Utshovসর্গ 2
2.1
স সাগরমনাধৃষ্যমতিক্রম্য মহাবলঃ ।
ত্রিকূটশিখরে লঙ্কাং স্থিতাং স্বস্থো দদর্শ হ ॥৫-২-১॥
2.2
ততঃ পাদপমুক্তেন পুষ্পবর্ষেণ বীর্যবান্ ।
অভিবৃষ্টঃ স্থিতস্তত্র বভৌ পুষ্পময়ো যথা ॥৫-২-২॥
2.3
যোজনানাং শতং শ্রীমাংস্তীর্ত্বাপ্যুত্তমবিক্রমঃ ।
অনিঃস্বসন্ কপিস্তত্র ন গ্লানিমধিগচ্ছতি ॥৫-২-৩॥
2.4
শতান্যহং যোজনানাং ক্রমেয়ং সুবহুন্যপি ।
কিং পুনঃ সাগরস্যান্তং সংখ্যাতং শতয়োজনম্ ॥৫-২-৪॥
2.5
স তু বীর্যবতাং শ্রেষ্ঠঃ প্লবতামপি চোত্তমঃ ।
জগাম বেগবান্ লঙ্কাং লঙ্ঘয়িত্বা মহোদধিম্ ॥৫-২-৫॥
2.6
শাদ্বলানি চ নীলানি গন্ধবন্তি বনানি চ ।
গণ্ডবন্তি চ মধ্যেন জগাম নগবন্তি চ ॥৫-২-৬॥
2.7
শৈলাংশ্চ তরুসংচন্নান্ বনরাজীশ্চ পুষ্পিতাঃ ।
অভিচক্রাম তেজস্বী হনুমান্ প্লবগর্ষভঃ ॥৫-২-৭॥
2.8
স তস্মিন্নচলে তিষ্ঠন্বনান্যুপবনানি চ ।
স নগাগ্রে চ তাং লঙ্কাং দদর্শ পবনাত্মজঃ ॥৫-২-৮॥
2.9
সরLআন্ কর্ণিকারাংশ্চ খর্জূরাংশ্চ সুপুষ্পিতান্ ।
প্রিয়াLআন্মুচুLইন্দাংশ্চ কুটজান্ কেতকানপি ॥৫-২-৯॥
2.10
প্রিয়ঙ্গূন্ গন্ধপূর্ণাংশ্চ নীপান্ সপ্তচ্ছদাংস্তথা ।
অসনান্ কোবিদারাংশ্চ করবীরাংশ্চ পুষ্পিতান্ ॥৫-২-১০॥
2.11
পুষ্পভারনিবদ্ধাংশ্চ তথা মুকুLইতানপি ।
পাদপান্ বিহগাকীর্ণান্ পবনাধূতমস্তকান্ ॥৫-২-১১॥
2.12
হংসকারণ্ডবাকীর্ণান্বাপীঃ পদ্মোত্মলায়ুতাঃ ।
আক্রীডান্ বিবিধান্ রম্যান্বিবিধাংশ্চ জলাশয়ান্ ॥৫-২-১২॥
2.13
সংততান্ বিবিধৈর্বঋকৈঃ সর্বর্তুফলপুষ্পিতৈঃ ।
উদ্যানানি চ রম্যাণি দদর্শ কপিকুঞ্জরঃ ॥৫-২-১৩॥
2.14
সমাসাদ্য চ লক্ষ্মীবন্ লঙ্কাং রাবণপালিতাম্ ।
পরিখাভিঃ সপদ্মাভিঃ সোত্পলাভিরলংকৃতাম্ ॥৫-২-১৪॥
2.15
সীতাপহরণার্থেন রাবণেন সুরক্ষিতাম্ ।
সমন্তাদ্বিচরদ্ভিশ্চ রাক্ষসৈরুগ্রধন্বিভিঃ ॥৫-২-১৫॥
2.16
কাঞ্চনেনাবৃতাং রম্যাং প্রাকারেণ মহাপুরীম্ ।
গৃহৈশ্চ গ্রহসংকাশৈঃ শারদাম্বুদসন্নিভৈঃ ॥৫-২-১৬॥
2.17
পাণ্ডুরাভিঃ প্রতোLঈভিরুচ্চাভিরভিসংবৃতাম্ ।
অট্টালকশতাকীর্ণাং পতাকাধ্বজমালিনীম্ ॥৫-২-১৭॥
2.18
তোরণৈঃ কাঞ্চনৈর্দিব্যৈর্লতাপঙ্কিবিচিত্রিতৈঃ ।
দদর্শ হনুমান্ লঙ্কাং দিবি দেবপুরীং যথা ॥৫-২-১৮॥
2.19
গিরিমূর্ধ্নি স্থিতাং লঙ্কাং পাণ্ডুরৈর্ভবনৈঃ শুভৈঃ ।
দদর্শ স কপিশ্রেষ্ঠঃ পুরমাকাশগং যথা ॥৫-২-১৯॥
2.20
পালিতাং রাক্ষসেন্দ্রেণ নির্মিতাং বিশ্বকর্মণা ।
প্লবমানামিবাকাশে দদর্শ হনুমান্ পুরীম্ ॥৫-২-২০॥
