সর্গ 43

43.1

বনং ভগ্নং ময়া চৈত্যপ্রসাদো ন বিনাশিতঃ ।
তস্মাৎ প্রাসাদমপ্যেব ভীমং বিধ্বংসয়াম্যহম্ ।ইতি ঽঞ্চিন্ত্য মনসা হনুমান্ দর্শয়ন্ বলম্ ।। ৫.৪৩.২।।।।

43.2

চৈত্যপ্রাসাদমাপ্লুত্য মেরুশৃঙ্গমিবোন্নতম্ ।
আরুরোহ হরিশ্রেষ্ঠো হনুমান্ মারুতাত্মজঃ ।। ৫.৪৩.৩।।।।

43.3

আরুহ্য গিরিসঙ্কাশং প্রাসাদং হরিয়ূথপঃ ।
বভৌ স সুমহাতেজাঃ প্রতিসূর্য ইবোদিতঃ ।। ৫.৪৩.৪।।।।

43.4

সংপ্রধৃষ্য চ দুর্ধর্ষং চৈত্যপ্রাসাদমুত্তমম্ ।
হনুমান্ প্রজ্বলন্ লক্ষ্ম্যা পারিয়াত্রোপমো ঽভবৎ ।। ৫.৪৩.৫।।।।

43.5

স ভূত্বা সুমহাকায়ঃ প্রভাবান্মারুতাত্মজঃ ।
ধৃষ্টমাস্ফোটয়ামাস লঙ্কাং শব্দেন পূরয়ন্ ।। ৫.৪৩.৬।।।।

43.6

তস্যাস্ফোটিতশব্দেন মহতা শ্রোত্রঘাতিনা ।
পেতুর্বিহঙ্গমাস্তত্র চৈত্যপালাশ্চ মোহিতাঃ ।। ৫.৪৩.৭।।।।

43.7

অস্ত্রবিজ্জয়তাং রামো লক্ষ্মণশ্চ মহাবলঃ ।
রাজা জয়তি সুগ্রীবো রাঘবেণাভিপালিতঃ ।। ৫.৪৩.৮।।।।

43.8

দাসো ঽহং কোসলেন্দ্রস্য রামস্যাক্লিষ্টকর্মণঃ ।
হনুমান্ শত্রুসৈন্যানাং নিহন্তা মারুতাত্মজঃ ।। ৫.৪৩.৯।।।।

43.9

ন রাবণসহস্রং মে যুদ্ধে প্রতিবলং ভবেৎ ।
শিলাভিস্তু প্রহরতঃ পাদপৈশ্চ সহস্রশঃ ।। ৫.৪৩.১০।।।।

43.10

অর্দয়িত্বা পুরীং লঙ্কামভিবাদ্য চ মৈথিলীম্ ।
সমৃদ্ধার্থো গমিষ্যামি মিষতাং সর্বরক্ষসাম্ ।। ৫.৪৩.১১।।।।

43.11

এমুক্ত্বা বিমানস্থশ্চৈত্যস্থান্ হরিয়ূথপঃ ।
ননাদ ভীমনির্হ্রাদো রক্ষসাং জনয়ন্ ভয়ম্ ।।। ৫.৪৩.১২।।।।

43.12

তেন শব্দেন মহতা চৈত্যপালাঃ শতং যয়ুঃ ।
গৃহীত্বা বিবিধানস্ত্রান্ প্রাসান্ খড্গান্ পরশ্বধান্ ।বিসৃজন্তো মহাকায়া মারুতিং প্রর্যবারয়ন্ ।। ৫.৪৩.১৩।।।।

43.13

তে গদাভির্বিচিত্রাভিঃ পরিঘৈঃ কাঞ্চনাঙ্গদৈঃ ।
আজঘ্নুর্বানরশ্রেষ্ঠং বাণৈশ্চাদিত্যসন্নিভৈঃ ।। ৫.৪৩.১৪।।।।

43.14

আবর্ত ইব গঙ্গায়াস্তোয়স্য বিপুলো মহান্ ।
পরিক্ষিপ্য হরিশ্রেষ্ঠং স বভৌ রক্ষসাং গণঃ ।। ৫.৪৩.১৫।।।।

43.15

ততো বাতাত্মজঃ ক্রুদ্ধো ভীমরূপং সমাস্থিতঃ ।
। ৫.৪৩.১৬।।।।

43.16

প্রাসাদস্য মহান্তস্য স্তম্ভং হেমপরিষ্কৃতম্ ।
উত্পাটয়িত্বা বেগেন হনুমান্ পবনাত্মজঃ ।ততস্তং ভ্রাময়ামাস শতাধারং মহাবলঃ ।। ৫.৪৩.১৭।।।।

43.17

তত্র চাগ্নিঃ সমভবৎ প্রাসাদশ্চাপ্যদহ্যত ।
। ৫.৪৩.১৮।।টয়িত্বা বেগেন হনুমান্ পবনাত্মজঃ ।।।

43.18

দহ্যমানং ততো দৃষ্ট্বা প্রাসাদং হরিয়ূথপঃ ।
স রাক্ষসশতং হত্বা বজ্রেণেন্দ্র ইবাসুরান্ ।অন্তরিক্ষে স্থিতঃ শ্রীমানিদং বচনমব্রবীৎ ।। ৫.৪৩.১৯।।।।

43.19

মাদৃশানাং সহস্রাণি বিসৃষ্টানি মহাত্মনাম্ ।
বলিনাং বানরেন্দ্রাণাং সুগ্রীববশবর্তিনাম্ ।। ৫.৪৩.২০।।।।

43.20

অটন্তি বসুধাং কৃত্স্নাং বয়মন্যে চ বানরাঃ ।
। ৫.৪৩.২১।।।।

43.21

দশনাগবলাঃ কেচিৎ কেচিদ্দশগুণোত্তরাঃ ।
কেচিন্নাগসহস্রস্য বভূবুস্তুল্যবিক্রমাঃ ।। ৫.৪৩.২২।।।।

43.22

সন্তি চৌঘবলাঃ কেচিৎ কেচিদ্বায়ুবলোপমাঃ ।
অপ্রমেয়বলাশ্চান্যে তত্রাসন্ হরিয়ূথপাঃ ।। ৫.৪৩.২৩।।।।

43.23

ঈদৃগ্বিধৈস্তু হরিভির্বৃতো দন্তনখায়ুধৈঃ ।
শতৈঃ শতসহস্রৈশ্চ কোটীভিরয়ুতৈরপি ।আগমিষ্যতি সুগ্রীবঃ সর্বেষাং বো নিষূদনঃ ।। ৫.৪৩.২৪।।।।

43.24

নেয়মস্তি পুরী লঙ্কা ন যূয়ং ন চ রাবণঃ ।
যস্মাদিক্ষ্বাকুনাথেন বদ্ধং বৈরং মহাত্মনা ।। ৫.৪৩.২৫।।

Contains text from DharmicData, made available under the Open Database License (ODbL). Simple meanings are written by AI and can contain mistakes.