Utshovসর্গ 27
27.1
ইত্যুক্তাঃ সীতয়া ঘোরা রাক্ষস্যঃ ক্রোধমূর্চ্ছিতাঃ ।
কাশ্চিজ্জগ্মুস্তদাখ্যাতুং রাবণস্য তরস্বিনঃ ।। ৫.২৭.১।।।।
27.2
ততঃ সীতামুপাগম্য রাক্ষস্যো ঘোরদর্শনাঃ ।
পুনঃ পরুষমেকার্থমনর্থার্থমথাব্রুবন্ ।। ৫.২৭.২।।।।
27.3
অদ্যেদানীং তবানার্যে সীতে পাপবিনিশ্চয়ে ।
রাক্ষস্যো ভক্ষয়িষ্যন্তি মাংসমতেদ্যতাসুখম্ ।। ৫.২৭.৩।।।।
27.4
সীতাং তাভিরনার্যাভির্দৃষ্ট্বা সন্তর্জিতাং তদা ।
রাক্ষসী ত্রিজটা বৃদ্ধা শয়ানা বাক্যমব্রবীৎ ।। ৫.২৭.৪।।।।
27.5
আত্মানং খাদতানার্যা ন সীতাং ভক্ষয়িষ্যথ ।
জনকস্য সুতামিষ্টাং স্নুষাং দশরথস্য চ ।। ৫.২৭.৫।।।।
27.6
স্বপ্নো হ্যদ্য ময়া দৃষ্টো দারুণো রোমহর্ষণঃ ।
রাক্ষসানামভাবায় ভর্তুরস্যা ভবায় চ ।। ৫.২৭.৬।।।।
27.7
এবমুক্তাস্ত্রিজটয়া রাক্ষস্যঃ ক্রোধমূর্চ্ছিতাঃ ।
সর্বা এবাব্রুবন্ ভীতাস্ত্রিজটাং তামিদং বচঃ ।কথয়স্ব ত্বয়া দৃষ্টঃ স্বপ্নো ঽয়ং কীদৃশো নিশি ।। ৫.২৭.৭।।।।
27.8
তাসাং শ্রুত্বা তু বচনং রাক্ষসীনাং মুখাচ্চ্যুতম্ ।
উবাচ বচনং কালে ত্রিজটা স্বপ্নসংশ্রিতম্ ।। ৫.২৭.৮।।।।
27.9
গজদন্তময়ীং দিব্যাং শিবিকামন্তরিক্ষগাম্ ।
। ৫.২৭.৯।।।।
27.10
যুক্তাং হংসসহস্রেণ স্বয়মাস্থায় রাঘবঃ ।
শুক্লমাল্যাম্বরধরো লক্ষ্মণেন সহা গতঃ ।। ৫.২৭.১০।।।।
27.11
স্বপ্নে চাদ্য ময়া দৃষ্টা সীতা শুক্লাম্বরাবৃতা ।
সাগরেণ পরিক্ষিপ্তং শ্বেতং পর্বতমাস্থিতা ।রামেণ সঙ্গতা সীতা ভাস্করেণ প্রভা যথা ।। ৫.২৭.১১।।।।
27.12
রাঘবশ্চ ময়া দৃষ্টাশ্চতুর্দন্তং মহাগজম্ ।
আরূঢঃ শৈলসঙ্কাশং চচার সহ লক্ষ্মণঃ ।। ৫.২৭.১২।।।।
27.13
ততস্তৌ নহশার্দূলৌ দীপ্যমানৌ স্বতেজসা ।
শুক্লমাল্যাম্বরধরৌ জানকীং পর্যুপস্থিতৌ ।। ৫.২৭.১৩।।।।
27.14
ততস্তস্য নগস্যাগ্রে হ্যাকাশস্থস্য দন্তিনঃ ।
ভর্ত্রা পরিগৃহীতস্য জানকী স্কন্ধমাশ্রিতা ।। ৫.২৭.১৪।।।।
27.15
ভর্তুরঙ্কাৎ সমুত্পত্য ততঃ কমললোচনা ।
চন্দ্রসূর্যো ময়া দৃষ্টা পাণিনা পরিমার্জতী ।। ৫.২৭.১৫।।।।
27.16
ততস্তাভ্যাং কুমারাভ্যামাস্থিতঃ স গজোত্তমঃ ।
সীতয়া চ বিশালাক্ষ্যা লঙ্কায়া উপরি স্থিতঃ ।। ৫.২৭.১৬।।।।
27.17
পাণ্ডুরর্ষভয়ুক্তেন রথেনাষ্টয়ুজা স্বয়ম্ ।
ইহোপয়াতঃ কাকুত্স্থঃ সীতয়া সহ ভার্যয়া ।। ৫.২৭.১৭।।।।
