Utshovসর্গ 37
37.1
সীতা তদ্বচনং শ্রুত্বা পূর্ণচন্দ্রনিভাননা ।
হনূমন্তমুবাচেদং ধর্মার্থসহিতং বচঃ ।। ৫.৩৭.১।।।।
37.2
অমৃতং বিষসংসৃষ্টং ত্বয়া বানরভাষিতম্ ।
যচ্চ নান্যমনা রামো যচ্চ শোকপরায়ণঃ ।। ৫.৩৭.২।।।।
37.3
ঐশ্বর্যে বা সুবিস্তীর্ণে ব্যসনে বা সুদারুণে ।
রজ্জ্বেব পুরুষং বদ্ধ্বা কৃতান্তঃ পরিকর্ষতি ।। ৫.৩৭.৩।।।।
37.4
বিধির্নূনমসংহার্থঃ প্রাণিনাং প্লবগোত্তম ।
সৌমিত্রিং মাং চ রামং চ ব্যসনৈঃ পশ্য মোহিতান্ ।। ৫.৩৭.৪।।।।
37.5
শোকস্যাস্য কদা পারং রাঘবো ঽধিগমিষ্যতি ।
প্লবমানঃ পরিশ্রান্তো হতনৌঃ সাগরে যথা ।। ৫.৩৭.৫।।।।
37.6
রাক্ষসানাং বধং কৃত্বা সূদয়িত্বা চ রাবণম্ ।
লঙ্কামুন্মূলিতাং কৃত্বা কদা দ্রক্ষ্যতি মাং পতিঃ ।। ৫.৩৭.৬।।।।
37.7
স বাচ্যঃ সন্ত্বরস্বেতি যাবদেব ন পূর্যতে ।
অয়ং সংবত্সরঃ কালস্তাবদ্ধি মম জীবিতম্ ।। ৫.৩৭.৭।।।।
37.8
বর্ততে দশমো মাসো দ্বৌ তু শেষৌ প্লবঙ্গম ।
রাবণেন নৃশংসেন সময়ো যঃ কৃতো মম ।। ৫.৩৭.৮।।।।
37.9
বিভীষণেন চ ভ্রাত্রা মম নির্যাতনং প্রতি ।
অনুনীতঃ প্রয়ত্নেন ন চ তৎ কুরুতে মতিম্ ।। ৫.৩৭.৯।।।।
37.10
মম প্রতিপ্রদানং হি রাবণস্য ন রোচতে ।
রাবণং মার্গতে সঙ্খ্যে মৃত্যুঃ কালবশং গতম্ ।। ৫.৩৭.১০।।।।
37.11
জ্যেষ্টা কন্যা ঽনলা নাম বিভীষণসুতা কপে ।
তয়া মমেদমাখ্যাতং মাত্রা প্রহিতয়া স্বয়ম্ ।। ৫.৩৭.১১।।।।
37.12
অসংশয়ং হরিশ্রেষ্ঠ ক্ষিপ্রং মাং প্রাপ্স্যতে পতিঃ ।
অন্তরাত্মা হি মে শুদ্ধস্তস্মিংশ্চ বহবো গুণাঃ ।। ৫.৩৭.১২।।।।
37.13
উত্সাহঃ পৌরুষং সত্ত্বমানৃশংস্যং কৃতজ্ঞতা ।
বিক্রমশ্চ প্রভাবশ্চ সন্তি বানর রাঘবে ।। ৫.৩৭.১৩।।।।
37.14
চতুর্দশ সহস্রাণি রাক্ষসানাং জঘান যঃ ।
জনস্থানে বিনা ভ্রাত্রা শত্রুঃ কস্তস্য নোদ্বিজেৎ ।। ৫.৩৭.১৪।।।।
37.15
ন স শক্যস্তুলয়িতুং ব্যসনৈঃ পুরুষর্ষভঃ ।
অহং তস্য প্রভাবজ্ঞাশক্রস্যেব পুলোমজা ।। ৫.৩৭.১৫।।।।
37.16
শরজালাংশুমাঞ্ছূরঃ কপে রামদিবাকরঃ ।
শত্রুরক্ষোময়ং তোয়মুপশোষং নয়িষ্যতি ।। ৫.৩৭.১৬।।।।
37.17
ইতি সংজল্পমানাং তাং রামার্থে শোককর্শিতাম্ ।
