Utshovসর্গ 34
34.1
তস্যাস্তদ্বচনং শ্রুত্বা হনুমান্ হরিয়ূথপঃ ।
দুঃখাদ্দুঃখাভিভূতায়াঃ সান্ত্বমুত্তরমব্রবীৎ ।। ৫.৩৪.১।।।।
34.2
অহং রামস্য সন্দেশাদ্দেবি দূতস্তবাগতঃ ।
বৈদেহি কুশলী রামস্ত্বাং চ কৌশলমব্রবীৎ ।। ৫.৩৪.২।।।।
34.3
যো ব্রাহ্মমস্ত্রং বেদাংশ্চ বেদ বেদবিদাং বরঃ ।
স ত্বাং দাশরথী রামো দেবি কৌশলমব্রবীৎ ।। ৫.৩৪.৩।।।।
34.4
লক্ষ্মণশ্চ মহাতেজা ভর্তুস্তে ঽনুচরঃ প্রিয়ঃ ।
কৃতবাঞ্ছোকসন্তপ্তঃ শিরসা তে ঽভিবাদনম্ ।। ৫.৩৪.৪।।।।
34.5
সা তয়োঃ কুশলং দেবী নিশম্য নরসিংহয়োঃ ।
প্রীতিসংহৃষ্টসর্বাঙ্গী হনুমন্তমথাব্রবীৎ ।। ৫.৩৪.৫।।।।
34.6
কল্যাণী বত গাথেয়ং লৌকিকী প্রতিভাতি মা ।
এতি জীবন্তমানন্দো নরং বর্ষশতাদপি ।। ৫.৩৪.৬।।।।
34.7
তয়া সমাগতে তস্মিন্ প্রীতিরুত্পাদিতা ঽদ্ভুতা ।
পরস্পরেণ চালাপং বিশ্বস্তৌ তৌ প্রচক্রতুঃ ।। ৫.৩৪.৭।।।।
34.8
তস্যাস্তদ্বচনং শ্রুত্বা হনুমান্ হরিয়ূথপঃ ।
সীতায়াঃ শোকদীনায়াঃ সমীপমুপচক্রমে ।। ৫.৩৪.৮।।।।
34.9
যথা যথা সমীপং স হনুমানুপসর্পতি ।
তথা তথা রাবণং সা তং সীতা পরিশঙ্কতে ।। ৫.৩৪.৯।।।।
34.10
অহো ধিগ্ দুষ্কৃতমিদং কথিতং হি যদস্য মে ।
রূপান্তরমুপাগম্য স এবায়ং হি রাবণঃ ।। ৫.৩৪.১০।।।।
34.11
তামশোকস্য শাখাং সা বিমুক্তা শোককর্শিতা ।
তস্যামেবানবদ্যাঙ্গী ধরণ্যাং সমুপাবিশৎ ।। ৫.৩৪.১১।।।।
34.12
হমুমানপি দুঃখার্তাং তাং দৃষ্ট্বা ভয়মোহিতাম্ ।
অবন্দত মহাবাহুস্ততস্তাং জনকাত্মজাম্ ।সা চৈনং ভয়বিত্রস্তা ভূয়ো নৈবাভ্যুদৈক্ষত ।। ৫.৩৪.১২।।।।
34.13
তং দৃষ্ট্বা বন্দমানং তু সীতা শশিনিভাননা ।
অব্রবীদ্দীর্ঘমুচ্ছ্বস্য বানরং মধুরস্বরা ।।। ৫.৩৪.১৩।।।।
34.14
মায়াং প্রবিষ্টো মায়াবী যদি ত্বং রাবণঃ স্বয়ম্ ।
উত্পাদয়সি মে ভূয়ঃ সন্তাপং তন্ন শোভনম্ ।। ৫.৩৪.১৪।।।।
34.15
স্বং পরিত্যজ্য রূপং যঃ পরিব্রাজকরূপধৃৎ ।
জনস্থানে ময়া দৃষ্টস্ত্বং স এবাসি রাবণঃ ।। ৫.৩৪.১৫।।।।
34.16
উপবাসকৃশাং দীনাং কামরূপ নিশাচর ।
সন্তাপয়সি মাং ভূয়ঃ সন্তপ্তাং তন্ন শোভনম্ ।। ৫.৩৪.১৬।।।।
34.17
অথবা নৈতদেবং হি যন্ময়া পরিশঙ্কিতম্ ।
মনসো হি মম প্রীতিরুত্পন্না তব দর্শনাৎ ।। ৫.৩৪.১৭।।।।
34.18
যদি রামস্য দূতস্ত্বমাগতো ভদ্রমস্তু তে ।
পৃচ্ছামি ত্বাং হরিশ্রেষ্ঠ প্রিয়া রামকথা হি মে ।গুণান্ রামস্য কথয় প্রিয়স্য মম বানর ।। ৫.৩৪.১৮।।।।
34.19
চিত্তং হরসি মে সৌম্য নদীকূলং যথা রয়ঃ ।
। ৫.৩৪.১৯।।মি ত্বাং হরিশ্রেষ্ঠ প্রিয়া রামকথা হি মে ।।।
34.20
অহো স্বপ্নস্য সুখতা যা ঽহমেংব চিরাহৃতা ।
প্রেষিতং নাম পশ্যামি রাঘবেণ বনৌকসম্ ।। ৫.৩৪.২০।।।।
34.21
