জিতঃ ।
প্রভগ্ননীডঃ পরিমুক্তকূবরঃ পপাত ভূমৌ হতবাজিরম্বরাৎ ।। ৫.৪৭.৩২।।।।
47.33
স তং পরিত্যজ্য মহারথো রথং সকার্মুকঃ খড্গধরঃ খমুত্পতন্ ।
তপোভিয়োগাদৃষিরুগ্রবীর্যবান্ বিহায় দেহং মরুতামিবালয়ম্ ।। ৫.৪৭.৩৩।।।।
47.34
ততঃ কপিস্তং বিচরন্তমম্বরে পতত্ত্রিরাজানিলসিদ্ধসেবিতে ।
সমেত্য তং মারুততুল্যবিক্রমঃ ক্রমেণ জগ্রাহ স পাদয়োর্দৃঢম্ ।। ৫.৪৭.৩৪।।।।
47.35
স তং সমাবিধ্য সহস্রশঃ কপির্মহোরগং গৃহ্য ইবাণ্ডজেশ্বরঃ ।
মুমোচ বেগাৎ পিতৃতুল্যবিক্রমো মহীতলে সংয়তি বানরোত্তমঃ ।। ৫.৪৭.৩৫।।।।
47.36
স ভগ্নবাহূরুকটীশিরোধরঃ ক্ষসন্নসৃঙ্নির্মথিতাস্থিলোচনঃ ।
স ভগ্রসন্ধিঃ প্রবিকীর্ণবন্ধনো হতঃ ক্ষিতৌ বায়ুসুতেন রাক্ষসঃ ।মহাকপির্ভূমিতলে নিপীড্য তং চকার রক্ষোধিপতের্মহদ্ভয়ম্ ।। ৫.৪৭.৩৬।।।।
47.37
মহর্ষিভিশ্চক্রচরৈর্মহাব্রতৈঃ সমেত্য ভূতৈশ্চ সয়ক্ষপন্নগৈঃ ।
সুরৈশ্চ সৈন্দ্রৈর্ভৃশজাতবিস্ময়ৈর্হতে কুমারে স কপির্নিরীক্ষিতঃ ।। ৫.৪৭.৩৭।।।।
47.38
নিহত্য তং বজ্রিসুতোপমপ্রভং কুমারমক্ষং ক্ষতজোপমেক্ষণম্ ।
তমেব বীরো ঽভিজগাম তোরণং কৃতক্ষণঃ কাল ইব প্রজাক্ষয়ে ।। ৫.৪৭.৩৮।।