সর্গ 44

44.1

সন্দিষ্টো রাক্ষসেন্দ্রেণ প্রহস্তস্য সুতো বলী ।
জম্বুমালী মহাদংষ্ট্রো নির্জগাম ধনুর্ধরঃ ।। ৫.৪৪.১।।।।

রক্তমাল্যাম্বরধরঃ স্রগ্বী রুচিরগুণ্ডলঃ ।
মহান্ বিবৃত্তনয়নশ্চণ্ডঃ সমরদুর্জয়ঃ ।। ৫.৪৪.২।।।।

ধনুঃ শক্রধনুঃ প্রখ্যং মহদ্রুচিরসায়কম্ ।
বিস্ফারয়ানো বেগেন বজ্রাশনিসমস্বনম্ ।। ৫.৪৪.৩।।।।

তস্য বিস্ফারঘোষেণ ধনুষো মহতা দিশঃ ।
প্রদিশশ্চ নভশ্চৈব সহসা সমপূর্যত ।। ৫.৪৪.৪।।।।

রথেন খরয়ুক্তেন তমাগতমুদীক্ষ্য সঃ ।
হনুমান্ বেগসম্পন্নৌ জহর্ষ চ ননাদ চ ।। ৫.৪৪.৫।।।।

তং তোরণবিটঙ্কস্থং হনুমন্তং মহাকিপম্ ।
জম্বুমালী মহাবাহুর্বিব্যাধ নিশিতৈঃ শরৈঃ ।। ৫.৪৪.৬।।।।

অর্ধচন্দ্রেণ বদনে শিরস্যেকেন কর্ণিনা ।
বাহ্বোর্বিব্যাধ নারাচৈর্দশভিস্তং কপীশ্বরম্ ।। ৫.৪৪.৭।।।।

তস্য তচ্ছুশুভে তাম্রং শরেণাভিহতং মুখম্ ।
শরদীবাম্বুজং ফুল্লং বিদ্ধং ভাস্কররশ্মিনা ।। ৫.৪৪.৮।।।।

তত্তস্য রক্তং রক্তেন ঽঞ্জিতং শুশুভে মুখম্ ।
যথা ঽ ঽকাশে মহাপদ্মং সিক্তং চন্দনবিন্দুভিঃ ।। ৫.৪৪.৯।।।।

চুকোপ বাণাভিহতো রাক্ষসস্য মহাকপিঃ ।
। ৫.৪৪.১০।।।।

ততঃ পার্শ্বে ঽতিবিপুলা দদর্শ মহতীং শিলাম্ ।
তরসা তাং সমুত্পাট্য চিক্ষেপ বলবদ্বলী ।তাং শরৈর্দশভিঃ ক্রুদ্ধস্তাডয়ামাস রাক্ষসঃ ।। ৫.৪৪.১১।।।।

বিপন্নং কর্ম তদ্ দৃষ্ট্বা হনুমাংশ্চণ্ডবিক্রমঃ ।
সালং বিপুলমুত্পাট্য ভ্রাময়ামাস বীর্যবান্ ।। ৫.৪৪.১২।।।।

ভ্রাময়ন্তং কপিং দৃষ্ট্বা সালবৃক্ষং মহাবলম্ ।
চিক্ষেপ সুবহূন্ বাণান্ জম্বুমালী মহাবলঃ ।। ৫.৪৪.১৩।।।।

সালং চতুর্ভিশ্চিচ্ছেদ বানরং পঞ্চভির্ভুজে ।
উরস্যেকেন বাণেন দশভিস্তু স্তনান্তরে ।। ৫.৪৪.১৪।।।।

স শরৈঃ পূরিততনুঃ ক্রোধেন মহতা বৃতঃ ।
তমেব পরিঘং গৃহ্য ভ্রাময়ামাস বেগতঃ ।। ৫.৪৪.১৫।।।।

অতিবেগো ঽতিবেগেন ভ্রাময়িত্বা বলোত্কটঃ ।
পরিঘং পাতয়ামাস জম্বুমালের্মহোরসি ।। ৫.৪৪.১৬।।।।

তস্য চৈব শিরো নাস্তি ন বাহূ ন চ জানুনী ।
ন ধনুর্ন রথো নাশ্বাস্তত্রাদৃশ্যন্ত নেষবঃ ।। ৫.৪৪.১৭।।।।

স হতস্তরসা তেন জম্বুমালী মহাবলঃ ।
পপাত নিহতো ভূমৌ চূর্ণিতাঙ্গবিভূষণঃ ।। ৫.৪৪.১৮।।।।

জম্বুমালিং চ নিহতং কিঙ্করাংশ্চ মহাবলান্ ।
চুক্রোধ রাবণঃ শ্রুত্বা কোপসংরক্তলোচনঃ ।। ৫.৪৪.১৯।।।।

স রোষসংবর্তিততাম্রলোচনঃ প্রহস্তপুত্রে নিহতে মহাবলে ।
অমাত্যপুত্রানতিবীর্যবিক্রমান্ সমাদিদেশাশু নিশাচরেশ্বরঃ ।। ৫.৪৪.২০।।