স্বপ্নে ঽপি যদ্যহং বীরং রাঘবং সহলক্ষ্মণম্ ।
পশ্যেয়ং নাবসীদেয়ং স্বপ্নো ঽপি মম মত্সরী ।। ৫.৩৪.২১।।।।
34.22
নাহং স্বপ্নমিমং মন্যে স্বপ্নে দৃষ্ট্বা হি বানরম্ ।
ন শক্যো ঽভ্যুদয়ঃ প্রাপ্তুং প্রাপ্তশ্চাভ্যুদয়ো মম ।। ৫.৩৪.২২।।।।
34.23
কিন্নু স্যাচ্চিত্তমোহো ঽয়ং ভবেদ্বাতগতিস্ত্বিয়ম্ ।
উন্মাদজো বিকারো বা স্যাদিয়ং মৃগতৃষ্ণিকা ।। ৫.৩৪.২৩।।।।
34.24
অথবা নায়মুন্মাদো মোহো ঽপ্যুন্মাদলক্ষণঃ ।
সংবুদ্ধ্যে চাহমাত্মানমিমং চাপি বনৌকসম্ ।। ৫.৩৪.২৪।।।।
34.25
ইত্যেবং বহুধা সীতা সংপ্রধার্য বলাবলম্ ।
রক্ষসাং কামরূপত্বান্মেনে তং রাক্ষসাধিপম্ ।। ৫.৩৪.২৫।।।।
34.26
এতাং বুদ্ধিং তদা কৃত্বা সীতা সা তনুমধ্যমা ।
ন প্রতিব্যাজহারাথ বানরং জনকাত্মজা ।। ৫.৩৪.২৬।।।।
34.27
সীতায়াশ্চিন্তিতং বুদ্ধ্বা হনুমান্ মারুতাত্মজঃ ।
শ্রোত্রানুকূলৈর্বচনৈস্তদা তাং সম্প্রহর্ষয়ৎ ।। ৫.৩৪.২৭।।।।
34.28
আদিত্য ইব তেজস্বী লোককান্তঃ শশী যথা ।
রাজা সর্বস্য লোকস্য দেবো বৈশ্রবণো যথা ।বিক্রমেণোপপন্নশ্চ যথা বিষ্ণুর্মহায়শাঃ ।। ৫.৩৪.২৮।।।।
34.29
সত্যবাদী মধুরবাগ্ দেবো বাচস্পতির্যথা ।
রূপবান্ সুভগঃ শ্রীমান্ কন্দর্প ইব মূর্তিমান্ ।। ৫.৩৪.২৯।।
34.30
.স্থানক্রোধঃ প্রহর্তা চ শ্রেষ্ঠো লোকে মহারথঃ ।
। ৫.৩৪.৩০।।।।
34.31
বাহুচ্ছায়ামবষ্টব্ধো যস্য লোকো মহাত্মনঃ ।
। ৫.৩৪.৩১।।।।
34.32
অপকৃষ্যাশ্রমপদান্মৃগরূপেণ রাঘবম্ ।
শূন্যে যেনাপনীতা ঽসি তস্য দ্ক্ষ্যসি যত্ফলম্ ।। ৫.৩৪.৩২।।।।
34.33
নচিরাদ্রাবণং সঙ্খ্যে যো বধিষ্যতি বীর্যবান্ ।
রোষপ্রমুক্তৈরিষুভির্জ্বলদ্ভিরিব পাবকৈঃ ।। ৫.৩৪.৩৩।।।।
34.34
তেনাহং প্রেষিতো দূতস্ত্বত্সকাশমিহাগতঃ ।
ত্বদ্বিয়োগেন দুঃখার্তঃ স ত্বাং কৌশলমব্রবীৎ ।। ৫.৩৪.৩৪।।।।
34.35
লক্ষ্মণশ্চ মহাতেজাঃ সুমিত্রানন্দবর্ধনঃ ।
অভিবাদ্য মহাবাহুঃ স ত্বাং কৌশলমব্রবীৎ ।। ৫.৩৪.৩৫।।।।
34.36
রামস্য চ সখা দেবি সুগ্রীবো নাম বানরঃ ।
রাজা বানরমুখ্যানাং স ত্বাং কৌশলমব্রবীৎ ।। ৫.৩৪.৩৬।।।।
34.37
নিত্যং স্মরতি রামস্ত্বাং সসুগ্রীবঃ সলক্ষ্মণঃ ।
দিষ্ট্যা জীবসি বৈদেহি রাক্ষসীবশমাগতা ।। ৫.৩৪.৩৭।।।।
34.38
নচিরাদ্দ্রক্ষ্যসে রামং লক্ষ্মণং চ মহাবলম্ ।
মধ্যে বানরকোটীনাং সুগ্রীবং চামিতৌজসম্ ।। ৫.৩৪.৩৮।।।।
34.39
অহং সুগ্রীবসচিবো হনুমান্নাম বানরঃ ।
প্রবিষ্টো নগরীং লঙ্কাং লঙ্ঘয়িত্বা মহোদধিম্ ।। ৫.৩৪.৩৯।।।।
34.40
কৃত্বা মূর্ধ্নি পদন্যাসং রাবণস্য দুরাত্মনঃ ।
ত্বাং দ্রষ্টুমুপয়াতো ঽহং সমাশ্রিত্য পরাক্রমম্ ।। ৫.৩৪.৪০।।।।
34.41
নাহমস্মি তথা দেবি যথা মামবগচ্ছসি ।
বিশঙ্কা ত্যজ্যতামেষা শ্রদ্ধত্স্ব বদতো মম ।। ৫.৩৪.৪১।।