2.21
পপ্রপ্রাকারজঘনাং বিপুলাম্বুনবাম্বরাম্ ।
শতঘ্নীশূলকেশান্তামট্টালকবতংসকাম্ ॥৫-২-২১॥
2.22
মন্সেব কৃতাং লঙ্কাং নির্মিতাং বিশ্বকর্মণা ।
দ্বারমুত্তরমাসাদ্য চিন্তয়ামাস বানরঃ ॥৫-২-২২॥
2.23
কৈলাসশিখরপ্রখ্যামালিখ্স্ন্তীমিবাম্বরম্ ।
ডীয়মানামিবাকাশমুচ্ছ্রিতৈর্ভবনোত্তমৈঃ ॥৫-২-২৩॥
2.24
সংপূর্ণাং রাক্ষসৈর্ঘোরৈর্নাগৈর্ভোগবতীমিব ।
অচিন্ত্যাং সুকৃতাং স্পষ্টাং কুবেরাধ্যুষিতাং পুরা ॥৫-২-২৪॥
2.25
দংষ্ট্রিভির্বহুভিঃ শূরৈঃ শূলপট্টিসপাণিভিঃ ।
রক্ষিতাং রাক্ষসৈর্ঘোরৈর্গুহামাশীবিষৈরিব ॥৫-২-২৫॥
2.26
তস্যাশ্চ মহতীং গুপ্তিং সাগরং চ নিরীক্ষ্য সঃ ।
রাবণং চ রিপুং ঘোরং চিন্তয়ামাস বানরঃ ॥৫-২-২৬॥
2.27
আগত্যাপীহ হরয়ো ভবিষ্যন্তি নিররথকাঃ ।
ন হি যুদ্ধেন ব লঙ্কা শক্যা জেতুং সুরৈরপি ॥৫-২-২৭॥
2.28
ইমাং তু বিষমাং দুর্গাং লঙ্কাং রাবণপালিতাম্ ।
প্রাপ্যাপি স মহাবাহুঃ কিম্ করিষ্যতি রাঘবঃ ॥৫-২-২৮॥
2.29
অবকাশো ন সান্ত্বস্য রক্ষসেষ্বভিগম্যতে ।
ন দানস্য ন ভেদস্য নৈব যুদ্ধস্য দৃশ্যতে ॥৫-২-২৯॥
2.30
চতুর্ণামেব হি গতির্বানরাণাং মহাত্মনাম্ ।
বালিপুত্রস্য নীলস্য মম রাজ্ঞশ্চ ধীমতঃ ॥৫-২-৩০॥
2.31
যাবজ্জানামি বৈদেহীং যদি জীবতি বা ন বা ।
তত্রৈব চিন্তয়িষ্যামি দৃষ্ট্বা তাং জনকাত্মজাম্ ॥৫-২-৩১॥
2.32
ততঃ স চিন্তয়ামাস মুহূর্তং কপিকুঞ্জরঃ ।
গিরিশৃঙ্গে স্থিতস্তস্মিন্ রামস্যাভ্যুদয়ে রতঃ ॥৫-২-৩২॥
2.33
অনেন রূপেণ ময়া ন শক্যা রক্ষসাং পুরী ।
প্রবেষ্টুং রাক্ষসৈর্গুপ্তা ক্রূরৈর্বলসমন্বিতৈঃ ॥৫-২-৩৩॥
2.34
উগ্রৌজসো মহাবীর্যা বলবন্তশ্চ রাক্ষসাঃ ।
বঞ্চনীয়া ময়া সর্বে জানকীং পরিমার্গতা ॥৫-২-৩৪॥
2.35
লক্ষ্যালক্ষ্যেণ রূপেণ রাত্রৌ লঙ্কা পুরী ময়া ।
প্রবেষ্টুং প্রাপ্তকালং মে কৃত্যং সাধয়িতুং মহৎ ॥৫-২-৩৫॥
2.36
তাং পুরীং তাদৃশীং দৃষ্ট্বা দুরাধর্শাং সুরাসুরৈঃ ।
হনুমান্ চিন্তয়ামাস বিনিশ্চিত্য মুহুর্মুহুঃ ॥৫-২-৩৬॥
2.37
কেনোপায়েন পশেয়ং মৈথিলীং জনকাত্মজাম্ ।
অদৃষ্টো রাক্ষসেন্দ্রেণ রাবণেন দুরাত্মনা ॥৫-২-৩৭॥
2.38
ন বিনশ্যেত্কথং কার্যং রামস্য বিদিতাত্মনঃ ।
একামেকশ্চ পশ্যেয়ং রহিতে জনকাত্মজাম্ ॥৫-২-৩৮॥
2.39
ভূতাশ্চার্থা বিপদ্যন্তে দেশকালবিরোধিতাঃ ।
বিক্লবং দূতমাসাদ্য তমঃ সূর্যোদয়ে যথা ॥৫-২-৩৯॥
2.40
অর্থানর্থান্তরে বুদ্ধির্নিশ্চিতাপি ন শোভতে ।
