Utshovসর্গ 39
39.1
মণিং দত্ত্বা ততঃ সীতা হনুমন্তমথাব্রবীতি ।
অভিজ্ঞানমভিজ্ঞাতমেতদ্রামস্য তত্ত্বতঃ ।। ৫.৩৯.১।।।।
39.2
মণিং তু দৃষ্ট্বা রামো বৈ ত্রয়াণাং সংস্মরিষ্যতি ।
বীরো জনন্যা মম চ রাজ্ঞো দশরথস্য চ ।। ৫.৩৯.২।।।।
39.3
স ভূয়স্ত্বং সমুত্সাহে চোদিতো হরিসত্তম ।
অস্মিন্ কার্যসমারম্ভে প্রচিন্তয় যদুত্তরম্ ।। ৫.৩৯.৩।।।।
39.4
ত্বমস্মিন্ কার্যনির্যোগে প্রমাণং হরিসত্তম ।
হনুমন্ যত্নমাস্থায় দুঃখক্ষয়করো ভব ।তস্য চিন্তয়তো যত্নো দুঃখক্ষয়করো ভবেৎ ।। ৫.৩৯.৪।।।।
39.5
স তথেতি প্রতিজ্ঞায় মারুতির্ভীমবিক্রমঃ ।
শিরসা ঽ ঽবন্দ্য বৈদেহীং গমনায়োপচক্রমে ।। ৫.৩৯.৫।।।।
39.6
জ্ঞত্বা সংপ্রস্থিতং দেবী বানরং মারুতাত্মজম্ ।
বাষ্পগদ্গদয়া বাচা মৈথিলী বাক্যমব্রবীৎ ।। ৫.৩৯.৬।।।।
39.7
কুশলং হনুমন্ ব্রূয়াঃ সহিতৌ রামলক্ষ্মণৌ ।
। ৫.৩৯.৭।।।।
39.8
সুগ্রীবং চ সহামাত্যং বৃদ্ধান্ সর্বাংশ্চ বাররান্ ।
ব্রূয়াস্ত্বং বানরশ্রেষ্ঠ কুশলং ধর্মসংহিতম্ ।। ৫.৩৯.৮।।।।
39.9
যথা স চ মহাবাহুর্মাং তারয়তি রাঘবঃ ।
অস্মাদ্দুঃখাম্বুসংরোধাত্ত্বং সমাধাতুমর্হসি ।। ৫.৩৯.৯।।।।
39.10
জীবন্তীং মাং যথা রামঃ সম্ভাবয়তি কীর্তিমান্ ।
তত্তথা হনুমন্ বাচ্যং বাচা ধর্মমবাপ্নুহি ।। ৫.৩৯.১০।।।।
39.11
নিত্যমুত্সাহয়ুক্তাশ্চ বাচঃ শ্রুত্বা ত্বয়েরিতাঃ ।
বর্ধিষ্যতে দাশরথেঃ পৌরুষং মদবাপ্তয়ে ।। ৫.৩৯.১১।।।।
39.12
মত্সন্দেশয়ুতা বাচস্ত্বত্তঃ শ্রুত্বৈব রাঘবঃ ।
পরাক্রমবিধিং বীরো বিধিবৎ সংবিধাস্যতি ।। ৫.৩৯.১২।।।।
39.13
সীতায়া বচনং শ্রুত্বা হনুমান্ মারুতাত্মজঃ ।
শিরস্যঞ্জলিমাধায় বাক্যমুত্তরব্রবীৎ ।। ৫.৩৯.১৩।।।।
39.14
ক্ষিপ্রমেষ্যতি কাকুত্স্থো হর্যৃক্ষপ্রবরৈর্বৃতঃ ।
যস্তে যুধি বিজিত্যারীন্ শোকং ব্যপনয়িষ্যতি ।। ৫.৩৯.১৪।।।।
39.15
নহি পশ্যামি মর্ত্যেষু নাসুরেষু সুরেষু বা ।
যস্তস্য ক্ষিপতো বাণান্ স্থাতুমুত্সহতো ঽগ্রতঃ ।। ৫.৩৯.১৫।।।।
39.16
অপ্যর্কমপি পর্জন্যমপি বৈবস্বতং যমম্ ।
সহি সোঢুং রণে শক্তস্তব হেতোর্বিশেষতঃ ।। ৫.৩৯.১৬।।।।
39.17
স হি সাগরপর্যন্তাং মহীং শাসিতুমীহতে ।
ত্বন্নিমিত্তো হি রামস্য জয়ো জনকনন্দিনি ।। ৫.৩৯.১৭।।।।
39.18
তস্য তদ্বচনং শ্রুত্বা সম্যক্ সত্যং সুভাষিতম্ ।
জানকী বহুমেনে ঽথ বচনং চেদমব্রবীৎ ।। ৫.৩৯.১৮।।।।
39.19
