Utshovসর্গ 38
38.1
ততঃ সকপিশার্দূলস্তেন বাক্যেন হর্ষিতঃ ।
সীতামুবাচ তচ্ছ্রুত্বা বাক্যং বক্যবিশারদঃ ।। ৫.৩৮.১।।।।
38.2
যুক্তরূপং ত্বয়া দেবি ভাষিতং শুভদর্শনে ।
সদৃশং স্ত্রীস্বভাবস্য সাধ্বীনাং বিনয়স্য চ ।। ৫.৩৮.২।।।।
38.3
স্ত্রীত্বং ন তু সমর্থং হি সাগরং ব্যতিবর্তিতুম্ ।
মামধিষ্ঠায় বিস্তীর্ণং শতয়োজনমায়তম্ ।। ৫.৩৮.৩।।।।
38.4
দ্বিতীয়ং কারণং যচ্চ ব্রবীষি বিনয়ান্বিতে ।
রামাদন্যস্য নার্হামি সংস্পর্শমিতি জানকি ।। ৫.৩৮.৪।।।।
38.5
এতত্তে দেবি সদৃশং পত্ন্যাস্তস্য মহাত্মনঃ ।
কা হ্যন্যা ত্বামৃতে দেবি ব্রূয়াদ্বচনমীদৃশম্ ।। ৫.৩৮.৫।।।।
38.6
শ্রোষ্যতে চৈব কাকুত্স্থঃ সর্বং নিরবশেষতঃ ।
চোষ্টিতং যত্ত্বয়া দেবি ভাষিতং মম চাগ্রতঃ ।। ৫.৩৮.৬।।।।
38.7
কারণৈর্বহুভির্দেবি রামপ্রিয়চিকীর্ষয়া ।
স্নেহপ্রস্কন্নমনসা ময়ৈতৎ সমুদীরিতম্ ।। ৫.৩৮.৭।।।।।
38.8
লঙ্কায়া দুষ্প্রবেশত্বাদ্ দুস্তরত্বান্মহোদধেঃ ।
সামর্থ্যাদাত্মনশ্চৈব ময়ৈতৎ সমুদীরিতম্ ।। ৫.৩৮.৮।।।।
38.9
ইচ্ছামি ত্বাং সমানেতুমদ্যৈব রঘুবন্ধুনা ।
গুরুস্নেহেন ভক্ত্যা চ নান্যথৈতদুদাহৃতম্ ।। ৫.৩৮.৯।।।।
38.10
যদি নোত্সহসে যাতুং ময়া সার্ধমনিন্দিতে ।
অভিজ্ঞানং প্রয়চ্ছ ত্বং জানীয়াদ্রাঘবো হি তৎ ।। ৫.৩৮.১০।।।।
38.11
এবমুক্তা হনুমতা সীতা সুরসুতোপমা ।
উবাচ বচনং মন্দং বাষ্পপ্রগ্রথিতাক্ষরম্ ।। ৫.৩৮.১১।।।।
38.12
ইদং শ্রেষ্ঠমভিজ্ঞানং ব্রূয়াস্ত্বং তু মম প্রিয়ম্।
শৈলস্য চিত্রকূটস্য পাদে পূর্বোত্তরে পুরা ।। ৫.৩৮.১২।।।।
38.13
তাপসাশ্রমবাসিন্যাঃ প্রাজ্যমূলফলোদকে ।
তস্মিন্ সিদ্ধাশ্রমে দেশে মন্দাকিন্যা হ্যদূরতঃ ।। ৫.৩৮.১৩।।।।
38.14
তস্যোপবনষণ্ডেষু নানাপুষ্পসুগন্ধিষু ।
বিহৃত্য সলিলক্লিন্না তবাঙ্কে সমুপাবিশম্ ।। ৫.৩৮.১৪।।।।
38.15
ততো মাংসসমায়ুক্তো বায়সঃ পর্যতুণ্ডয়ৎ ।
তমহং লোষ্টমুদ্যম্য বারয়ামি স্ম বায়সম্ ।। ৫.৩৮.১৫।।।।
