UtshovSarga 44
44.1
सन्दिष्टो राक्षसेन्द्रेण प्रहस्तस्य सुतो बली ।
जम्बुमाली महादंष्ट्रो निर्जगाम धनुर्धरः ।। ५.४४.१।।।।
Sandishto rakshasendrena prahastasya suto bali
Jambumali mahadanshtro nirjagama dhanurdharah
44.2
रक्तमाल्याम्बरधरः स्रग्वी रुचिरगुण्डलः ।
महान् विवृत्तनयनश्चण्डः समरदुर्जयः ।। ५.४४.२।।।।
Raktamalyambaradharah sragvi ruchiragundalah
Mahan vivrittanayanashchandah samaradurjayah
44.3
धनुः शक्रधनुः प्रख्यं महद्रुचिरसायकम् ।
विस्फारयानो वेगेन वज्राशनिसमस्वनम् ।। ५.४४.३।।।।
Dhanuh shakradhanuh prakhyam mahadruchirasayakam
Vispharayano vegena vajrashanisamasvanam
44.4
तस्य विस्फारघोषेण धनुषो महता दिशः ।
प्रदिशश्च नभश्चैव सहसा समपूर्यत ।। ५.४४.४।।।।
Tasya vispharaghoshena dhanusho mahata dishah
Pradishashcha nabhashchaiva sahasa samapuryata
44.5
रथेन खरयुक्तेन तमागतमुदीक्ष्य सः ।
हनुमान् वेगसम्पन्नौ जहर्ष च ननाद च ।। ५.४४.५।।।।
Rathena kharayuktena tamagatamudikshya sah
Hanuman vegasampannau jaharsha cha nanada cha
44.6
तं तोरणविटङ्कस्थं हनुमन्तं महाकिपम् ।
जम्बुमाली महाबाहुर्विव्याध निशितैः शरैः ।। ५.४४.६।।।।
Tam toranavitankastham hanumantam mahakipam
Jambumali mahabahurvivyadha nishitaih sharaih
44.7
अर्धचन्द्रेण वदने शिरस्येकेन कर्णिना ।
बाह्वोर्विव्याध नाराचैर्दशभिस्तं कपीश्वरम् ।। ५.४४.७।।।।
Ardhachandrena vadane shirasyekena karnina
Bahvorvivyadha narachairdashabhistam kapishvaram
44.8
तस्य तच्छुशुभे ताम्रं शरेणाभिहतं मुखम् ।
शरदीवाम्बुजं फुल्लं विद्धं भास्कररश्मिना ।। ५.४४.८।।।।
Tasya tachchhushubhe tamram sharenabhihatam mukham
Sharadivambujam phullam viddham bhaskararashmina
44.9
तत्तस्य रक्तं रक्तेन ऽञ्जितं शुशुभे मुखम् ।
यथा ऽ ऽकाशे महापद्मं सिक्तं चन्दनबिन्दुभिः ।। ५.४४.९।।।।
Tattasya raktam raktena njitam shushubhe mukham
Yatha kashe mahapadmam siktam chandanabindubhih
44.10
चुकोप बाणाभिहतो राक्षसस्य महाकपिः ।
। ५.४४.१०।।।।
Chukopa banabhihato rakshasasya mahakapih
44.11
ततः पार्श्वे ऽतिविपुला ददर्श महतीं शिलाम् ।
तरसा तां समुत्पाट्य चिक्षेप बलवद्बली ।तां शरैर्दशभिः क्रुद्धस्ताडयामास राक्षसः ।। ५.४४.११।।।।
Tatah parshve tivipula dadarsha mahatim shilam
Tarasa tam samutpatya chikshepa balavadbali, tam sharairdashabhih kruddhastadayamasa rakshasah
44.12
विपन्नं कर्म तद् दृष्ट्वा हनुमांश्चण्डविक्रमः ।
सालं विपुलमुत्पाट्य भ्रामयामास वीर्यवान् ।। ५.४४.१२।।।।
Vipannam karma tad drishtva hanumanshchandavikramah
Salam vipulamutpatya bhramayamasa viryavan
44.13
भ्रामयन्तं कपिं दृष्ट्वा सालवृक्षं महाबलम् ।
चिक्षेप सुबहून् बाणान् जम्बुमाली महाबलः ।। ५.४४.१३।।।।
Bhramayantam kapim drishtva salavriksham mahabalam
Chikshepa subahun banan jambumali mahabalah
44.14
सालं चतुर्भिश्चिच्छेद वानरं पञ्चभिर्भुजे ।
उरस्येकेन बाणेन दशभिस्तु स्तनान्तरे ।। ५.४४.१४।।।।
Salam chaturbhishchichchheda vanaram panchabhirbhuje
Urasyekena banena dashabhistu stanantare
44.15
स शरैः पूरिततनुः क्रोधेन महता वृतः ।
तमेव परिघं गृह्य भ्रामयामास वेगतः ।। ५.४४.१५।।।।
Sa sharaih puritatanuh krodhena mahata vritah
Tameva parigham grihya bhramayamasa vegatah
44.16
अतिवेगो ऽतिवेगेन भ्रामयित्वा बलोत्कटः ।
परिघं पातयामास जम्बुमालेर्महोरसि ।। ५.४४.१६।।।।
Ativego tivegena bhramayitva balotkatah
Parigham patayamasa jambumalermahorasi
44.17
तस्य चैव शिरो नास्ति न बाहू न च जानुनी ।
न धनुर्न रथो नाश्वास्तत्रादृश्यन्त नेषवः ।। ५.४४.१७।।।।
Tasya chaiva shiro nasti na bahu na cha januni
Na dhanurna ratho nashvastatradrishyanta neshavah
44.18
स हतस्तरसा तेन जम्बुमाली महाबलः ।
पपात निहतो भूमौ चूर्णिताङ्गविभूषणः ।। ५.४४.१८।।।।
Sa hatastarasa tena jambumali mahabalah
Papata nihato bhumau churnitangavibhushanah
44.19
जम्बुमालिं च निहतं किङ्करांश्च महाबलान् ।
चुक्रोध रावणः श्रुत्वा कोपसंरक्तलोचनः ।। ५.४४.१९।।।।
Jambumalim cha nihatam kinkaranshcha mahabalan
Chukrodha ravanah shrutva kopasanraktalochanah
44.20
स रोषसंवर्तितताम्रलोचनः प्रहस्तपुत्रे निहते महाबले ।
अमात्यपुत्रानतिवीर्यविक्रमान् समादिदेशाशु निशाचरेश्वरः ।। ५.४४.२०।।
Sa roshasanvartitatamralochanah prahastaputre nihate mahabale
Amatyaputranativiryavikraman samadideshashu nishachareshvarah