Utshovসর্গ 32
32.1
ততঃ শাখান্তরে লীনং দৃষ্ট্বা চলিতমানসা ।
বেষ্টিতার্জুনবস্ত্রং তং বিদ্যুত্সঙ্ঘাতপিঙ্গলম্ ।। ৫.৩২.১।।।।
32.2
সা দদর্শ কপিং তত্র প্রশ্রিতং প্রিয়বাদিনম্ ।
ফুল্লাশোকোত্করাভাসং তপ্তচামীকরেক্ষণম্ ।। ৫.৩২.২।।।।
32.3
মৈথিলী চিন্তয়ামাস বিস্ময়ং পরমং গতা ।
অহো ভীমমিদং রূপং বানরস্য দুরাসদম্ ।দুর্নিরীক্ষ্যমিতি জ্ঞাত্বা পুনরেব মুমোহ সা ।। ৫.৩২.৩।।।।
32.4
বিললাপ ভৃশং সীতা করুণং ভয়মোহিতা ।
রামরামেতি দুঃখার্তা লক্ষ্মণেতি চ ভামিনী ।। ৫.৩২.৪।।।।
32.5
রুরোদ বহুধা সীতা মন্দং মন্দস্বরা সতী ।
। ৫.৩২.৫।।।।
32.6
সা তং দৃষ্ট্বা হরিশ্রেষ্ঠং বিনীতবদুপস্থিতম্ ।
মৈথিলী চিন্তয়ামাস স্বপ্নো ঽয়মিতি ভামিনী ।। ৫.৩২.৬।।।।
32.7
সা বীক্ষমাণা পৃথুভুগ্নবক্ত্রং শাখামৃগেন্দ্রস্য যথোক্তকারম্ ।
দদর্শ পিঙ্গধিপতেরমাত্যং বাতাত্মজং বুদ্ধিমতাং বরিষ্ঠম্ ।। ৫.৩২.৭।।।।
32.8
সা তং সমীক্ষ্যৈব ভৃশং বিসংজ্ঞা গতাসুকল্পেব বভূব সীতা ।
চিরেণ সংজ্ঞা প্রতিলভ্য ভূয়ো বিচিন্তয়ামাস বিশালনেত্রা ।। ৫.৩২.৮।।।।
32.9
স্বপ্নে ময়া ঽয়ং বিকৃতো ঽদ্য দৃষ্টঃ শাখামৃগঃ শাস্ত্রগণৈর্নিষিদ্ধঃ ।
স্বস্ত্যস্তু রামায় সলক্ষ্মণায় তথা পিতুর্মে জনকস্য রাজ্ঞঃ ।। ৫.৩২.৯।।।।
32.10
স্বপ্নো ঽপি নায়ং নহি মে ঽস্তি নিদ্রা শোকেন দুঃখেন চ পীডিতায়াঃ ।
সুখং হি মে নাস্তি যতো ঽস্মি হীনা তেনেন্দুপূর্ণপ্রতিমাননেন ।। ৫.৩২.১০।।।।
32.11
রামেতি রামেতি সদৈব বুদ্ধ্যা বিচিন্ত্য বাচা ব্রুবতী তমেব ।
তস্যানুরূপাং চ কথাং তমর্তমেব প্রপশ্যামি তথা শ্রৃণোমি ।। ৫.৩২.১১।।।।
32.12
অহং হি তস্যাদ্য মনোভবেন সংপীডিতা তদ্গতসর্বভাবা ।
বিচিন্তয়ন্তী সততং তমেব তথৈব পশ্যামি তথা শৃণোমি ।। ৫.৩২.১২।।।।
32.13
মনোরথঃ স্যাদিতি চিন্তয়ামি তথাপি বুদ্ধ্যা চ বিতর্কয়ামি ।
কিং কারণং তস্য হি নাস্তি রূপং সুব্যক্তরূপশ্চ বদত্যয়ং মাম্ ।। ৫.৩২.১৩।।।।
32.14
নমো ঽস্তু বাচস্পতয়ে সবজ্রিণে স্বয়ম্ভুবে চৈব হুতাশনায় চ ।
অনেন চোক্তং যদিদং মমাগ্রতো বনৌকসা তচ্চ তথা ঽস্তু নান্যথা ।। ৫.৩২.১৪।।