38.16
দারয়ন্ স চ মাং কাকস্তত্রৈব পরিলীয়তে ।
ন চাপ্যুপারমন্মাংসাদ্ভক্ষার্থী বলিভোজনঃ ।। ৫.৩৮.১৬।।।।
38.17
উত্কর্ষন্ত্যাং চ রশনাং ক্রুদ্ধায়াং ময়ি পক্ষিণি ।
স্রস্যমানে চ বসনে ততো দৃষ্টা ত্বয়া হ্যহম্ ।। ৫.৩৮.১৭।।।।
38.18
ত্বয়া ঽপহসিতা চাহং ক্রুদ্ধা সংলজ্জিতা তদা ।
ভক্ষগৃধ্রেন কাকেন দারিতা ত্বামুপাগতা ।। ৫.৩৮.১৮।।.৩৮.১৭।।।।
38.19
আসীনস্য চ তে শ্রান্তা পুনরুত্সঙ্গমাবিশম্ ।
ক্রুদ্ধ্যন্তী চ প্রহৃষ্টেন ত্বয়া ঽহং পরিসান্ত্বিতা ।। ৫.৩৮.১৯।।।।
38.20
বাষ্পপূর্ণমুখী মন্দং চক্ষুষী পরিমার্জতী ।
লক্ষিতা ঽহং ত্বয়া নাথ বায়সেন প্রকোপিতা ।। ৫.৩৮.২০।।।।
38.21
পরিশ্রমাৎ প্রসুপ্তা চ রাঘবাঙ্কে ঽপ্যহং চিরম্ ।
পর্যায়েণ প্রসুপ্তশ্চ মমাঙ্কে ভরতাগ্রজঃ ।স তত্র পুনরেবাথ বায়সঃ সমুপাগমৎ ।। ৫.৩৮.২১।।।।
38.22
ততঃ সুপ্তপ্রবুদ্ধাং মাং রামস্যাঙ্কাৎ সমুত্থিতাম্ ।
বায়সঃ সহসা ঽ ঽগম্য বিদদার স্তনান্তরে ।। ৫.৩৮.২২।।।।
38.23
পুনঃ পুনরথোত্পত্য বিদদার স মাং ভৃশম্ ।
ততঃ সমুক্ষিতো রামো মুক্তৈঃ শোণিতবিন্দুভিঃ ।। ৫.৩৮.২৩।।।।
38.24
বায়সেন ততস্তেন বলবত্ক্লিশ্যমানয়া ।
স ময়া বোধিতঃ শ্রীমান্ সুখসুপ্তঃ পরন্তপঃ ।। ৫.৩৮.২৪।।।।
38.25
স মাং দৃষ্ট্বা মহাবাহুর্বিতুন্নাং স্তনয়োস্তদা ।
আশীবিষ ইব ক্রুদ্ধঃ শ্বসন্ বাক্যমভাষত ।। ৫.৩৮.২৫।।।।
38.26
কেন তে নাগনাসোরু বিক্ষতং বৈ স্তনান্তরম্ ।
কঃ ক্রীডতি সরোষেণ পঞ্চবক্ত্রেণ ভোগিনা ।। ৫.৩৮.২৬।।।।
38.27
বীক্ষমাণস্ততস্তং বৈ বায়সং সমুদৈক্ষত ।
নখৈঃ সরুধিরৈস্তীক্ষ্ণৈর্মামেবাভিমুখং স্থিতম্ ।। ৫.৩৮.২৭।।।।
38.28
পুত্রঃ কিল স শক্রস্য বায়সঃ পততাং বরঃ ।
ধরান্তরগতঃ শীঘ্রং পবনস্য গতৌ সমঃ ।। ৫.৩৮.২৮।।।।
38.29
ততস্তস্মিন্ মহাবাহুঃ কোপসংবর্তিতেক্ষণঃ ।
বায়সে কৃতবান্ ক্রূরাং মতিং মতিমতাং বরঃ ।। ৫.৩৮.২৯।।।।
38.30
