Utshovসর্গ 33
33.1
সো ঽবতীর্য দ্রুমাত্তস্মাদ্বিদ্রুমপ্রতিমাননঃ ।
বিনীতবেষঃ কৃপণঃ প্রণিপত্যোপসৃত্য চ ।। ৫.৩৩.১।।।।
33.2
তামব্রবীন্মহাতেজা হনূমান্ মারুতাত্মজঃ ।
শিরস্যঞ্জলিমাধায় সীতাং মধুরয়া গিরা ।। ৫.৩৩.২।।।।
33.3
কানু পদ্মপলাশাক্ষি ক্লিষ্টকৌশেয়বাসিনি ।
দ্রুমস্য শাখামালম্ব্য তিষ্ঠসি ত্বমনিন্দিতে ।। ৫.৩৩.৩।।।।
33.4
কিমর্থং তব নেত্রাভ্যাং বারি স্রবতি শোকজম্ ।
পুণ্ডরীকপলাশাভ্যাং বিপ্রকীর্ণমিবোদকম্ ।। ৫.৩৩.৪।।।।
33.5
সুরাণামসুরাণাং বা নাগগন্ধর্বরক্ষসাম্ ।
যক্ষাণাং কিন্নরাণাং বা কা ত্বং ভবসি শোভনে ।। ৫.৩৩.৫।।।।
33.6
কা ত্বং ভবসি রুদ্রাণাং মরুতাং বা বরাননে ।
বসূনাং বা বরারোহে দেবতা প্রতিভাসে মে ।। ৫.৩৩.৬।।।।
33.7
কিন্নু চন্দ্রমসা হীনা পতিতা বিবুধালয়াৎ ।
রোহিণী জ্যোতিষাং শ্রেষ্ঠা শ্রেষ্ঠসর্বগুণান্বিতা ।। ৫.৩৩.৭।।।।
33.8
কা ত্বং ভবসি কল্যাণি কত্বমনিন্দিতলোচনে ।
। ৫.৩৩.৮।।।।
33.9
কোপাদ্বা যদি বা মোহাদ্ভর্তারমসিতেক্ষণে ।
বসিষ্ঠং কোপয়িত্বা ত্বং নাসিকল্যাণ্যরুন্ধতী ।। ৫.৩৩.৯।।।।
33.10
কো নু পুত্রঃ পিতা ভ্রাতা ভর্তা বা তে সুমধ্যমে ।
অস্মাল্লোকাদমুং লোকং গতং ত্বমনুশোচসি ।। ৫.৩৩.১০।।।।
33.11
রোদনাদতিনিঃশ্বাসাদ্ভূতমিসংস্পর্শনাদপি ।
ন ত্বাং দেবীমহং মন্যে রাজ্ঞঃ সংজ্ঞাবধারণাৎ ।। ৫.৩৩.১১।।।।
33.12
ব্যঞ্জনানি চ তে যানি লক্ষণামনি চ লক্ষয়ে ।
মহিষী ভূমিপালস্য রাজকন্যা ঽসি মে মতা ।। ৫.৩৩.১২।।।।
33.13
রাবণেন জনস্থানাদ্ বলাদপহৃতা যদি ।
সীতা ত্বমসি ভদ্রং তে তন্মমাচক্ষ্ব পৃচ্ছতঃ ।। ৫.৩৩.১৩।।।।
33.14
যথা হি তব বৈ দৈন্যং রূপং চাপ্যতিমানুষম্ ।
তপসা চান্বিতো বেষস্ত্বং রামমহিষী ধ্রুবম্ ।। ৫.৩৩.১৪।।।।
33.15
সা তস্য বচনং শ্রুত্বা রামকীর্তনহর্ষিতা ।
উবাচ বাক্যং বৈদেহী হনুমন্তং দ্রুমাশ্রিতম্ ।। ৫.৩৩.১৫।।।।
33.16
পৃথিব্যাং রাজসিহানাং মুখ্যস্য বিদিতাত্মনঃ ।
স্নুষা দশরথস্যাহং শত্রুসৈন্যপ্রতাপিনঃ ।। ৫.৩৩.১৬।।।।
33.17
দুহিতা জনকস্যাহং বৈদেহস্য মহাত্মনঃ ।