অশ্রুসম্পূর্ণনয়নামুবাচ বচনং কপিঃ ।। ৫.৩৭.১৭।।।।
37.18
কৃত্বৈব তু বয়ো মহ্যং ক্ষিপ্রমেষ্যতি রাঘবঃ ।
চমূং প্রকর্ষন্ মহতীং হর্যৃক্ষগণসঙ্কুলাম্ ।। ৫.৩৭.১৮।।।।
37.19
অথবা মোচয়িষ্যামি ত্বামদ্যৈব বরাননে ।
অস্মাদ্দুঃখাদুপারোহ মম পৃষ্ঠমনিন্দিতে ।। ৫.৩৭.১৯।।।।
37.20
ত্বাং তু পৃষ্ঠগতাং কৃত্বা সন্তরিষ্যামি সাগরম্ ।
শক্তিরস্তি হি মে বোঢুং লঙ্কামপি সরাবণাম্ ।। ৫.৩৭.২০।।।।
37.21
দ্রক্ষ্যস্যদ্যৈব বৈদেহি রাঘবং সহ লক্ষ্মণম্ ।
ব্যবসায়সমায়ুক্তং বিষ্ণুং দৈত্যবদে যথা ।। ৫.৩৭.২২।।।।
37.22
ত্বদ্দর্শনকৃতোত্সাহমাশ্রমস্থং মহাবলম্ ।
পুরন্দরমিবাসীনং নাকরাজস্য মূর্ধনি ।। ৫.৩৭.২৩।।।।
37.23
পৃষ্ঠমারোহ মে দেবি মা বিকাঙ্ক্ষস্ব শোভনে ।
যোগমন্বিচ্ছ রামেণ শশাঙ্কেনেব রোহিণী ।। ৫.৩৭.২৪।।।।
37.24
কথয়ন্তীব চন্দ্রেণ সূর্যেণ চ মহার্চিষা ।
মত্পৃষ্টমধিরুহ্য ত্বং তরাকাশমহার্ণবৌ ।। ৫.৩৭.২৫।।।।
37.25
ন হি মে সংপ্রয়াতস্য ত্বামিতো নয়তো ঽঙ্গনে ।
অনুগন্তুং গতিং শক্তাঃ সর্বে লঙ্কানিবাসিনঃ ।। ৫.৩৭.২৬।।।।
37.26
যথৈবাহমিহ প্রাপ্তস্তথৈবাহমসংশয়ঃ ।
যাস্যামি পশ্য বৈদেহি ত্বামুদ্যম্য বিহায়সম্ ।। ৫.৩৭.২৭।।।।
37.27
মৈথিলী তু হরিশ্রেষ্ঠাৎ শ্রুত্বা বচনমদ্ভুতম্ ।
হর্ষবিস্মিতসর্বাঙ্গী হনুমন্তমথাব্রবীৎ ।। ৫.৩৭.২৮।।।।
37.28
হনুমন্ দূরমধ্বানং কথং মাং বোঢুমিচ্ছসি ।
তদেব খলু তে মন্যে কপিত্বং হরিয়ূথপ ।। ৫.৩৭.২৯।।।।
37.29
কথং বা ঽল্পশরীরস্ত্বং মামিতো নেতুমিচ্ছসি ।
সকাশং মানবেন্দ্রস্য ভর্তুর্মে প্লবগর্ষভ ।। ৫.৩৭.৩০।।।।
37.30
সীতায়া বচনং শ্রুত্বা হনুমান্ মারুতাত্মজঃ ।
চিন্তয়ামাস লক্ষ্মীবান্ নবং পরিভবং কৃতম্ ।। ৫.৩৭.৩১।।।।
37.31
ন মে জানাতি সত্ত্বং বা প্রভাবং বা ঽসিতেক্ষণা ।
তস্মাৎ পশ্যতু বৈদহী যদ্রূপং মম কামতঃ ।। ৫.৩৭.৩২।।।।
37.32
ইতি সঞ্চিন্ত্য হনুমাংস্তদা প্লবগসত্তমঃ ।
দর্শয়ামাস বৈদেহ্যাঃ স্বরূপমরিমর্দনঃ ।। ৫.৩৭.৩৩।।।।
37.33
স তস্মাৎ পাদপাদ্ধীমানাপ্লুত্য প্লবগর্ষভঃ ।
ততো বর্ধিতুমারেভে সীতাপ্রত্যয়কারণাৎ ।। ৫.৩৭.৩৪।।।।
37.34