স দর্ভং সংস্তরাদ্ গৃহ্য ব্রাহ্মেমাস্ত্রেণ যোজয়ৎ ।
স দীপ্ত ইব কালাগ্রির্জজ্বলাভিমুখো দ্বিজম্ ।। ৫.৩৮.৩০।।।।
38.31
স তং প্রদীপ্তং চিক্ষেপ দর্ভং তং বায়সং প্রতি ।
ততস্তং বায়সং দর্ভঃ সো ঽম্বরে ঽনুজগাম হ ।। ৫.৩৮.৩১।।।।
38.32
অনুসৃপ্তস্তদা কাকো জগাম বিবিধাং গতিম্ ।
লোককাম ইমং লোকং সর্বং বৈ বিচচার হ ।। ৫.৩৮.৩২।।।।
38.33
স পিত্রা চ পরিত্যক্তঃ সুরৈশ্চ সমহর্ষিভিঃ ।
ত্রীল্লোকান্ সংপরিক্রম্য তমেব শরণং গতঃ ।। ৫.৩৮.৩৩।।।।
38.34
স তং নিপতিতং ভূমৌ শরণ্যঃ শরণাগতম্ ।
বধার্হমপি কাকুত্স্থঃ কৃপয়া পর্যপালয়ৎ ।। ৫.৩৮.৩৪।।।।
38.35
ন শর্ম লব্ধ্বা তমেব শরণং গতঃ ।
। ৫.৩৮.৩৫।।।।
38.36
পরিদ্যূনং বিষণ্ণং চ স তমায়ান্তমব্রবীৎ ।
মোঘং কর্তুং ন শক্যং তু ব্রাহ্মমস্ত্রং তদুচ্যতাম্ ।। ৫.৩৮.৩৬।।।।
38.37
হিনস্তু দক্ষিণাক্ষি ত্বচ্ছর ইত্যথ সো ঽব্রবীৎ ।
ততস্তস্যাক্ষি কাকস্য হিনস্তি স্ম স দক্ষিণম্ ।দত্ত্বা স দক্ষিণং নেত্রং প্রাণেভ্যঃ পরিরক্ষিতঃ ।। ৫.৩৮.৩৭।।।।
38.38
স রামায় নমস্কৃত্বা রাজ্ঞে দশরথায় চ ।
বিসৃষ্টস্তেন বীরেণ প্রতিপেদে স্বমালয়ম্ ।। ৫.৩৮.৩৮।।ণম্ ।।।
38.39
মত্কৃতে কাকমাত্রে তু ব্রহ্মাস্ত্রং সমুদীরিতম্ ।
কর্মাদ্যো মাং হরত্ত্বত্তঃ ক্ষমসে তং মহীপতে ।। ৫.৩৮.৩৯।।।।
38.40
স কুরুষ্ব মহোত্সাহঃ কৃপাং ময়ি নরর্ষভ ।
ত্বয়া নাথবতী নাথ হ্যনাথা ইব দৃশ্যতে ।। ৫.৩৮.৪০।।।।
38.41
আনৃশংস্যং পরো ধর্মস্ত্বত্ত এব ময়া শ্রুতঃ ।
। ৫.৩৮.৪১।।।।
38.42
জানামি ত্বাং মহাবীর্যং মহোত্সাহং মহাবলম্ ।
অপারপারমক্ষোভ্যং গাম্ভীর্যাৎ সাগরোপমম্ ।ভর্তারং সসমুদ্রায়াধরণ্যা বাসবোপমম্ ।। ৫.৩৮.৪২।।।।
38.43
এবমস্ত্রবিদাং শ্রেষ্ঠঃ সত্যবান্ বলবানপি ।
কিমর্থমস্ত্রং রক্ষস্সু ন যোজয়তি রাঘবঃ ।। ৫.৩৮.৪৩।।।।
38.44
ন নাগা নাপি গন্ধর্বা নাসুরা ন মরুদ্গণাঃ ।
রামস্য সমরে বেগং শক্তাঃ প্রতিসমাধিতুম্ ।। ৫.৩৮.৪৪।।।।
