Utshovসর্গ 20
20.1
সীতায়া বচনং শ্রুত্বা পরুষং রাক্ষসাধিপঃ ।
প্রত্যুবাচ ততঃ সীতাং বিপ্রিয়ং প্রিয়দর্শনাম্ ।। ৫.২০.১।।।।
20.2
যথা যথা সান্ত্বয়িতা বশ্যঃ স্ত্রীণাং তথা তথা ।
যথা যথা প্রিয়ং বক্তা পরিভূতস্তথা তথা ।। ৫.২০.২।।।।
20.3
সংনিয়চ্ছতি মে ক্রোধং ত্বয়ি কামঃ সমুত্থিতঃ ।
দ্রবতো মার্গমাসাদ্য হয়ানিব সুসারথিঃ ।। ৫.২০.৩।।।।
20.4
বামঃ কামো মনুষ্যাণাং যস্মিন্কিল নিবধ্যতে ।
জনে তস্মিংস্ত্বনুক্রোশঃ স্নেহশ্চ কিল জায়তে ।। ৫.২০.৪।।।।
20.5
এতস্মাত্কারণান্ন তাং ঘতয়ামি বরাননে ।
বধার্হামবমানার্হাং মিথ্যাপ্রব্রজিতে রতাম্ ।। ৫.২০.৫।।।।
20.6
পরুষাণি হি বাক্যানি যানি যানি ব্রবীষি মাম্ ।
তেষু তেষু বধো যুক্তস্তব মৈথিলি দারুণঃ ।। ৫.২০.৬।।।।
20.7
এবমুক্ত্বা তু বৈদেহীং রাবণো রাক্ষসাধিপঃ ।
ক্রোধসংরম্ভসংয়ুক্তঃ সীতামুত্তরমব্রবীৎ ।। ৫.২০.৭।।।।
20.8
দ্বৌ মাসৌ রক্ষিতব্যৌ মে যোঽবধিস্তে ময়া কৃতঃ ।
ততঃ শয়নমারোহ মম ত্বং বরবর্ণিনি ।। ৫.২০.৮।।।।
20.9
দ্বাভ্যামূর্ধ্বং তু মাসাভ্যাং ভর্তারং মামনিচ্ছতীম্ ।
মম ত্বাং প্রাতরাশার্থমারভন্তে মহানসে ।। ৫.২০.৯।।।।
20.10
তাং তর্জ্যমানাং সম্প্রেক্ষ্য রাক্ষসেন্দ্রেণ জানকীম্ ।
দেবগন্ধর্বকন্যাস্তা বিষেদুর্বিপুলেক্ষণাঃ ।। ৫.২০.১০।।।।
20.11
ওষ্ঠপ্রকারৈরপরা নেত্রবক্ত্রৈস্তথাপরাঃ ।
সীতামাশ্বাসয়ামাসুস্তর্জিতাং তেন রক্ষসা ।। ৫.২০.১১।।।।
20.12
তাভিরাশ্বাসিতা সীতা রাবণং রাক্ষসাধিপম্ ।
উবাচাত্মহিতং বাক্যং বৃত্তশৌণ্ডীর্যগর্বিতম্ ।। ৫.২০.১২।।।।
20.13
নূনং ন তে জনঃ কশ্চিদসিন্নিঃশ্রেয়সে স্থিতঃ ।
নিবারয়তি যো ন ত্বাং কর্মণোঽস্মাদ্বিগর্হিতাৎ ।। ৫.২০.১৩।।।।
20.14
মাং হি ধর্মাত্মনঃ পত্নীং শচীমিব শচীপতেঃ ।
ত্বদন্যস্ত্রিষু লোকেষু প্রার্থয়েন্মনসাপি কঃ ।। ৫.২০.১৪।।।।
20.15
রাক্ষসাধম রামস্য ভার্যামমিততেজসঃ ।
উক্তবানসি যত্পাপং ক্ব গতস্তস্য মোক্ষ্যসে ।। ৫.২০.১৫।।।।
20.16
যথা দৃপ্তশ্চ মাতঙ্গঃ শশশ্ চ সহিতৌ বনে ।
তথা দ্বিরদবদ্রামস্ত্বং নীচ শশবত্স্মৃতঃ ।। ৫.২০.১৬।।।।
20.17
স ত্বমিক্ষ্বাকুনাথং বৈ ক্ষিপন্নিহ ন লজ্জসে ।
চক্ষুষো বিষয়ং তস্য ন তাবদুপগচ্ছসি ।। ৫.২০.১৭।।।।
20.18
ইমে তে নয়নে ক্রূরে বিরূপে কৃষ্ণপিঙ্গলে ।
ক্ষিতৌ ন পতিতে কস্মান্মামনার্যনিরীক্ষিতঃ ।। ৫.২০.১৮।।।।
20.19
তস্য ধর্মাত্মনঃ পত্নীং স্নুষাং দশরথস্য চ ।
কথং ব্যাহরতো মাং তে ন জিহ্বা পাপ শীর্যতে ।। ৫.২০.১৯।।।।
20.20
অসন্দেশাত্তু রামস্য তপসশ্চানুপালনাৎ ।
ন ত্বাং কুর্মি দশগ্রীব ভস্ম ভস্মার্হতেজসা ।। ৫.২০.২০।।।।
20.21
নাপহর্তুমহং শক্যা তস্য রামস্য ধীমতঃ ।