মেরুমন্দরসঙ্কাশো বভৌ দীপ্তানলপ্রভঃ ।
অগ্রতো ব্যবতস্থে চ সীতায়া বানরোত্তমঃ ।। ৫.৩৭.৩৫।।।।
37.35
হরিঃ পর্বতসঙ্কাশস্তাম্রবক্ত্রো মহাবলঃ ।
বজ্রদংষ্ট্রনখো ভীমো বৈদেহীমিদমব্রবীৎ ।। ৫.৩৭.৩৬।।।।
37.36
সপর্বতবনোদ্দেশাং সাট্টপ্রকারতোরণাম্ ।
লঙ্কামিমাং সনাথাং ব নয়িতুং শক্তিরস্তি মে ।। ৫.৩৭.৩৭।।।।
37.37
তদবস্থাপ্যতাং বুদ্ধিরলং দেবি বিকাঙ্ক্ষয়া ।
বিশোকং কুরু বৈদেহি রাঘবং সহলক্ষ্মণম্ ।। ৫.৩৭.৩৮।।।।
37.38
তং দৃষ্ট্বা ভীমসঙ্কাশমুবাচ জনকাত্মজা ।
পদ্মপত্রবিশালাক্ষী মারুতস্যৌরসং সুতম্ ।। ৫.৩৭.৩৯।।।।
37.39
তব সত্ত্বং বলং চৈব বিজানামি মহাকপে ।
বায়োরিব গতিং চাপি তেজশ্চাগ্নেরিবাদ্ভুতম্ ।। ৫.৩৭.৪০।।।।
37.40
প্রাকৃতো ঽন্যঃ কথং চেমাং ভূমিমাগন্তুমর্হতি ।
উদধেরপ্রমেয়স্য পারং বানরপুঙ্গব ।। ৫.৩৭.৪১।।।।
37.41
জানামি গমনে শক্তিং নয়নে চাপি তে মম ।
অবশ্যং সংপ্রধার্যাশু কার্যসিদ্ধির্মহাত্মনঃ ।। ৫.৩৭.৪২।।।।
37.42
অয়ুক্তং তু কপিশ্রেষ্ঠ মম গন্তুং ত্বয়া ঽনঘ ।
বায়ুবেগসবেগস্য বেগো মাং মোহয়েত্তব ।। ৫.৩৭.৪৩।।।।
37.43
অহমাকাশমাপন্না হ্যুপর্যুপরি সাগরম্ ।
প্রপতেয়ং হি তে পৃষ্ঠাদ্ভয়াদ্ বেগেন গচ্ছতঃ ।। ৫.৩৭.৪৪।।।।
37.44
পতিতা সাগরে চাহং তিমিনক্রঝষাকুলে ।
ভবেয়মাশু বিবশা যাদসামন্নমুত্তমম্ ।। ৫.৩৭.৪৫।।।।
37.45
ন চ শক্ষ্যে ত্বয়া সার্ধং গন্তুং শত্রুবিনাশন ।
কলত্রবতি সন্দেহস্ত্বয্যপি স্যাদসংশয়ঃ ।। ৫.৩৭.৪৬।।।।
37.46
হ্রিয়মাণং তু মাং দৃষ্ট্বা রাক্ষসা ভীমবিক্রমাঃ ।
অনুগচ্ছেয়ুরাদিষ্টা রাবণেন দুরাত্মনা ।। ৫.৩৭.৪৭।।।।
37.47
তৈস্ত্বং পরিবৃতঃ শূরৈঃ শূলমুদ্গরপাণিভিঃ ।
ভবেস্ত্বং সংশয়ং প্রাপ্তো ময়া বীর কলত্রবান্ ।। ৫.৩৭.৪৮।।।।
37.48
সায়ুধা বহবো ব্যোম্নি রাক্ষসাস্ত্বং নিরায়ুধঃ ।
কথং শক্ষ্যসি সংয়াতুং মাং চৈব পরিরক্ষিতুম্ ।। ৫.৩৭.৪৯।।।।
37.49
যুদ্ধ্যমানস্য রক্ষোভিস্তব তৈঃ ক্রূরকর্মভিঃ ।
প্রপতেয়ং হি তে পৃষ্ঠাদ্ ভয়ার্তা কপিসত্তম ।। ৫.৩৭.৫০।।।।
37.50
অথ রক্ষাংসি ভীমানি মহান্তি বলবন্তি চ ।
কথংচিৎ সাম্পরায়ে ত্বাং জয়েয়ুঃ কপিসত্তম ।। ৫.৩৭.৫১।।।।