38.45
তস্য বীর্যবতঃ কশ্চিদ্ যদ্যস্তি ময়ি সংভ্রমঃ ।
কিমর্থং ন শরৈস্তীক্ষ্ণৈঃ ক্ষয়ং নয়তি রাক্ষসান্ ।। ৫.৩৮.৪৫।।।।
38.46
ভ্রাতুরাদেশমাদায় লক্ষ্মণো বা পরন্তপঃ ।
কস্য হেতোর্ন মাং বীরঃ পরিত্রাতি মহাবলঃ ।। ৫.৩৮.৪৬।।।।
38.47
যদি তৌ পুরুষব্যাঘ্রৌ বায্বগ্নিসমতেজসৌ ।
সুরাণামপি দুর্ধর্ষৌ কিমর্থং মামুপেক্ষতঃ ।। ৫.৩৮.৪৭।।।।
38.48
মমৈব দুষ্কৃতং কিংচিন্মহদস্তি ন সংশয়ঃ ।
সমর্থাবপি তৌ যন্মাং নাবেক্ষতে পরন্তপৌ ।। ৫.৩৮.৪৮।।।।
38.49
বৈদহ্যা বচনং শ্রত্বা করুণং সাশ্রুভাষিতম্ ।
অথাব্রবীন্মহাতেজা হনূমান্ মারুতাত্মজঃ ।। ৫.৩৮.৪৯।।।।
38.50
ত্বচ্ছোকবিমুখো রামো দেবি সত্যেন মে শপে ।
রামে দুঃখাভিপন্নে চ লক্ষ্মণঃ পরিতপ্যতে ।। ৫.৩৮.৫০।।।।
38.51
কথংচিদ্ভবতী দৃষ্টা ন কালঃ পরিশোচিতুম্ ।
। ৫.৩৮.৫১।।।।
38.52
ইমং মুহূর্তং দুঃখানাং দ্রক্ষ্যস্যন্তমনিন্দিতে ।
তাবুভৌ পুরুষব্যাঘ্রৌ রাজপুত্রৌ মহাবলৌ ।। ৫.৩৮.৫২।।।।
38.53
ত্বদ্দর্শনকৃতোত্সাহৌ লঙ্কাং ভস্মীকরিষ্যতঃ ।
। ৫.৩৮.৫৩।।।।
38.54
হত্বা চ সমরে ক্রূরং রাবণং সহবান্ধবম্ ।
রাঘবস্ত্বাং বিশালাক্ষি নেষ্যতি স্বাং পুরীং প্রতি ।ব্রূহি যদ্রাঘবো বাচ্যো লক্ষ্মণশ্চ মহাবলঃ ।। ৫.৩৮.৫৪।।।।
38.55
সুগ্রীবো বাপি তেজস্বী হরয়ো ঽপি সমাগতাঃ ।
ইত্যুক্তবতি তস্মিংশ্চ সীতা সুরসুতোপমা ।উবাচ সোকসন্তপ্তা হনুমন্তং প্লবঙ্গমম্ ।। ৫.৩৮.৫৫।।।।
38.56
কৌসল্যা লোকভর্তারং সুষুবে যং মনস্বিনী ।
তং মমার্থে সুখং পৃচ্ছ শিরসা চাভিবাদয় ।। ৫.৩৮.৫৬।।।।
38.57
স্রজশ্চ সর্বরত্নানি প্রিয়া যাশ্চ বরাঙ্গনাঃ ।
ঐশ্বর্যং চ বিশালায়াং পৃথিব্যামপি দুর্লভম্ ।। ৫.৩৮.৫৭।।।।
38.58
পিতরং মাতরং চৈব সংমান্যাভিপ্রসাদ্য চ ।
অনুপ্রব্রজিতো রামং সুমিত্রা যেন সুপ্রজাঃ ।। ৫.৩৮.৫৮।।।।
38.59
আনুকূল্যেন ধর্মাত্মা ত্যক্ত্বা সুখমনুত্তমম্ ।
