Utshovসর্গ 28
28.1
সা রাক্ষসেন্দ্রস্য বচো নিশম্য তদ্রাবণস্যাপ্রিয়মপ্রিয়ার্তা ।
সীতা বিতত্রাস যথা বনান্তে সিংহাভিপন্না গজরাজকন্যা ।। ৫.২৮.১।।।।
28.2
সা রাক্ষসীমধ্যগতা চ ভীরুর্বাগ্ভির্ভৃশং রাবণতর্জিতা চ ।
কান্তারমধ্যে বিজনে বিসৃষ্টা বালেব কন্যা বিললাপ সীতা ।। ৫.২৮.২।।।।
28.3
সত্যং বতেদং প্রবদন্তি লোকে নাকালমৃত্যুর্ভবতীতি সন্তঃ ।
যত্রাহমেবং পরিভর্ত্স্যমানা জীবামি কিংচিত্ক্ষণমপ্যপুণ্যা ।। ৫.২৮.৩।।।।
28.4
সুখাদ্বিহীনং বহুদুঃখপূর্ণমিদং তু নূনং হৃদয়ং স্থিরং মে ।
বিশীর্যতে যন্ন সহস্রধা ঽদ্য বজ্রাহতং শৃঙ্গমিবাচলস্য ।। ৫.২৮.৪।।।।
28.5
নৈবাস্তি দোষং মম নূনমত্র বধ্যা ঽহমস্যাপ্রিয়দর্শনস্য ।
ভাবং ন চাস্যাহমনুপ্রদাতুমলং দ্বিজো মন্ত্রমিবাদ্বিজায় ।। ৫.২৮.৫।।।।।
28.6
নূনং মমাঙ্গান্যচিরাদনার্যঃ শস্ত্রৈঃ শিতৈশ্ছেত্স্যতি রাক্ষসেন্দ্রঃ ।
তস্মিন্ননাগচ্ছতি লোকনাথে গর্ভস্থজন্তোরিব শল্যকৃন্তঃ ।। ৫.২৮.৬।।।।
28.7
দুঃখং বতেদং মম দুঃখিতায়া মাসৌ চিরায়াধিগমিষ্যতো দ্বৌ ।
বদ্ধস্য বধ্যস্য তথা নিশান্তে রাজাপরাধাদিব তস্করস্য ।। ৫.২৮.৭।।।।
28.8
হা রাম হা লক্ষ্মণ হা সুমিত্রে হা রামমাতঃ সহ মে জনন্যা ।
এষা বিপদ্যাম্যহমল্পভাগ্যা মাহার্ণবে নৌরিব মূঢবাতা ।। ৫.২৮.৮।।।।
28.9
তরস্বিনৌ ধারয়তা মৃগস্য সত্ত্বেন রূপং মনুজেন্দ্রপুত্রৌ ।
নূনং বিশস্তৌ মম কারণাৎ তৌ সিংহর্ষভৌ দ্বাবিব বৈদ্যতেন ।। ৫.২৮.৯।।।।
28.10
নূনং স কালো মৃগরূপধারী মামল্পভাগ্যাং লুলুভে তদানীম্ ।
যত্রার্যপুত্রং বিসসর্জ মূঢা রামানুজং লক্ষ্মণপূর্বজং চ ।। ৫.২৮.১০।।।।
28.11
হা রাম সত্যব্রত দীর্ঘবাহো হা পূর্ণচন্দ্রপ্রতিমানবক্র ।
রা জীবলোকস্য হিতঃ প্রিয়শ্চ বধ্যাং ন মাং বেত্সি হি রাক্ষসানাম্ ।। ৫.২৮.১১।।।।
28.12
অনন্যদেবত্বমিয়ং ক্ষমা চ ভূমৌ চ শয্যা নিয়মশ্চ ধর্মে ।
পতিব্রতাত্বং বিফলং মমেদং কৃতং কৃতঘ্নেষ্বিব মানুষাণাম্ ।। ৫.২৮.১২।।।।
28.13
মোঘো হি ধর্মশ্চরিতো ময়া ঽয়ং তথৈকপত্নীত্বমিদং নিরর্থম্ ।
যা ত্বাং ন পশ্যামি কৃশা বিবর্ণা হীনা ত্বয়া সঙ্গমনে নিরাশা ।। ৫.২৮.১৩।।।।
28.14
পিতুর্নিদেশং নিয়মেন কৃত্বা বনান্নিবৃত্তশ্চরিতব্রতশ্চ ।
স্ত্রীভিস্তু মন্যে বিপুলেক্ষণাভিস্ত্বং রংস্যসে বীতভয়ঃ কৃতার্থঃ ।। ৫.২৮.১৪।।।।
28.15
অহং তু রাম ত্বয়ি জাতকামা চিরং বিনাশায় নিবদ্ধভাবা ।
মোঘং চরিত্বা ঽথ তপোব্রতং চ ত্যক্ষ্যামি ধিগ্ জীবিতমল্পভাগ্যা ।। ৫.২৮.১৫।।।।
28.16
সা জীবিতং ক্ষিপ্রমহং ত্যজেয়ং বিষেণ শস্ত্রেণ শিতেন বাপি ।
বিষস্য দাতা নহি মে ঽস্তি কশ্চিচ্ছস্ত্রস্য বা বেশ্মনি রাক্ষসস্য ।। ৫.২৮.১৬।।।।
28.17
ইতীব দেবী বহুধা বিলপ্য সর্বাত্মনা রামমনুস্মরন্তী ।
প্রবেপমানা পরিশুষ্কবক্ত্রা নগোত্তমং পুষ্পিতমাসসাদ ।। ৫.২৮.১৭।।।।
28.18
শোকাভিতপ্তা বহুধা বিচিন্ত্য সীতা ঽথ বেণ্যুদ্গ্রথনং গৃহীত্বা ।
উদ্বধ্য বেণ্যুদ্গ্রথনেন শীঘ্রমহং গমিষ্যামি যমস্য মূলম্ ।। ৫.২৮.১৮।।।।
28.19
উপস্থিতা সা মৃদুসর্বগাত্রা শাখাং গৃহীত্বা ঽথ নগস্য তস্য ।
। ৫.২৮.১৯।।।।
28.20
তস্যাস্তু রামং প্রবিচিন্তয়ন্ত্যা রামানুজং স্বং চ কুলং শুভাঙ্গ্যাঃ ।
শোকানিমিত্তানি তথা বহূনি ধৈর্যার্জিতানি প্রবরাণি লোকে ।প্রাদুর্নিমিত্তানি তদা বভূবুঃ পুরাপি সিদ্ধান্যুপলক্ষিতানি । ।। ৫.২৮.২০।।