সীতা চ নাম নাম্না ঽহং ভার্যা রামস্য ধীমতঃ ।। ৫.৩৩.১৭।।।।
33.18
সমা দ্বাদশ তত্রাহং রাঘবস্য নিবেশনে ।
ভুঞ্জানা মানুষান্ ভোগান্ সর্বকামসমৃদ্ধিনী ।। ৫.৩৩.১৮।।।।
33.19
তত্র ত্রয়োদশে বর্ষে রাজ্যেনেক্ষ্বাকুনন্দনম্ ।
অভিষেচয়িতুং রাজা সোপাধ্যায়ঃ প্রচক্রমে ।। ৫.৩৩.১৯।।।।
33.20
তস্মিন্ সংভ্রিয়মাণে তু রাঘবস্যাভিষেচনে ।
কৈকেয়ী নাম ভর্তারং দেবী বচনমব্রবীৎ ।। ৫.৩৩.২০।।।।
33.21
ন পিবেয়ং ন খাদেয়ং প্রত্যহং মম ভোজনম্ ।
এষ মে জীবিতস্যান্তো রামো যদ্যভিষিচ্যতে ।। ৫.৩৩.২১।।।।
33.22
যত্তদুক্তং ত্বয়া বাক্যং প্রীত্যা নৃপতিসত্তম ।
তচ্চেন্ন বিতথং কার্যং বনং গচ্ছতু রাঘবঃ ।। ৫.৩৩.২২।।।।
33.23
স রাজা সত্যবাগ্ দেব্যা বরদানমনুস্মরন্ ।
মুমোহ বচনং শ্রুত্বা কৈকেয্যাঃ ক্রূরমপ্রিয়ম্ ।। ৫.৩৩.২৩।।।।
33.24
ততস্তু স্থবিরো রাজা সত্যে ধর্মে ব্যবস্থিতঃ ।
জ্যেষ্ঠং যশস্বিনং পুত্রং রুদন্ রাজ্যময়াচত ।। ৫.৩৩.২৪।।।।
33.25
স পিতুর্বচনং শ্রীমানভিষেকাৎ পরং প্রিয়ম্ ।
মনসা পূর্বমাসাদ্য বাচা প্রতিগৃহীতবান্ ।। ৫.৩৩.২৫।।।।
33.26
দদ্যান্ন প্রতিগৃহ্ণীয়ান্ন ব্রূয়াৎ কিংচিদপ্রিয়ম্ ।
অপি জীবিতহেতোর্বা রামঃ সত্যপরাক্রমঃ ।। ৫.৩৩.২৬।।।।
33.27
স বিহায়োত্তরীয়াণি মহার্হাণি মহায়শাঃ ।
বিসৃজ্য মনসা রাজ্যং জনন্যৈ মাং সমাদিশৎ ।। ৫.৩৩.২৭।।।।
33.28
সা ঽহং তস্যাগ্রতস্তূর্ণং প্রস্থিতা বনচারিণী ।
ন হি মে তেন হীনায়া বাসঃ স্বর্গে ঽপি রোচতে ।। ৫.৩৩.২৮।।।।
33.29
প্রাগেব তু মহাভাগঃ সৌমিত্রির্মিত্রনন্দনঃ ।
পূর্বজস্যানুয়াত্রার্থে দ্রুমচীররৈলঙ্কৃতঃ ।। ৫.৩৩.২৯।।।।
33.30
ত বয়ং ভর্তুরাদেশং বহুমান্য দৃঢব্রতাঃ ।
প্রবিষ্টাঃ স্ম পুরা ঽদৃষ্টং বন গম্ভীরদর্শনম্ ।। ৫.৩৩.৩০।।।।
33.31
বসতো দণঽডকারণ্যে তস্যাহমমিতৌজসঃ ।
রক্ষসা ঽপহৃতা ভার্যা রাবণেন দুরাত্মনা ।। ৫.৩৩.৩১।।।।
33.32
দ্বৌ মাসৌ তেন মে কালো জীবিতানুগ্রহঃ কৃতঃ ।
ঊর্ধ্বং দ্বাভ্যাং তু মাসাভ্যাং ততস্ত্যক্ষ্যামি জীবিতম্ ।। ৫.৩৩.৩২।।