অনুগচ্ছতি কাকুত্স্থং ভ্রাতরং পালয়ন্ বনে ।। ৫.৩৮.৫৯।।।।
38.60
সংহস্কন্ধো মহাবাহুর্মনস্বী প্রিয়দর্শনঃ ।
পিতৃবদ্বর্ততে রামে মাতৃবন্মাং সমাচরন্ ।। ৫.৩৮.৬০।।।।
38.61
হ্রিয়মাণাং তদা বীরো ন তু মাং বেদ লক্ষ্মণঃ ।
। ৫.৩৮.৬১।।।।
38.62
বৃদ্দোপসেবী লক্ষ্মীবান্ শক্তো ন বহু ভাষিতা ।
রাজপুত্রঃ প্রিয়ঃ শ্রেষ্ঠঃ সদৃশঃ শ্বশুরস্য মে ।। ৫.৩৮.৬২।।।।
38.63
মম প্রিয়তরো নিত্যং ভ্রাতা রামস্য লক্ষ্মণঃ ।
নিয়ুক্তো ধুরি যস্যাং তু তামুদ্বহতি বীর্যবান্ ।। ৫.৩৮.৬৩।।।।
38.64
যং দৃষ্ট্বা রাঘবো নৈব বৃত্তমার্যমনুস্মরেৎ ।
স মমার্থায় কুশলং বক্তব্যো বচনান্মম ।মৃদুর্নিত্যং শুচির্দক্ষঃ প্রিয়ো রামস্য লক্ষ্মণঃ ।। ৫.৩৮.৬৪।।।।
38.65
যথা হি বানরশ্রেষ্ঠ দুঃখক্ষয়করো ভবেৎ ।
ত্বমস্মিন্ কার্যনির্যোগে প্রমাণং হরিসত্তম ।। ৫.৩৮.৬৫।।।।
38.66
রাঘবস্ত্বত্সমারম্ভান্ময়ি যত্নপরো ভবেৎ ।
। ৫.৩৮.৬৬।।।।
38.67
ইদং ব্রূয়াশ্চ মে নাথং শূরং রামং পুনঃ পুনঃ ।
জীবিতং ধারয়িষ্যামি মাসং দশরথাত্মজ ।। ৫.৩৮.৬৭।।।।
38.68
ঊর্ধ্বং মাসান্ন জীবেয়ং সত্যেনাহং ব্রবীমি তে ।
রাবণেনোপরুদ্ধাং মাং নিকৃত্যা পাপকর্মণা ।। ৫.৩৮.৬৮।।।।
38.69
ত্রাতুমর্হসি বীর ত্বং পাতালাদিব কৌশিকীম্ ।
ততো বস্ত্রগতং মুক্ত্বা দিব্যং চূডামণিং শুভম্ ।প্রদেয়ো রাঘবায়েতি সীতা হনুমতে দদৌ ।। ৫.৩৮.৬৯।।।।
38.70
প্রতিগৃহ্য ততো বীরো মণিরত্নমনুত্তমম্ ।
অঙ্গুল্যা যোজয়ামাস ন হ্যস্য প্রাভবদ্ভুজঃ ।।। ৫.৩৮.৭০।।।।
38.71
মণিরত্নং কপিবরঃ প্রতিগৃহ্যাভিবদ্য চ ।
সীতাং প্রদক্ষিণং কৃত্বা প্রণতঃ পার্শ্বতঃ স্থিতঃ ।। ৫.৩৮.৭১।।।।
38.72
হর্ষেণ মহতা যুক্তঃ সীতাদর্শনজেন সঃ ।
হৃদয়েন গতো রামং শরীরেণ তু বিষ্ঠিতঃ ।। ৫.৩৮.৭২।।।।
38.73
মণিবরমুপগৃহ্য তং মহার্হং জনকনৃপাত্মজয়া ধৃতং প্রভাবাৎ ।
গিরিরিব পবনাবধূত্মুক্তঃ সুখিতমনাঃ প্রতিসংক্রমং প্রপেদে ।। ৫.৩৮.৭৩।।