27.18
লক্ষ্মণেন সহ ভ্রাত্রা সীতয়া সহ বীর্যবান্ ।
। ৫.২৭.১৮।।।।
27.19
আরুহ্য পুষ্পকং দিব্যং বিমানং সূর্যসন্নিভম্ ।
উত্তরাং দিশমালোক্য জগাম পুরুষোত্তমঃ ।। ৫.২৭.১৯।।।।
27.20
এবং স্বপ্নে ময়া দৃষ্টো রামো বিষ্ণুপরাক্রমঃ ।
লক্ষ্মণেন সহ ভ্রাত্রা সীতয়া সহ ভার্যয়া * ।। ৫.২৭.২০।।।।
27.21
ন হি রামো মহাতেজাঃ শক্যো জেতুং সুরাসুরৈঃ ।
রাক্ষসৈর্বাপি চান্যৈর্বা স্বর্গঃ পাপজনৈরিব ।। ৫.২৭.২১।।।।
27.22
রাবণশ্চ ময়া দৃষ্টঃ ক্ষিতৌ তৈলসমুক্ষিতঃ ।
রক্তবাসাঃ পিবন্ মত্তঃ করবীরকৃতস্রজঃ ।। ৫.২৭.২২।।।।
27.23
বিমানাৎ পুষ্পকাদদ্য রাবণঃ পতিতো ভুবি ।
কৃষ্যমাণঃ স্ত্রিয়া দৃষ্টো মুণ্ডঃ কৃষ্ণাম্বরঃ পুনঃ ।। ৫.২৭.২৩।।।।
27.24
রথেন খরয়ুক্তেন রক্তমাল্যানুলেপনঃ ।
পিবংস্তৈলং হসন্ নৃত্যন্ ভ্রান্তচিত্তাকুলেন্দ্রিয়ঃ ।গর্দভেন যয়ৌ শীঘ্রং দক্ষিণাং দিশমাস্থিতঃ ।। ৫.২৭.২৪।।।।
27.25
পুনরেব ময়া দৃষ্টো রাবণো রাক্ষসেশ্বরঃ ।
পতিতো ঽবাবিছরা ভূমৌ গর্দভাদ্ভয়মোহিতঃ ।। ৫.২৭.২৫।।।।
27.26
সহসোত্থায় সম্ভ্রান্তো ভয়ার্তো মদবিহ্বলঃ ।
উন্মত্ত ইব দিগ্বাসা দুর্বাক্যং প্রলপন্ বহু ।। ৫.২৭.২৬।।।।
27.27
দুর্গন্ধং দুস্সহং ঘোরং তিমিরং নরকোপমম্ ।
মলপঙ্কং প্রবিশ্যাশু মগ্নস্তত্র স রাবণঃ ।। ৫.২৭.২৭।।।।
27.28
কণ্ঠে বদ্ধ্বা দশগ্রীবং প্রমদা রক্তবাসিনা ।
কালী কর্দমলিপ্তাঙ্গী দিশং যাম্যাং প্রকর্ষতি ।। ৫.২৭.২৮।।।।
27.29
এবং তত্র ময়া দৃষ্টঃ কুম্ভকর্ণৌ নিশাচরঃ ।
রাবণস্য সুতাঃ সর্বে তৃষ্টাস্তৈলসমুক্ষিতাঃ ।। ৫.২৭.২৯।।।।
27.30
বরাহেণ দশগ্রীবঃ শিংশুমারেণ চেন্দ্রজিৎ ।
উষ্ট্রেণ কুম্ভকর্ণশ্চ প্রয়াতো দক্ষিণাং দিশম্ ।। ৫.২৭.৩০।।।।
27.31
একস্তত্র ময়া দৃষ্টঃ শ্বেতচ্ছত্রো বিভীষণঃ ।
। ৫.২৭.৩১।।।।
27.32
শুক্লমাল্যাম্বরধরঃ শুক্লগন্ধানুলেপনঃ ।
শঙ্খদুন্দুভিনির্ঘোষৈর্নৃত্তগীতৈরলঙ্কৃতঃ ।। ৫.২৭.৩২।।।।
27.33
আরুহ্য শৌলসঙ্কাশং মেঘস্তনিতনিঃস্বনম্ ।
চতুর্দন্তং গজং দিব্যমাস্তে তত্র বিভীষণঃ ।চতুর্ভিঃ সচিবৈঃ সার্ধং বৈহায়সমুপস্থিতঃ ।। ৫.২৭.৩৩।।।।
27.34
সমাজশ্চ ময়া দৃষ্টো গীতবাদিত্রনিঃস্বনঃ ।
পিবতাং রক্তমাল্যানাং রক্ষসাং রক্তবাসসাম্ ।। ৫.২৭.৩৪।।।।
27.35