37.51
অথবা যুদ্ধ্যমানস্য পতেয়ং বিমুখস্য তে ।
পতিতাং চ গৃহীত্বা মাং নয়েয়ুঃ পাপরাক্ষসাঃ ।। ৫.৩৭.৫২।।।।
37.52
মাং বা হরেয়ুস্ত্বদ্ধস্তাদ্ বিশসেয়ুরথাপি বা ।
অব্যবস্থৌ হি দৃশ্যেতে যুদ্ধে জয়পরাজয়ৌ ।। ৫.৩৭.৫৩।।।।
37.53
অহং বাপি বিপদ্যেয়ং রক্ষোভিরভিতর্জিতা ।
ত্বত্প্রয়ত্নো হরিশ্রোষ্ঠ ভবেন্নিষ্ফল এব তু ।। ৫.৩৭.৫৪।।।।
37.54
কামং ত্বমসি পর্যাপ্তৌ নিহন্তুং সর্বরাক্ষসান্ ।
রাঘবস্য যশো হীয়েত্ত্বয়া শস্তৈস্তু রাক্ষসৈঃ ।। ৫.৩৭.৫৫।।।।
37.55
অথবা ঽ ঽদায় রক্ষাংসি ন্যসেয়ুঃ সংবৃতে হি মাম্ ।
যত্র তে নাভিজানীয়ুর্হরয়ো নাপি রাঘবৌ ।আরম্ভস্তু মদর্থো ঽয়ং ততস্তব নিরর্থকঃ ।। ৫.৩৭.৫৬।।।।
37.56
ত্বয়া হি সহ রামস্য মহানাগমনে গুণঃ ।
।। ৫.৩৭.৫৭।।।।
37.57
ময়ি জীবিতমায়ত্তং রাঘবস্য মহাত্মনঃ ।
ভ্রাতঽণাং চ মহাবাহো তব রাজকুলস্য চ ।। ৫.৩৭.৫৮।।।।।
37.58
তৌ নিরাশৌ মদর্থং তু শোকসন্তাপকর্শিতৌ ।
সহ সর্বর্ক্ষহরিভিস্ত্যক্ষ্যতঃ প্রাণসংগ্রহম্ ।। ৫.৩৭.৫৯।।।।
37.59
ভর্তৃমক্তিং পুরস্কৃত্য রামাদন্যস্য বানর ।
ন স্পৃশামি শরীরং তু পুংসো বাররপুঙ্গবঃ ।। ৫.৩৭.৬০।।।।
37.60
যদহং গাত্রসংস্পর্শং রাবণস্য বলাদ্গতা ।
অনীশা কিং করিষ্যামি বিনাথা বিবশা সতী ।। ৫.৩৭.৬১।।।।
37.61
যদি রামো দশগ্রীবমিহ হত্বা সবান্ধবম্ ।
মামিতো গৃহ্য গচ্ছেত তত্তস্য সদৃশং ভবেৎ ।। ৫.৩৭.৬২।।।।
37.62
শ্রুতা হি দৃষ্টাশ্চ ময়া পরাক্রমা মহাত্মনস্তস্য রণাবমর্দিনঃ ।
ন দেবগন্ধর্বভুজঙ্গরাক্ষসা ভবন্তি রামেণ সমা হি সংয়ুগে ।। ৫.৩৭.৬৩।।।।
37.63
সমীক্ষ্য তং সংয়তি চিত্রকার্মুকং মহাবলং বাসবতুল্যবিক্রমম্ ।
সলক্ষ্মণং কো বিষহেত রাঘবং হুতাশনং দীপ্তমিবানিলেরিতম্ ।। ৫.৩৭.৬৪।।।।
37.64
সলক্ষ্মণং রাঘবমাজিমর্দনং দিশাগজং মত্তমিব ব্যবস্থিতম্ ।
সহেত কো বানরমুখ্য সংয়ুগে যুগান্তসূর্যপ্রতিমং শরার্চিষম্ ।। ৫.৩৭.৬৫।।।।
37.65
স মে হরিশ্রেষ্ঠ সলক্ষ্মণং পতিং সয়ূথপং ক্ষিপ্রমিহোপপাদয় ।
চিরায় রামং প্রতি শোককর্শিতাং কুরুষ্ব মাং বানরমুখ্য হর্ষিতাম্ ।। ৫.৩৭.৬৬।।