সর্গ 41

41.1

স চ বাগ্ভিঃ প্রশন্তাভির্গমিষ্যন্ পূজিতস্তয়া ।
তস্মাদ্দেশাদপক্রম্য চিন্তয়ামাস বানরঃ ।। ৫.৪১.১।।।।

অল্পশেষমিদং কার্যং দৃষ্টেয়মসিতেক্ষণা ।
ত্রীনুপায়ানতিক্রম্য চতুর্থ ইহ দৃশ্যতে ।। ৫.৪১.২।।।।

ন সাম রক্ষস্সু গুণায় কল্পতে ন দানমর্থোপচিতেষু যুজ্যতে ।
ন ভেদসাধ্যা বলদর্পিতা জনাঃ পরাক্রমস্ত্বেব মমেহ রোচতে ।। ৫.৪১.৩।।।।

ন চাস্য কার্যস্য পরাক্রমাদৃতে বিনিশ্চয়ঃ কশ্চিদিহোপপদ্যতে ।
হতপ্রবীরা হি রণে রাক্ষসাঃ কথংচিদীয়ুর্যদিহাদ্য মার্দবম্ ।। ৫.৪১.৪।।।।

কার্যে কর্মণি নির্দিষ্টে যো বহূন্যপি সাধয়েৎ ।
পূর্বকার্যাবিরোধেন স কার্যং কর্তুমর্হতি ।। ৫.৪১.৫।।।।

ন হ্যেকঃ সাধকো হেতুঃ স্বল্পস্যাপীহ কর্মণঃ ।
যো হ্যর্থং বহুধা বেদ স সমর্থো ঽর্থসাধনে ।। ৫.৪১.৬।।।।

ইহৈব তাবৎ কৃতনিশ্চয়ো হ্যাহং যদি ব্রজেয়ং প্লবগেশ্বরালয়ম্ ।
পরাত্মসংমর্দবিশেষতত্ত্ববিৎ ততঃ কৃতং স্যান্মম ভর্তৃশাসনম্ ।। ৫.৪১.৭।।।।

কথং নু খল্বদ্য ভবেৎ সুখাগতং প্রসহ্য যুদ্ধং মম রাক্ষসৈঃ সহ ।
তথৈব খল্বাত্মবলং চ সারবৎ সংমানয়েন্মাং চ রণে দশাননঃ ।। ৫.৪১.৮।।।।

ততঃ সমাসাদ্য রণে দশাননং সমন্ত্রিবর্গং সবলপ্রয়ায়িনম্ ।
হৃদি স্থিতং তস্য মতং বলং চ বৈ সুখেন মত্বা ঽহমিতঃ পুনর্ব্রজে ।। ৫.৪১.৯।।।।

ইদমস্য নৃশংসস্য নন্দনোপমমুত্তমম্ ।
বনং নেত্রমনঃকান্তং নানাদ্রুমলতায়ুতম্ ।। ৫.৪১.১০।।।।

ইদং বিধ্বংসয়িষ্যামি শুষ্কং বনমিবানলঃ ।
অস্মিন্ ভগ্নে ততঃ কোপং করিষ্যতি দশাননঃ ।। ৫.৪১.১১।।।।

ততো মহৎ সাশ্বমহারথদ্বিপং বলং সমাদেক্ষ্যতি রাক্ষসাধিপঃ ।
ত্রিশূলকালায়সপট্টসায়ুধং ততো মহদ্যুদ্ধমিদং ভবিষ্যতি ।। ৫.৪১.১২।।।।

অহং তু তৈঃ সংয়তি চণ্ডবিক্রমৈঃ সমেত্য রক্ষোভিরসহ্যবিক্রমঃ ।
নিহত্য তদ্রাবণচোদিতং বলং সুখং গমিষ্যামি কপীশ্বরালয়ম্ ।। ৫.৪১.১৩।।।।

ততো মারুতবৎ ক্রুদ্ধো মারুতির্ভীমবিক্রমঃ ।
উরুবেগেন মহতা দ্রুমান্ ক্ষেপ্তুমথারভৎ ।। ৫.৪১.১৪।।।।

ততস্তু হনুমান্ বীরো বভঞ্চ প্রমদাবনম্ ।
মত্তদ্বিজসমাঘুষ্টং নানাদ্রুমলতায়ুতম্ ।। ৫.৪১.১৫।।।।

তদ্বনং মথিতৈর্বৃক্ষৈর্ভিন্নৈশ্চ সলিলাশয়ৈঃ ।
চূর্ণিতৈঃ পর্বতাগ্রৈশ্চ বভূবাপ্রিয়দর্শনম্ ।। ৫.৪১.১৬।।।।

নানাশকুন্তবিরুতৈঃ প্রভিন্নৈঃ সলিলাশয়ৈঃ ।
তাম্রৈঃ কিসলয়ৈঃ ক্লান্তৈঃ ক্লান্তদ্রুমলতায়ুতম্ ।ন বভৌ তদ্বনং তত্র দাবানলহতং যথা ।। ৫.৪১.১৭।।।।

ব্যাকুলাবরণা রেজুর্বিহ্বলা ইব তা লতাঃ ।
। ৫.৪১.১৮।। কিসলয়ৈঃ ক্লান্তৈঃ ক্লান্তদ্রুমলতায়ুতম্ ।।।

লতাগৃহৈশ্চিত্রগৃহৈশ্চ নাশিতৈর্মহোরগৈর্ব্যালমৃগৈশ্চ নির্ধুতৈঃ ।
শিলাগৃহৈরুন্মথিতৈস্তথা গৃহৈঃ প্রনষ্টরূপং তদভূন্মহদ্বনম্ ।। ৫.৪১.১৯।।।।

সা বিহ্বলা ঽশোকলতাপ্রতানা বনস্থলী শোকলতাপ্রতানা ।
জাতা দশাস্যপ্রমদাবনস্য কপের্বলাদ্ধি প্রমদাবনস্য ।। ৫.৪১.২০।।।।

স তস্য কৃত্বা ঽর্থপতের্মহাকপির্মহদ্ব্যলীকং মনসো মহাত্মনঃ ।
যুয়ুত্সুরেকো বহুভির্মহাবলৈঃ শ্রিয়া জ্বলংস্তোরণমাস্থিতঃ কপিঃ ।। ৫.৪১.২১।।