লঙ্কাং চেয়ং পুরী রম্যা সবাজিরথকুঞ্জরা ।
সাগরে পতিতা দৃষ্টা ভগ্নগোপুরতোরণা ।। ৫.২৭.৩৫।।।।
27.36
লঙ্কা দৃষ্টা ময়া স্বপ্নে রাবণেনাভিরক্ষিতা ।
দগ্ধা রামস্য দূতেন বানরেণ তরস্বিনা ।। ৫.২৭.৩৬।।।।
27.37
পীত্বা তৈলং প্রনৃত্তাশ্চ প্রহসন্ত্যো মহাস্বনাঃ ।
লঙ্কায়াং ভস্মরূক্ষায়াং প্রবিষ্টা রাক্ষসস্ত্রিয়ঃ ।। ৫.২৭.৩৭।।।।
27.38
কুম্ভকর্ণাদয়শ্চেমে সর্বে রাক্ষসপুঙ্গবাঃ ।
রক্তং নিবসনং গৃহ্য প্রবিষ্টা গোময়হ্রদে ।। ৫.২৭.৩৮।।।।
27.39
অপগচ্ছত নশ্যধ্বং সীতামাপ স রাঘবঃ ।
ঘাতয়েৎ পরমামর্ষী সর্বৈঃ সার্ধং হি রাক্ষসৈঃ ।। ৫.২৭.৩৯।।।।
27.40
প্রিয়াং বহুমতাং ভার্যাং বনবাসমনুব্রতাম্ ।
ভর্ত্সিতাং তর্জিতাং বাপি নানুমংস্যতি রাঘবঃ ।।। ৫.২৭.৪০।।।।
27.41
তদলং ক্রূরবাক্যৈর্বঃ সান্ত্বমেবাভিধীয়তাম্ ।
অভিয়াচাম বৈদৈহীমেতদ্ধি মম রোচতে ।। ৫.২৭.৪১।।।।
27.42
যস্যামেব বিধঃ স্বপ্নো দুঃখিতায়াং প্রদৃশ্যতে ।
সা দুঃখৈর্বিবিধৈর্মুক্তা প্রিয়ং প্রাপ্নোত্যনুত্তমম্ ।। ৫.২৭.৪২।।।।
27.43
ভর্ত্সিতামপি যাচধ্বং রাক্ষস্যঃ কিং বিবক্ষয়া ।
রাঘবাদ্ধি ভয়ং ঘোরং রাক্ষসানামুপস্থিতম্ ।। ৫.২৭.৪৩।।।।
27.44
প্রণিপাতপ্রসন্না হি মৈথিলী জনকাত্মজা ।
অলমেষা পরিত্রাতুং রাক্ষস্যো মহতো ভয়াৎ ।। ৫.২৭.৪৪।।।।
27.45
অপি চাস্যা বিশালাক্ষ্যা ন কিঞ্চিদুপলক্ষয়ে ।
বিরূপমপি চাঙ্গেষু সুসূক্ষ্মমপি লক্ষণ্ ।। ৫.২৭.৪৫।।।।
27.46
ছায়াবৈগুণ্যমাত্রং তু শঙ্কেঃ দুঃখমুপস্থিতম্ ।
অদুঃখার্হামিমাং দেবীং বৈহায়সমুপস্থিতাম্ ।। ৫.২৭.৪৬।।।।
27.47
অর্থসিদ্ধিং তু বৈদেহ্যাঃ পশ্যাম্যহমুপস্থিতাম্ ।
রাক্ষসেন্দ্রবিনাশং চ বিজয়ং রাঘবস্য চ ।। ৫.২৭.৪৭।।।।
27.48
নিমিত্তভূতমেত্তু শ্রোতুমস্যা মহৎ প্রিয়ম্ ।
। ৫.২৭.৪৮।।।।
27.49
দৃশ্যতে চ স্ফুরচ্চক্ষুঃ পদ্মপত্রমিবায়তম্ ।
ঈষচ্চ হৃষিতো বা ঽস্যা দক্ষিণায়া হ্যদক্ষিণঃ ।। ৫.২৭.৪৯।।।।
27.50
অকস্মাদেব বৈদেহ্যা বাহুরেকঃ প্রকম্পতে ।
করেণুহস্তপ্রতিমঃ সব্যশ্চোরুরনুত্তমঃ ।বেপমানঃ সূচয়তি রাঘবং পুরতঃ স্থিতম্ ।। ৫.২৭.৫০।।।।
27.51
পক্ষী চ শাখানিলয়ঃ প্রহৃষ্টঃ পুনঃ পুনশ্চোত্তমসান্ত্ববাদী ।
সুস্বাগতাং বাচমুদীরয়ানঃ পুনঃ পুনশ্চোদয়তীব হৃষ্টঃ ।। ৫.২৭.৫১।।