ততস্তং প্রস্থিতং সীতা বীক্ষমাণা পুনঃ পুনঃ ।
ভর্তৃস্নেহান্বিতং বাক্যং সৌহার্দাদনুমানয়ৎ ।। ৫.৩৯.১৯।।।।
39.20
যদি বা মন্যসে বীর বসৈকাহমরিন্দম ।
কস্মিংশ্চিৎ সংবৃতে দেশে বিশ্রান্তঃ শ্বো গমিষ্যসি ।। ৫.৩৯.২০।।।।
39.21
মম চেদল্পভাগ্যায়াঃ সান্নিধ্যাত্তব বানর ।
অস্য শোকস্য মহতো মুহূর্তং মোক্ষণং ভবেৎ ।। ৫.৩৯.২১।।।।
39.22
গতে হি হরিশার্দূল পুনরাগমনায় তু ।
প্রাণানামপি সন্দেহো মম স্যান্নাত্র সংশয়ঃ ।। ৫.৩৯.২২।।।।
39.23
তবাদর্শনজঃ শোকো ভূয়ো মাং পরিতাপয়েৎ ।
দুঃখাদ্দুঃখপরামৃষ্টাং দীপয়ন্নিব বানর ।। ৫.৩৯.২৩।।।।
39.24
অয়ং চ বীর সন্দেহস্তিষ্ঠতীব মমাগ্রতঃ ।
সুমহাংস্ত্বত্সহায়েষু হর্যৃক্ষেষু হরীশ্বর ।। ৫.৩৯.২৪।।।।
39.25
কথং নু খলু দুষ্পারং তরিষ্যন্তি মহোদধিম্ ।
তানি হর্যৃক্ষসৈন্যানি তৌ বা নরবরাত্মজৌ ।। ৫.৩৯.২৫।।।।
39.26
ত্রয়াণামেব ভূতানাং সাগরস্যাস্য লঙ্ঘনে ।
শক্তিঃ স্যাদ্বৈনতেয়স্য তব বা মারুতস্য বা ।। ৫.৩৯.২৬।।।।
39.27
তদস্মিন্ কার্যনির্যোগে বীরৈবং দুরতিক্রমে ।
কিং পশ্যসি সমাধানং ত্বং হি কার্যবিদাং বরঃ ।। ৫.৩৯.২৭।।।।
39.28
কামমস্য ত্বমেবৈকঃ কার্যস্য পরিসাধনে ।
পর্যাপ্তঃ পরবীরঘ্ন যশস্যস্তে ফলোদয়ঃ ।। ৫.৩৯.২৮।।।।
39.29
বলৈঃ সমগ্রৈর্যদি মাং রাবণং জিত্যসংয়ুগে ।
বিজয়ী স্বপুরীং যায়াৎ তত্তু মে স্যাদ্যশস্করম্ ।। ৫.৩৯.২৯।।।।
39.30
শরৈস্তু সঙ্কুলাং কৃত্বা লঙ্কাং পরবলার্দনঃ ।
মাং যেদ্যদি কাকুত্স্থস্তত্তস্য সদৃশং ভবেৎ ।। ৫.৩৯.৩০।।।।
39.31
তদ্যথা তস্য বিক্রান্তমনুরূপং মহাত্মনঃ ।
ভবেদাহবশূরস্য তথা ত্বমুপপাদয় ।। ৫.৩৯.৩১।।।।
39.32
তদর্থোপহিতং বাক্যং সহিতং হেতুসংহিতম্ ।
নিশম্য হনুমান্ শেষং বাক্যমুত্তরমব্রবীৎ ।। ৫.৩৯.৩২।।।।
39.33
দেবি হর্যৃক্ষসৈন্যানামীশ্বরঃ প্লবতাং বরঃ ।
সুগ্রীবঃ সত্ত্বসম্পন্নস্তবার্থে কৃতনিশ্চয়ঃ ।। ৫.৩৯.৩৩।।।।
39.34
স বানরসহস্রাণাং কোটীভিরভিসংবৃতঃ ।
ক্ষিপ্রমেষ্যতি বৈদেহি রাক্ষসানাং নিবর্হণঃ ।। ৫.৩৯.৩৪।।।।
39.35
তস্য বিক্রমসম্পন্নাস্সত্ত্ববন্তো মহাবলাঃ ।
মনস্সঙ্কল্পসংপাতা নিদেশে হরয়ঃ স্থিতাঃ ।। ৫.৩৯.৩৫।।।।
39.36
যেষাং নোপরি নাধস্তান্ন তির্যক্ সজ্জতে গতিঃ ।
ন চ কর্মসু সীদন্তি মহত্স্বমিততেজসঃ ।। ৫.৩৯.৩৬।।।।
39.37
অসকৃৎ তৈর্মহোত্সাহৈঃ সসাগরধরাধরা ।