বিধিস্তব বধার্থায় বিহিতো নাত্র সংশয়ঃ ।। ৫.২০.২১।।।।
20.22
শূরেণ ধনদভ্রাতা বলৈঃ সমুদিতেন চ ।
অপোহ্য রামং কস্মাদ্ধি দারচাউর্য.ম্ ত্বয়া ক্র্তম্ ।। ৫.২০.২২।।।।
20.23
সীতায়া বচনং শ্রুত্বা রাবণো রাক্ষসাধিপঃ ।
বিবৃত্য নয়নে ক্রূরে জানকীমন্ববৈক্ষত ।। ৫.২০.২৩।।।।
20.24
নীলজীমূতসঙ্কাশো মহাভুজশিরোধরঃ ।
সিংহসত্ত্বগতিঃ শ্রীমান্দীপ্তজিহ্বোগ্রলোচনঃ ।। ৫.২০.২৪।।।।
20.25
চলাগ্রমকুটঃ প্রাংশুশ্চিত্রমাল্যানুলেপনঃ ।
রক্তমাল্যাম্বরধরস্তপ্তাঙ্গদবিভূষণঃ ।। ৫.২০.২৫।।।।
20.26
শ্রোণীসূত্রেণ মহতা মেককেন সুসংবৃতঃ ।
অমৃতোত্পাদনদ্ধেন ভুজঙ্গেনেব মন্দরঃ ।। ৫.২০.২৬।।।।
20.27
তরুণাদিত্যবর্ণাভ্যাং কুণ্ডলাভ্যাং বিভূষিতঃ ।
রক্তপল্লবপুষ্পাভ্যামশোকাভ্যামিবাচলঃ ।। ৫.২০.২৭।।।।
20.28
অবেক্ষমাণো বৈদেহীং কোপসংরক্তলোচনঃ ।
উবাচ রাবণঃ সীতাং ভুজঙ্গ ইব নিঃশ্বসন্ ।। ৫.২০.২৮।।।।
20.29
অনয়েনাভিসম্পন্নমর্থহীনমনুব্রতে ।
নাশয়াম্যহমদ্য ত্বাং সূর্যঃ সন্ধ্যামিবৌজসা ।। ৫.২০.২৯।।।।
20.30
ইত্যুক্ত্বা মৈথিলীং রাজা রাবণঃ শত্রুরাবণঃ ।
সন্দিদেশ ততঃ সর্বা রাক্ষসীর্ঘোরদর্শনাঃ ।। ৫.২০.৩০।।।।
20.31
একাক্ষীমেককর্ণাং চ কর্ণপ্রাবরণাং তথা ।
গোকর্ণীং হস্তিকর্ণীং চ লম্বকর্ণীমকর্ণিকাম্ ।। ৫.২০.৩১।।।।
20.32
হস্তিপদ্য শ্বপদ্যৌ চ গোপদীং পাদচূলিকাম্ ।
একাক্ষীমেকপাদীং চ পৃথুপাদীমপাদিকাম্ ।। ৫.২০.৩২।।।।
20.33
অতিমাত্রশিরোগ্রীবামতিমাত্রকুচোদরীম্ ।
অতিমাত্রাস্যনেত্রাং চ দীর্ঘজিহ্বামজিহ্বিকাম্ ।অনাসিকাং সিংহমুখীং গোমুখীং সূকরীমুখীম্ ।। ৫.২০.৩৩।।।।
20.34
যথা মদ্বশগা সীতা ক্ষিপ্রং ভবতি জানকী ।
তথা কুরুত রাক্ষস্যঃ সর্বাঃ ক্ষিপ্রং সমেত্য চ ।। ৫.২০.৩৪।।।।
20.35
প্রতিলোমানুলোমৈশ্চ সামদানাদিভেদনৈঃ ।
আবর্তয়ত বৈদেহীং দণ্ডস্যোদ্যমনেন চ ।। ৫.২০.৩৫।।।।
20.36
ইতি প্রতিসমাদিশ্য রাক্ষসেন্দ্রঃ পুনঃ পুনঃ ।
কামমন্যুপরীতাত্মা জানকীং পর্যতর্জয়ৎ ।। ৫.২০.৩৬।।।।
20.37
উপগম্য ততঃ ক্ষিপ্রং রাক্ষসী ধান্যমালিনী ।
পরিষ্বজ্য দশগ্রীবমিদং বচনমব্রবীৎ ।। ৫.২০.৩৭।।।।
20.38
ময়া ক্রীড মহারাজসীতয়া কিং তবানয়া ।
অকামাং কাময়ানস্য শরীরমুপতপ্যতে ।ইচ্ছন্তীং কাময়ানস্য প্রীতির্ভবতি শোভনা ।। ৫.২০.৩৮।।।।
20.39
এবমুক্তস্তু রাক্ষস্যা সমুত্ক্ষিপ্তস্ততো বলী ।
জ্বলদ্ভাস্করবর্ণাভং প্রবিবেশ নিবেশনম্ ।। ৫.২০.৩৯।।।।
20.40
দেবগন্ধর্বকন্যাশ্চ নাগকন্যাশ্চ তাস্ততঃ ।
পরিবার্য দশগ্রীবং বিবিশুস্তদ্গৃহোত্তমম্ ।। ৫.২০.৪০।।।।
20.41
স মৈথিলীং ধর্মপরামবস্থিতাংপ্রবেপমানাং পরিভর্ত্স্য রাবণঃ ।
।।
20.42
বিহায় সীতাং মদনেন মোহিতঃস্বমেব বেশ্ম প্রবিবেশ ভাস্বরম্ ।
। ৫.২০.৪১।।