ঘাতয়ন্তি হি কার্যাণি দূতাঃ পণ্ডিতমানিনঃ ॥৫-২-৪০॥
2.41
ন বিনশ্যেত্কথং কার্যং বৈক্লব্যম্ ন কথং ভবেৎ ।
লঙ্ঘনং চ সমুদ্রস্য কথং নু ন বৃথা ভবেৎ ॥৫-২-৪১॥
2.42
ময়ি দৃষ্টে তু রক্ষোভী রামস্য বিদিতাত্মনঃ ।
ভবেদ্ব্যর্থমিদং কার্যং রাবণানর্থমিচ্ছতঃ ॥৫-২-৪২॥
2.43
ন হি শক্যং ক্বচিৎ স্থাতুমবিজ্ঞাতেন রাক্ষসৈঃ ।
অপি রাক্ষসরূপেণ কিমুতান্যেন কেনচিৎ ॥৫-২-৪৩॥
2.44
বায়ুরপ্যত্র নাজ্ঞাতশ্চরেদিতি মতির্মম ।
ন হ্যস্ত্যবিদিতং কিংচিদ্রাক্ষসানাং বলীয়সাম্ ॥৫-২-৪৪॥
2.45
ইহাহং যদি তিষ্ঠামি স্বেন রূপেণ সংবৃতঃ ।
বিনাশমুপয়াস্যামি ভর্তুরর্থশ্চ হীয়তে ॥৫-২-৪৫॥
2.46
তদহং স্বেন রূপেণ রজন্যাং হ্রস্বতাং গতঃ ।
লঙ্কামভিপতিষ্যামি রাঘবস্যার্থসিদ্ধয়ে ॥৫-২-৪৬॥
2.47
রাবণস্য পুরীং রাত্রৌ প্রবিশ্য সুদুরাসদাম্ ।
বিচিন্বন্ ভবনং স্র্বং দ্রক্ষ্যামি জনকাত্মজাম্ ॥৫-২-৪৭॥
2.48
ইতি সংচিন্ত্য হনুমান্ সূর্যস্যাস্তময়ং কপিঃ ।
আচকাংক্ষে ততো বীরো বৈদেহ্যা দ্রশনোতুসকঃ ॥৫-২-৪৮॥
2.49
সূর্যে চাস্তং গতে রাত্রৌ দেহং সংক্ষিপ্য মারুতিঃ ।
বৃষদংশকমাত্রঃ সন্ বভূবাদ্ভুতদর্শনঃ ॥৫-২-৪৯॥
2.50
প্রদোষকালে হনুমাংস্তূর্ণমুত্প্লুত্য বীর্যবান্ ।
প্রবিবেশ পুরীং রম্যাং সুবিভক্তমহাপথাম্ ॥৫-২-৫০॥
2.51
প্রাসাদমালাবিততাং স্তম্ভৈঃ কাঞ্চনরাজতৈঃ ।
শাতকুম্ভময়ৈর্জালৈর্গন্ধর্বনগরোপমাম্ ॥৫-২-৫১॥
2.52
সপ্তভৌমাষ্টভৌমৈশ্চ স দদর্শ মহাপুরীম্ ।
তলৈঃ স্ফতিকসংকীর্ণৈঃ কার্তস্বরবিভূষিতৈঃ ॥৫-২-৫২॥
2.53
বৈডূর্যমণিচিত্রৈশ্চ মুক্তাজালবিভূষিতৈঃ ।
তলৈঃ শুশুভিরে তানি ভবনান্যত্র রক্ষসাম্ ॥৫-২-৫৩॥
2.54
কাঞ্চনানি চ চিত্রাণি তোরণানি চ রক্ষসাম্ ।
লঙ্কামুদ্দ্যোতয়ামাসুঃ সর্বতঃ সমলংকৃতাম্ ॥৫-২-৫৪॥
2.55
অচিন্ত্যামদ্ভুতাকারাং দৃষ্ট্বা লঙ্কাং মহাকপিঃ ।
আসীদ্বিষ্ণ্ডো হৃষ্টশ্চ বৈদেহ্যা দর্শনোত্সুকঃ ॥৫-২-৫৫॥
2.56
স পাণ্ডুরাবিদ্ধবিমানমালিনীং ।
মহার্হজাম্বূনদজালতোরণাম্ ।যশস্বিনীং রাবণবাহুপালিতাং ।ক্ষপাচরৈর্ভিমবলৈঃ সমাবৃতাম্ ॥৫-২-৫৬॥
2.57
চন্দ্রোঽপি সাচিব্যমিবাস্য কুর্বং ।
স্তারাগণৈর্মধ্যগতো বিরাজন্ ।জ্যোত্স্নাবিতানেন বিতত্য লোক ।মুত্তিষ্ঠতে নৈকসহস্ররশ্মিঃ ॥৫-২-৫৭॥
2.58
শঙ্খপ্রভং ক্ষীরমৃণালবর্ণ ।
মুদ্গচ্ছমানং ব্যবভাসমানম্ ।দদর্শ চন্দ্রং স হরিপ্রবীরঃ ।প্লোপ্লূয়মানং সরসীব হংসম্ ॥৫-২-৫৮॥