প্রদক্ষিণীকৃতা ভূমির্বায়ুমার্গানুসারিভিঃ ।। ৫.৩৯.৩৭।।।।
39.38
মদ্বিশিষ্টাশ্চ তুল্যাশ্চ সন্তি তত্র বনৌকসঃ ।
মত্তঃ প্রত্যবরঃ কশ্চিন্নাস্তি সুগ্রীবসন্নিধৌ ।। ৫.৩৯.৩৮।।।।
39.39
অহং তাবদিহ প্রাপ্তঃ কিং পুনস্তে মহাবলাঃ ।
নহি প্রকৃষ্টাঃ প্রেষ্যন্তে প্রেষ্যন্তে হীতরে জনাঃ ।। ৫.৩৯.৩৯।।।।
39.40
তদলং পরিতাপেন দেবি শোকো ব্যপৈতু তে ।
একোত্পাতেন তে লঙ্কামেষ্যন্তি হরিয়ূথপাঃ ।। ৫.৩৯.৪০।।।।
39.41
মম পৃষ্ঠগতৌ তৌ চ চন্দ্রসূর্যাবিবোদিতৌ ।
ত্বত্সকাশং মহাসত্ত্বৌ নৃসিংহাবাগমিষ্যতঃ ।। ৫.৩৯.৪১।।।।
39.42
তৌ হি বীরৌ নরবরৌ সহিতৌ রামলক্ষ্মণৌ ।
আগম্য নগরীং লঙ্কাং সায়কৈর্বিধমিষ্যতঃ ।। ৫.৩৯.৪২।।।।
39.43
সগণং রাবণং হত্বা রাঘবো রঘুনন্দনঃ ।
ত্বামাদায় বরারোহে স্বপুরং প্রতিয়াস্যতি ।। ৫.৩৯.৪৩।।।।
39.44
তদাশ্বসিহি ভদ্রং তে ভব ত্বং কালকাঙ্ক্ষিণী ।
নচিরাদ্দ্রক্ষ্যসে রামং প্রজ্বলন্তিমিবানলম্ ।। ৫.৩৯.৪৪।।।।
39.45
নিহতে রাক্ষসেন্দ্রে ঽস্মিন্ সপুত্রামাত্যবান্ধবে ।
ত্বং সমেষ্যসি রামেণ শশাঙ্কেনেব রোহিণী ।। ৫.৩৯.৪৫।।।।
39.46
ক্ষিপ্রং ত্বং দেবি শোকস্য পারং যাস্যসি মৈথিলি ।
রাবণং চৈব রামেণ নিহতং দ্রক্ষ্যসে ঽচিরাৎ ।। ৫.৩৯.৪৬।।।।
39.47
এবমাশ্বাস্য বৈদেহীং হনুমান্ মারুতাত্মজঃ ।
গমনায় মতিং কৃত্বা বৈদেহীং পুনরব্রবীৎ ।। ৫.৩৯.৪৭।।।।
39.48
তমরিঘ্নং কৃতাত্মানং ক্ষিপ্রং দ্রক্ষ্যসি রাঘবম্ ।
লক্ষ্মণং চ ধনুষ্পাণিং লঙ্কাদ্বারমুপস্থিতম্* ।। ৫.৩৯.৪৮।।।।
39.49
নখদংষ্ট্রায়ুধান্ বীরান্ সিংহশার্দূলবিক্রমান্ ।
বানরান্ বারণেন্দ্রাভান্ ক্ষিপ্র দ্রক্ষ্যসি সঙ্গতান্ ।। ৫.৩৯.৪৯।।।।
39.50
শৈলাম্বুদনিকাশানাং লঙ্কামলয়সানুষু ।
নর্দতাং কপিমুখ্যানামার্যে যূথান্যনেকশঃ ।। ৫.৩৯.৫০।।।।
39.51
স তু মর্মণি ঘোরেণ তাডিতো মন্মথেষুণা ।
ন শর্ম লভতে রামঃ সিংহার্দিত ইব দ্বিপঃ ।। ৫.৩৯.৫১।।।।
39.52
মা রুদো দেবি শোকেন মা ভূৎ তে মনসো ঽপ্রিয়ম্ ।
শচীব পত্যা শক্রেণ ভর্ত্রা নাথবতী হ্যসি ।। ৫.৩৯.৫২।।।।
39.53
রামাদ্ বিশিষ্টঃ কো ঽন্যো ঽস্তি কশ্চিৎ সৌমিত্রিণা সমঃ ।
অগ্নিমারুতকল্পৌ তৌ ভ্রাতরৌ তব সংশ্রয়ৌ ।। ৫.৩৯.৫৩।।।।
39.54
নাস্মিংশ্চিরং বত্স্যসি দেবি দেশে রক্ষোগণৈরধ্যুষিতে ঽতিরৌদ্রে ।
ন তে চিরাদাগমনং প্রিয়স্য ক্ষমস্ব মত্সঙ্গমকালমাত্রম্ ।। ৫.৩৯.৫৪।।